Одржувањето балансирана исхрана е клучен дел за одржување на оптимално здравје и метаболизам на цревата. Нашите црева се дом на трилиони бактерии кои играат клучна улога во варењето, имунитетот, па дури и во регулирањето на расположението. Слично на тоа, нашиот метаболизам, процесот со кој нашите тела ја претвораат храната во енергија, е значително под влијание на она што го консумираме.

Иако често се фокусираме на храната што ја јадеме за да одржиме здрави црева и ефикасен метаболизам, исто толку важно е да ги земеме предвид и пијалоците што ги пиеме. Одредени пијалоци можат лошо да влијаат на нашето целокупно здравје. Нутриционистката Лиза Ричардс и диететичарот Триста Бест издвоија две опции кои треба да ги избегнуваме доколку сакаме да го одржиме здравјето на цревата и брз метаболизам.

Овошни сокови

Овошните сокови купени во продавница, иако често се сметаат за здрав избор, можат да бидат штетни за метаболизмот и контролата на тежината. „Комерцијалните овошни сокови можат да бидат штетни за метаболизмот и контролата на тежината поради нивната висока содржина на додаден шеќер и недостаток на влакна“, вели Ричардс за SheFinds.

Овие сокови често содржат големи количини на рафиниран шеќер за да го подобрат вкусот, што доведува до брзи скокови на нивото на шеќер во крвта, меѓу другите ризици. Исто така, ваквите скокови можат да придонесат за отпорност на инсулин, состојба која ја намалува способноста на телото да го регулира шеќерот во крвта и може да доведе до метаболички нарушувања како што е дијабетес тип 2.

Ричардс нагласува дека процесот на цедење ги отстранува и повеќето природни влакна кои се наоѓаат во целото овошје, што е важно за забавување на апсорпцијата на шеќерот и промовирање на ситост.

Без влакна, телото брзо го вари сокот, што доведува до зголемен глад и внес на калории“, забележува таа. Таа комбинација на високо ниво на шеќер и ниски влакна може значително да го наруши метаболичкото здравје и да придонесе за зголемување на телесната тежина и дебелина.

Енергетски пијалоци

Енергетските пијалоци се популарни поради нивната способност да го зголемат нивото на енергија, но тие можат да претставуваат сериозни здравствени ризици, особено кога станува збор за нашите црева.

Енергетските пијалоци можат да бидат штетни за здравјето на цревата поради нивната висока содржина на кофеин и шеќер, како и присуството на вештачки засладувачи и адитиви“, истакнува Бест. Прекумерниот внес на кофеин може да го престимулира дигестивниот систем, што доведува до проблеми како што се гастритис и рефлукс на киселина.

Покрај тоа, високото ниво на шеќер во енергетските пијалоци го поттикнува растот на штетните бактерии во цревата, нарушувајќи ја рамнотежата на микробиомот. „Вештачките засладувачи, како што е сукралозата што се наоѓа во многу енергетски пијалоци, може негативно да влијаат на разновидноста на цревните бактерии, потенцијално да доведе до состојби како што се синдром на нервозно дебело црево (IBS) и метаболички нарушувања“, заклучи диететичарот.

The post Овие два пијалоци се штетни за здравјето на цревата, предупредуваат нутриционистите appeared first on Република.

Доколку имате проблем со варењето на храната и постојано се чувствувате подуени, добро би било да почнете да консумирате некои од овие природни пијалаци, што го забрзуваат варењето на храната и на тој начин ќе ви помогнат побрзо да добиете рамен стомак.

Кога варењето на храната ви е проблем, и имате опстипација (запек), па заради тоа се соочувате со подуеност, би можеле да пробате некој од овие 3 пијалаци за рамен стомак. Секој од нив ќе му помогне на вашиот организам полесно да ја свари храната, а особено ќе ви се најдат ако често имате проблем со затвор.

Имајте предвид дека не е добро сами на своја рака да земате одредени природни лекови. Затоа, пред да почнете со консумирање на некои од овие пијалаци добро би било да се консултирате и со лекар или нутриционист.

Млака вода и лимон

Мешавината од млака вода ќе ви помогне за детоксикација на организмот и ќе ви помогне полесно да се ослободите од штетните материи во телото.

Дополнително се препорачува и за лицата што имаат проблеми со кожата и кои сакаат да го зајакнат имунитетот.

За да го подготвите, потребно е да земете чаша млака вода и во неа да исцедите сок од цел лимон и тоа да го испиете.

