Поведена е истрага против 28-годишен жител на струшко Велешта за детска порнографија. Тој од ноември лани до мај годинава пренесувал, нудел и правел достапна детска порнографија преку компјутерски систем.

Обезбедени се докази согласно кои осомничениот, преку Телеграм, Сигнал, Вајбер и други апликации за комуникација инсталирани на неговиот мобилен телефон, пристапувал и учествувал во затворени групи за комуникација, а комуницирал и директно со профили креирани од други лица од повеќе земји во светот и со нив споделувал, испраќал и примал фотографии и видео материјали кои очигледно прикажувале полови дејствија со малолетни лица. Во наведениот период тој и за себе прибавувал детска порнографија која била откриена на неговиот мобилен телефон кога му бил одземен, стои во соопштението од државното Јавно обвинителство. .

Јавен обвинител од Основното јавно обвинителство Струга до надлежниот судија на претходна постапка доставил предлог за определување мерка притвор за осомничениот.

The post Поведена истрага против жител на струшко Велешта за детска порнографија appeared first on Република.

Инцидент во Тетово. 28 годишен маж нападнал со остар предмет малолетник (17) бидејќи одбил да има сексуален однос со него. Случајот се случил во работилница во Голема Речица. Врз основа на сликите 17 годишниот малолетник се здобил со тешки повреди во пределот на вратот и десното уво. По пријавата во полиција, 28 годишникот е приведен и му е одредена мерка 30 дневен притвор.

„На 28 септември 2024 припадници на СВР Тетово го лишиле од слобода лицето Л. Ј. 28 годишен од Тетово кој претходно бил пријавен од еден малолетник дека во работилница во Тетово му нанел тешки телесни повреди со остар предмет. Врз основа на сомнежите станува збор за обид за убиство и истиот е лишен од слобода и по претходна постапка е испратен пред судија за овој предмет каде му е изречена мерка притвор од 30 дена“, вели Фатмир Реџепи.

Од обвинителството во соопштение велат дека осомничениот по извршување на делото избегал со мотоцикл, кој подоцна е пронајден. Поради ризикот од повторување на делото побаран е притвор.

„ОЈО во Тетово издало наредба за поведување истражна постапка против едно лице за кривично дело “убиство од член 123 параграф 1 во врска со член 19 (во обид) од КЗ , 28 годишниот осомничен за 26 септември во една фабрика во село Голема Речица, намерно се обидел да му го одземе животот на 17 годишник нанесувајќи му посекотини со нож на вратот и десното уво. Жртвата успеала да избега а осомничениот избегал од местото на настанот со скутер“, велат од Обвинителство.

ТВ21 објави разговор од социјалните мрежи каде осомничениот од малолетникот бара средби за сексуални односи, но малолетникот постојано го одбивал.

The post 28-годишник од Тетово ставен во притвор – нападнал малолетник бидејќи одбил сексуални односи appeared first on Република.

Основното јавно обвинителство Скопје повело постапка против 58-годишен скопјанец за кого постои сомнение дека извршил други полови дејствија врз дете родено 2008 година, со што сторил кривично дело согласно член 186 став 7 во врска со став 2 и став 1 од Кривичниот законик.

Во соопштението од Јавното обвинителство се наведува дека во раните утрински часови осомничениот во парк во една населба го сретнал малолетникот со кого претходно се познавале и го повикал да разговараат, по што почнал да го допира.

Малолетникот успеал да се извлече и го пријавил во полиција, соопштија од ЈО.

Со цел обезбедување на осомничениот и непречено водење на кривичната постапка, надлежниот јавен обвинител доставил предлог за определување мерки на претпазливост: забрана за напуштање на живеалиште/престојувалиште, обврска за јавување кај надлежен државен орган, одземање на патна и друга исправа за преминувањe на државната граница и забрана за воспоставување контакт со оштетениот.

Судијата на претходна постапка попладнево ги прифатил предложените мерки.

The post Во парк сретнал момче кое го познавал и почнал да го допира: Скопјанец осомничен за полови дејствија врз малолетник appeared first on Република.

Единицата за интервентна полиција на СВР Скопје лиши од слобода криминалец баран со потерница за затворска казна од 12 години и десет месеци, соопшти Министерството за внатрешни работи.

