Поранешните функционери на СДСМ полека но сигурно се изјаснуваат што мислат за „новото“ раководство на СДСМ кое си го оформи Филипче.

Поранешниот пратеник и градоначалник на Скопје, Петре Шилегов не го крие незадоволството од новото раководство на СДСМ. Преку песната „Во бестрага“ реши да ѝ честита на партијата за новите кадри кои ги избрала.

На првата седница на новиот Централен одбор на СДСМ вчеравечер за нови потпретседатели на партијата беа избрани поранешната министерка за животна средина Каја Шукова, професорката од Правниот факултет во Скопје Ана Чупеска, Методија Илиевски, член на Советот на општина Битола и Кристина Костова од Штип, член во Централниот одбор во СДСМ.

За генерален секретар е избран Александар Димитријевиќ, а за организациски секретари Љупчо Пармаковски од СДСМ Центар и Мартин Костовски пратеник во Собранието.

Состанокот помина во одлична атмосфера со многу енергија и ентузијазам кај новите членови на Централниот одбор. Се избра новото партиско раководство, членовите на Извршниот одбор. Во партијата вечерва избравме луѓе кои имаат нови сили, личен интегритет, многу знаење, искуство во своите области на делување коишто верувам дека со сета сила и знаење ќе се вложат во периодот којшто следи, рече Филипче на прес-конференција.

Нагласи дека веќе имаат план за работа кој со многу силна енергија ќе почне уште од утре.

Направен е план за посета сите општински организации и за комуникацијата со луѓето и начинот на којшто ќе допреме до членовите, симпатизерите, до оние коишто од некакви причини не гласаа, се налутија, останаа дома, гласаа за друг политички субјект. Спремни сме да ги слушнеме сите нивни предлози и во еден широк инклузивен процес да ги вклучиме сите наши членови, симпатизери во процесот на креирање на политики, порача Филипче.

Во новиот Извршен одбор на партијата, како што посочи, има претставници на повеќе општински организции.

Водевме сметка да има добра регионална застапеност за да имаме информации од сите или повеќето општини ширум државата, истакна Филипче.

The post „Во бестрага“ e честитката од Шилегов до новото раководство на СДСМ и Филипче appeared first on Република.

Настанот, верувам, дека одел вака: Денот на преродбата, или денот на ВМРО, беше неработен. Петре Шилегов не го осетил тоа прибидејќи него секој ден му е неработен но, го заболело што ВМРО има што да слави, а неговите фарбари од Шарените и СДСМ никој не ги ферма, како да се семафор на пешачки во Чаир, пишува Драган Павловиќ Латас за Вечер.мк.

За СДСМ, отсекогаш, кафана е парламент. Нивна куќа и Црква. Таму составуваат влади, се планираат интриги и местенки, таму се даваат налози за апсења и се делат функции и тендери. Во кафана. Не се сомневам ни минута дека оваа тешка мисла на Петре Шилегов за распаднатиот СДСМ е кафанска.

И некој неупатен човек би помислил дека Петре Шилегов никогаш не бил во СДСМ, дека жали за идеалите на својот политички избор. Дека бил посматрач.

Главна причина заради која СДСМ е политички отпад е – корупција. Од неа, и за кеш, следуваат продажбата на уставното име наметнато со сила и притвори за пратеници, двојазичност на Македонија за ДУИ да им подари власт без победа на избори, брутална тортура врз обвинителство и судство за да им ги гони политичките противници а на нив да им биде заштита додека крадат... И да не редам до сабајле, Петре фарбаше државни институции со Шарените, кршеше и го памтиме дека во Собрание имаше кренато две раце за избор на власт без кворум за да изгледа дека има повеќе гласачи. Ете, он даде два гласа за сето тоа.

Како што одобруваше, ќутеше и поддржуваше кога после Преспанскиот договор Заев и Алексис Ципрас во Минхен примија награда “Фон Клајст“, демек заслужни лидери кои решавале меѓународни спорови, кога Зоран Заев ја шокираше јавноста со изјавата: „Искам да обявя, че споделям тази награда с моя добър приятел, премиера на България Бойко Борисов. Със споразумението, което ние постигнахме с България, стана възможен договора с Гърция”, рече Заев.

Петре Шилегов е соучесник на овие национални злодела со историска последица.

