Поради дефект на улица „Јабланица“ 54, денеска прекинато водоснабдување ќе имаат корисниците на дел од населба Пинтија, односно корисниците кои се поврзани на старата водоводна линија.

ЈП Водовод и канализација - Скопје соопшти дека водоснабдувањето ќе биде прекинато од 9:10 часот до завршување со санација на дефектот.

The post Без вода дел од населбата Пинтија appeared first on Република.

Поради дефект на ул.„Борис Трајковски“, без вода од 09:05 часот, без вода се корисниците од населба Пинтија кои се поврзани на старата мрежа.

Водоснабдувањето ќе биде прекинато до санација на дефектот, соопшти ЈП Водово и каналзиација - Скопје.

The post Населбата Пинтија без вода appeared first on Република.

На 10.06.2023 во 11.00 часот во СВР Скопје било пријавено дека на подрачје на населба Пинтија бил нарушен јавниот ред и мир со физичка пресметка помеѓу 55-годишната В.К. и 51-годишната С.Б., двете од Скопје.

Се работи на расчистување на случајот.

The post Се истепаа две жени во Пинтија appeared first on Република.

Затворен спортски објект во Подрачното основно училиште „Рајко Жинзифов“ во Пинтија ќе гради Општина Кисела Вода. Оваа иницијатива на градоначалниот Орце Ѓорѓиевски, која денеска ја поддржа Советот, на младите од овој дел на градот ќе им овозможи осовременување на наставата по физичко образование и услови за дополнителни спортски активности, информира Општината.

Изградбата на овој спортски објект ќе овозможи и ослободување простор во училиштето кој по преадаптивните зафати ќе биде искористен за нови училници, со што ќе се зголеми целокупниот капацитет на ова подрачно училиште.

Во ПОУ „Рајко Жинзифов“ во Пинтија настава следат 250 ученици и сите тие, како што истакна градоначалникот Ѓорѓиевски, ќе добијат поквалитетни услови за одвивање на наставниот процес.

Бидејќи покрај тоа што добиваат нов простор за наставата по физичко образование, добиваат и нови училници. Согласно предвиденото, ослободениот простор во училиштето ќе биде преадаптиран, со што ќе се зголеми комодитетот за следење на наставата и по другите предмети. Затвореното спортско игралиште, пак, кое ќе се протега на 380 квадратни метри, носи големи придобивки бидејќи ќе им овозможи на учениците и на младите од Пинтија подобри услови и повеќе можности за различни спортски активности и игри, што има позитивно влијание врз нивното физичко здравје и развој. Средствата за започнување со изградбата на објектот, ги обезбедуваме од Буџетот на Општина Кисела Вода, преку Развојна програма – НАА-основно образование, за период 2023-2024 година, изјави Ѓорѓиевски.

ПОУ „Рајко Жинзифов“ во Пинтија е изградено во 1983 година. Работи во две смени со вкупно 12 паралелки.

The post Училиштето во Пинтија ќе добие затворен спортски објект appeared first on Република.

Кучињата кои го нападнале осумгодишното дете во скопската населба Пинтија се изолирани и ставени под надзор на официјален ветеринар. Од Агенцијата за храна и ветеринарство информираат дека кучињата се уредно идентификувани со микрочип. Официјален ветеринар ќе го испитува случајот и ќе врши проценка на околностите под кои се случил инцидентот.

Лично како човек и како директор на АХВ изразувам најдлабоко жалење за трагедијата во кој згасна млад човечки живот. Од направениот увид утврдено е дека во немилиот настан учествувале две кучиња кои имаат сопственик. Кучињата се уредно идентификувани со микрочип и тие сега се изолирани и ставени под надзор на официјален ветеринар. Дворот во кој се чуваат кучињата е соодветно заграден и на влезот е поставен предупредувачки знак „Пази куче“, вели директорот на АХВ Николче Бабовски.

Со контролата ќе се испитува и дали сопственикот на кучињата ги испочитувал одредбите од законите за ветеринарно здравство, за идентификација и регистрација на животните и за здравствената заштита и благосостојба, односно дали се испочитувани условите пропишани во актуелната Годишна наредба за здравствена заштита на животните, условите за држење на кучињата од страна на сопственикот итн. Согласно Законот, се дава налог кучињата да се стават под официјален надзор за болеста беснло од страна на ветеринар за период од 15 дена, а по завршувањето на опсервацијата се издава сертификат за надзор на беснило со кој се потврдува здравствениот статус на животните во однос на болеста.

