Јапонски производител на пелени најави дека ќе престане да произведува пелени за бебиња во земјата и наместо тоа, ќе се фокусира на пазарот за возрасни.

Oji Holdings е најновата компанија која направи таква промена во Јапонија која брзо старее, каде наталитетот е на рекордно ниско ниво.

Продажбата на пелени за возрасни ја надмина онаа за доенчиња во земјата повеќе од една деценија.

Бројот на бебиња родени во Јапонија во 2023 година – 758.631 – е намален за 5,1 отсто во однос на претходната година.

Тоа беше и најмалиот број на раѓања забележан во Јапонија од 19 век. Во 1970-тите, таа бројка изнесуваше повеќе од два милиони.

Во соопштение, Oji Holdings вели дека нејзината подружница, Oji Nepia, моментално произведува 400 милиони пелени за доенчиња годишно. Производството паѓа од 2001 година, кога компанијата го достигна својот врв – 700 милиони пелени.

Во 2011 година, најголемиот јапонски производител на пелени, Unicharm, соопшти дека продажбата на пелени за возрасни ја надминала продажбата за бебиња.

Во меѓувреме, пазарот на пелени за возрасни расте и се проценува дека вреди повеќе од 2 милијарди долари (1,6 милијарди фунти). Јапонија сега има една од најстарите популации во светот, со речиси 30 проценти од нив на возраст од 65 или повеќе години. Минатата година, процентот на луѓето на возраст над 80 години за првпат надмина 10 отсто.

Oji Holdings, исто така, соопшти дека ќе продолжи да произведува пелени за бебиња во Малезија и Индонезија, каде што очекува побарувачката да расте.

Намалувањето на населението, како резултат и на стареењето и на падот на наталитетот, се претвори во криза за Јапонија, една од најголемите економии во светот. Но, напорите на јапонската влада за справување со овие предизвици досега наидоа на мал успех.

Зголеменото трошење за програми поврзани со деца и субвенции насочени кон млади парови или родители, се чини дека не го зголемуваат наталитетот. Експертите велат дека причините се сложени, почнувајќи од пониски стапки на бракови и повеќе жени кои се приклучуваат на работната сила, до зголемени трошоци за одгледување деца.

„Јапонија е на работ на тоа дали можеме да продолжиме да функционираме како општество“, рече премиерот Фумио Кишида минатата година, додавајќи дека станува збор за „сега или никогаш“.

Но, Јапонија не е сама. Стапките на наталитет опаѓаат и во Хонг Конг, Сингапур, Тајван и Јужна Кореја, од кои последната има најниска стапка на наталитет во светот.

И Кина регистрира пад на населението втора година по ред во 2023 година и, како и Јапонија, воведе различни стимулации за зголемување на наталитетот. Но, стареењето на населението и влијанието на повеќедецениската политика за едно дете, која заврши во 2015 година, создаваат демографски предизвици и во Кина.

The post Во Јапонија повеќе се бараат пелени за возрасни отколку за бебиња appeared first on Република.

Кристијан Голубовиќ пред неколку дена наводно се обидел да украде две детски играчки и пакување пелени, објавија српските медиуми.

Во моментот кога се обидел да ја напушти продавницата на Врачар со украдените предмети, Голубовиќ бил спречен од обезбедувањето.

Тие од Голубовиќ побарале да плати се што земал од продавницата, а тој засрамен отишол до касата и ја платил сметката.

Кристијан често доаѓа во тој супермаркет бидејќи веројатно живее некаде во близина. Немаше ни да го забележам ако одеднаш во близина на касите не се појавија неколку лица од обезбедувањето. Колку што можев да забележам, проблемот настанал затоа што се обидел да украде две детски автомобили играчки и пелени. Се обидел да ја напушти продавницата без да плати. Тие момци веднаш го опколија таму и сигурно го препознаа, бидејќи неколку пати го викаа по име. Му рекле да плати за тоа што го земал или ќе бидат принудени да повикаат полиција. Се обиде да се задева и да го претвори во шега. Беше многу непријатно. Луѓето почнаа гласно да коментираат, а некои дури и да се смеат. Веројатно некој ја снимил таа сцена со телефон. Кога видел дека не може да се извлече без да плати, мрморејќи, од срам отишол до касата и го платил цехот. Невиден блам - вели сведок на настанот

Српските медиуми земале изјава и од една од продавачките.

Се е точно, тој ден бев на смена и видов се. Ужас. Иако, тоа не е прв пат за Кристијан. Веќе некаде прочитав дека крадел парфеми од аптеки. Кога тоа го прават познатите, што да очекуваме од обичниот свет кој едвај врзува крај со крај. Дно на дното - вели продавачката.

The post Кристијан Голубовиќ се обидел да украде играчки и пелени: Обезбедувањето го опколило, а тој засрамен ја платил сметката appeared first on Република.

На граничниот премин Прешево, српските царински службеници спречиле обид на двајца патници да прошверцуваат златен накит вреден околу 19 илјади евра во памперс пелени.

Прекршокот бил откриен кога на влезот на граничниот премин автомобил „фолксваген пасат“ со швајцарски регистарски ознаки, во кој на правец од Македонија кон Швајцарија се возел млад брачен пар, бил издвоен на детален преглед.

Иако рекле дека немаат што да пријават, царинскиот службеник при преглед на автомобилот, пред совозачкото седиште пронашол торба во која меѓу другото имало и неотворено пакување пелени „Памперс“.

Нвообичаено тешкиот пакет предизвикал сомнеж дека нешто се крие во него, што набрзо се покажало дека е вистина, бидејќи во неколку пелени биле пронајдени речиси половина килограм златни ѓердани и алки со дукати „Франц Џозеф“, како и синџири и прстени, пишуваат српските медиуми.

Бидејќи вредноста на откриениот накит надминува една третина од вредноста на возилото, со судска одлука, покрај златото, трајно е одземено и возилото проценето на околу 8.500 евра.

The post Со злато скриено во пелени се обиделе од Македонија да заминат кон Швајцарија appeared first on Република.