Новата власт има политички и институционални капацитети да спречи меѓуетнички конфликти од пошироки размери, вели во интервју за неделникот „Фокус“ актуелниот национален координатор за спречување на насилен екстремизам и борба против тероризам и поранешен министер за внатрешни работи, Павле Трајанов.

Законот за јазиците и балансерот сами по себе се наметнуваат како тригер за некое проблематично сценарио. Дали владата има капацитет овие горчливи прашања да ги реши без поголема ескалација?

Едни од клучните прашања е јазикот, кој треба да биде средство за разбирање, а не основа за манипулации и конфликти. Во Законот за јазиците има решенија што треба да се усогласат со меѓународните конвенции и Уставот на Македонија, посебно околу меѓународната употреба.

„Бадентер“, „Балансерот“, партизацијата и корупцијата, станаа вредносни категории, ги разнебитија институциите и државата ја доведоа во колапс. Водството на ДУИ мошне умешно ги користеше етничките механизми и алчноста за власт на партиите од мнозинскиот народ, сѐ до последните парламентарни избори. ДУИ е во опозиција и тоа треба да ги прифати.

Сепак, ДУИ не се помирува со тоа и најави битка за легитимитетот. Што мислите за правилото „победник со победник“?

Нема ниту уставна, ниту законска основа, ниту, пак, решенија во Охридскиот рамковен договор на кои се повикува влада да се формира „победник со победник“, односно ДУИ да биде дел од власта, и покрај тоа што на изборите беше во коалиција со партии што ги застапуваат интересите на други етнички заедници. ВЛЕН е составена од четири албански партии и е легитимен претставник во власта.

Тоа што се случи по конфликтот, паравоена формација да се трансформира во партија и да владее 20 години е историски преседан и најавите дека тоа може да се повтори е луда идеја.

За тоа дека има такво сценарио за дестабилизација на Македонија има предупредувања од познавачи на состојбите во ДУИ од Албанија и Косово, но и од други држави.

The post Трајанов: Власта има капацитет да спречи меѓуетнички конфликт appeared first on Република.

Павле Трајанов, претседател на Демократски сoјуз, најостро го осудува обидот за атентат над Доналд Трамп, поранешен претседател на САД.

Само мало движење го спаси Трамп да биде погоден во глава.

Овој обид за атентат во САД само потврдува дека и најразвиените служби и системи за безбедност не можат да спречат некој поединец/лудак да се обиде да направи атентат со тешки последици и рефлексии во САД, но и пошироко во светот.

Сигурно дека ќе следи широка и ефикасна истрага, но и предупредување до сите држави, дека заштитата од атентати е најсложена и најкомплексна безбедносна и политичка компонента, стои во соопштението.

The post Павле Трајанов: Најостра осуда на обидот за атентат над Трамп appeared first on Република.

Претседателот на Демократскиот сојуз, Павле Трајанов вели дека ВМРО-ДПМНЕ и без коалицијата ВЛЕН во моментов има обезбедено 63-64 пратеници. Тој во вечерашното издание на емисијата Аргумент+ на ТВ24, не кажа кои се тие пратеници, но рече дека се работи за пратеници од помалите партии кои порано но и сега се дел од коалицијата предводена од Социјалдемократскиот сојуз.

„Вака широко организиран фронт, на ВМРО-ДПМНЕ му бил потребен за гласање на измените на Законот за Влада со цел да се дојде до реализација на изборните ветувања за нова структура на Владата со нови ресори или со укинување и прегрупирање на некои од нив, како и на многу агенции“ рече Трајанов.

За свечената заклетва на претседателката Силјановска Давкова, во која таа не го кажа новото уставно име на државата, Трајанов рече дека очекува набрзо да се стиши оваа галама и дека секако мора да се почитуват меѓународните договори, но и да се покаже поголем сенс за нашите идентитетски одредби и потреби од страна на соседите Грција, Бугарија а потоа и од САД и ЕУ.