Двете кучиња од расата „англиски мастиф“ се регистрирани и во Кинолошкиот сојуз. Едното е увезено од Србија, а другото од Белорусија.

https://republika.mk/vesti/crna-hronika/ne-se-znae-kako-i-zoshto-deteto-ja-preskoknalo-ogradata-vo-dvorot-na-sosedot-obvinitelstvoto-go-istrazhuva-sluchajot/

Оттаму за МИА изјавија дека се работи за кучиња од поголем раст, кои учествувале на изложби и кои се добро одгледани и социјализирани.

Се работи за кучиња од поголем раст, меѓутоа напоменувам дека кучињата учествувале на изложби што значи дека се социјализирани затоа што на изложби за убавина мора кучињата да бидат добро одгледани и социјализирани со други животни и со луѓе, вели претседателот на Кинолошкиот сојуз, Јордан Христовски.

Тој додава дека Кинолошкиот сојуз нема информации дали сопственикот чувал други кучиња.

Христовски изрази сочувство до семејството на детето и апелира до јавноста да се воздржи од паушални изјави.

Сочувство на фамилијата на детето за немилиот настан. Апелирам до јавноста да се воздржи од паушални коментари и да остават на надлежните институции да изработат детален извештај за причините под кои се случи настанот, вели Христовски.

Од „Анима мунди“ за МИА изјавија дека ќе се произнесат доколку проценат дека има основ за тоа по официјалните ставови на институциите.

Од Обвинителството денеска информираа дека надлежен јавен обвинител излегол на лице место и дека се преземаат мерки за испитување на целиот случај.

Јавен обвинител изврши увид на лице место. Издадена е наредба за обдукција и се преземаат дејствија за испитување на целиот настан, информираа од Јавното обвинителството.

Согласно одредбите на Законот за заштита и благосостојба на животните, во поглед на држење на опасни кучиња, сопственикот или одговорното лице за опасно куче треба да обезбеди услови за држење на животното соодветно за расата, потребите и карактеристичното однесување, при што вклучително треба кучето да го чува во заграден простор или врзано и при движење кучето да го врзе на поводник и да му стави заштитна маска. Опасните кучиња при движење треба да бидат придружувани од полнолетно лице.

Сопствениците на кучиња треба на влезната врата во дворот на видливо место да постават табла со која недвосмислено се укажува на присуство на куче, без разлика дали кучето или кучињата се опасни или не.

The post Кучињата кои го нападнаа осумгодишното момче се изолирани и ставени под надзор на ветеринар appeared first on Република.

Јавен обвинител извршил увид на местото каде осумгодишно дете беше нападнато и почина по напад од куче на сосед во скопската населба Пинтија. Од Обвинителството потврдија дека се преземаат мерки за испитување на целиот случај.

Јавен обвинител изврши увид на лице место. Издадена е наредба за обдукција и се преземаат дејствија за испитување на целиот настан, информираа од Јавното обвинителството.

https://republika.mk/vesti/crna-hronika/tragedija-vo-pintija-8-godishno-dete-pochina-po-napad-na-kuche/

Министерството за внатрешни работи денеска информираше дека синоќа малолетник починал откако бил нападнат од куче што го чувал неговиот сосед во скопската населба Пинтија.

Од ГОБ „Св.Наум Охридски“ на 11.04.2023 во 18:25 часот било пријавено дека кај нив бил донесен малолетник од Скопје, кој според пријавеното подлегнал на повредите како последица од напад од куче, сопственост на неговиот сосед Н.Г.. Известен е јавен обвинител по чија наредба телото е предадено за обдукција и се преземаат мерки за расчистување на случајот, информираа од МВР.

Во разговор со соседите и роднините, репортерот на „Телма“ од Пинтија известува дека нема сведоци на трагедијата и дека никој не знае зошто момчето ја прескокнало оградата за да влези во дворот.

https://youtu.be/9arJERn4Dic

The post Не се знае како и зошто детето ја прескокнало оградата во дворот на соседот, Обвинителството го истражува случајот appeared first on Република.

Трагедија се случи вчера во скопската населба Пинтија откако дете беше нападнато од куче што го чувал неговиот сосед, по што им подглегна на повредите.

