Драматичните поплави што се случија во текот на ноќта меѓу вторникот и средата на југоистокот на Шпанија предизвикаа најмалку 211 жртви, се вели во најновиот извештај што го објави премиерот Педро Санчез.

Тој, исто така најави дека уште 5.000 војници ќе бидат испратени во областите погодени од поплавите. Првиот контингент од 4.000 војници се очекува денеска да пристигне во погодените области, објави „Ел Паис“. Тоа претставува најголемо воено распоредување во Шпанија во мирнодопски услови, со повеќе од 4.500 спасувачки операции и помош за повеќе од 30.000 луѓе.

Санчез истакна дека Шпанија се соочува со „најлошите поплави на овој век“ и апелираше на единство за да се надминат тешките последици.

Во вторник најверојатно ќе се формира комисија за обнова и економско закрепнување.

Шпанскиот премиер укажа и на инфраструктурните работи, вклучително и обновувањето на брзите железнички линии и поправките на железничките тунели.

Тој потврди дека шпанската влада е целосно посветена на поддршката на локалните власти и семејствата погодени од поплавите.

Во меѓувреме, илјадници доброволци се собраа во Валенсија, од каде ќе бидат испратени во најпогодените градови.

Според последните податоци, во поплавите на југоистокот на Шпанија загинаа 211 лица, но голем дел се уште се водат како исчезнати.

The post Шпанија распоредува дополнителни 5.000 војници во областите погодени од поплавите appeared first on Република.

Шпанскиот премиер Педро Санчез денеска одби да одговори на прашањата на судијата во Мадрид, кој ја испитува неговата сопруга за можна корупција и трговија со влијание.

Судијата Хуан Карлос Пеинадо дојде во владината палата во Монклоа, на северот од градот, за да го испраша Санчез како сведок.

-Судијата му постави две прашања. Дали е поврзан со лицата под истрага и дали сака да сведочи. Санчез одговори дека Бегона Гомез е негова сопруга и дека не сака да сведочи, изјави за медиумите адвокатот на сопругата на Санчез.

Социјалистичкиот премиер на тој начин го искористи своето право да не одговара на прашања за истрагата што започна во април против Бегона Гомез. На почетокот на овој месец, таа исто така одби да одговори на прашањата на истиот судија како осомничена.

Нејзин адвокат е Антонио Камачо, поранешен министер за внатрешни работи во социјалистичката шпанска влада.

Обидот за испрашување на Санчезес е дел од прелиминарната истрага за тоа дали Бегона Гомез ја искористила својата позиција како сопруга на премиерот за да обезбеди спонзори за магистерски универзитетски студии во Мадрид што таа го водеше.

Се сомнева дека за возврат давала препораки на приватни претприемачи кои се пријавиле на јавни тендери и на тој начин ги добивале парите на даночните обврзници.

The post Шпанскиот премиер одби да сведочи во истрагата за неговата сопруга appeared first on Република.

Премиерот на Шпанија, Педро Санчез денеска одржа прес-конференција на која го официјализираше шпанското признавање на палестинската држава.

Во обраќањето до нацијата, Санчез рече дека ова е историска одлука.

Владата на Шпанија на денешниот состанок ќе го одобри признавањето на државата Палестина. Така Шпанија ќе им се приклучи на повеќе од 140 земји во светот кои веќе ја признаваат Палестина како држава. Ова е историска одлука која има една цел. Да помогне Израелците и Палестинците да постигнат мир. Тоа не е одлука насочена против никого, рече Санчез.

Тој информира дека ваквата одлука е донесена поради три причини.

Ова го правиме за мир, правда и кохерентност, рече Санчез.

Санчез, меѓу другото, рече дека палестинската држава мора да биде одржлива со Западниот Брег и Газа и коридор поврзан со источен Ерусалим како главен град.

Двете територии би биле обединети под легитимна влада на палестинската национална управа, истакна премиерот на Шпанија.

Исто така, Санчез нагласи дека одлуката за признавање на Палестина е заснована на меѓународна почит и порача дека не се признаваат никакви промени на границите од 1967 година.

Тоа не е само прашање на историска правда. Тоа е императивна потреба за да се постигне мир, нагласи шпанскиот премиер

The post Педро Санчез и се обрати на нацијата и ја призна државноста на Палестина appeared first on Република.

