Ракометарите на Вардар 1961 се пласираа во финалето на македонскиот Куп, откако вечерва во вториот полуфинален дуел на фајнлфорот во Охрид беа поуспешни од Алкалоид со 31-22 (14-9).

Вардар 1961 ќе ја брани титулата во реприза од ланското финале во кое „црвено – црните“ го совладаа Еурофарм Пелистер во Кавадарци со 23-22.

Најефикасен вечерва во редовите на Вардар 1961 беше Дејан Манасков со 12 голови, додека голманот Мартин Томовски запиша 17 одбрани.

Во првото полуфинале од денешната програма, Еурофарм Пелистер рутински го совлада Тинекс Пролет со 28-21.

Финалниот натпревар ќе се одигра в сабота од 18:00 часот во спортската сала „Билјанини извори“ во Охрид.

Освојувачот на двојната круна од минатата сезона Вардар 1961 е најуспешна екипа во историјата на македонскиот машки ракометен Куп со 15 титули

The post Вардар-Пелистер во финалето на ракометниот куп appeared first on Република.

Македонскиот ракометен шампионат се ближи кон својот крај, а исходот за тоа дали Вардар ќе ја оÐ �брани титулата или Еурофарм Пелистер ќе го преземи тронот во голема мера ќе биде познат вечер по одигрување на големото дерби закажано за 19 часот.

Домаќините се подготвени, салата е целосно распродадена, а во неа се очекува да присуствуваат и околу 200 гостински навивачи.

Во „градот на конзулите“ владее огромен интерес за вечерашниот дуел. Управата на Еурофарм Пелистер во соработка со „Златен Даб“, општина Битола и тамошниот Културен и информативен центар попладнево од 14 часот ќе ја отвори „Фан-зоната“ на платото на Офицерски дом.

– Посетителите „Фан-зоната“ ќе можат да уживаат во вкусна храна и ладно пиво, забавно музичка програма и настапи во живо, а ќе можат и да си купат дресови, шалови и останати производи со заштитниот знак на клубот.

Големото дерби ќе може заеднички да се проследи на видео-бим.

Организаторот соопшти дека фан-зоната ќе биде отворена без разлика на временските услови

The post Битола ќе гори: Вечерва се решава ракометниот шампион appeared first on Република.