Овој пијалак можете да го пиете наутро, наместо кафе, а може да се консумира и превентивно доколку често имате проблеми со варењето на храната и подуеност.

Маслиново масло и лимон

Освен што помага во варењето на храната, се верува дека комбинацијата од маслиново масло и лимон може да ви помогне и во разбивањето на камења во бубрезите, при болка во зглобовите или да го спречи стареењето.

За да го подготвите, во една чаша треба да ставите природен сок од лимон и во него да ставите една лажица маслиново масло.

За најдобар ефект, овој пијалак треба да се пие наутро или неколку часа по оброкот.

Сода бикарбона и млака вода

Сода бикарбоната и млаката вода уште во минатото често се користеле како лек за киселини во желудникот и за подобрување на варењето на храната.

Во овој случај, треба да се користи само фармацевтска сода бикарбона (без алуминиум), која ја има во аптеки или во продавници за здрава храна, а овој пијалак не се препорачува за оние што страдаат од чир на желудникот.

Исто така, според некои истражувања, прекумерното консумирање сода бикарбона може да доведе до пореметувања на работата на срцето, затоа пред да почнете да го консумирате овој пијалак, неопходно е да се консултирате со лекар.

The post Овие пијалаци го забрзуваат варењето на храната appeared first on Република.

Преработените пијалоци вклучуваат широк спектар на пијалоци кои поминале низ различни производствени процеси. Овие пијалоци често содржат додадени шеќери, вештачки ароми, конзерванси и други адитиви за подобрување на вкусот, изгледот и рокот на траење. Иако изгледаат погодни, уживањето во преработени пијалоци може да има негативни ефекти врз здравјето на цревата и да придонесе за акумулација на висцерална маснотија. Лекарот д-р Блен Тесфу и диететичарот и нутриционист Лорен Харис-Пинкус откриле два такви пијалоци.

Енергетските пијалоци, кои често се конзумираат за брзо зголемување на енергијата, може да имаат негативни ефекти врз здравјето на цревата и да придонесат за акумулација на висцерални масти. Полни со кофеин, шеќер и вештачки адитиви, овие високо преработени пијалоци можат да ја нарушат деликатната рамнотежа на бактериите во цревата, што доведува до воспаление и дигестивни проблеми.

Високата содржина на шеќер во енергетските пијалоци, исто така, може да го зголеми нивото на шеќер во крвта и да го промовира складирањето на маснотии, особено висцералните масти, доколку се консумираат прекумерно.

Енергетските пијалоци можат да предизвикаат гастритис, воспаление и дијареа. Покрај тоа, тие можат да предизвикаат нервоза и да ја зголемат анксиозноста, вели Харис-Пинкус.

Алкохолот вклучува различни видови, од пиво и вино до алкохолни пијалаци како вотка и виски. Прекумерното внесување може да доведе до негативни ефекти врз здравјето на цревата, да придонесе за таложење на маснотии околу стомакот и други сериозни здравствени проблеми, предупредува докторот.

Одредени видови на алкохол, особено оние кои се богати со шеќер и калории, како што се зашеќерените коктели и виното, можат да го оштетат нашето здравје на цревата и да промовираат воспаление, што на крајот ќе доведе до дигестивни проблеми и зголемување на телесната тежина.

Прекумерното консумирање алкохол може да го наруши балансот на цревните бактерии, што доведува до дисбиоза и нарушувања на дебелото црево. Исто така, редовното консумирање алкохол е поврзано со зголемен ризик од воспалителни болести на цревата, како што се Кронова болест и улцеративен колитис“, заклучува Тесфу.

The post Овие два пијалоци се најлоши за здравјето на цревата appeared first on Република.

Објавени се главните резултати од шишето од кое се напил младиот човек кој се отру во Риека, Хрватска.

Резултатите од вештачењето на течноста од чашата што ја конзумирал повредениот по физичко-хемиски својства се совпаѓаат со течноста од шишето со ароматизиран безалкохолен пијалок што му е послужено, додека со анализата е утврдено дека се работи за високоалкални водени раствори (pH=13,6).“, соопшти полицијата.

„Врз основа на утврдениот хемиски состав може да се констатира дека се работи за детергент и/или одмастувач. Понатаму, во 20 неспорни стаклени шишиња од истиот пијалок, добиени во оригиналното пакување, се пронајдени проѕирни течности со pH вредност од 3,5 , што одговара на pH вредностите на овие видови пијалоци.