The post И без ВЛЕН, ВМРО-ДПМНЕ има 63-64 пратеници appeared first on Република.

Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија, мандат за состав на Влада добива кандидатот на партијата/ партиите кои имат мнозинство (најмалку 61 пратеник).

„Влада ја избира Парламентот со мнозинство гласови од 120-те пратеници. Мнозинство се 61 пратеник. За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон, ниту пак има таква пракса. Се работи за класична манипулација или непознавање на политичкиот систем и Уставните решенија за избор на Влада.

Сосема е извесно дека по 20 години на власт, недопирливите од ДУИ, ќе бидат испратени во долгогодишна опозиција и за грабежот што го направија и разнебитување на институциите и државата во целина ќе одговараат. Наводната проевропска партија “ги отвори вратите на ЕУ”, при што за време на нивното владеење над 800 илјади граѓани од Македонија се иселија во земјите на ЕУ, меѓу нив и над 200 илјади албанци. Сите партии се изјаснија дека по изборите нема да коалицираат со ДУИ. Tоа е јасно за сите граѓани, затоа ќе гласаат за промени, а на ДУИ во опозиција ќе им се приклучи и СДСМ“, стои во соопштението на ДС.

The post Мандат за состав на Влада добива кандидатот на партијата која има мнозинство appeared first on Република.

На седмиот Конгрес на Демократски сојуз на кој присуствувале над 400 делегати и гости бил избран Централен совет на ДС од 80 члена, а за претседател реизбран Павле Трајанов.

Како што информираат од ДС, Конгресот усвоил и повик до граѓаните да се вклучат во промените, во кои меѓу другото стои дека се неопходни темелни реформи и кадровска обнова.

Македонија е заглавена во политичко мочуриште, неопходни се темелни реформи и кадровска обнова доколку сакаме да се придвижат напред сите процеси. На овие избори се одлучува за тоа дали ќе се вградат во системот вредности кои независно од власта ќе гарантираат изградба на пристојна и модерна европска држава, држава на слободни и креативни граѓани, горди на самите себе и на државата на која и припаѓаат и ја градат. Македонија мора да успее, тоа е наша должност и завет пред идните генерации. Да се биде или не, за тоа одлучувате Вие граѓаните! Излезете на гласање и определете ја иднината на Македонија, демократска, слободна, силна и почитувана од сите, соопштуваат од ДС.

На Конгресот, Трајанов нагласил дека на претстојните претседателски и парламентарни избори ќе се одлучува за тоа дали ќе опстоиме како самостојна, суверена и независна држава, дали ќе се случат промени кои значат градење на демократска и европска држава или ќе тонеме во корупција, деструкција и разградување на темелните вредности.

Трајанов зборувал и за приоритетите на Демократскиот сојуз, меѓу кои посебно ги посочил коренити уставни промени, односно нов Устав, донесување на нова стратегија за борба против тешките облици на криминал и високата корупција и донесување на Законот за формирање на независна Агенција за борба против овој вид на криминал, деблокирање на евроинтеграциските процеси преку градење на широк политички и граѓански консензус околу следните работи, реформирање на системот за безбедност, слободна пазарна економија, бесплатно здравство и образование и создавање услови за младите да останат во Македонија.

Тој ги повикал делегатите на конгресот, членовите и симпатизерите на Демократскиот сојуз, како и сите граѓани, да излезат масовно на 8 Мај и да гласаат за претседателскиот кандидат Гордана Силјановска Давкова, и за кандидатите за пратеници од коалицијата „Твоја Македонија“ предводена од ВМРО-ДПМНЕ.

The post Павле Трајанов реизбран за претседател на Демократски сојуз, повика на глас за „Твоја Македонија“ appeared first on Република.

