Кривична пријава е поднесена против стружанка, поради сомнение дека ги присилила нејзините деца да питачат во Дебар, соопшти попладнево Министерството за внатрешни работи.

- ОВР Дебар поднесе кривична пријава против С.Н., на возраст од 38 години, поради постоење основи на сомнение за сторено кривично дело „запуштање и малтретирање на дете“. Пријавената, со запоставување на својата родителска должност за грижа и воспитување, своите три малолетни деца ги присилила да питачат во Дебар.

The post Maјка од Струга ги праќала своите деца на „привремена работа“ да питачат во Дебар appeared first on Република.

Полициски службеници од СВР Битола и претставници од Меѓуопштински центар за социјални работи Битола на 19 декември во 12.00 часот на пешачка зона кај објект „Борово“ во Битола ја затекнале 26-годишната Е.У. од Битола како питачи, држејќи го нејзиното двегодишно дете во рацете завиткано во кебе.

Подоцна е утврдено дека нејзините четири други деца на возраст од 4,5,6,7 години, ги оставила сами во нивниот дом.

Полициските службеници го одзеле двегодишното дете со потврда и го предале на претставниците од МЦСР Битола, за натамошно преземање на мерки за заштита и згрижување.

The post Двегодишно дете одземено од мајка му во Битола appeared first on Република.

ОВР Дебар поднесе кривична пријава против С.Р.(28) од Скопје и В.И.(22) од Куманово поради постоење основи на сомнение за сторенo кривичнo делo „запуштање и малтретирање дете“. Тие ја запоставиле својата должност за грижа и воспитување и ги запуштиле своите малолетни деца, кои на 24.11.2023 на улица „1 Мај“ во Дебар биле затекнати при питачење

The post Родители од Дебар ги оставиле своите деца да питачат appeared first on Република.

Полициските службеници од Одделението за внатрешни работи - Дебар привеле три лица кои принудувале деца на питачење.

-Вчера во 11:40 часот, во ОВР Дебар, приведени се С.Д.(33), Д.М.(27), двајцата од Скопје како и В.И.(22) од Куманово. При извршени контроли на улицата „1 мај“ во Дебар, полициските службеници ги затекнале пријавените како на питачење наведуваат малолетни лица, информираше Стефан Димоски, портпарол на Секторот за внатрешни работи-Охрид.

Според него по извршени разговори во присуство на претставник на Центарот за социјални работи од Дебар и по целосно документирање на настанот, против нив ќе бидат поднесени соодветни пријави.

И покрај преземените мерки од страна на полициските службеници, во градот редовна е појавата на питачење. Станува збор за деца но и возрасни кои тука доаѓаат главно од Прилеп, Велес и Гостивар.

The post Три лица приведени во Дебар, принудувале деца на питачење appeared first on Република.

Одделението за внатрешни работи поднесе кривична пријава против стружанка која ги поттикнувала децата на питачење во Дебар.

Кривична пријава е поднесена против С.Н.(37) од Струга, поради постоење основи на сомнение за сторено кривично дело „запуштање и малтретирање на дете“. Таа, ја запоставила својата родителска должност за грижа на двете малолетни ќерки и свесно ги поттикнувала да вршат питачење со цел стекнување противправна имотна корист, информираше Стефан Димоски, портпарол на Секторот за внатрешн работи-Охрид.

Појавата на питачење, не само на малолетни деца, туку на возрасни по улиците во градот, е појава во која најчесто се лица од ромска националност од Велес, Прилеп и Гостивар.

Освен на улица тие одат по домови, но и во угостителски објекти барајќи пари. По бројност најмногу ги има во летниот период кога во родниот крај се печалбарите, како и во саботите кога во Дебар е пазарен ден.

The post Кривична пријава против мајка што си ги терала девојчињата на питачење appeared first on Република.

На подрачјето на Аеродром-Скопје вчера во 17.30 часот, полициски службеници од Единицата за внатрешни работи Аеродром и Драчево ја лишиле од слобода Л.С.(46) од Скопје осомничена за сторено кривично дело „запуштање и малтретирање на малолетно лице“ по член 201 од Кривичниот законик.

Претходно, истиот ден, на крстосницата од бул.„Србија“ со бул.„Јане Сандански“ биле затекнати нејзините две малолетни деца како питачат.

Претставници на Центар за социјални работи извршиле службен разговор со малолетниците, а исто така и со неа бил извршен службен разговор во полициска станица, во кој таа во целост го појасни начинот на извршувањето на делото. По целосно документирање на случајот ќе следи соодветна пријава, соопштија денеска од МВР.

The post Уапсена жена што си ги терала децата да питачат низ Аеродром appeared first on Република.