Од ГОБ „Св.Наум Охридски“ вчера во 18:25 часот било пријавено дека кај нив бил донесен малолетник од Скопје, кој според пријавеното подлегнал на повредите како последица од напад од куче, сопственост на неговиот сосед Н.Г., соопшти МВР.

Известен е јавен обвинител по чија наредба телото е предадено за обдукција и се преземаат мерки за расчистување на случајот.

Според информациите на МКД.мк, станува збор збор за осумгодишно дете, кое било нападнато од куче од расата блу мастив откако влегло во дворот од куќата на Н.Г., сопственикот на кучето.

The post Трагедија во Пинтија, 8-годишно дете почина по напад на куче appeared first on Република.

Денеска во 10.03 часот во СВР Скопје било пријавено дека над манастирот „Св.Еремија” во нас.Пинтија – Скопје билa пронајденa починатa З.Л.(68) од Скопје, за која на 31.12.2022 било пријавено дека се оддалечила од домот, информира МВР.

The post Зојка пронајдена мртва над манастирот во Пинтија appeared first on Република.

Екипите на ЈП Улици и патишта по налог на Град Скопје деновиве ги започнаа активностите за изведба на нов потпорен ѕид на булеварот „Борис Трајковски“ кај семафорите во населбата Пинтија.

Целосно се отстранува стариот и оштетен бетонски потпорен ѕид кој беше паднат заради временските неприлики.

По изработката на проектното решение ЈП Улици и патишта во координација со службите од Градот Скопје започна со подготвителни работи за изведба на потпорниот ѕид, првенствено со обележување и заградување на просторот на градилиштето, а по овие фази следува ископ на земја на потпорната конструкција. Потпорниот ѕид на бул. Борис Трајковски има променлива висина, а вкупната должина е 152.45 метри.

Откако ќе бидат изведени армирачко бетонските работи на потпорниот ѕид ќе се постави дренажниот систем кој се состои од дренажна цевка, филтерски материјал и барбакани.

ЈП Улици и патишта заедно со службите од Градот Скопје изведбата на потпорниот ѕид ќе ја вршат по сите стандарди за долгорочно решавање на проблеми

The post Ќе се гради нов потпорен ѕид во Пинтија appeared first on Република.

На булеварот „Борис Трајковски” во населбата Пинтија, поради силното невреме кое го зафати овој дел на општината, падна голем потпорен ѕид кој е под надлежност на градот Скопје.

Градоначалникот на општина Кисела Вода Орце Ѓоргиевски информира дека надлежни од општината излегне на местото веднаш по пријавите.

Мобилизирани беа и екипите на јавните претпријатија на градот Скопје со цел заеднички да превенираме за да спречиме уште поголема катастрофа.

Првично ќе се делува на заштита на населението кое транзитира тука, односно ќе се затвори еден дел од булеварот, а потоа веднаш почнуваме со расчистување и санација на ѕидот.

Во наредните денови, сето ова ќе биде вратено не во првобитната состојба, туку во уште подобрена за да не ни се случуваат повеќе вакви работи и да го нарушуваат мирот, но и безбедноста на граѓаните.

Тука сакам да истакнам и дека, во периодот што следи ќе биде извршена детална проверка на сите градби кои се направени во минатото, со цел да утврдиме дали можат да одговорат на временските неприлики кои и понатаму ќе се случуваат но и онаму каде што има потреба од дополнителни зафати да делуваме, затоа што безбедноста на моите сограѓани е приоритет.

 Покрај тоа, сакам да најавам дека во наредниот период е бидат извршени детални контроли од инспекциските служби за квалитетот на изградба на потпорните ѕидови и на приватните парцели, особено онаму каде што теренот е стрмен.

Таму каде што ќе биде утврдено дека се направиле недостатоци при градењето од различни причини, во наредниот период ќе прецизираме како ќе постапиме.

За жал, не можеме да ги спречиме временските непогоди, но можеме да делуваме во иднина да не ни се случуваат вакви или поголеми штети, или не дај Боже – трагедии.

Граѓаните на прво место, остануваме тука до целосно враќање во нормала на овој дел од Кисела Вода, вели Ѓоргиевски.

The post Ѓорѓиевски: Не можеме да ги спречиме временските непогоди, но можеме да делуваме да не ни се случуваат вакви штети appeared first on Република.

