Во Драмскиот театар вечерва (22 ноември) со почеток во 19:30 часот ќе се одржи ПичПрич на тема „Unsex me/располови ме“.

Настанот ќе го водат Ана Василева и Румена Бужаровска, а ќе зборуваат Наталија Теодосиева, Јасмина Василева, Јована Томиќ, Верица Недеска, Сања Арсовска, Жаклина Стевковска и Илина Ангеловска.

Инспирацијата за „Располови ме“ (анг. Unsex me) потекнува од познатиот монолог на Леди Магбет во кој ги моли злите духови да ја располоват (машкосаат во препевот на проф. Михајловски), т.е. да ѝ ги одземат особините кои традиционално се поврзуваат со нејзиниот пол (нежност, милост, грижа) за непречено да го оствари злосторството што го посакува и да ја засити својата жед за врвна моќ. Сепак, како и секогаш, растргнатоста меѓу посакуваното и очекуваното е само почетната нишка и начин на толкување на „Располови ме“. Насловот може да се гледа и како индикација за поделеноста на жената меѓу професионалните и личните цели и (не)можноста тие паралелно да се остварат. Покрај тоа, сакавме да ја разгледаме и позицијата на жените во театарската и филмската уметност – особено по неколкуте скандали поврзани со третманот на актерките кои го потресоа регионот. Токму поради тоа го избравме Драмскиот театар како место на одржување на овој ПичПрич, а нашите гостинки се меѓу најкомпетентните и прогресивни театарски дејки во земјката и регионот, посочуваат од ПичПрич.

По настанот ќе следува DJ забава во фоајето на Драмски театар.

The post „Располови ме“ на ПичПрич во Драмски appeared first on Република.

„Цепки" е насловен гала настанот на иницијативата „ПичПрич" што ќе се одржи вечер од 20 часот во Филхармонија, по повод десет години од Фестивалот за феминистичка култура и акција „Прво па женско".

Организаторот на настанот – Тиииит! Инк. соопшти дека во фокус на настаните на јубилејното издание на фестивалот оваа година е субверзивната моќ на хуморот, посебно имајќи го предвид традиционалното исклучување на женските гласови од областа на смешното и честото исмевање со „типично женските" искуства.

„Темата „Цепки" има цел да понуди повеќе интерпретации на тоа што е смешно, а истовремено и да ја насмее публиката. Свои интерпретации на темата ќе раскажат петмина локални раскажувачи кои со своите настапи веќе оставиле голем впечаток на публиката на „ПичПрич" – уметницата Јана Јакимовска, планинарката и уметница Илина Арсова, писателот Петар Андоновски, радиоводителката Маја Казакова и режисерката Софија Ристевска. Како и на сите други гала настани на „ПичПрич", настапува и една регионална раскажувачка, а тоа е хрватската книжевничка и активистка Мима Симиќ“, информира тимот на Тиииит! Инк.

The post „Цепки” – гала настан на иницијативата „ПичПрич” appeared first on Република.