Како што наведува во соопштение, полициски службеници од Единицата за интервентна полиција при СВР Скопје завчера (21 јули) го уапсиле 34-годишниот Ј.С. од Скопје кој поради бегство од затворот „Идризово“ бил баран со потерница по наредба на Основниот кривичен суд,

Ј.С. бил осуден на казна затвор од 12 години и 10 месеци во врска со член 188 ст.1 и чл. 236 ст. 1 т.1 в.в чл. 22 и чл. 24 од Кривичниот законик. Тој ќe биде спроведен во надлежната казнено-поправна установа, наведува МВР.

The post Педофил избеган од „Идризово“ уапсен во Скопје appeared first on Република.

Дваесет и осум годишен жител од струшкото село Велешта е осомничен за производство и дистрибуција на порнографски материјал, соопшти денеска СВР Охрид.

Според информацијата, полицијата поднела кривична пријава против И.Ј.(28) од селото Велешта поради постоење основи на сомнение за сторено кривично дело „производство и дистрибуција на детска порнографија“.

Тој, користејќи апликации за комуникација, на повеќе социјални мрежи се зачленувал во групи, во кои ширел содржина со детска порнографија. Потоа, ги споделувал во други групни и лични профили со кои разменувале линкови од групи со таква и слична содржина, изјави портпаролот Стефан Димоски.

Полициски службеници, како што појасни, направиле претрес во неговиот дом во Велешта, при што биле пронајдени експлицитни фотографии, кои биле одземени.

The post Педофил од Велешта продавал детска порнографија на интернет appeared first on Република.

Полициски службеници ја завршија кривичната истрага за 62-годишен швајцарски државјанин кој со мини камера снимал деца без облека во Истра и утврдилe дека сторил кривично дело искористување деца за порнографија.

https://republika.mk/zivot/patuvanja/pedofili-demneat-detsa-na-plazhite-niz-hrvatska-politsijata-alarmira-ako-go-zabelezhite-ova-dejstvuvajte/

Швајцарецот е осомничен дека во петокот околу 15 часот и 20 минути во туристички објект на подрачјето на ПУ на Истра со мини камера закачена на прст со ластик снимал деца без облека, што го забележал обезбедувањето и повикал полиција.

Мажот е приведен и однесен во полициска станица. По наредба на надлежниот суд извршен е претрес на камерата и техничките уреди кои ги поседува, кои се пронајдени при претресот, а пронајдени се и снимки од инкриминирачка содржина.

https://republika.mk/zivot/semejstvo/majki-i-tatkovtsi-koi-gi-pushtate-detsata-goli-na-plazha-i-na-bazen-ova-e-tekst-za-vas/

Осомничениот пред два дена бил приведен во притворското одделение на Истарската полиција, соопшти полицијата.

The post Стар педофил од Швајцарија фатен на дело како слика деца на плажа appeared first on Република.

Полициски службеници на СВР Тетово-дделение за внатрешни работи Гостивар, на улица „ Гоце Делчев“ во Гостивар го лишиле од слобода 50-годишниот А.Т. од Република Албанија.

Тој претходно бил пријавен од 54-годишен гостиварец дека на 14-ти и 15-ти овој месец во Гостивар, во два наврати, и се доближувал на неговата малолетна ќерка и ја допирал по телото, соопштија од СВР Тетово.

Додаваат дека А.Т. е задржан во Полициската станица Гостивар за целосно расчистување и документирање на случајот, по што против него ќе следува соодветен поднесок.

The post Во Гостивар уапсен педофил од Албанија appeared first on Република.

Вчера во 09.30 часот во СВР Скопје, 57-годишен маж пријавил дека на 27.01.2024 во автобус на Јавно претпријатие Скопје, на подрачје на општина Аеродром во Скопје, едно повозрасно машко лице ја допирало по телото неговата малолетна ќерка.

Од МВР велат дека се преземаат мерки за расчистување на случајот.

The post Педофил допирал девојче во автобус на ЈСП appeared first on Република.

Пратеникот во данскиот парламент Мике Вила Фонсека во интервју за ТВ 2 признал дека е во врска со 15-годишно девојче. Со тоа 28-годишниот политичар го прекршил кодексот на однесување на Умерената партија, кој не дозволува членовите да имаат сексуални односи со лица помлади од 18 години, пишува Берлингске.

