Општина Тетово денескa информираше дека е почната акција за чистење на коритото на река Пена. Откако се намали водостојот на реката, забележителни беа големите количини на смет кои несовесните граѓани го фрлаат таму, па практично речното корито повеќе наликува на депонија.

-Сабота на работа.  Денеска излегов на терен да ја видам одблиску акцијата за чистење на коритото на река Пена. Оваа акција опфаќа чистење на коритото, како и сечење на гранки од дрвја кои моментално го попречуваат течението на реката. Оваа акција има за цел да обезбеди послободен и порегулиран проток на реката, минимизирајќи го ризикот од поплави и зачувување на интегритетот на природната средина. Ги повикувам граѓаните да се грижат за животната средина и да не фрлаат ѓубре во реката, вели градоначалникот Биљал Касами во објава на социјалните мрежи, која ја пренесе службата за односи со јавноста и комуникации.

За настанот Општина Тетово не повика новинари, па нема податоци дали чистењето е само денеска и колку често ќе се практикува.

The post Општина Тетово со акција за расчистување на река Пена appeared first on Република.

Дел од граѓаните кои живеат во близина на коритото на река Пена каде што беше извршено сечење на дрвја бараат државната установа надлежна за шуми да ги отстрани дрвјата од коритото. Тие велат дека се плашат од опасноста од поплави затоа што се останати исечените дрвја во речното корито.

- Бараме шумското стопанство да ги расчисти дрвјата од коритото, бидејќи тие беа оние кои реагираа. Директно бараме да се исчисти коритото, кој има надлежност да го направи тоа за да си ја врши работата без никаква друга цел, истакнаа граѓаните кои ги повикаа медиумите.

- Со задоволство ја дочекавме акцијата која почна да се презема, бидејќи јас живеам во горниот дел, порано немаше вакви акции, некогаш имаше отстранување на камења и карпи. Не гледам дека дрвјата надвор од коритото се исечени, но во реката, знаеме дека коритото треба секогаш да биде слободно, рече друг жител на Тетово.

Вчера МИА извести дека во неделата Oпштината почнала акција за расчистување на коритото при што се исечени и дел од дрвјата во коритото. Акцијата била прекината откако ЈП „Национални шуми“ пријавиле во полиција, а според Општината, забраниле да се отстрануваат исечените стебла.

The post Граѓаните се плашат од поплави, бараат да се отстранат исечените дрвја кои сè уште се во коритото на река Пена appeared first on Република.

За убиството на 16 годишното момче што се случи во декември 2022 година Основниот суд Тетово денеска изрече казна затвор од десет години за 17-годишното девојче, информираа од канцеларијата за односи со јавност на тетовскиот суд.

Девојката од тетовското село Рогле е осудена за кривично дело убиство по член 123 став 2 точка 1 од Кривичниот законик.

Основниот суд Тетово денес донесе пресуда за настанот случен на ден 21.12.2022 на место викано Бањиче, во кој лишен од живот е детето Б.Х на возраст од 16 години, а за кој настан постапката се водеше спрема дете во судир со законот на возраст од 17 годни за кривично дело Убиство по член 123 став 2 т1 од Кривичен законик. Судот донесе пресуда со која детето во судир со закон е огласено за виновно и изречена му е казна затвор за деца во траење од 10 години, се вели во соопштението на тетовскиот суд.

На 22 декември 2022 полицијата безживотното тело на 16 годишното момче од Ново село, Општина Желино беше најдено во реката Пена кај месноста Бањиче близу Тетово. Сега веќе осудената 17 годишно девојче беше приведено наредниот ден, по што и беше определен и притвор. Убиство по член 123 став 2 точка 1 според Кривичниот законик претставува Квалификуван облик на убиство-Убиство на свиреп начин.

The post Десет години затвор за тинејџерката која го уби 16-годишното момче од Тетово appeared first on Република.

Одреден и е 30 дневен притвор на малолетната девојка, која го призна убиството на 16-годишното момче од селото Новосело- Желино. Освен девојката, од секторот за внатрешни работи Тетово, рекоа дека бил сослушан уште еден малолетник, но тој потоа бил пуштен дома.

https://republika.mk/vesti/crna-hronika/po-verbalna-raspravija-vo-avtomobil-17-godishna-devojka-go-ubila-16-godishnoto-momche-pa-go-turnala-vo-reka/

Според информации на телевизија „Алсат“, сега уапсената малолетничка најпрвин со остар алат го удрила сега починатиот 16-годишник, а потоа со завои го врзала за седиштето од автомобилот. Исто така, се дознава дека таа се обидела и да го полие момчето со бензин. Момчето, потоа го извлекла од автомобилот и го фрлила стотина метри подолу во коритото на реката Пена. Тетовската полиција се сомнева во вмешаност на трето лице во стравотниот настан, за кој истрагата продолжува.