Претседателот на Демократски сојуз (ДС) Павле Трајанов денеска до Уставниот суд поднесе Иницијатива за поништување на Автентичното толкување на член еден од Законот за амнестија, со кое се запре постапката за четирите Хашки случаи: „Водство на ОНА“, „Липковско Езеро“, „Гробницата Непроштено, и „Мавровски работници“. Според ДС, ова толкување е спротивно на Уставот и Кривичниот законик, како и Женевските конвенции, со кои е дефинирано дека злосторствата против цивилите не застаруваат.

Инаку по Автентичното толкување, се запре постапката за четирите Хашки предмети, цитираме: „се ослободуваат од гонење, се запираат кривичните постапки и потполно се ослободуваат од извршување на казната затвор лица за кои постои основано сомнение дека подготвиле или сториле кривични дела поврзани со конфликтот во 2001 година, се вели во денешното соопштение од ДС.

Демократскиот сојуз смета дека Уставниот суд треба да ја прифати иницијативата и да донесе одлука за отстранување на правните пречки за продолжување на постапката по четирите Хашки случаи.

Лидерот на ДС Трајанов потенцира дека е потребна силна осуда на злосторствата од минатото, за како што вели, да може да градиме мирна и демократска иднина.

The post Павле Трајанов поднесе иницијатива до Уставниот суд за Хашките случаи appeared first on Република.

Наместо техничката Влада да работи на создавање услови за организирање фер и демократски избори, подобрување на изборните правила, превентивно да делува за елиминирање на какви било можности за кршење на изборните правила, како и нормално функционирање на системот во целина, премиерот само по неколку дена од преземањето на функцијата предлага реконструкција, рече на денешната парламентарна расправа, во врска со изборот на двајца министи, Павле Трајанов, пратеник и претседател на Демократскиот сојуз. Според него, во суштина, ДУИ и СДСМ директно се вклучија во внатрепартиските процеси во Алијансата на Албанците, откако беше објавено дека Алијансата нема да се приклучи на коалиција помеѓу ДУИ и СДСМ, туку на опозициониот сојуз на албанските партии.

СДСМ долго се обидува да направи раскол во ВМРО-ДПМНЕ, се вмеша во изборот на лидер на НСДП, го отстрани од функцијата претседателот на ЛДП и сега, заедно со ДУИ, предизвикаа раскол во Алијансата на Албанците. Во овие тешки состојби за граѓаните овие две партии се самопрогласуваат за проевропски, за влез на Македонија во ЕУ. Без правда, со висока корупција, со колабирани државни институции, „точно“ е дека ги отворија вратите на ЕУ, каде од 2001 година во еден правец заминаа над 200.000 Албанци и над 800.000 Македонци. Меѓу другите причини за тоа, се и рефлексиите од конфликтот од 2001 година, конфликт кој во основа беше војна за територии, но подоцна, под силен притисок на меѓународните фактори, стана борба за човекови права. Затоа се залагам да се истражат сите аспекти на овој конфликт, причините за истиот,кој и зошто ја опструираше одбраната, кој и зошто заговараше размена на територии и население, кој изврши злосторства над цивилите, кој профитира од конфликтот, како и други прaшања, за да изгрaдиме механизми да не се повтори, а такви обиди имаше – Диво насеље во Куманово и Смилковско, рече Трајанов.

Затоа, додаде, ве повикувам сите пратеници да создадеме услови да продолжат истражните активности за четирите Хашки предмети („Водство на ОНА“, „Липковско Езеро“, „Гробница Непроштено“ и „Мавровски рабитници“) случаи на воени злосторства над цивили, кои не застаруваат.

Трајанов ја афирмираше определбата за итна седница на Парламентот за ублажување на проблемите и хаосот со личните документи, како и одговорноста за креаторите на ваквите состојби, Димитар Ковачевски, Оливер Спасовски и Бујар Османи.

The post Трајанов: Постапката за хашките предмети да продолжи appeared first on Република.

