Извршниот директор на „Ауди“, кој бил страствен планинар, паднал на повеќе од 3.000 метри вчера во смртоносна несреќа на само неколку километри од италијанско-швајцарската граница, според извештаите.

Фабрицио Лонго (62), кој раководи со операциите на компанијата за луксузни автомобили во Италија, се искачувал на врвот на Адамело во северна Италија кога паднал во близина на врвот, објавија неколку европски медиуми.

Спасувачките екипи излегле на местото на настанот откако друг алпинист бил сведок на несреќата и повикал помош. Хеликоптерски тим го пронашол телото на Лонгo на околу 200 метри во внатрешноста на клисурата. Констатирана е смрт на лице место. Неговото тело било пренесено во блискиот италијански град Карисоло.

Лонго е на чело на „Ауди“ во Италија од 2013 година. Во 1987 година ја започна својата кариера во автомобилската индустрија во италијанскиот производител на автомобили Фиат, каде што работеше во маркетинг.

Петнаесет години подоцна му се придружил на ривалскиот италијански производител на автомобили, Ланчиа. Лонго беше добро познат во заедницата за зимски спортови.

Меѓународната федерација за скијање и сноуборд објави соопштение во кое жали за неговата смрт. Флавио Рода, шеф на федерацијата, ја нарече смртта на Лонго „ужасна загуба за федерацијата која со години работеше плодно со Лонго“.

„Фабрицио Лонго го води брендот Audi во Италија со голем успех од 2013 година, потврдувајќи го лидерството на брендот во премиум сегментот 11 последователни години. Лонго е личност со голем интегритет, култура, способност и чувствителност. Тој беше извор на непоколеблива поддршка. Неговите силни вредности и вистинската грижа за секој од нив создадоа работно место исполнето со топлина и почит – изјави портпаролот на „Ауди“ за „Њујорк пост“.

The post Загина извршниот директор на „Ауди“ во Италија: Страствениот планинар падна од висина од 3.000 метри appeared first on Република.

Центарот за управување со кризи (ЦУК) попладнево информира дека планинар кој паднал во провалија се здобил со тешки повреди на главата, тим „тигри“ го извлекле од местото на несреќата, со хеликоптер бил пренесен до ГОБ “8-ми Септември” каде е констатирана смрт.

Денеска околу 12.30 часот на бројот за итни повици 112 во ЦУК вознемирен планинар пријавил дека едно лице од седумчлената планинарска група паднало во провалија длабока педесетина метри.

При падот се здобило со сериозни повреди на главата, крвари од главата и е во несвесна состојба.

Несреќата се случила на територијата на Општина Маврово-Ростуше, пред изворот на Тресонечка Река во близина на месноста „Раскрсницата“. Теренот е непристапен за возила поради што Итната медицинска помош не била во можност да се упати кон местото на настанот.

Од страна на ЦУК веднаш е упатено барање за ангажман на хеликоптер на МВР, а од нивна страна дополнително е ангажиран тим од Специјалната антитерористичка единица (САЕ) „Тигар“, за извлекување на настраданото лице, качување во хеликоптер како и транспорт до болница.

Повреденото лице кое не давало знаци на живот, во многу тешки услови за лебдење на хеликоптерот, со силен ветер, високи дрвја и стрмни падини на местото на несреќата, со придружба на специјалец од “САЕ Тигар”, е качено во полицискиот хеликоптер и пренесено до ГОБ “8-ми Септември” во Скопје, каде од страна на докторите е констатирана смрт, информираат од ЦУК.

The post Загина планинар, паднал во провалија, го извлекле „тигрите“ и со хеликоптер бил пренесен во ГОБ „8 Септември“ appeared first on Република.

Регионалниот ЦУК Битола информира дека од Министерството за внатрешни работи (МВР) - СВР Битола има известување кај месноста „Ловечка куќа“ на планината Пелистер имало починато лице (планинар). Според првите сознанија, се работело за повозрасно лице од Скопје, со иницијали А.С..

Центарот за управување со кризи (ЦУК) веднаш ја известил Дирекцијата за заштита и спасување (ДЗС) од Битола коишто имаат тим за интервенции во планински услови, за истиот тим да го ангажираат и телото на починатото лице да го транспортираат до првото место каде што може да дојде возило на Итна медицинска помош за да го преземе.

За подобра координација, од ЦУК е направен и контакт помеѓу дежурните лица во МВР-СВР Битола и ДЗС ПО Битола. Екипа на МВР треба да изврши увид.

Инаку, местото каде што било пронајдено лицето било на околу 2.000 метри надморска височина.

The post Почина планинар на Пелистер, во тек е евакуација на телото appeared first on Република.

Денеска околу 17 часот полициски службеници од Хеликоптерската единица за полициски намени и Алпинистичкиот тим од Одделот за специјални полициски операции – САЕ Тигар успешно спроведоа спасувачка акција на Осоговските планини, откако во попладневните часови било пријавено дека лице кое планинарело се здобило со повреди и не можело да се движи.