Илјадници шпански новинари јавно изразија поддршка на премиерот на земјата Педро Санчез, кој објави дека ги суспендира своите јавни активности поради истрагата против неговата сопруга Бегоња Гомез за трговија со влијание и корупција.

Санчез, кој в понеделник треба да ја соопшти одлуката за тоа дали ќе остане на функцијата, ги обвини истражителите за неосновани напади под влијание на десничарските и екстремно десничарските политички противници.

Како поддршка на Санчез, неколку илјади новинари потпишаа онлајн-манифест во кој се вели дека „нападот на медиумите и екстремно десничарските функционери во судството против сопругата на премиерот е нов обид да се поткопа со незаконски средства народната волја изразена на изборите“.

„Долупотпишаните новинари го повикуваат граѓанското општество да се приклучи на овој манифест и да се мобилизира на социјалните мрежи и на улиците против ова антидемократско безобразие“, се вели во манифестот.

The post Шпански новинари потпишаа манифест во одбрана на премиерот Санчез и неговата сопруга, која е под истрага за корупција appeared first on Република.

Шпанскиот социјалистички премиер Педро Санчез, кој собира поддршка ширум Европа за признавањето на независноста на палестинската држава, ги придоби Ирска и Норвешка, но не и Португалија откако конзервативците дојдоа на власт таму, објави шпанската јавна телевизија ТВЕ.

Она што се случи овој викенд потврдува дека она што го заговараме со месеци е неопходно. Сега има два патишта отворени пред нас. Едниот води кон ескалација на војната, а другиот до прекин на огнот од сите страни. Од почетокот на оваа криза, Шпанија се залага за мировен процес со решение со две држави, а со тоа и взаемно признавање на Палестина и Израел, рече Санчез на прес-конференцијата на која присуствуваше со новиот португалски премиер Луис Монтенегро.

Санчез претходно порача дека Шпанија има намера до јули да ја признае независната палестинска држава и дека наскоро може да се „создаде критична маса“ во ЕУ за тоа да го сторат и другите земји.

Во ова на Шпанија и се придружија Ирска и Норвешка, кои Санчез ги посети во пред неколку дена, но новоизбраната Влада на Португалија остана воздржана.

Не сум толку далеку од признавањето на палестинската држава, но сметам дека решението за две држави треба да се донесе во мултилатерално опкружување, рече Монтенегро.

The post Санчез: Ирска и Норвешка се за признавање на независноста на палестинската држава, Португалија е воздржана appeared first on Република.

Социјалистичката партија на шпанскиот премиер Педро Санчез, која ја предводи малцинската левичарска коалициска влада, постигна конечен договор со каталонските партии про-независни за помилување на сепаратистичките лидери во замена за нивната поддршка во парламентот за да го задржи Санчез на власт до крајот на неговиот втор мандат во 2027 година.

(Денес) е голем ден затоа што законот за амнестија става крај на репресијата и е почеток на крајот на кошмарот што значеше затвор, прогон и закана на стотици луѓе за одбрана на каузата на каталонската независност, нагласи каталонскиот сепаратистички претседател Пере Арагонес, пишува Еурактив.

Се вели дека според договорот, шпанската влада ќе ги амнестира каталонските сепаратисти обвинети за бунт и терористички злосторства за нивната улога во неодобрениот референдум за независност на Каталонија во 2017 година и последователните протести.

The post Шпанскиот премиер ги помилува каталонските сепаратисти во замена за поддршка за втор мандат appeared first on Република.

Шпанскиот премиер Педро Санчез денеска е реизбран за премиер на земјата, откако ја доби поддршката од мнозинството парламентарци.

Новиот мандат на Санчез на чело на шпанската Влада го поддржаа 179 пратеници, а 171 беа против, пренесува шпанскиот весник „Паис“. На гласањето немаше воздржани.

Денешното гласање следеше по речиси дводневната дебата меѓу партиските лидери во парламентот, која се фокусираше на контроверзниот договор за амнестија на приврзаниците на каталонската независност, на кој Санчез се согласи во замена за поддршката за реизбор за функцијата премиер на Шпанија.

The post Санчез реизбран за шпански премиер appeared first on Република.

Претседателката на шпанскиот Парламент, Франсина Арменгол, соопшти дека дебатата и гласањето за реизбор на актуелниот премиер во техничкиот мандат на Педро Санчез ќе се одржи кон крајот на неделава.