Демократскиот сојуз предлага преку измена на законите (Закон за лична карта, Закон за патни исправи и Закон за основите на безбедност на патниот сообраќај) да се продолжи рокот на важноста на личните документи (лична карта, пасош и возачка дозвола), како и сообраќајните дозволи, сѐ со цел да не се блокира нормалното одвивање на животот на граѓаните и функционирањето на институциите, се вели во нивното соопштение.

Во оваа насока предлагаме: личните карти да можат непречено да се користат до определениот рок на важност, нашите државјани кои се во странство патните исправи во странство да можат да ги користат до денот на важноста и да можат слободно со нив да се вратат во Македонија, како и возачките дозволи да можат да се користат во Македонија до денот на важноста. Исто така и сообраќајните дозволи да можат во Македонија да се користат до денот на важноста, доколку не е направена промена. Воедно, препорачуваме граѓаните кои патуваат во странство да можат да извадат меѓународна возачка дозвола и истата да ја користат при патување во странство. Доколку Владата не ги прифаќа измените на овие закони што ги предлага министерот за внатрешни работи, тие можат да бидат предложени од пратеници. За овој невиден хаос мора да има одговорност од неговите креатори, посебно од Димитар Ковачевски, Бујар Османи и Оливер Спасовски, истакнуваат од ДС на Павле Трајанов.

The post ДС: Да се продолжи важноста на личните документи appeared first on Република.

Демократскиот сојуз нема да гласа за техничката влада, а смета дека ниту опозициската ВМРО-ДПМНЕ која согласно законот треба да номинира свои членови за технички министри во таа влада, нема обврска да гласа за неа, вели претседателот на партијата Павле Трајанов.

-Согласно Законот за Влада ВМРО-ДПМНЕ треба да партиципира со свои кандидати за министри за внатрешни работи и за труд и социјална работа и тројца заменици. На парламентарното мнозинство е, бидејќи презеле обврска, да избере техничка влада и технички премиер и прифатија тоа да биде Талат Џафери, за кој што има многу реакции и несогласувања. Парламентарното мнозинство треба да си обезбеди 61 пратеник и да изгласа техничката влада, не е обврска на другите партии, уште помалку на опозицијата задолжително да гласа. Дали ќе гласаат или не тоа ќе се види на самиот ден на гласањето, вели Трајанов во гостувањето на Тема на денот на ТВ Сител.

Според него, станува збор за техничка, а не политичка влада, која има обврска да создаде основни предуслови за организирање на фер и демократски избори.

Тој го повтори ставот дека очекува да не се избере техничка влада, туку Владата во оставка да продолжи до крајот на својот мандат, односно до прогласување на изборните резултати. Тоа, како што вели, се заговарало веќе подолго време во СДСМ и да се префрли одговорноста на опозицијата, на ВМРО-ДПМНЕ, а ќе зависи од тоа, посочува тој, дали СДСМ и ДУИ ќе одат со заедничка листа или не на изборите.

Трајанов истакна дека ДС нема да гласа за техничката влада, бидејќи имаат сериозни забележи на однесувањето на Талат Џафери, затоа што, како што вели, не го почитувал Деловникот за работа на Собранието и блокирал законски проекти како измените на Изборниот законик за воведување една изборна единица, законот за борба против тешки облици на криминал и висока корупција.

Од ДС, кој пред речиси една година излезе од владеачката коалиција, според Трајанов, предлагаат  формираат еден поширок политички блок кој ќе обезбеди најмалку 61 пратеник, во кој би влегле сите партии кои нема да коалицираат со СДСМ и ДУИ, вклучувајќи ја и ВМРО-ДПМНЕ, а со цел да се разговара за коренити системски промени во државата.

-Пандан на овој блок (европскиот фронт) што го заговара СДСМ, мислам дека треба да има нов силен опозициски политички блок кој ќе обезбеди најмалку 61 пратеник. Но треба, пред се, да разговараме за програмските определби. Јас сум за тоа да се подготви нов Устав кој навистина ќе создаде услови и за демократски и за севкупен развој на Македонија. Вака со Бадентер, со балансер, со блокади на целокупниот систем мислам дека тешко ќе се движиме напред, вели Трајанов.