Веднаш по добиената пријава, Алпинистичкиот тим на САЕ Тигар со хеликоптер пристигна на местото на несреќата, го подготви повреденото лице за транспорт и со хеликоптерот од Хеликоптерската единица за полициски намени го пренесе до хелиодромот во Комплекс клиники „Мајка Тереза” во Скопје каде е предадено за укажување лекарска помош.

https://youtu.be/armmi3uf5Zw

The post Спасен повреден планинар на Осоговските планини appeared first on Република.

Телото на Д.Г.(55) српскиот планинар, пронајдено е вчера во Бугарија, на планината Пирин, а неговите колеги од планинарскиот клуб Љуктен, откриваат дека никој не знаел дека Д.Г ќе оди во Бугарија!

Отиде на Шар планина и требаше одма после тоа да се врати во Трстеник, Никој немаше поим дека ќе оди во Бугарија, вели пријател на несреќниот човек.

Тој беше исклучителен човек, голем, Затоа претпоставувавме дека го видел телото на бугарскиот турист и дека тргнал по него, да му помогне, мислејќи дека е жив. Најверојатно така страдал - додава тој.

Како што веќе објавуваа медиумите, се претпоставува дека Д.Г отишол на Пирин да го бара пријателот П.Х.(68), но се испоставило дека тој бил мртов веќе осум дена.

The post Ова е српскиот планинар пронајден мртов во Бугарија: Се огласија неговите пријатели, изненадени што отишол таму appeared first on Република.

По неколкудневна потрага е пронајдено телото на бугарскиот турист Пламен Христов, кој исчезна пред една недела. Телото е пронајдено под врвот Вихрен на планината Пирин, Бугарија, а до него е пронајдено уште едно тело на маж, кое не е идентификувано, но се претпоставува дека е македонски државјанин бидејќи како него се пронајдени македонски денари.

Информацијата ја објави електронското издание „24 часа“. Полицијата ги проверува хотелите во Банско и Сандански. Ниту еден маж од областа не е пријавен за исчезнат во локалната полиција.

Телата ги пронашле планинските спасувачи од Банско, Разлог и Сандански. Едното тело е на Пламен Христов, а се претпоставува дека вториот човек го видел паднатиот бугарски турист и се обидел да му помогне.

Засега не може да се користи хеликоптер за да се извлечат двете тела бидејќи постои опасност за летање во тој реон. Во моментот, се подготвуваат 20 планинарски спасувачи да реализираат акција за извлекување на телата за што ќе бидат потребни најмалку 15 часа.

МИА го контактираше македонското Министерство за надворешни работи, но оттаму не информираа дека засега немаат информација за починат македонски државјанин во Бугарија.

The post Пронајдено телото на Пламен Христов, до него уште едно тело за кое се претпоставува дека е македонски државјанин appeared first on Република.

Моделот Стефан Спирковски е еден од двајцата повредeни кои паднаа во бездна возејќи се со четирицикл, пред два дена на планината Караџица.

Тој денеска се обрати преку видео порака на социјалната мрежа Инстаграм. Вели дека заедно со сестра му и со друштво на други брат и сестра и нивниот татко, со три квадрицикли биле во Бегово Поле.

На враќање, Илина, другарката на сестра ми, сакаше да вози. Јас бев совозач, на една кривина излетавме и паднавме во провалија длабока некои 50 метри. Среќа што имавме кациги. Ситуацијата беше страшна. Удрив во еден камен. Се имав задржано на две гранки, и така чекав некои 4 часа да дојдат од Пожарната служба и од Црвен крст, мислам. Ме ставија на кревет и со дигалка ме креваа нагоре. Можеше да биде многу полошо – вели тој и најави дека следен пат ќе се обрати кога ќе излезе од болница, зашто при падот му се скршил и телефонот.

 

View this post on Instagram

 

A post shared by Stefan Spirkovski (@stefan_spirkovski)

The post Се држев на 2 гранки и 4 часа чекав помош: Познатиот македонски модел е еден од двајцата што паднаа во бездна на Караџица appeared first on Република.

Пронајдени се двете лица кои беа исчезнати на падините од карпа на Шар планина во реонот кај Титoв Врв.

Од страна на раководителот на РЦУК Тетово сме известени дека комаднирот од Специјалната единица на МВР кој во текот на спасувачката акција се здоби со тешки телесни повреди е извлечен од местото на настанот и моментално со возило е упатен Клиничкиот центар.

Второто пронајдено лице е починато и истото сеуште се наоѓа на местото на настанот. За истото да биде пренесено ќе треба претходно да се извршат соодветни процедури, велат од ЦУК.

The post Почина планинарот паднат во провалијата под Титов Врв appeared first on Република.

