Во американскиот град Питсбург, околу 6 часот по локално време, се урна мост, а спасувачките служби веднаш пристигнале на местото на настанот.

Полицијата соопшти дека се повредени три лица и дека повредите не се опасни по живот, како и дека проверуваат дали некој останал под урнатините. Засега нема информации дека некој загинал при уривањето на мостот.

Фотографиите од местото на несреќата покажуваат дека автобус останал да виси на делот од мостот кој се урна.

https://twitter.com/TheSWPrincess/status/1487087455778086916

Во воздухот се чувствувал силен мирис на гас, поради што гасоводот е затворен.

Во меѓувреме, возилата биле извадени од урнатините на мостот. Надлежните апелираат граѓаните да го избегнуваат тој дел бидејќи во делот на урнатиот мост работат итните служби.

https://twitter.com/WPXITonyRuffolo/status/1487056612627992579

Пенсилванија има 3.353 мостови во лоша состојба. Според нацрт-законот поддржан и од демократите и од републиканците, Пенсилванија треба да добие 1,63 милијарди американски долари помош од федералната влада во следните две години за обнова на мостовите.

The post Се урна мост во Питсбург, најмалку тројца повредени appeared first on Република.