Екипи од ЈП Улици и патишта интервенират во расчистување на разрушениот потпорен ѕид на бул. „Борис Трајковски“ во населба Пинтија

Денеска екипите на ЈП Улици и патишта - Скопје со брза интервенција веднаш по настанатото оштетување на паднатиот потпорен ѕид на булеварот „Борис Трајковски“ на семафорите во населба Пинтија, вршат негово расчистување.

Се работи за разрушен потпорен ѕид во должина од над 30 метри, а причина за негово оштетување се неповолните временски услови односно наносот на поројниот дожд кој овие два дена го зафати Скопје.

Се работи на отстранување на градежниот шут кој е настанат како последица на разрушувањето на потпорниот ѕид, за истиот да не преставува опасност при движењето на возилата.

Дежурните екипи се на терен и вршат и контрола на светлосната сигнализација, се врши увид во потенцијални дефекти и нивна санација.

The post „Улици и патишта“ го расчистуваат коловозот од разрушениот потпорен ѕид во населба Пинтија appeared first on Република.

Големо невреме попладнево се случуваше во Пинтија. Врнежите се обилни па водата од највисоките делови од населбата се спушта кон булеварот каде пак падна потпорен ѕид.

Граѓани пишуваат дека има поплавени куќи и во Драчево.

https://republika.mk/vesti/skopje/od-dozdot-padna-potporen-dzid-vo-pintija/

The post Водата од дождот од врвот на Пинтија се лизга кон булеварот appeared first on Република.

Најмногу дожд денеска во Скопје наврна во населбите Пинтија и Драчево. Обилните врнежи направија и штета.

Се урна потпорен ѕид на булеварот „Борис Трајковски“ на семафорите кај Пинтија. Земјата е падната на коловозот па се очекува надлежните општински служби во најскоро време да го расчистат теренот.

The post Од дождот падна потпорен ѕид во Пинтија appeared first on Република.

Целосно е изгаснат пожарот што доцна попладнето избувна на стрништето спроти трафостаницата во Пинтија, предизвикувајќи оштетувања на високонапонската инсталација поради што поголемиот дел од Скопје остана без струја.

Звонко Тоневски командант на Бригадата за противпожарна заштита на Град Скопје, изјави дека дојавата за пожарот била добиена во 17:45 часот.

Веднаш е испратена една екипа од центар Драчево со две возила, а поради сериозноста на самиот објект-трафостаница, испратена е дополнителна помош од центар Автокоманда.

На самото место видовме дека не станува збор за пожар во трафостаницата туку надвор од него. Поради искра на далноводот во непосредна близина беше опожарена површина од сува трева. Веднаш е побарано да биде исклучено напојувањето од далноводите и е пристапено кон гасење. За кратко време пожарот беше локализиран. Останатиот дел од интервенцијата беше превентивен заради повторното пуштање на далноводот, рече Тоневски.

Според информациите што ги добиле од екипите на АД МЕПСО, повторното пуштање поминало добро и се е во ред. За можните причини за пожарот, Тоневски вели дека препоставките се оти може да е од неколкукратните прекини на електиричната енергија и испадите што ги имаше пред избувнувањето на огнот. Не е исклучено исклучувањето и палењето на тревата да е од силното повлекување на струја од далновод.

Можно е. Не знам дали е тоа од далноводот, затоа што имавме дојава за експлозија на далновод во индустриска зона Бунарџик што можеби е поврзано едно со друго, изјави Тоневски.

The post Командант Тоневски со детали за пожарот кој го остави Скопје без струја appeared first on Република.

Пожарот во скопска Пинтија кој изби близу трафостаницата е локализиран. Градоначалникот на Кисела Вода, Орце Ѓорѓиевски, посочи дека неофицијално, пожар имало и во Бунарџик, но нема потврда за ова. Тој кажа и дека нема жртви и дека се е под контрола.

-Штотуку беше локализиран голем пожар спроти трафостаницата кај индустриската зона. Пожарната вложи максимални напори да го санираат пожарот. Службите на МВР брзо интервенираа. Ќе бидеме тука, бидејќи дел од далеководите се надвор од функција, па да видиме да не избие повторно пожар на некоја позиција. Нема човечки жртви, се е под контрола, рече градоначалникот Орце Ѓорѓиевски.

The post Нема жртви кај Пинтија: Ѓорѓиевски вели дека има информации за пожар и во Бунарџик appeared first on Република.