Во однос на хаосот со издавањето на новите документи, одговорноста треба да понесе Владата и министроте за внатрешни и за надворешни работи, смета Трајанов, бидејќи, вели, имплементацијата на Договорот од Преспа е во надлежност на Владата, која навреме требала да се подготви за тој процес со изготвување стратегија

The post Трајанов: ВМРО-ДПМНЕ нема обврска да гласа за техничката влада appeared first on Република.

На денешната седница на Комисијата за одбрана и безбедност, пратеникот и претседател на Демократскиот сојуз, Павле Трајанов, побара МВР до Собранието да достави Информација за грозоморните убиства на Вања Ѓорчевска и Панче Жежовски, во која ке бидат опфатени сите аспекти поврзани со ликвидацијата на Вања и Панче, вклучително и активностите и мерките на МВР, како и на другите служби за безбедност.

И покрај сите апели да не се политизираат овие грозоморни настани, секојдневно се соочуваме со обиди на СДСМ и премиерот Димитар Ковачевски да ја релативизираат и префрлат одговорноста на други партии и поединци. Само преку сеопфатна анализа може да се дојде до клучните оценки за поставеноста и дејствувањето на системот, превенцијата, системските слабости, последици од партизацијата, толеранцијата на криминалните и екстремни однесувања, политичката заштита на говорот на омраза, неоснованите напади на неистомисленици итн, велат од Демократскиот сојуз.

Парламентот треба да расправа и за можна политичка одговорност на носителите на власт. Комисијата го прифати предлогот, при што го задолжи министерот за внатрешни работи во рок од 15 дена да достави Информација до Комисијата за одбрана и безбедност, се додава во соопштението на Демократскиот сојуз.

The post Павле Трајанов побара информација од МВР за грозоморните убиства appeared first on Република.

Пратеникот Павле Трајанов од Демократскиот сојуз објави дека на денешната лидерска средба се залагал за избори без техничка влада, Македонија да биде една изборна единица, а вториот круг од претседателските и парламентарните избори да се одржат во исти ден.

„Прво, евроинтеграциските процеси на Македонија се во сериозен застој поради тоа што во изминатите седум години СДСМ и ДУИ не спроведоа темелни реформи во ниту една област, не воспоставија систем на владеење на правото, ја криминализираа државата, а ги партизираа сите институции, почнувајќи од Уставниот суд, па се до најниско ниво. Секојдневно медиумите, невладиниот сектор и политичките партии, објавуваат криминални афери, а надлежните институции ниту еден крупен случај не открија затоа што се блокирани од партиите на власт.

Со измените на Кривичниот законик, ДУИ и СДСМ, го урнисаа правниот систем и обезбедија амнестија за актуелните и поранешни носители на високи функции. Овде покрај партиските интереси, треба да се проучат и коруптивните елементи. Уставните измени со кои се предлага Бугарите да бидат внесени во Уставот, веќе година и шест месеци се користат за манипулација на јавноста и дискредитација на политичките опозициони партии пред меѓународниот фактор.

Во оваа насока без да се менува Преговарачката рамка, предлагам сите партии да побараме од Европската унија, со заклучок на Советот на Европската унија, Македонскиот јазик да биде официјален по приемот на Македонија во ЕУ, билатералните прашања вградени во Преговарачката рамка да не можат да бидат основа за блокада на евроинтеграциите на Македонија и да се задолжи Бугарија да ги имплементира одлуките на Меѓународниот суд за човекови права во Стразбур во врска со правата на Македонците во Бугарија на здружување и формирање на културни домови, здруженија и политички партии.

Само со вакви гаранции и реципроцитет можеме да ги заштитиме нашите национални и стратешки интереси. Мораме како народ да покажеме цврстина и единство.