Партиските лидери в среда ќе разговараат за кандидатурата на Санчез, а гласањето ќе се одржи во четврток, кажа Арменгол.

Санчез, кој на оваа функција е од 2018 година, се очекува да биде изгласан без проблем во 350-члениот шпански Парламент, бидејќи неговата Социјалистичка партија, со освоени 121 место на изборите, во меѓувреме постигна договор со неколку помали партии со што обезбеди поддршка од 179 пратеници, три повеќе од потребното мнозинство.

Неубедливите резултати од шпанските избори одржани на 23 јули ги оставија сите партии без победа што ќе им овозможеше сами да формираат влада.

Централнодесничарската Народна партија, предводена од Алберто Нуњез Фејо, освои најмногу места на изборите, 137, но поради нејзините блиски врски со крајнодесничарската партија Вокс, речиси ниту една друга партија не ја поддржа кандидатурата на Фејо за коалициска соработка.

The post Шпанскиот парламент в четврток ќе гласа за реизбор на премиерот Педро Санчез appeared first on Република.

Шпанските партии ПСОЕ и Сумар постигнаа договор за формирање левичарска коалициска влада, што е прв чекор кон преостанатите четири години од актуелниот премиер Педро Санчез на власт. Договорот беше постигнат откако ПСОЕ на Санчез го прифати главното барање за намалување на работната недела од 40 на 37,5 часа.

Двете партии, кои имаат 152 претставници во 350-члениот парламент, испратија заедничка изјава по средбата меѓу нивните лидери Санчез и Јоланда Дијаз. По неизвесните парламентарни избори во јули, овие партии се надеваат дека ќе формираат нова влада во ноември.

Во претходната влада, Санчез беше претседател, а Дијаз беше потпретседател и министер за социјални прашања. За да продолжат да управуваат со Шпанија, земја со 47,6 милиони жители, сè уште им е потребна поддршката од сепаратистичките партии на Каталонија и Баскија.

The post Шпанскиот премиер се согласи да ја скрати работната недела appeared first on Република.

Невозможно е да се замисли Украина, Молдавија и земјите од Западен Балкан да се надвор од ЕУ и да останат под руско и кинеско влијание, изјави претседателката на Европска комисија, Урсула фон дер Лајен на денешната заедничка прес-конференција во Мадрид со шпанскиот премиер Педро Санчез.

Мора да почнеме да размислуваме како овие земји да станат дел од ЕУ. Треба да размислиме како да ги донесеме овие одлуки, какви средства ќе бидат потребни. Тоа се принципиелни работи пред нас, ќе биде потребно време за да се дојде до решение, истакна Лајен.

По повод почетокот на шпанското претседателство со Советот на ЕУ на 1 јули таа изрази очекување дека до крајот на годината ќе бидат донесени одлуки за зголемување на помошта за Украина. Лајен истакна дека буџетот на ЕУ веќе му обезбеди на Киев дополнителни 30 милијарди евра. Според неа, до 2027 година се потребни 50

Лајен најави дека ЕК наскоро ќе предложи законски мерки за да се овозможи користење на запленетиот руски имот за поддршка на Украина.

Важно е светот да види дека таквите страшни злосторства не можат да останат неказнети, наведе Лајен.

Таа посочи дека шпанското претседателство треба да работи на брз договор за заедничка јавна набавка на муниција за Украина. Лајен изрази надеж дека до крајот на годината или следната пролет ќе биде постигнат договор за измени на миграциското законодавство.

Премиерот Санчез како четири главни задачи за шпанското претседателство ги наведе поддршка за Украина, обезбедување на економската безбедност на ЕУ, продолжување на енергетската транзиција и миграциските прашања.

Се надевам на мир што е можно поскоро. Ќе ја поддржиме Украина на секој можен начин на нејзиниот пат кон ЕУ. Ќе останеме со Украина до нејзината победа, изјави Санчез.

The post Лајен: Невозможно е да се замисли ЕУ без Украина, Молдавија и земјите од Западен Балкан appeared first on Република.

Шпанската полиција пресретнала коверт со пиротехнички материјал адресиран до премиерот Педро Санчез во палатата Монклоа во Мадрид, јави денеска шпанскиот весник „Ел Паис“.

Шпанското Министерство за внатрешни работи соопшти дека станува збор за коверт сличен на оние што вчера и денеска беа откриени во Министерството за одбрана, украинската Амбасада, Сарагоса и воздухопловната база Торехон.