Петре Шилегов заборава дека бил градоначалник на Скопје, со годишен буџет од над 100 милиони евра, или близу пола милијарда евра за време на мандатот. Дека нема ни еден проект оставено зад себе од корист за скопјани, освен ако за проекти не ги смета тревникот на плоштад за кој потроши 500.000 евра, или 1.000 евра за квадрат гола трева, за сајт на градот плати 70.000 евра што е повеќе од десет пати над реалната цена, плати 280.000 евра за куќа за пингвини во Зоолошка градина, ги снема со децении старите камени блокови од калдрмите во парк за порталите да сликаат дека се во неговата нова вила во Маврово, за новогодишните елки и музичарите градот плаќаше по 150-200.000 евра! Плати 700.000 евра пред избори за “зелен покрив на Мавровка“, кој никогаш не го видовме. Дека како градоначалник склучил договор со својата адвокатска канцеларија за што реагираше и Антикорупциска, дека ВМРО го фати во дивоградба при надградба на неговата куќа во Карпош иако немал легална дозвола, како ни одговор дали градењето е од фирми кои добивале тендери од Градот Скопје и има ли докази дека им платил од своја сметка... А состојбата со Дрисла, еколошка бомба за Скопје оставена како негово наследство?!

Шилегов е човек кој ја продаде Градската куќа на Скопје, и 12 милиони евра - “испарија“.

Не, не. Петре Шилегов ни под шилеговача не може да ламентира над судбината на СДСМ. Може само да жали што два пати извиси за претседател на СДСМ затоа што Зоран Заев имал други математики бидејќи го го сметал за социјално запуштен и непредвидлив кога ќе влезе во својот кафански филм. Тао е тоа.

А многу сакаше да биде шеф на партијата. Сака и сега, ама нема веќе партија. Новата адреса на СДСМ попрво би била во Дрисла отколку на Бихаќка. Еве, Филипче нешто муља да составел тим за “новото“ СДСМ ама Петре го нема. Ја нема ни ондулираната Шеќеринска која влезе во политиката со Шкода Фелиција а излезе со куќа од два милиони евра карши парк и некои други скапи угостителски и станбени недвижности, за кешот не станува ни збор ни сомневање.

Ја нема Шеќеринска која гордо се сликаше со Фатмир Дехари, кој во валкани пантолани ја дочека министерката за одбрана и играше мајтап шетајќи ја пред знамиња на УЧК во државна институција, општина Кичево. Како стриптизета што ја донел во село за да издоминира пред другарите. А она не се опира, се смешка.

УЧК со неа добија нов член, Рада Ал Багдади. Па тоа е како Хашим Тачи да се поклони на гробот на Слободан Милошевиќ, или протераните Срби од Книн на гробот на Фрањо Туѓман, и малку повеќе од тоа.

Рада Шеќеринска која Боки ја снимал како седи кај на него заедно со Катица Јанева додека измеќарот на Боки му ја фарба косата. Приватна, интимна атмосфера помеѓу министерката, обвинителката и остало друштво.

Шилегов и Шеќеринска се истата пара од две страни. Девалвирана пара. Разликата е што Шилегов има амбиција за шеф на СДСМ, а Шеќеринска успеа да намлати многу повеќе пари. И двајцата тврдат, сељаците им ја уништија СДСМ.

А Филипче, несомнено пудлицата држена на кратко јаже од Зоран Заев, сега као формира свој тим. Тим за заштита на Фамилијата Заеви и себе лично. Во тимот, еве и вие да знаете, ги планира шефот на регулаторна за енергетика Марко Бислимовски, некој Бетијан Китев, Лолита Ристова, доскорешната директорка на фондацијата Сорос Фани Каранфиловска... а се врти околу списокот и Јани Макрадули... е такви опскурни ликови “ќе го спасуваат СДСМ“.

Накусо, Филиче решава и фактички да ја расформира партијата СДСМ и да ја предаде во владеење на соросоидите, дополнето со неколкумина безлични фаци за технички баланс.

Да ја водат тие што решија македонските деца да учат “мајчин“ јазик, а другите може да учат албански, турски, ромски... Што ни ги спремаат децата за јаничари во некоја од невладините на Сорос кои Заев заедно со ДУИ го донесоа на власт, и го наплатија здраво сето тоа преку Фондот за иновации или лично, како на пример министерката Мила Цароска која од власта си замина со нова викенд куќа од 300 квадрати и на нејзиниот партнер Петре Шилегов му плати 16.000 евра да го снима Скопје со дрон. Цароска која на состанок со синдикалците доаѓаше со шал Гучи до 300 евра а заедно со Шилегов, кој го водеше ЗЕЛС, координираа нов закон за образование без книги и со покровителство на Шилегов во Градовци организираа кампови за малолетни ученици на кои децата ги учеа како да мастрбираат.

Цароска, која се прослави и со забраната децата да учеле од книги. Што ќе им се, има партијата да ги научи се што треба. Затоа и се бореше да се укине употребата на “мајка“ и “татко“ и да се заменат со безличните бројки Родител 1 и Родител 2. Како секоја секта, прво на што удира е уништување на свеста на децата кон родителите, семејството, сопствениот пол и природа, традицијата, и национланта култура. Дете без сето тоа останува во лимбо состојба, лебди, дезориентирано и без свој и близок, без корен, спремно за перење мозок и владеење врз него.