Претседателот на партијата Ларс Локе Расмусен набрзо објави дека Фонсека треба да биде исклучен, по што самиот Фонсека реши да ја напушти партијата и да замине на боледување. Инаку, Фонсека изјавил дека родителите на 15-годишното девојче биле свесни за врската и дека му дале согласност.

Последователно, родителите во интервју за Екстра Бладет потврдиле дека навистина дале согласност и дека ја поддржуваат врската.

Работите се случија малку рано, но нема ништо лошо во тоа. На крајот на краиштата, луѓето реагираат на разликата во годините. Но, ние имаме доверба во нашата ќерка и Мајк, рекол таткото, кој сакал да остане анонимен.

Според нивните родители, Фонсека во последните пет години доаѓал во нивниот дом како семеен пријател. Адвокатот најпрво склучил пријателство со таткото на 15-годишното девојче, бидејќи имале заеднички интерес за мотори. Родителите изјавиле дека врската меѓу политичарот и нивната ќерка започнала пред пет месеци.

Откако Фонсека ја напуштил Партијата на умерените, во интервју за ТВ 2 споменал три партии во кои можел да се види себеси во иднина. Сепак, веќе следниот ден, сите три партии – Социјалдемократите, Либералната партија и Либералната алијанса – го отфрлија. Фонсека на изборите освоил 505 повластени гласови.

Данскиот парламент има вкупно 179 пратеници, што значи дека за мнозинство се потребни 90 гласа. Сепак, „Политикен“ пишува дека во пракса, во огромно мнозинство на случаи, доволно е да има 88 гласа, бидејќи четворицата претставници од Гренланд и од Фарски Острови не се мешаат во чисто данските работи.

Социјалдемократите, либералите и умерените освоија вкупно 89 мандати на минатогодишните избори. Сепак, владејачката партија сега може да се најде во неволја бидејќи Фонсека и уште еден пратеник ги напуштиле умерените и станале независни. Иако Фонсека заминал на боледување и била назначена негова замена, прашање е кога ќе се врати и како ќе се позиционира според предлозите на владата.

The post Дански пратеник во врска со 15-годишно девојче, ја запознал кога имала 10 appeared first on Република.

❗ПЕДОФИЛ❗
Пред неполн час овој човек ја сликал ќерка ми (13г.) во автобус бр 24.
Таа ми јави вознемирено за да ми каже. И реков слободно и таа да го слика и да му каже да ги избрише сликите. Тој рекол дека ја слика затоа што била убава.
Се фаќал за гениталии, се масирал... приметиле и другите во автобусот почнале да реагираат. Веднаш,тој се симнал на истата станица со неа. За 3 минути на истата станица стигнав и јас за да ја земам ќерка ми, тој беше сеуште тамо.
Му застанав на пат, му реков да ги избрише сликите, неочекувано му дојде...ми рече дека ги избришал и ништо страшно, сликал и други деца(за божем да ми дојде утешно ).
Сфати дека вртам на полицијата за да го пријавам и избега кон Лептокарија.
Ете го ликот , убаво е да го знаете ...заради превентива, алармираше на Фејсбук, оваа вознемирена мајка.

The post Ете го ликот, добро е да го знаете: Педофил следел и фотографирал девојче во автобус appeared first on Република.

Мајка пријавила дека соседот ја соблекол и ја допирал нејзината малолетна ќерка.

Како што соопштија од МВР, вчера во 12.10 часот во Полициската станица Кисела Вода, 40-годишна жена од Скопје пријавила дека нивниот сосед И.П. ја соблекол нејзината малолетна ќерка и ја допирал по телото.

Се преземаат мерки за расчистување на случајот, велат од полицијата.

The post Педофил се движи во Кисела Вода appeared first on Република.

Вчера во 22.20 во Скопје полициски службеници од ПС Центар го лишиле од слобода С.Т. (39) од Скопје, постапувајќи по пријава од жена од Скопје дека во парк на подрачје на Центар С.Т. физички го нападнал и го допирал нејзиниот малолетен син.

Известен е јавен обвинител и по расчистување и документирање на случајот ќе биде поднесен соодветен поднесок.

The post Уапсен педофил во Центар, допирал дете appeared first on Република.

