Министерот за труд на Германија, Хубертус Хајл, ја отфрла идејата за поместување на старосната граница за пензионирање на 70 години, но дебатата во Германија повторно се разгорува. Оценката е дека прашање е како да се обезбеди висината на пензиите доколку има недостиг од работници, а има се повеќе пензионери.

Ваквата реакција доаѓа по јавните предлози на економски експерти за кревање на старосната граница.

Мора да се подигне старосната граница за пензионирање - изјави неодамна економистот Гунтер Шнабл од Универзитетот во Лајпциг.

Со предлогот да се пензионира на 70-годишна возраст, Шнабл ја разгоре старата дебата во Германија.

Имено, по многу дебати, во оваа земја старосната граница за пензионирање до 2029 година постепено се зголемува од 65 на 67 години. Оние што ќе се пензионираат пред тоа не можат да сметаат на целата сума.

Аргументот на Шнабел е генералниот пораст на цените, како и стотиците илјади слободни работни места. Тој вели дека Германија ќе има проблем само кога ќе се пензионира целата генерација на бејби бумови. Тоа значи луѓе родени за време на наглиот скок на наталитетот меѓу Втората светска војна и 1960-тите - пишува „Дојче веле“.

Има и извештај од Министерството за труд и социјала, кое пресметува дека до 2035 година нивото на пензиите сериозно ќе падне. Имено, во моментов, според законот, просечната целосна пензија мора да биде најмалку 48 отсто од просечната плата во земјава, но таа може да падне на 45,8 отсто во триесеттите години на овој век.

Причината е едноставна - општеството старее, а во него има се поголем процент пензионери. Така, во 2020 година имало 25,84 милиони пензионери, дури 6,5 милиони повеќе отколку по обединувањето на двете Германии.

Во Германија хронично се води дебата за тоа на колку години да се пензионира. Овојпат особено дебатат е особено значајна за социјалдемократите, кои ја предводат Владата во ликот на канцеларот Олаф Шолц. Едно од неговите главни ветувања во кампањата беше стабилно ниво на пензиите.

Неговиот партиски колега, министерот за труд, Хубертус Хајл, ја отфрла идејата дека сите треба да работат до 70-тата година од животот.

Само луѓето кои живеат во некој свој свет веруваат дека луѓето треба да работат до 70-годишна возраст во челичарници, продавници, како полицајки или медицински сестри - изјави Хејл за весникот „Велт“.

Хејл потсети дека социјалдемократите, зелените и либералите во коалицискиот договор напишале дека старосната граница за пензионирање нема да се движи над 67 години и дека ќе се држат до неа.

Политикологот и истражувач на сиромаштијата Кристоф Бутервеге, близок до германската левица, потсети дека дури и во царска Германија во 1916 година старосната граница за пензионирање била намалена од 70 на 65 години.

The post Во пензија да се оди со наполнети 70 години: Жестока дебата во Германија appeared first on Република.