Е, тоа е иднината и идеологијата на “обвновениот СДСМ“. Без никаква перспектива да стане политички фактор. Рецилиран политички отпад.

А Петре Шилегов плаче по “непрвадата“ тој да не биде шеф на ѓубриштето. Нема капацитет, дури ни за тоа. Кариерата во политика со години ја градеше како измеќар и ташнаревиќ на Владо Бучковски. Во адвокатурата помина незабележан, никој не го памти како адвокат. Како родител е лузер исто така, со таа пара што ја спакува синот му е бифеџија, што можеше и да се очекува кога сеиреше додека за потреби на Петре Шилегов детето праќаше компромитирачки пораки до синовите на нивните татковци кои СЈО ги гонеше, а Шилегов ги газеше. Он добро знае кога и како.

Сега бил сам. Напуштен. Суртук, што би рекле Скопјани.

Така оди тоа кога гневот и омразата ти се Библија: Прво го губиш четвртиот за покер, потоа третиот за преферанс, па вториот за домино и табла. Ти останува сам да го отвориш пасијансот и да видиш што ќе биде со тебе. Светлата на политиката ти се дефинитивно исклучени. Дојде крај на она што во претходните 7 години ги надмина сите димензии на здравиот разум и човечкото нормално однесување.

The post Латас: Кога шилеговача ќе прозбори… appeared first on Република.

Портпаролката на СДСМ Богданка Кузеска денеска на прес-конференција, коментирајќи ги објавите на поранешниот градоначалник на Скопје и СДСМ-овец Петре Шилегов, изјави дека СДСМ имаше легитимни внатрепартиски избори на кои го избра новиот лидер во постапка во која учествуваа дури четворица кандидати.

https://republika.mk/vesti/makedonija/arno-ti-tekna-so-molkot-stanuvash-souchesnik-veli-shilegov/

СДСМ е најдемократска партија во државата која единствена го бира својот претседател на демократски и непосредни избори. Оттаму легитимитетот на претседателот на СДСМ не може да се оспорува. Немаме намера да навлегуваме во лични напади, и остануваме посветени на демократските принципи кои ги почитуваат различните ставови, но во рамките на цивилизиран дијалог, рече Кузеска.

The post Лидерот е избран најдемократски, реагираат од СДСМ на изјавите на Шилегов appeared first on Република.

Поранешниот скопски градоначалник, Петре Шилегов повторно се огласи преку социјалната мрежа Фејсбук.

1.000 зошто, едно затоа: За да нема нејаснотии, бидејќи имам многу јавувања, многу пораки, многу коментари: ако нешто не е во ред и гледаш дека е така, а молчиш, со молкот стануваш соучесник …, напиша денеска Шилегов.

Шилегов во претходната објава на фејсбук ја нарече СДСМ заробена партија со двајца октроирани „лидери“, тезгароши.

https://republika.mk/vesti/makedonija/mart-e-prolet-prolet-e-sdsm-zagadochno-najavi-shilegov-so-post-protiv-zaev-i-filipche/

The post Арно ти текна: Со молкот стануваш соучесник, вели Шилегов appeared first on Република.

Во доцните часови, поранешниот градоначалник на Скопје, Петре Шилегов, предизвика внимание со објава на Фејсбук, во која остро го критикуваше сегашното раководство на СДСМ, посочувајќи го дуото Заев-Филипче. Според него, партијата е „заробена“ уште од 2019 година и управувана од „октроирани лидери“ со интереси кои не се поврзани со членството, туку со лични алијанси.

Ај да не се лажеме! СДСМ е заробена партија... Тоа не е СДСМ, напиша Шилегов, сугерирајќи дека сегашната структура на партијата служи на тесни интересни групи.

Ваквите напади, според експертите, се сметаат за позиционирање пред новата преструктурираност на партијата, која се соочува со историски ниска поддршка. Приврзаниците на Заев и Филипче коментираат дека останува да се види кој е интересот на Шилегов и какви ќе бидат неговите следни чекори во СДСМ.

The post „Март е пролет, пролет е СДСМ!“ загадочно најави Шилегов со пост против Заев и Филипче appeared first on Република.

Конфликтите во СДСМ достигнаа ново ниво по објавата на поранешниот градоначалник на Скопје, Петре Шилегов, кој сподели фотографија на која се гледа дека поранешниот генерален секретар на партијата, Миле Зечевиќ „Вардарски“ го отстранил од група на една од апликациите за комуникација. Оваа најнова конфронтација е само уште еден знак за длабоките поделби и кавги во партијата.