Основното јавно обвинителство - Битола донесе „наредба“ за спроведување истражна постапка против жител на Ресен, против кого е поднесена пријава за кривично дело „силување дете кое не наполнило 15 години“, согласно член 188 став 5 од Кривичниот законик.

Постои основано сомнение дека пријавениот на 2 јуни во Ресен извршил други полови дејствија врз девојче родено во 2017 година, со кое бил сосед. Тој притоа искористил прилика додека жртвата, нејзината сестра и внуката на осомничениот заедно си играле, се наведува во соопштението од Јавното обвинителство.

Јавниот обвинител до судијата на претходна постапка доставил предлог за определување мерка притвор за осомниченото лице, оценувајќи дека тој би можел да ја попречува кривичната постапка со влијание врз сведоците и врз оштетеното дете или да го повтори делото. Судијата го прифатил предлогот на Обвинителството и на осомничениот му определи притвор во траење од 30 дена.

The post Монструм од Ресен го силувал 6-годишното комшиче, искористил момент кога девојчето си играло со неговата внука appeared first on Република.

Свештеникот и поранешен ректор на Католичкиот богословски факултет во Риека, Милан Шпехар, денеска призна дека сексуално злоставувал 13 момчиња на возраст од шест до 13 години.

„Никој не е виновен за моите злосторства, ниту соучесник. Ги извршив и ужасно ми е жал за жртвите на моите зли дела. Не ми останува ништо друго освен да побарам од дното на душата да простат тие и нивните најблиски, ако воопшто е можно, за сите рани што им ги нанесов“, изјави Шпехар за „Национал“ откако риечкиот надбискуп Мате Узиниќ вчера на прес-конференција објави дека обвинетиот М.Ш. (70), во текот на канонскиот процес, признал дека сексуално злоставувал вкупно 13 момчиња.

Шпехар додал дека „притиснат од товарот на совеста, побарал од папата да го ослободи од свештеничката титула и да го сведе на лаик“, пренесува Index.hr.

The post Свештеник од Риека призна дека сексуално злоставувал 13 момчиња, па побара да му простат appeared first on Република.

Полската владејачка партија Право и правда (ПиС) се најде на мета на критики поради смртта на 15-годишниот син на пратеничка од опозицијата, кој изврши самоубиство по објавувањето на извештај, во кој е идентификуван како жртва на педофил, пренесува „Гардијан“.

Во вторникот полскиот парламент одржа едноминутно молчење за Миколај Филикс, за време на неговиот погреб. Неговата мајка, Магдалена Филикс, пратеник од најголемата полска опозициска партија Граѓанска платформа, рече дека тој починал на 17 февруари. Погребот се одржа во вторникот во Шчечин, нејзиниот роден град, еден ден пред Миколај да наполни 16 години.

pic.twitter.com/uj7mYkfeiM

— Magdalena Filiks 🇵🇱🇪🇺 (@FiliksMagdalena) March 3, 2023

Тинејџерот си го одзел животот неколку недели откако Радио Шчечин, дел од државната полска радио мрежа, во извештај откри детали за жртвите на осуден педофил.

Името на Миколај не беше објавено, но беа откриени доволно детали за јавноста да го идентификува. Беше откриена возраста на малтретираните малолетници и дека едно од нив е дете на пратеник.

Радио Шчечин, исто така, објави ека осудениот педофил, чие судење се одржа зад затворени врати за да се заштитат жртвите, бил поранешен член и кандидат на Граѓанската платформа, како и ЛГБТ активист.

Приказната беше нашироко пренесена од други државни медиуми, и предизвика гнев кај претставниците на опозицијата во Полска, а поддржувачите на опозицијата тврдат дека национално-конзервативната партија ПиС ја оркестрирала приказната за политичка корист и е барем делумно одговорна за смртта.

The post Денес ќе имаше 16 години: Син на политичарка се самоуби откако јавно беше откриено дека бил жртва на педофил appeared first on Република.

Пензионер во Загреб се обидувал да наведе мало девојче да појде со него содека се враќало од училиште, но тоа успеало да се спаси со тоа што успеало да го сними со мобилниот телефон.

Ајде да одиме на пијалак“, се зборовите со кои пензионерот го почнува разговорот со храброто девојче, а се слушаат на снимката што ја објави „Јутарњи.хр“.

