Двајцата највозрасни играчи на овогодинешното Европско првенство во Германија доаѓаат од Португалија.

Пепе, кој на 26 февруари наполни 41 година, ќе игра за шампионите на Стариот континент од 2016 година. Дефанзивецот на Порто повторно го најде своето место во националниот тим.

Второто место на листата на најстари му припаѓа на колегата Кристијано Роналдо, кој на 2 мај го прослави својот 39-ти роденден. За Роналдо ова е шесто последователно континентално првенство на кое настапува.

Лука Модриќ е нешто помлад од Роналдо. Хрватскиот репрезентативец на 9 септември ќе наполни 39 години.

На листата на десет најстари се и: Шпанецот Хесус Навас (роден 21/11/1985), Грузиецот Џорџи Лорија (27/01/1986), Германецот Мануел Нојер (27/03/1986), Французинот Оливие Жиру (30/09/ 1986), Словакот Петер Пекарик (30/10/1986), Данецот Каспер Шмајхел (11/05/1986) и Словакот Јурај Куцка (26/02/1987).

The post Пепе, Модриќ и Роналдо најстари играчи на ЕП appeared first on Република.

Најдобриот португалски фудбалер Кристијано Роналдо сака во својот нов клуб Ал Наср да го донесе сонародникот и поранешен соиграч од Реал Мадрид, Пепе.

Како што објави шпанскиот весник „Марка“, намерата на Роналдо е саудискиот клуб да биде опкружен со некои од своите пријатели, меѓу кои е и Пепе.

Шпанскиот весник додава дека Роналдо за овој трансфер веќе разговарал со раководството на Ал Наср.

Пепе идниот месец ќе го прослави својот 40. Роденден, но на неодамнешното Светско првенство покажа дека и натаму е способен да игра врвен фудбал.

The post Пепе ќе му се придружи на Роналдо во Ал Наср? appeared first on Република.

Дефанзивецот на Португалија Пепе реагираше на назначувањето на судијата од Аргентина за делител на правдата на денешниот пораз од Мароко во четвртфиналето на Светското првенство.

Неприфатливо е аргентински судија да го суди нашиот натпревар. Не велам дека дојде ове со некоја намера… Но колку игравме во второто полувреме? Колку минути додаде? Петтемина судии кои денеска беа на терен, Аргентинците… Што друго да кажам, да видиме кој ќе победи на крајот.

Ние бевме единствената екипа што играше фудбал. Тажни сме. Имавме квалитети да го освоиме Светското првенство, а не успеавме. Заминувам со тага бидејќи имавме можност да го освоиме овој Мундијал, го цитира Пепе „Record“.

Во полуфиналето Мароко ќе игра со победникот до дуелот Англија – Франција, додека Аргентина и Хрватска ќе се соочат во другото полуфинале.

The post Пепе: Неприфатливо е аргентински судија да ја дели правдата на нашиот натпревар appeared first on Република.