После последните избори во СДСМ, кавгите помеѓу функционерите се заострија. Стефан Богоев, еден од истакнатите членови на партијата, неодамна истакна дека СДСМ мора итно да се обедини или ризикува распад, бидејќи обединувањето треба да биде со давање шанса на способни и лојални луѓе на сите нивоа, без разлика дали некој ги смета за „мои луѓе“ или не.

Забрзано движење во пропаст

Внатрешните кавги во СДСМ не се ограничени само на поранешни и сегашни функционери. Членството на партијата е длабоко поделено по многу прашања, со чести расправии и недоразбирања кои дополнително ја дестабилизираат организацијата.

Аналитичарите и политичките коментатори предупредуваат дека ваквите состојби можат да имаат фатални последици за СДСМ. Ако партијата не успее да ги надмине своите внатрешни проблеми и да го обедини членството, ризикува да го изгуби својот политички капитал и да стане ирелевантна на македонската политичка сцена.

Со општи кавги и конфронтации на сите страни, СДСМ се наоѓа во крајни критична состојба. Останува да се види дали партијата ќе успее да ги надмине своите проблеми, што е сѐ помалку можно или ќе продолжи да тоне кон пропаст.

The post Конфликтот во СДСМ ескалираше: Караници и невреди на сите страни appeared first on Република.

Она кое го очекувам од новата влада секако е 🔎#финансиска длабинска #истрага на целото 4 годишно работење на #Петре #Шилегов и неговиот секретар, #Викторија #Мадиќ [чиј зет ја набави ⛑️🪜пожарната скала од 1,7 милиони евра], пишува на Фејсбук, новинарката Јорданка Ивановска Јоци.
А, потоа секако и на #Данела #Арсовска, која излезе екстремно полоша верзија и од него.
Потребно е детално објаснување на јавноста за набавка на клупите со прост дизајн од 500 евра, ливадата на плоштад од 500.000 евра, ПП скалата од 1,7 милиони евра, интернет сајтови од 75.000 евра кои не постојат и куп тендери кои ги добиваа фирми без наддавања и оштетување на градскиот буџет.
Тука е и процесот за галијата, за кој не е познато дали ќе се плаќа отштета, уривање на објектите во рамки на езеро Треска и бетонизација....
ШИЛЕГОВ можеби се надева дека е заборавен, затоа што го снема по изгубените локални, но тешко дека тие работи се толку прости и невини.
ВМРО-ДПМНЕ, по смената на власта и преземањето на институциите, време е да отвори истраги, затоа што во 2021 ,,возеше" тешка афера за него со мрсни тендери која ја нарекоа ,,#ПРОФИТЕР". Обвинија и дека Шилегов го зголемил имотот за 500.000 евра.
🔴 И, да, Шилегов може да продолжи да се заебава на неговиот ФБ профил, да вреѓа луѓе кои објавуваат што правел и како правел додека тој се фали дека е милионер, да измислува, да дрка и да се замислува само обичен успешен цивил, кој никогаш не потпишувал и располагал со 4 годишни градски буџети кои тежеа вкупно околу 370 милиони евра.
Но, сепак и на мелодијата ,,дрка дрка џон" ќе и` дојде крајот.
***
И да се потсетиме како Зоран Заев во муабет во струмичка кафана со Веруш јуниор, потврди дека знае што правел Шилегов во минатото, кога беше дел од владината Второстепена комисија, некаде 2005, во време Бучково.
ХХ: #Шилегов? Второстепена комисија. Трпај пари и уживај, капата на криво. И свиркај си.
Заев: Немам дилема околу тоа, јасно ми е. Што бил, како правел, океј е.

The post Дрпај, дрпај и зезај се со граѓаните: Јоци повикува на длабинска финансиска истрага за Шилегов и Арсовска appeared first on Република.

Многу чорби, една манџа…

Ова е краткиот коментар на поранешниот скопски градоначалник Петре Шилегов пред официјализирањето на кандидатите за нов претседател на неговата партија СДСМ.

Постапката за кандидирање трае до четврток, а засега својата кандидатура ја потврдија поранешниот министер за здравство и најдобар пријател на Зоран Заев, Венко Филипче, поранешната министерка за одбрана Славјанка Петровска и првиот човек на ТИРЗ Јован Деспотовски, кому ова ќе му биде втор обид да застане на чело на партијата.

https://republika.mk/vesti/makedonija/mitskovski-so-filipche-na-chelo-na-sdsm-zaev-ke-si-ja-koristi-za-dilovi-a-chlenstvoto-ke-izbega-vo-znam/

Иако на почетокот како можен кандидат се споменуваше и самиот Шилегов, засега нема поднесено кандидатура.