Писмо-бомба пристигнала во воздухопловната база Торехон рано утринава и истрагата е во тек.

Експлозивна направа во Сарагоса била откриена синоќа во фабрика за оружје која произведува фрлачи на гранати што Шпанија ги испратила во Украина. Полицијата извршила контролирана експлозија на пакетот.

The post Пресретнато писмо бомба адресирано до шпанскиот премиер appeared first on Република.

Западен Балкан е составен дел од Европската Унија и Шпанија целосно ја поддржува интеграцијата на тој регион во ЕУ, изјави шпанскиот премиер Педро Санчез во Тирана.

Санчез е првиот шпански премиер кој ја посетил Албанија. Пред Тирана, Санчез беше во посета на Србија, Босна и Херцеговина, Црна Гора и Македонија.

ЕУ не може да се замисли без Балканот. Интеграцијата на тој регион ќе ја зајакне ЕУ, рече Санчез на прес-конференцијата со албанскиот премиер Еди Рама.

Сепак, тој, како што пренесува РТК, истакна дека неговата земја не ја признава независноста на Косово, бидејќи, според него, со прогласувањето независност Косово го прекршило меѓународното право.

И покрај сета почит што ја имаме за албанскиот народ, тоа не можеме да го прифатиме, истакна Санчез.

Шпанија е една од петте земји на ЕУ и четирите земји од НАТО кои не ја признаваат независноста на Косово, прогласена во 2008 година.

Непризнавањето е главната пречка за интеграцијата на Косово во ЕУ и НАТО, каде одлуките за проширување се носат со консензус на сите членки.

The post Санчез: Западен Балкан е составен дел на Европската Унија appeared first on Република.

Претседателот Стево Пендаровски, го прими премиерот на Шпанија, Педро Санчез, кој престојува во официјална посета на Македонија.

Поздравувајќи ја првата посета воопшто на еден шпански премиер на нашата држава, претседателот Пендаровски истакна дека Шпанија низ годините се покажа како важен партнер на Македонија на билатерален и мултилатерален план и принципиелен поддржувач на аспирациите за членство во Европската Унија. Притоа, претседателот Пендаровски изрази задоволство од динамиката на политичките контакти во последните неколку години, истакнувајќи дека истите значително придонесуваат за унапредување на односите меѓу двете држави. Во таа прилика, претседателот Пендаровски го истакна интересот за натамошно проширување на економската соработка, трговската размена и инвестициската соработка во наредниот период - соопшти Кабинетот на претседателот.

Претседателот Пендаровски нагласи дека Македонија останува конструктивен партнер на Европската Унија во одговорот на предизвиците предизвикани од војната Украина.

На средбата беше посочено дека претстојното претседателство на Македонија со ОБСЕ во 2023 година и претседателството на Шпанија со Европската Унија во втората половина на 2023 година се добра можност за меѓусебно координирање во однос на активностите и приоритетите. Во текот на разговорот, соговорниците разменија и мислења и во однос на актуелните случувања во регионот на Западен Балкан - стои во соопштението од Кабинатетот на претседателот.

The post Пендаровски на средба со шпанскиот премиер appeared first on Република.

Премиерот Шпанија, Педро Санчез, при постета на Скопје изјави дека Македонија е во Европа, како географски, така и историски и сега е еден чекор поблиску до посакуваната цел.  Тој додаде дека земјава може да смета на поддршката од Шпанија на нејзините следни чекори за членство во ЕУ.

Посетата на регионот, Педро Санчез ја оцени како симболична поради две основни причини – прво дека пред неколку дена се деблокира процесот за отпочнување на преговорите на Македонија и Албанија со ЕУ и второ, како што рече, обединетоста против бруталната агресија на Путин во Украина.

Благодарност за вашата широкоградост и одговорност, што ја ставивте иднината на земјата и вашата европска визија пред било кој друг интерес. Ја направивте правиот избор, го деблокиравте патот што ќе ја доведе Македонија на меттото каде што треба да биде - изјави шпанскиот премиер.

Педро Санчез порача дека тоа што кже да се извлече како заклучок од шпанското искуство со реформите за влез во ЕУ, е дека секогаш вреди да се биде дел од европскиот и политички проект – ЕУ.

Убеден сум дека Македонија што поскоро ќе биде дел од ова. Ние сме две земји од југот на Европа и нашите интереси и вредности се заеднички - изјави Санчез.

