Питон долг пет метри проголтал жена во централниот дел на Индонезија. Жената била пронајдена мртва во стомакот на питонот, соопштија денеска локалните власти.

Сопругот на 45 годишната жена и жителите на селото Калемпанг во провинцијата Јужен Сулавеси ја откриле во петокот во телото на мрежест питон, пренесува Бета.

Жената, мајка на четири деца, исчезнала во четвртокот вечерта и по неа е започната потрага. Локалните жители ја пребарале областа и брзо забележале „питон со голем стомак“. Одлучиле да и го отворат стомакот на змијата и внатре ја нашле мртвата жена.

Ваквите инциденти се исклучително ретки, но во изминатите години се регистрирани и други случаи Индонезија на луѓе проголтани од питони. Минатата година жителите на областа Тинангеа во југоисточниот дел на Сулавеси убиле осумметарски питон кој задавил и изел локален жител.

Во 2018 година, 54-годишна жена била пронајдена мртва во стомакот на седумметарски питон во градот Муна, во југоисточниот дел на Сулавеси. Во Западен Сулавеси, пак, во 2017 година, питон долг четири метри проголтал селанец на плантажа со палмово масло.

The post Питон од пет метри проголтал жена во Индонезија appeared first on Република.

Кралски питон долг метар и пол е откриен во шумска област во близина на паркинг во Виена, соопшти денеска полицијата на австриската престолнина. Змијата ја забележал полицаец кој веднаш ја подигнал од земја и ја предал на службата за спасување животни, соопшти полицијата.

Се претпоставува дека рептилот бил напуштен бидејќи бил во прилично лоша состојба кога бил пронајден. Не се обидел да побегне или да го нападне полицаецот што го видел. Кралските питони потекнуваат од Западна и Централна Африка. Тие не се отровни и се сметаат за релативно мирни животни.

Тие често се чуваат во терариуми како егзотични миленичиња кои се хранат со глувци, стаорци и птици кои се убиваат во дивината со нивниот моќен стисок. Животниот век на питонот е околу 30 години. Во терариум, тие растат до максимална должина од еден и пол метар.

The post На паркинг во Виена пронајден питон долг 1,5 метар: „Изгледа дека е напуштен“ appeared first on Република.

Човек (45) од Торонто е уапсен откако во текот на улична тепачка нападнал друг маж со питон.

Полицијата претходно добила пријава дека маж им се заканувал на минувачите со змија во близина на една крстосница малку пред полноќ.

Дошло до физичка пресметка и мажот го употреби питонот да ја нападне жртвата“, се наведува во соопштение од полицијата.

На видеото кое кружи на социјалните мрежи се гледа како мажот замавнува со змијата и со неа го удира другиот маж. Жртвата се обидува да се одбрани, но мажот продолжува да го тепа со змијата.

https://twitter.com/crazyclipsonly/status/1657482303906480130?ref_src=twsrc%5Etfw%7Ctwcamp%5Etweetembed%7Ctwterm%5E1657482303906480130%7Ctwgr%5E66c7dbc8a3bba6760c3ba2e896934c7cb4b2f305%7Ctwcon%5Es1_&ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2Fcrazyclipsonly2Fstatus2F1657482303906480130widget%3DTweet

Набрзо потоа доаѓа полицијата и ја прекинува тепачката и ги тера мажите да легнат на земја. На видеото се гледа како питонот се обидува да побегне.

Мажот е обвинет за напад со оружје и злоставување на животното. Се појавил пред судот по пат на видеолинк и одреден му е притвор.

The post Ова е најлудата улична тепачка на сите времиња: Со жив питон го млати противникот appeared first on Република.

The post „Возбуден питон“: Дали сте ја пробале оваа поза? appeared first on Република.

Питонот Лејди Кали живее во директорска канцеларија во Добрич. Змијата која е од заштитен вид е жртва на нелегална трговија и завршила во зоолошката градина во бугарскиот град Добрич, каде што директорот, Христијан Христов, ја засолнил во својата канцеларија.

Таму спасот го нашле уште неколку егзотични животни, а идејата е да се создаде куќа во која тие слободно ќе живеат.

Женскиот питон Лејди Кали веќе шест месеци е под заштита на директорот на Центарот за заштита на природата и животните во Добрич.

Змијата беше атрактивен подарок за ексцентрична дама, прошверцувана во нашата земја. Една госпоѓа реши да биде малку поалтернативна со своето милениче и избра да земе дома змија - мал питон долг 50 сантиметри кој е увезен од странство. Но, тогаш сфати дека е многу тешко да се грижи за такво животно кое прво, бара многу грижа и, второ, дека всушност бара документи за потекло, кои животното всушност ги нема“, изјави Христов за БНТ.

Денес, питонот е стар 4,5 години и долг 3,7 метри.

Змијата не е отровна, но има силен, силен загриз со стотици заби во устата, за разлика од отровните змии“, вели Христов.

Христијан ѝ дозволува на змијата да шета низ неговата канцеларија, но внимава да се одржува константна соодветна температура.

Таа постојано е чувана во овој прилагоден терариум. Кога дојде кај нас, немаше соодветен контролер, термостат, штитник за грејач, а всушност самата змија има неколку траги од изгореници“, вели Христов.

https://www.youtube.com/watch?v=v13tP70qL0Q

The post Питон долг 3,7 метри живее во директорска канцеларија во Бугарија appeared first on Република.

Австралиецот Мартин Милер снимил неверојатна сцена со кајак во градот Маунт Иса во Квинсленд. Тој го „уловил“ моментот кога маслинест питон, втората по големина змија во Австралија, проголтала крокодил.

Иако многумина може ќе помислат дека дека крокодилот би победил во ваква битка, змијата, сепак, се покажала посилна.

The post Фантастична природа: „Фатен“ моментот кога огромен питон совладува и проголтува крокодил appeared first on Република.