The post Шилегов: Многу чорби, една манџа… appeared first on Република.

Повеќе на ОФФ.нет

The post Капиштец стана двојазичен appeared first on Република.

Поранешниот градоначалник на Скопје и висок функционер на СДСМ, Петре Шилегов, смета дека било погрешен потег што генералниот секретар на партијата, Миле Зечевиќ, присуствувал на промоцијата на „Нова алтернатива“, новата партија на сегашната градоначланичка на Скопје, Данела Арсовска.

https://republika.mk/vesti/makedonija/zechevik-i-mechka-vo-prvi-redovi-na-promotsijata-na-novata-partija-na-danela-arsovska/

Според Шилегов, станува збор за политички субјект, кој не заслужува такво ниво на внимание од СДСМ

Немаме политичка одлука зошто секретарот на партијата бил таму, не знам зошто тој беше таму. Дали бил приватно, не знам. Ако паријата добила покана, во ред е да се појавите таму, но не мислам дека таа партија и тој субјект го заслужува тоа високо ниво на присуство на Социјал-демократскиот сојуз“, изјави Шилегов во гостување во Дневникот на Сител.

(Изјавата на Шилегов е на 14.20 од видеото)

The post Шилегов до Зечевиќ: Превисоко беше нивото кај така мал политички субјект, може бил приватно, тоа е негов проблем appeared first on Република.

Поранешниот градоначалник на Скопје Петре Шилегов на социјалните мрежи побара оставка од градоначалничката Данела Арсовска и избори за Скопје во мај.

Шилегов вели дека Скопје се наоѓа во процес на целосна девастација.

Почитувана Арсовска, заминете си. Поднесете оставка. Доблесно е да си признаете дека сте тотално неспособна и некадарна да го водите градот. А едноставно Ви се случи. Непланирано. (Без визија и план што би работеле. Со сите мои и наши (партиски, политички и граѓански) грешки кои придонесоа за тоа). Во мај секако имаме избори во Македонија. Нека се избори и во Скопје. Заради малку достоинство што секој од нас треба да го има. И заради Градот (не толку убав во задње време) во кој што сите живееме, пишува Шилегов.

Вели дека нема ни намера ни носталгија повторно да е градоначалник, но како граѓанин и некој што го сака Скопје, смета дека овде ништо не е во ред.

The post Шилегов бара во мај да има и избори за градоначалник на Скопје, а Арсовска сама да си замине appeared first on Република.

Според, Петре Шилегов висок функционер на СДСМ и екс градоначалник на Скопје, институциите во Македонија се нефункционални на повеќе нивоа и нема правда и одговорност.

Проблемот е подлабок, потребно ни е да направиме функционални институции, проблемот на немањето одговорност, општествена, политичка, кривична. Тоа значи дека имаме нефункционални институции на повеќе нивоа, истакна Шилегов за „Само интервју“ на Канал 5.

Шилегов говорејќи за измените во Кривичниот законик и правдата во земјава, рече дека сите случаи на СЈО, обвинителството не ги завршило и посочи дека органите не си ја работат работата.

Ако немаме правда и органите на прогонот не си ја работат работата, без оглед за кого станува збор, во општеството нема да има мир. Дел од јавноста оправдано е разочарана, треба да ја воведеме одговорноста и функционалноста на институциите на сите нивоа, изјави Шилегов.

The post Шилегов против власта: Имаме нефункционални институции на повеќе нивоа appeared first on Република.

Ова е плацот каде пред избори Герасимовски и Шилегов ветуваа нема да се гради. Очигледно некој ќе гради пошто и светилки си ставиле по патот и материјал си донеле, вели Ивор Мицковски, споделувајќи фотографија од местото на Средно Водно, каде се продолжува со изградба.

Само 50 метри подоле, тоа што исто се гарантираше нема да се градело и биле само дрвени куќи, се претвори во населба, во село со 20-тина куќи, сите ѕидани, некои и на три спрата.
Значи, дечки, 2 години не пројдоа од ветувањата, локална и централна власт сте, ама понеспособна, понезаинтересирана, понегрижлива багра ни се нема десено.
Грујо може ќе го вратите, ама вие ќе си одите засекогаш, вели Мицковски.

The post Ова е плацот каде пред избори Герасимовски и Шилегов ветуваа нема да се гради appeared first on Република.

Историјата на ВМРО-ДПМНЕ и скопските градоначалници се повторува. Случајот „Данела Арсовска“ е речиси пресликан со оној на нејзините претходници Трифун Костовски и Ристо Пенов.

