Неприфатливо е дозволувањето на оваа влада, да се мешаат соседните држави во нашите внатрешни работи, па сега откако ќе ги исполниме критериумите за ЕУ, да мора да ги исполниме и критериумите на Петков, кои се за негова домашна употреба. Петков штити свои државни интереси, проблемот е што недостасува заштита на македонските интереси, вели претседателот на ВМРО-ДПМНЕ Христијан Мицкоски, на денешната прес конференција.

Мицкоски потенцираше дека доколку има отворање на Уставот со кој би се предвидувал дел од бугарскиот народ да биде вклучен во преамбулата ВМРО-ДПМНЕ нема да го поддржи без претходни писмени гаранции за нашата историја, за македонски јазик, без вештачки фусноти, за нашата посебност и културна различност.

Зад овие интереси не стои нашата држава и нејзините институции. И ако условот е да се исполнат сите бугарски барања кои ќе значат исполнување на нивната бугарска декларација, на наша штета, тоа е нешто со кое ВМРО-ДПМНЕ никогаш нема да се согласи ниту пак да се помири. И ако има отворање на Уставот чин со кој е предвидено дел од бугарскиот народ да биде вклучен во преамбулата на истиот ВМРО-ДПМНЕ нема да го поддржи без претходни писмени гаранции за нашата историја, за нашиот македонски јазик, без вештачки фусноти, за нашата посебност и културна различност. Повторувам, да се знае сега, нема тоа да го поддржиме и нема тоа да помине, нагласи тој.

Јас сум апсолутно свесен, додава тој, дека Ковачевски е подготвен да потпише се само чека да види дали Петков ќе може тоа да го помине во Бугарија.

И тоа најверојатно во овој пластелин, наш вештачки парламент ќе помине, но за промени во Уставот им требаат две третини, тоа ВМРО-ДПМНЕ нема да го дозволи. Слушаме за чувствата на Бугарите, слушаме за приказните на Петков за добрососедство чии дела не ги гледаме, слушаме и за канонадата на асимилаторски изјави за кои никој во државата не реагира, за лекциите за исполнети критериуми, исполнети прашалници, а го поставил ли некој прашањето за чувствата на Македонците во Македонија, на овој народ кој скаменето чека за иднина која ја нема, и бара достоинство кое му го продаваат, и за Европа која никако да дојде, рече Мицкоски.

Мицкоски испрати порака до македонскиот народ за обединување и висока свесност за состојбите, зошто секоја грешка од сега понатаму како што додаде тој ќе биде скапо платена.

Овие работи иако болат, мора да се знаат. Исто како што треба да се знае дека за секој чекор на ВМРО-ДПМНЕ потребно е национално единство и обединување. Барам и испраќам до народот на Македонија порака на обединување и висока свесност за состојбите, зошто секоја грешка од сега понатаму ќе биде скапо платена. Овие 100 дена на живот во национална катастрофа, е и живот исполнет со криминал и скандали, изјави Мицкоски.

The post ВМРО-ДПМНЕ нема да поддржи отворање на Уставот без писмени гаранции за македонската историја, македонски јазик, без вештачки фусноти appeared first on Република.

Ковачевски е спремен да дава писмени гаранции на Бугарија, а молчи за барањето на ВМРО-ДПМНЕ да потпише и да застапува писмени гаранции за македонскиот идентитет, јазик и историја, се вели во партиското соопштение на опозициската ВМРО-ДПМНЕ.

-Ковачевски и СДСМ молчат за овој предлог на ВМРО-ДПМНЕ кој е во насока на зацврстување на државните позиции и интереси. Да потсетиме, СДСМ одби и подадена рака од страна на опозицијата да се изгласа Декларација за Гоце Делчев во Собранието по повод јубилејот 150 години од неговото раѓање. Ова отвора големи сомнежи дека власта на СДСМ се подготвува да направи многу повеќе од внесувањето на Бугарите во македонскиот Устав. Постои сериозна опасност СДСМ и Ковачевски да прифатат позициите на бугарското Собрание да станат составен дел од преговарачката рамка. Овие позиции се крајно негаторски и неповолни за Македонија и доколку станат дел од преговорите тогаш или ќе дојде до идентитетско обезличување или до бесконечни преговори. Затоа ВМРО-ДПМНЕ бара од Ковачевски да прифати и да застапува гаранции, бидејќи кога може да му дава гаранции на Кирил Петков, тогаш мора и на својот народ да му гарантира дека никој нема да го обезличува и нема да го попречува со апсурдни оспорувања патот на Македонија кон ЕУ, истакнуваат од ВМРО-ДПМНЕ.

Во исто време ВМРО-ДПМНЕ бара широка интелектуална и општествена поддршка, бидејќи постои опасност доколку се случи прифаќање на одредени отстапки сега, да дојде до несогледливи последици за Македонија, додаваат од таму.

The post Зошто власта бега од писмени гаранции во преговорите со Бугарија? appeared first on Република.