Второ, потребни се коренити реформи на изборните правила и создавање на услови за рамноправен политички натпревар. Македонија да биде една изборна единица како темелна основа за промени и демократизација на државата. Измените на Изборниот законик со кој се предлага Македонија да биде една изборна единица, во јуни месец во првата фаза ги гласаа “за” сите партии, што значи има целосен консензус, но сега повторно овие измени се блокирани од ДУИ. Да ги изгласаме овие измени, како и измените предложени од ОБСЕ и ОДХР и да одиме на избори.

Трето, вториот круг од претседателските и парламентарните избори да се одржат во исти ден, сѐ со цел да не се создадат политички и безбедносни проблеми. Техничката (Пржинска) Влада е непотребна и само на власта ѝ одговара да ја релативизира одговорноста за катастрофалните состојби во државата, колапсот на институциите и секојдневниот грабеж на народот.

Инаку, со актуелниот состав на Владата, прекршен е Охридскиот рамковен договор и Уставот на Македонија, за соодветна и правична застапеност на сите етнички заедници и со технички премиер од редовите на ДУИ, дополнително ќе се наруши етничкиот баланс, што ќе се рефлектира и на меѓуетничките односи.

Мој предлог е оваа Влада, во овој состав, до продолжи со работа до парламентарните избори“, вели Трајанов.

The post Павле Трајанов: Избори без техничка Влада appeared first on Република.

Како држава треба да бидеме многу внимателни и претпазливи, посебно службите за безбедност, за разузнување и контраразузнување, да бидат во мобилна состојба, да соработуваат со странските разузнувачки служби, со цел да се превенираат евентуални такви можни настани. Не верувам дека во таков карактер и обем може да се случат настани како во Израел со нападот од Хамас, изјави лидерот на Демократскиот сојуз, Павле Трајанов вечерва во вестите на Сител телевизија, одговарајќи на прашањето дали има опасност во земјава од такви акции од страна на исламски радикали.

Во однос на нашиот став како држава, Трајанов вели дека како партија морало да повикаат на јасен став и за осуда на такво, како што рече, крваво насилство.

-  Државниот врв тој ден беше заспан или се криеја како глувци. Мораше како партија да реагираме, да ги повикаме дека треба да имаат јасен став. Такви настани мора секоја држава да ги осуди, бидејќи такво крвавото насилство е за осуда, рече Трајанов, додавајќи дека како партија исто така реагирале бидејќи, како што вели, бавно одело извлекувањето на нашите граѓани од Израел.

- Добро е што државата се вклучи. Ставот е согласно НАТО и ставот на САД. Сите се веќе мобилизирани, стравуваат од можни вакви настани, од крваво сценарио и ние како држава, како членка на НАТО мора да бидеме крајно внимателни и претпазливи и да се мобилизираат сите капацитети, порача Трајанов во вестите на ТВ Сител.

Според него, службите за безбедност мора да превенираат, да соработуваат и да бидат во комуникација со службите на НАТО.

- Одговорноста е голема. Во една ваква ситуација нашиот систем за следење на комуникациите нема кој да го раководи. Во овие ситуации, се користат сите можни системи за превенирање за да не дојде до тоа. Треба да се направи се, прво преку медиумите, партиите, верските заедници да делуваме на одвраќање на вакви активности, посочи лидерот на ДС за опасноста од верски екстремизам и лицата што биле дел од боиштата како дел од странска парамилитарна војска.

За Законот за амнестија, вели дека не прави селекција за одреден дел на кривични дела.

-Тој нема проценка кои се лицата и за кого важи. Но сепак, законот нема да помине во Собрание. Опозицијата најавува дека ќе го блокира и ќе следат голем број амандмани, рече меѓу другото Трајанов

The post Павле Трајанов предупредува да бидеме внимателни околу настаните во Израел appeared first on Република.