Иако девојчето не успеало да му го сними лицето на старецот, сепак нејзината видео снимка масовно се споделува на социјалните мрежи и во медиумите од регионот, со предупредување до родителите да внимаваат затоа што околу училиштата во Загреб има педофил кој се обидува да ги заведе девојчињата.

На снимката се слуша како старецот прво го распрашува девојчето кое одделение е и во кој клас учи.

Тој потоа вели дека и тој има син осмоодделенец, но не знаеше точно да каже во кое училиште учи. По ова почна да го прашува девојчето како е, а потоа му понуди да одат на пијалак, сок, кафе, колачи, додека девојчето го одбива.

Откако девојчето го одбива, тој упорно почна да ѝ го бара бројот на телефон или телефонскиот број на нејзината другарка.

Откако снимката брзо се прошири на социјалните мрежи, интервенирала и загрепската полиција.

Според „Јутарњи.хр“ станува збор за 81-годишен старец кој добил пријава за обид за намамување деца со цел задоволување телесни потреби. Старецот бил ставен во притвор, а допрва ќе се одлучува за тоа дали ќе му биде изречена затворска казна.

The post Пензионер педофил канел девојче на пијалок и колачи, таа го снимила со мобилнот телефон appeared first on Република.

Триесетдневен притвор му е одреден на лице осомничено за продолжено кривично дело – полов напад врз дете кое не наполнило 14 години. Основното јавно обвинителство Гевгелија донесе наредба за спроведување истражна постапка против осомничениот.

Државното јавно обвинителство информира дека родители на три деца му ги довериле на осомничениот да ги чува.

Децата биле на возраст од осум, шест и две години, а осомничениоет, како што е наведено во соопштението, „искористувал исти прилики и во повеќе наврати вршел кривично дело обљуба врз најстарото дете“.

Бидејќи постојат околности кои го оправдуваат стравот дека осомничениот ќе избега, ќе ја попречува истагата со влијание врз сведоците и соучесниците и дека ќе го повтори кривичното дело, надлежниот јавен обвинител до Основниот суд во Гевгелија доставил предлог за определување мерка притвор.

Судијата за претходна постапка го прифатил предлогот и му определил 30-дневен притвор на осомничениот.

The post Притвор за монструмот од Гевгелија: Родителите му го оставиле на чување, го злоставувал постојано appeared first on Република.

Вчера во 15:20 часот полицијата го уапсила Ѓ.А. (61) од Гевгелија затоа тоа што извршил обљуба врз малолетник од истиот град.

Според портпаролката на СВР Струмица, Александра Трајанова, лицето било задржано во Полициската станица во Гевгелија, а за настанот било запознат и јавен обвинител од ОЈО Гевгелија.

Од полицијата не соопштуваат повеќе детали, освен дека по документирање на случајот во текот на денот осомничениот ќе биде изведен пред судија на претходна постапка од Основен суд Гевгелија.

The post Уапсен педофил во Гевгелија, силувал малолетник appeared first on Република.

Јавен обвинител од Основното јавно обвинителство Битола донесе Наредба за спроведување истражна постапка против едно лице за кое постои основано сомнение дека сторило кривично дело – Полов напад врз дете кое не наполнило 14 години од член 188 став 1 од Кривичниот законик.
Осомничениот 71-годишник на 25 септември, во својот дом во Битола, извршил други полови дејствија врз осумгодишно дете, кое го заклучил во станот. Надлежниот јавен обвинител до судијата на претходна постапка од Основниот суд во Битола достави предлог за определување мерка притвор за осомничениот.

Судијата го прифати предлогот и на осомничениот му определи притвор во траење од 30 дена.​

The post Хорор во Битола: Старец силуваше осумгодишно дете кое го заклучил дома appeared first on Република.

Седумдесетгодишник се обидел да силува малолетничка во Кавадарци, сооптшија денеска од МВР.

ОВР Кавадарци поднесе кривична пријава против И.И.(70) од Кавадарци, поради постоење основи на сомнение дека на 25.01.2022 се обидел да изврши обљуба врз малолетничка од Кавадарци, информира МВР.

The post 70-годишник се обидел да силува малолетничка во Кавадарци appeared first on Република.