Во врска со првиот пријавен настан на подрачјето на ПУ Загреб од 7 ноември, завршено е и вештачењето на течноста од пластичното шише безалкохолен пијалок при што е утврдено дека течноста од шишето има pH вредност од 2,59, што е исто така вообичаено за овој вид пијалок, а во течноста не се откриени соединенија што би било невообичаено за овој вид на пијалок“, соопшти полицијата.

The post Хрватската полиција ја соопшти причината за труењето со пијалоци appeared first on Република.

Санитарната инспекција на Хрватска соопшти дека од пазарот се повлечени сите сомнителни пијалоци, откако неколку лица се затруле од минерална вода.

Заради заштита на здравјето на луѓето, односно постоењето сомнеж дека храната не е безбедна, а согласно Законот за храна, санитарната инспекција привремено и забрани на трговската компанија да ги става во промет и да фи повлече сомнителни производи.

Во тек е инспекциско испитување, а веднаш по добивањето на резултатите од санитарната инспекциска анализа ќе бидат преземени мерки пропишани со закон.

Седум лица во Хрватска досега побарале медицинска помош со симптоми на хемиски повреди на устата, непцето, хранопроводникот и желудникот, по консумирање безалкохолни пијалоци.

Труењата се случиле на подрачјето на Риека, Загреб и Вараждин.

The post Хрватска под итно ги повлече сомнителните пијалоци од пазарот appeared first on Република.

Состојбата со труењата со минерални води и сокови во Република Хрватска, се следи, но досега нема информации дека од штетните пијалоци има на македонскиот пазар, информираат од Агенцијата за храна и ветеринарство на Македонија.

Оттаму велат дека како контакт точка на европскиот Систем за брзо известување за небезбедна храна и храна за животни – RASSF, до овој момент нема добиено нотификација дека на македонскиот пазар се пласирани небезбедни минерални води и газирани пијалаци.

Како одговорна институција за безбедноста на храната, АХВ ја следи состојбата со случаите на труење со газирани пијалаци и минерална вода во Република Хрватска. Зајакнати се инспекциските контроли при увоз на храна од оваа земја и доколку се јави потреба, навреме ќе бидат преземени потребните мерки за заштита на граѓаните и од овој тип небезбедни производи, истакнуваат од АХВ.

The post Во Македонија нема штетни пијалоци од Хрватска, тврдат од АХВ appeared first on Република.

Владата утре треба да донесе одлука за намалување на цените на пијалоците, а во тек е анализата за хигиенските производи која најверојатно ќе биде завршена до крајот на неделава.

Тоа што знаеме точно е дека утре ќе има одлука за намалување на цените на безалкохолните и алкохолните пијалоци. За хигиенските производи најверојатно во текот на оваа недела ќе бидат завршени сите консултации и ќе видиме дали има простор да се донесат одредени мерки, изјави денеска министерот за економија Крешник Бектеши по посетата на компанијата „Алма-М“ во Визбегово.

Следниот месец, според најавите на премиерот Димитар Ковачевски, ќе бидат направени и анализите за деветиот пакет антикризни мерки кои ќе бидат насочени кон ранливите категории на граѓани и кон сите оние што во време на криза не остваруваат дополнителни приходи.

The post Утре одлука за намалување на цените на пијалоците, за хигиенските производи ќе почекаме appeared first on Република.

Министерот за економија Крешник Бектеши денеска ќе има состанок со производителите и дистрибутерите на пијалоци во државава со кои ќе дискустира за вклучување на овие производи во одлуките за поевтинување на производи што ги најави Владата.

Очекувам да имаме позитивен „фидбек“ и од нивна страна и со наредна одлука, освен хемиските производи, да бидат вклучени и пијалоците во намалувањето на цените до 30 ноември, рече Бектеши на прес-конференција во Владата.

На владината седница утре ќе се донесе одлука со која за минимум 10 отсто ќе се намалат цените на над 50 основни прехранбени производи, од кои 90 отсто се даночат со ДДВ од 5 отсто, а референтна цена ќе им биде цената од 1 август годинава.

Убеден сум дека од среда ќе има значително намалување на цените на производите што ќе бидат објавени утре по седницата на Владата, рече Бектеши.

Производите што ќе имаат намалена цена ќе бидат обележани со ознака гарантирана цена

The post Ќе се преговара и пијалоците да бидат опфатени со одлуките за намалување на цените appeared first on Република.

The post Нутриционистите предупредуваат: Ова се најлошите пијалоци за вашето здравје appeared first on Република.