Полициски службеници од ОВР Демир Хиса го лишиле од слобода С.Ф.(36) од село Суводол, демирхисарско, соопштија денеска од МВР.

Имено, во ОВР Демир Хисар Н.С.(41) од село Суводол пријавила дека била опожарена влезната врата од нејзиниот продажен објект во село Суводол, а по преземени мерки и извршените оперативни проверки било констатирано дека сторител е С.Ф., се појаснува во соопштението.

Во службен разговор тој го признал делото и по целосно документирање на случајот против него ќе следува соодветна пријава.

The post Притворен човек кој запалил врата на дуќан appeared first on Република.

Левица и Апасиев со својата анти-ЕУ и пироманска реторика стануваат се посилни а како заложници и држат Мицковски и ВМРО-ДПМНЕ. Мицковски веќе не го бара она што е добро за државата, туку бара како да не заостане зад Апасиев, рече претседателот на СДСМ, Димитар Ковачевски, на вечерашната трибина „Силно и одлучно кон иднината“ во Кичево.

– Ако пироманот Апасиев и неговиот заложник Мицковски дојдат на власт повторно ќе бидеме блокирани од ЕУ како во времето на Груевски, а економијата ќе ни крахира. Нивниот план е пеколен. Секој од вас ќе стане наутро со лажно чувство на гордост, но гладни, изолирани и сиромашни, заглавени во минатото., рече Ковачевски.

Претседателот на владејачката партија порача дека нема да дозволи да се загрози европската иднина на државата и побара поддршка од сите граѓани.

-Јас тоа нема да го дозволам и затоа ја барам и вашата поддршка. Никогаш нема да дозволиме земјата што ја сакаме да тргне по тој пат. Не ни и требаат опасни пиромани – наместо тоа ни треба нова економска визија, рече претседателот на СДСМ, Димитар Ковачевски на вечерашната трибина „ Силно и одлучно кон иднината “ во Кичево.

The post Ковачевски: На земјава не ѝ требаат опасни пиромани како Апасиев и Мицкоски, ако дојдат на власт, пак ќе бидеме гладни, изолирани и сиромашни appeared first on Република.

Грчката полиција уапсила 65-годишен маж под сомнение дека е виновен за големиот пожар што минатата седмица избувна на островот Тасос, објавија медиумите во Грција, јави дописничката на МИА од Атина.

Според истите информации, уапсениот се товари за подметнување пожар, а во неговиот автомобил бил откриен запалив материјал.

Се очекува во текот на денот, 65-годишникот да биде изведен пред јавен обвинител во Кавала.

The post Уапсен 65-годишник осомничен за пожарите на Тасос appeared first on Република.

Пироман дивеел во центарот на Скопје во саботата навечер околу полноќ. На паркингот кај Зелено пазарче уништени се повеќе автомобили, а избегната е поголема трагедија бидејќи, како што споделуваат соседите со „Република“, влегол и во првиот влез на зградата со број 36, ги наполнил поштенските сандачиња со хартија, но за среќа не успеал да ги запали.

Од МВР велат дека до нив стигнале две пријави. Едната 07.08.2022 во 00:11 часот кога во СВР Скопје било пријавено дека на бул.„Кочо Рацин“ настанал пожар во товарно возило – комбе „мерцедес“ со скопски регистарски ознаки, сопственост на Ќ.Д.(62) од Чифлик-Сопиште. Од пожарот било зафатено и товарно возило – комбе „ивеко“ со скопски регистарски ознаки, сопственост на Н.Ј.(64) од Скопје.

Во истиот период на бул.„Кочо Рацин“ било пријавено дека е опожарен мотоцикл „пјаџо“ со скопски регистарски ознаки, сопственост на Т.Б.(46) од Скопје, од кој било зафатено и неговото патничко возило „бмв“ со скопски регистарски ознаки.

Повредени лица нема. Се преземаат мерки за расчистување на случаите.

The post Пироман палел кај Зелен пазар: Уништени се возила, а пробал да запали и влез на зграда appeared first on Република.