The post Прво сакала да го запали: Се истражува каква врска има трето лице при убиството во Тетово appeared first on Република.

Во текот на вчерашниот ден беше извлечено безживотно тело на 16-годишно дете од реката Пена во близина на Бањиче, а „Алсат“ објави дека полицијата истражува дали момчето било убиено. Според информации на „Алсат“, полицијата досега уапсила 17-годишна девојка, а се трага по уште едно лице.

Во четвртокот, во 14 часот во СВР Тетово бил извршен службен разговор со 17-годишна малолетничка од тетовско Рогле. Таа се сомничи дека со тврд предмет го нападнала 16-годишниот малолетник од село Ново Село, Општина Желино, кој вчера во 7.10 часот беше пронајден починат во водите на река Пена на патот кон место викано „Бањиче“ во Тетово.

Исто така, во врска со настанот, во присуство на родител, претставник од Центар за социјални работи, адвокат и медицинско лице бил извршен разговор и со 17-годишен малолетник од Тетово.

Малолетничката била задржана во полициска станица, додека малолетникот бил ослободен. По документирање на случајот од страна на судија во претходна постапка во Основен суд Тетово, на малолетничката ѝ била определена мерка притвор во траење од 30 дена и била спроведена во Казнено-поправната установа Затвор Скопје за издржување на мерката притвор.

The post 16-годишното дете извлечено од реката Пена било убиено? Осомничена е 17-годишна девојка која доби притвор 30 дена appeared first on Република.

Утрово во 07.10 часот во водите на река Пена, на патот кон место викано „Бањиче“ во Тетово, полициски службеници од СВР Тетово го пронашле телото на малолетникот од Ново Село, општина Желино.

Како што соопштуваат од тетовската полиција, претходно неговиот татко Џ.Х.(46) пријавил дека вчера околу 16.00 часот од дома се оддалечил со патничко возило „ауди“ со тетовски регистарски ознаки.

Претходно, околу 02.20 часот, возилото било пронајдено во близина на угостителски објект на место викано „Бањиче“.

Смрт констатирал лекар од Итна медицинска помош, а по наредба на Јавен обвинител, телот било дадено на обдукција.

The post Тело на малолетник пронајдено во Пена, „ауди-то“ со кое заминал од дома пронајдено покрај угостителски објект appeared first on Република.

Животот покрај реката Пена во тетовската населба Деребој заврши трагично за шест-годишно машко дете. Детската игра во дворот од семејната куќа го одвела до работ од реката. Се лизнало и паднало, а брзата река го повлекла неговот мало тело. Неговата мајка се фрлила по него, но не успеала да го спаси. Силниот водостој на пена веќе го однел многу подалеку од нејзините раце. Двајца соседи влегле во реката по мајката, и таа е извлечена на безбедно, но не и нејзиното дете. Цели 4 часа детското тело го бараа шест пожарникари, полицијата и спасувачки екипи.

Денеска Тим за брз одговор од ПОЗС – Тетово заедно со пожарникари од ТППЕ Тетово и припадници на Полицијата на Тетово беа ангажирани за пронаоѓање на 6 (шест) годишно дете, кој според сознанието паднал во Реката Пена, соопштија од Дирекција за заштита и спасување

Потрагата се раширила долж брегот на сите околни места. Пронајдено е во 17 часот. Детето е извадено, но без знаци за живот. Полицијата се уште врши увид и ги бара причините за оваа трагедија, а телото на детето е дадено на обдукција.

The post Во Пена се удави шест-годишно дете appeared first on Република.

МВР информираше дека денеска во околу 11:40 часот во водите на р.Пена, во атарот на тетовско Фалише, пронајдено е телото на 62-годишниот И.Л. од Тетово, за кого на 31.12.2021 беше пријавено дека се оддалечил од домот.

По добиената пријава, по И.Л. интензивно се трагаше со екипи на СВР Тетово, а во потрагата беа вклучени и кучиња-трагачи. Лекар констатирал смрт, извршен е увид од страна на полициски екипи во координација со Јавен обвинител, по чија наредба телото е предадено за обдукција.

The post Трагичен крај: Пронајден тетовецот кој исчезна пред Нова година appeared first on Република.