Ковачевски порача дека посетата на Македонија е симбол на речиси 30-годишните одлични билатерални односи меѓу двете земји, изразувајќи благодарност за силната поддршка на Шпанија за членство на Македонија во ЕУ.

Ние го живееме европското мото секојдневно. Нашето мултикултурно, мултиетничко општество е обединето во различностите и особено гордо на истите. Ние сме подготвени за ЕУ и со цврст чекор одиме напред кон полноправно членство во Унијата. Тоа е процес од кој нема да отстапиме, бидејќи нашето место е во ЕУ. Затворивме едно поглавје и отвораме ново, европско, во кое ќе делиме европска иднина со нашите пријатели, како што е Шпанија - изјави Ковачевски.

Посетата на Педро Санчез на нашата држава е дел од неговата турнеја низ земјите од Западен Балкан, што ги вклучува и Србија, Босна и Херцеговина, Црна Гора и Албанија.

The post Санчез: Ние сме две земји од југот на Европа и нашите интереси и вредности се заеднички appeared first on Република.

Премиерот Димитар Ковачевски и неговиот шпански колега Педро Санчез Перез-Кастехон, остварија тет-а-тет средба на која било потврдено силното пријателство помеѓу Кралството Шпанија и Македонија, соопшти владината прес-служба.

На средбата било истакнато дека Шпанија е докажан поддржувач на Македонија во нејзините евроинтегративни процеси, што е од исклучително значење за нашиот пат кон европското семејство. Во срдечна и пријателска атмосфера било оценето дека двете земји кои се и НАТО сојузнички, веќе три децении градат одлични билатерални односи и дека ваквите заложби ќе продолжат и понатаму.

Во рамки на првата официјална посета на премиерот Санчез, делегациите од двете земји оствари и билатерална средба на која присуствувале и првиот вицепремиер и министер за политички систем и односи меѓу заедниците Артан Груби, вицепремиерот за европски прашања Бојан Маричиќ, министерката за одбрана Славјанка Петровска и министерката за култура Бисера Костадиновска-Стојчевска.

The post Ковачевски-Санчез: Македонија и Шпанија се силни сојузници, децениската соработка се продлабочува appeared first on Република.

Српскиот претседател Александар Вучиќ на заедничката прес-конференција по средбата со шпанскиот премиер Педро Санчез во Белград изјави дека „Мадрид ја поддржува Србија на патот кон ЕУ без да бара влакно во јајцето и без дополнителни услови“.

Педро Санчез истакна дека „Шпанија ја поддржува Србија кога е во прашање Косово, дека таа секогаш ќе биде за разговор, но дека, без никакво сомневање, територијалниот интегритет секогаш мора да се почитува“, јави дописникот на МИА од Белград.

– Ја поддржуваме Србија кога станува збор за Косово, Шпанија беше и ќе биде со Србија во одбрана на овие вредности и секогаш ќе се залага за разговор меѓу тие страни за решавање на тие проблеми – кажа Санчез на прес конференцијата.

Александар Вучиќ рече дека разговарале за европскиот пат на Србија и на Шпанија и изрази благодарност за континуираната поддршка и почитувањето на територијалниот интегритет на Србија.

– Разговаравме за европскиот пат на Србија, благодарен сум за континуираната поддршка, без да прави и да бара влакно во јајцето и без дополнителни услови. Шпанија е искрен пријател и ја поддржува Србија, тоа го почувствувавме и во Брисел – рече Вучиќ.

Тој кажа и дека Србија ќе продолжи да купува воена опрема од Шпанија, бидејќи веќе има набавено два шпански транспортни авиона.

Вучиќ изјави дека на средбта со шпанскиот премеир Педро Санчез разговарале и за иницијативата Отворен Балкан.

Премиерот на Шпанија, Педро Санчез по средбата со Александар Вучиќ на Твитер напиша дека на вечерата во Белград, на претседателот на Србија му ја пренел поддршката на Шпанија за полноправното членство на Србија во Европската Унија.

„Војната е причината да почнеме да размислуваме за тоа што е Европа и кои сме ние Европејците. Не можеме да го заборавиме Западен Балкан. Денеска на претседателот на Србија, Александар Вучиќ, му ја пренесов поддршката на Шпанија за Србија да стане полноправна членка на ЕУ. Сега е момент“, напиша шпанскиот премиер на Твитер.