И тие откако ја добија поддршка од ВМРО-ДПМНЕ и станаа градоначалници на Скопје, ѝ го свртеа грбот на партијата која ги донесе на функцијата и продолжија самостојно или пак како партиски сателити да настојуваат да го продолжат патот кон повисоки политички дострели.

Но, за жал праксата покажа дека нивните одлуки биле погрешни и разелбата со ВМРО-ДПМНЕ им се врати како бумеранг. И Косотовски и Пенов после тоа ги снема од политичката сцена. Останува да се види дали истото ќе се случи и со Арсовска.

Она што подолго време се насетуваше и се случи. Соработката помеѓу „независната“ Данела и ВМРО-ДПМНЕ заврши.

Арсовска цело време се обидуваше да создаде впечаток дека е независна во својата работа и дека нема никаква врска со ВМРО-ДПМНЕ.

Да се потсетиме, така не изгледаше кога победата над Петре Шилегов со трубачи ја прослави пред седиштето на партијата која ја донесе на чело на град Скопје.

https://republika.mk/vesti/skopje/direktorot-na-gradski-parking-si-podnese-ostavka-arsovska-e-nezainteresirani/

Несоработката на Данела со директорите на јавните претпријатија предизвика првите луѓе на Градски паркинг“, „Дрисла“ и Водовод“ да си поднесат оставка. И Христовски и Перински и Мицевски имаат идентично мислење за Аровска дека таа нема слух за проблемите на градот и оти си заминуваат со крената глава.

https://republika.mk/vesti/skopje/dudush-koleshke-arsovska-ova-e-rezultatot-shto-nie-kako-gradonachalnici-nemame-vash-telefonski-broj-za-konsultacija/

Кога на тоа ќе се надоврзе протестот на жителит на Шуто Оризари на чело со градоначалникот Курто Дудуш, кој се пожали дека немаат никава соработка со Арсовска и дури дека го немаат нејзиниот број.

Затоа, неубедливо делува објаснувањето на Арсовска дека „директорите на јавните претпријатија од ВМРО-ДПМНЕ добиле понуда да си дадат оставка или да бидат разрешени.

https://republika.mk/vesti/skopje/arsovska-direktorite-dobija-ponuda-da-si-dadat-ostavka-ili-da-bidat-razresheni/

The post Арсовска по стапките на Костовски и Пенов: ВМРО-ДПМНЕ ја направи градоначалник, а сега Данела ѝ го врти грбот appeared first on Република.

Не запира поранешниот пратеник и градоначалник Петре Шилегов да шири „смешки“ по интернет.

Откако остана без функции, Шилегов редовно се интересира за актуелните теми и го искажува својот став, главно со зајадливи и навредливи зборови. Денеска фокус на интерсот на бившиот градоначалник е вчерашното насилие во Собранието.

https://republika.mk/vesti/makedonija/koga-nema-odgovornost-vaka-kje-si-poigruvaat-shilegov-izdava-pod-zakup-prostor-za-sedishte/

Со оглед на тоа што владее селективна казнивост за објавите на Фејсбук, не е чудо што Шилегов може слободно да се „шегува“, без да одговара за говор на омраза.

The post Шегобиецот Шилегов: Милошоски да го напушти Собранието, двапати му падна косата до сеа appeared first on Република.

Функционерите на СДСМ натрупаа милионски имот. Заев, Филипче, Петре Шилегов, Драги Рашковски, Мухамед Зекири и Дарко Каевски да ги продадат хациендите и луксузните автомобили за да има пари за народот, ова денеска преку соопштение до јавноста го истакнаа од ВМРО-ДПМНЕ.

Од позиција на власт, Заеви отворија фабрики за марихуана, си продолжија лиценца за ископ на глина за Еленица, добиваат 1.4 милиони евра од МЗШВ, купуваат Мајбах Мерцедеси, Поршеа и разни луксузни автомобили вредни над стотици илјади евра.

Само Трајче Заев да го продаде Мајбахот од 600.000 евра, ќе се купат 10 амбулантни возила.

Дарко Каевски на 30 години има имот од еден стан, 4 милиони во банка и хациенда која ја нема запишано во анкетен лист. Како со пратеничка плата успеал да стигне до тој имот е прашање на кое дополнително треба да одговори пред јавноста, но сега нека ја продаде хациендата со која можат да се купат 3 противпожарни возила.

Драги Рашковски да го продаде џипот и милионскиот имот, исто како и Мухамед Зекири.

Венко Филипче да ја продаде луксузната хациенда на Водно, а Петре Шилегов зградата дивоградба во Карпош, велат од најголемата опозициска партија ВМРО ДПМНЕ.

Од партијата сметаат дека додека тие трупаат милионски имот народот не може да се прехрани од први до први. Народот живее во беда и сиромаштија, на прагот на животна егзистенција.