Пронајден е планинарот по кој се трагаше од синоќа откако беше пријавено дека паднал од карпа во реонот кај Титов Врв. Синоќа околу 20 часот беше пронајден и планинарот кој извести за несреќата и тој околу три часот ноќеска е пренесен во болница заедно со началникот на СВР Тетово кој исто така се здобил со телесни повреди, информираа изутринава од Центарот за управување со кризи.

Пронајдени се двете лица кои беа исчезнати на падините на Шарпланина во реонот кај Титив Врв. Едното лице, јавувачот на настанот, е пронајдено некаде по 20 часот и тоа од кај страната на Титов Врв околу три часот е пренесено кон Попова Шапка, а потоа и во болница. Заедно со него во болница е пренесен и началникот на СВР Тетово кој се здобил со телесни повреди. Со цел пронаоѓање на другото лице, екипа од припадници на специјалната единица на МВР беше упатена кон местото на настанот од другата страна односно преку Лешница и по неколку часови успеале да го лоцираат и пронајдат и второто лице кое паднало од карпа, стои во информацијата на фејсбук страницата на ЦУК.

Акцијата за спасување почна синоќа  по добиен повик за итен случај на 112 откако  едниот од планинарите паднал од карпа во провалија. 

The post Пронајден планинарот кој падна од карпа кај Титов Врв appeared first on Република.

Денеска, Региналниот центар за управување со кризи РЦУК Тетово, извести дека утрово од Полициска станица Стрезимир биле известени дека 60-годишен член на група од 18 планинари добил инфракт, додека се движеле по планинска патека на повисоките делови од Кораб, поточно местото на настанот е на локација на еден километар над ПС Стезимир. Случајот го пријавил планинар кој дошл до Полицска станица Стрезимир, заради тоа што во таа таа област немало мобилно телефонско мрежно покривање. Покрената е спасителна акција. Но, за жал и на терен во планината со спасителната група од полицајци и планинари, а потоа и по прегледот од страна на лекарската екипа од Брза помош е констатирано дека планинарот којшто добил инфаркт веќе бил починат.

Конкретно, од страна на Полициска станица – Караула Стрезимир било пратено едно возило со двајца полицајци до место каде што патот бил прооден за возило. Потоа, полицајците и групата палнинари продолжиле нагоре пеш за да се сретнат со планинарите, коишто го извлекувале човекот кој добил инфаркт, за да помогнат и надолу да го пренесат до теренското возило, а потоа и до можно место за превоз со медицинско возило, односно да се сретнт со возилото на Брзата помош. Практично, во меѓувреме била информирана Брзата помош од Гостивар што пратила едно возило, за да се добие во време и да се искористи проодноста на патот до каде може нивното возило да се движи. Но, за жал и при првиот контакт на терен во планината со спасителната група од полицајци и планинари и по прегледот од страна лекарската екипа од Брза помош, со која се пресретнале на патот каде можело нивното возило да се движи, е констатирано дека планинарот којшто добил инфаркт веќе бил починат. Но, за да сето тоа да биде и согласно процедурите за такви случаи, е потребно на место на настанот, покрај присутност и медицинска констатација на доктор од брза помош, да се чека да пристигне и јавен обвинител од Гостивар.

The post Трагедија: Почина планинар на Кораб appeared first on Република.

Планинарската трка на планината Фалакро во грчка Драма заврши со трагедија, бидејќи еден од планинарите загинал при удар на гром, додека другиот натпреварувач е во тешка состојба, јави грчкиот јавен сервис „ЕРТ“.

Третиот алпинист, кој цела ноќ останал со загинатиот и повредениот тркач, покажал знаци на хипотермија, а со нив била и жена која во шок била однесена дома.

Во акцијата за спасување учествувале 14 пожарникари со пет возила.

Повредените мажи со хеликоптер биле пренесени во Крисупола, а потоа во болницата во Кавала.

Трката почна во саботата навечер, во подножјето на Фалакрос, а поразениот тим бил блиску до целта кога се случил фаталниот удар од гром.

The post Трагедија во Грција, гром усмрти планинар appeared first on Република.

Хрватската планинска спасувачка служба соопшти дека утрово е завршена една од најтешките спасувачки операции кои ги организирала и дека е спасен повреден планинар кој се лизнал низ падина од 150 метри на највисокиот врв на Велебит (Вагански врв).

Во акцијата учествувале 27 спасувачи од Госпиќ, Задар, Сплит и Истра. Повредениот планинар се наоѓал на многу непристапен терен, а акцијата за спасување траела речиси девет часа.

Спасувачите објавија и детал на Фејсбук кој ги воодушеви сите. Имено, заедно со планинарот се лизнало и неговото куче. Тоа не било повредено и се свиткало покрај планинарот, греејќи го со своето тело цели 13 часа.

Од овој пример, сите можеме да научиме како да се грижиме еден за друг, напишаа спасувачите.

The post Куче 13 часа со своето тело греело повреден планинар appeared first on Република.