The post Шпанскиот премиер е на страната на Вучиќ за косовското прашање: Нема да бараме влакно во јајцето appeared first on Република.

Шпанскиот премиер, Педро Санчез, ги повика владините службеници и вработените во приватниот сектор во Шпанија да ја намалат потрошувачката на електрична енергија со тоа што нема да носат вратоврски.

Шпанскиот премиер на конференцијата дојде без вратоврска, во бела кошула и сино палто.

Би сакал да забележите дека не носам вратоврска. Тоа значи дека сите можеме да заштедиме струја - порача Санчез на прес-конференција, на која го презентираше извештајот за работата на владата.

Тој ги повика министрите и владините претставници „да не носат вратоврска, ако тоа не е потребно“, но не објасни како со тоа се заштедува струја. Медиумите нагаѓаат дека идејата веројатно е тоа што при топло време во затворен простор лицето се чувствува поудобно без вратоврска и чувствува помала потреба од употреба на клима уредите.

Повеќе од еден месец времето во Шпанија е многу топло. Во некои делови од земјата температурата на воздухот надминува 40 степени, а надлежните апелираат граѓаните да не користат климатизери повеќе од потребното, за да се намалат трошоците за снабдување со електрична енергија.

Минатиот месец, Шпанија одобри пакет економска помош во вредност од над девет милијарди евра. Пакетот вклучува и намалување на данокот на трошоците за користење струја и еднократна исплата од 200 евра за лицата со ниски примања.

The post Извадете ги вратоврските за да штедиме струја: Шпанскиот премиер со барање до функционерите и вработените во приватниот сектор appeared first on Република.

Шпанските власти објавија дека мобилните телефони на премиерот Педро Санчез и министерката за одбрана Маргарита Роблс минатата година биле заразени со шпионскиот софтвер „Пегасус“, достапен само за владините агенции, објави АП.

Мобилниот телефон на Санчез двапати беше цел на шпионажа во мај 2021 година, а мобилниот телефон на министерот Роблес во јуни истата година - соопшти шефот на владиниот кабинет, Феликс Боланос на прес-конференција.

Тој додаде дека шпионажата резултирала со собирање значителен број на податоци и дека извештаите со детали за хакирањето биле проследени до шпанскиот национален суд за понатамошна истрага.

Нема сомнеж дека ова е незаконска, неовластена интервенција. Таа не доаѓа од нашата држава и немала овластување од судот - изјави Боланос.

Шпанската влада предводена од социјалистите е под притисок да објасни зошто мобилните телефони на десетици луѓе поврзани со сепаратистичкото движење во регионот на североисточна Каталонија биле заразени со „Пегасус“ меѓу 2017 и 2020 година, пишува АП.

Најмалку 65 лица се вклучени во приказната за шпионажа, вклучувајќи избрани функционери, активисти и адвокати. Софтверот за шпионски софтвер тивко се инфилтрира во телефони или други уреди за да собира податоци и потенцијално да ги шпионира нивните сопственици.

Каталонската регионална влада го обвини шпанскиот Национален разузнавачки центар за шпионирање на сепаратистите и порача дека односите со националните власти се „во мирување“ додека не се дадат целосни објаснувања и одговорните не бидат казнети.

The post Мобилните телефони на шпанскиот премиер и министерот за одбрана биле заразени со шпионски софтвер appeared first on Република.

Шпанскиот премиер, Педро Санчез, предупреди дека е потребна европска реформа на Заедничката земјоделска политика (ЗЗП) за да се спречи криза со храна по руската воена акција во Украина.

Треба да обезбедиме многу посилно производство на храна во Европа отколку што сега имаме, со други зборови, да ја реформираме ЗЗП - порача Санчез.

Шпанскиот премиер, исто така, потенцираше дека е важно да се мобилизира меѓународната заедница и да се најдат нови земји од кои ќе се увезуваат житни култури.

Тој ги осуди руските воени активности во Украина и изјави дека лидерите на земјите од ЕУ во Версај ќе разговараат за одбранбените прашања, како и за социјалните и економските последици што конфликтот ќе ги предизвика за Европејците, вклучително и инфлацијата и зголемувањето на цените на енергијата, храната и суровините.

The post Педро Санчез: Европа мора да го засили производството на храна и да најде нови земји од кои ќе увезува жито appeared first on Република.