За да можат да крадат и да трупаат имот не ја намалуваат ниту акцизата на горивата, предлог на ВМРО-ДПМНЕ кој ако го прифатеа, сега ќе имавме горива и за 25 денари поевтини.

Премногу е, граѓаните масовно да излезат на протест за промени на 18 јуни во 20:00 часот пред влада, и да порачат дека е доста од штетните и криминални политики на расипничката влада на СДСМ и ДУИ, се додава во партиското соопштение.

 

The post ВМРО ДПМНЕ: Граѓаните живеат во беда и сиромаштија, Заев, Филипче, Рашковски, Зекири, Шилегов и Каевски да ги продадат хациендите, становите и луксузните автомобили за да има пари за народот appeared first on Република.

Ексградоначалникот на Скопје, Петре Шилегов, на социјалните мрежи понуди простор за ново седиште за ВМРО ДПМНЕ, откако судот денеска донесе одлука за конфискација на седиштето на оваа партија.

Ароганцијата на сегашните и бивши функционери на СДСМ, произлегува од фактот дека се заштитени од нефункционирање на судската власт.

Заробеното судство, кое не ги процесира предметите за лица од власта, им дава простор на ликови како Шилегов да си поигруваат и да се шегуваат со судски одлуки кои произлегуваат од политички случаи.

The post Кога нема одговорност вака ќе си поигруваат: Шилегов издава под закуп простор за седиште appeared first on Република.

Не им е до Вардар, до плановите, да ја урнат базата кај стадионот и да изградат нов комплекс како кинескиот ѕид и да направат милиони…“, ни кажа еден голем пријател на Вардар пред неколку месеци кога и официјално Сергеј Самсоненко го предаде клубот на Петре Шилегов (тогашниот градоначалник), а овој му го даде клубот на Слободан од фирмата “Блу Скај Инвестменс“, пишува „Спортмедиа“.

И тогаш најавија проекти, “бомби“, милиони, за дa денеска Вардар неуспеe да обезбеди пласман во елитата, неуспеа да обезбеди дури и бараж за барем уште една надеж која би го оставила клубот во живот за експресен кам-бек во елитата.

Анонимниот Слобода(н), кој со својата исто така непозната градежна фирма од правење фасади и лепење плочки влезе во играта наречена ФК Вардар. Од кажаните зборoви на прес конференмцијата со Петре Шилегов, па се до денеска, има само „празна слама“ и ништо повеќе. Лажни приказни, нереални филмови, лошо менаџирање и на крајот катастрофа за клубот, навивачите…

А Слобода(н), а и Петре и останатите требаше да знаат дека ова е најголемиот клуб во Македонија. Во земја каде Вардар е Македонија, а Македонија е Вардар. Дека клуб не може да се врати на врвот со фасадери и плочкари.

Ај сега да се вратиме на првата реченица од овој текст!

Реченица која е кажана уште пред да почне новиот проект со споменатата фирма на споменатиот Слобода(н) и сега веќе поранешниот градоначалник на Скопје.

Изборите за Шилегов беа фатални, загуби од скопјани (голем дел и не му дадоа глас токму поради ФК Вардар), а со тоа паднаа во вода и плановите, проектите и милионите кои биле планирани од изградба на нов комплекс на апартмани, хотели, ресторани на местото каде сега е фудбалската академија на Самсоненко.

Од некаде се појавува Слобода(н), коj е бизнис партенер и со газдите на хотел „Парк“ до скопскиот стадион, (еден од браќата Малиќи), со силен ветер и од зетот на Заеви од Струмица за кои се говори низ кулоарите дека се спонзорите од позадина на овој сегашен и неуспешен ФК Вардар. Дали истата таа групација требаше да направи нов „кинески ѕид“, да се земат на сила и останатите маркици за градба во истиот дел од паркот и да се уништи тогашната Академија „Вардар“, а сега Академија „Парк“. Се поставува прашањето: Која е позадината и кој е вистинскиот финансиер на ФК Вардар!? Доста е со молчење и преќутувања!

Истата таа екипа која ја „спаси“ Беласица, па се пресели во ФК Вардар. Имаа многу успешно фудбалско „си-ви“, па некој им го поклони Вардар за околу 30.000 евра!

Вардар веќе еднаш мина ваков земјотрес, но тогаш барем остана прволигаш. Исто така и тогаш клубот беше жртва на сметка на скопскиот кампинг. Клубот и во тоа време екс-градоначалници го искористија за доделување на маркици за камп, па со пренамена за градба никна бетонското чудо кое беше наречено „Кинески ѕид“.

Вардар и неговите навивачи треба да ја знаат вистината поради која клубот е во ваква ситуација. Клубот кој беше во рајот со Сергеј Самсоненко, стигна до најголемото дно. И таму не цветаа рози, лошо менаџирање, катастрофални кадри… Но како тоа наеднаш русинот застана!? Смена на власт и „пепел“. Вложени околу 80.000.000 евра во ФК, РК и ЖРК Вардар и потоа никому ништо. Одземање на имоти, лажни стечаи… Уште тогаш беше јасна позадината! Да нема Вардар силен спознор затоа што на многумина му смета, но и за да се скрои новиот план.

Еве сега Вардар има неуспешна сезона – хаварија зад себе! И да останат ли истите луѓе и догодина!? Сега е време за спас, за обединување и план за враќање на силниот Вардар. Времето ќе покаже дека без Вардар нема силен фудбал во Македонија. Тоа е факт од кој нема бегање. Жално е само тоа што некои се уште не се освестени, живеат во некои заблуди заведени од самонаречени легенди, па тераат политики кои го доведоа клубот тука каде што е – на дното и во најнискиот ранг (во Скопје нема трета лига – втората запад е најниско натпреварување).

Сега го нема Шилегов, ги нема веќе плановите за таа планирана фамозна градба од 42.000 м2. Ги нема ниту пилотите од Дубаи и Турција – нема ништо од ФК, па дури и со месеци нема плати за играчите.

Метлата треба да заигра веднаш и сега! Ако се чека, само ќе за загуби уште една година, а тоа е желбата на сите (а ги има многу) душмани на ФК Вардар!

The post „Спорт Медиа“: Дали Фк Вардар е жртва на градежната мафија која сака да направи нов комплекс во парк? appeared first on Република.

Основното јавно обвинителство – Скопје донесе наредба за спроведување истражна постапка против две лица, на возраст од 24 и 22 години, за кои постои основано сомнение дека сториле кривично дело „тешки дела против општата сигурност, при што со пожар предизвикале значителна опасност за животот или телото на луѓето“.

Двајцата осомничени соизвршители, на 9 март, со пожар предизвикале значителна опасност за животот или телото на луѓето. Првиот осомничен повикал такси возило во Ѓорче Петров и влегол на совозачкото седиште, носејќи со себе пластична туба со жолта течност. На таксистот му кажал да вози до улицата „Козле“, каде во возилото се качил вториот осомничен. По пат двајцата се договарале за начинот на кој ќе го извршат кривичното дело. Од такси возилото се симнале на булеварот „Партизански одреди“ и продолжиле да се движат пеш, стои во соопштението од ЈО.

Дополнуваат дека кога пристигнале на улицата „Мексичка“, двајцата осомничени со течноста полеале паркиран автомобил Ауди Q5 и го запалиле. Пламенот се проширил, па освен автомобилот Ауди, целосно изгорел и автомобил Фолксваген пасат, додека делумно биле зафатени и оштетени уште два други автомобили и еден објект. Со тоа осомничените предизвикале поголема имотна штета.

Како што информираат од ЈО, со кривичната пријава за истиот настан било опфатено уште едно лице за кое надлежниот јавен обвинител донел Решение за отфрлање на пријавата, бидејќи за него не се утврдени елементи на кривично дело кое се гони по службена должност.

Надлежниот јавен обвинител до судијата на претходна постапка од Основниот кривичен суд Скопје достави предлог за определување мерка притвор за двајцата осомничени, бидејќи постојат околности кои упатуваат дека би можеле да се дадат во бегство, да влијаат врз сведоците или да го повторат делото. Судијата го прифати предлогот и на осомничените им определи притвор во траење од по 30 дена, наведуваат од ЈО.

Осомничените се товарат за кривично дело од член 292 став 1 во врска со член 288 став 1 и во врска со член 22 од Кривичниот законик.

The post В такси го договарале палењето: Притвор за лицата кои му го запалија автомобилот на Шилегов appeared first on Република.

Полициски службеници од СВР Скопје вчера ги лишиле од слобода скопјаните А.Ј., С.Б., и С.Ј., информира МВР.

По преземени мерки и активности е утврдено дека тие на 9 март годинава во Скопје со запалива течност предизвикале пожар во патничко возило „ауди Q5“, од кој биле зафатени три други возила – „фолксваген пасат“, „нисан“ и „даеву матиз“.

https://republika.mk/vesti/crna-hronika/zapaleni-kolite-na-shilegov-parkirani-pred-semejnata-kukja/

Денеска, до Основното јавно обвинителство Скопје, против нив е поднесена кривична пријава поради сомнение за сторено кривично дело „тешки дела против општата сигурност” по чл. 292, а во врска со чл. 288 од Кривичниот законик, велат од МВР.

The post Фатени лицата што го запалиле „аудито“ на Шилегов appeared first on Република.