Државата треба да биде една изборна единица, како клучен предуслов за демократизација и промени кои ќе гарантираат коренити реформи, владеење на правото, борба против криминалот и просперитет, изјави денеска Павле Трајанов, претседател на Демократскиот сојуз и пратеник, во врска со измените на Изборниот законик.

Младите сакаат да живеат во држава со универзални вредности, институциите да функционираат, законите да важат за сите подеднакво, без привилегирани, без корупција и еднакви шанси за сите, како битни предуслови да не ја напуштат Македонија, смета Трајанов.

Тој потсетува дека Предлог-законот за измени на Изборниот законик со кои се предлага државата да биде една изборна единица, до Собранието беше доставен 5 март 2021 година и подолго време, како што вели, е блокиран од СДСМ и ДУИ.

Претседателот на ДС посочува дека во комисиската расправа пратениците на СДСМ и ДУИ биле против измените, но на пленарната седница одржана на 14 јуни 2023 година гласаа „за“. Законот, вели Трајанов, доби поддршка и од ВМРО-ДПМНЕ.

Согласно заклучоците, за предлог-законот имаше јавна расправа, но забелешки не се доставени, поради што, според Деловникот за работа на Собранието, треба да почне втората фаза, предлагање на амандмани и гласање за усвојување на измените со кои државата ќе биде една изборна единица.

Очекуваме најитно да се одржи расправа во Комисијата за политички систем и односи помеѓу заедниците, како и во Законодавно-правната комисија, со што ќе се создадат услови за расправа и одлучување на пленарна седница, истакнува Трајанов.

Предлагачи на законот се: Павле Трајанов, Димитар Апасиев, Боби Мојсовски, Љупчо Балковски, Панчо Минов, Моника Зајкова, Борислав Крмов, Маја Морачанин и други пратеници.

The post Трајанов: Државата треба да биде една изборна единица appeared first on Република.

„Македонија треба да биде една изборна единица, како клучен предуслов за демократизација на државата и промени кои ќе гарантираат коренити реформи, владеење на правото, борба против криминалот и просперитет на државата“, рече денеска првиот човек на Демократскиот сојуз, Павле Трајанов во врска со измените на Изборниот законик.

Според него, младите сакаат да живеат во држава со универзални вредности, институциите да функционираат, законите да важат за сите подеднакво, без привилегирани, без корупција и еднакви шанси за сите, како битни предуслови да не ја напуштат Македонија.

Инаку, Предлог-законот за измени на Изборниот законик со кои се предлага Македонија да биде една изборна единица, до Собранието беше доставен 5 март 2021 година и подолго време е блокиран од СДСМ и ДУИ. Во комисиската расправа пратениците на СДСМ и ДУИ беа против измените, но на пленарната седница одржана на 14 јуни 2023 година гласаа ЗА. Законот доби поддршка и од ВМРО-ДПМНЕ.

Согласно заклучоците, за предлог-законот имаше јавна расправа, но забелешки не се доставени, поради што, според Деловникот за работа на Собранието, треба да почне втората фаза, предлагање на амандмани и гласање за усвојување на измените со кои Македонија ќе биде една изборна единица.

Трајанов очекува најитно да се одржи расправа во Комисијата за политички систем и односи помеѓу заедниците, како и во Законодавно-правната комисија, со што ќе се создадат услови за расправа и одлучување на пленарна седница.

Предлагачи на законот се: Павле Трајанов, Димитар Апасиев, Боби Мојсовски, Љупчо Балковски, Панчо Минов, Моника Зајкова, Борислав Крмов, Маја Морачанин и други пратеници.

The post Трајанов бара итно да се усвојат измените на изборниот законик за една изборна единица appeared first on Република.

Претседателот на Демократскиот сојуз Павле Трајанов вечерва изјави дека се подготвува нов закон за амнестија со цел обезбедување на гласови за уставните измени.

Го подготвуваат СДСМ и ДУИ. Вклучени се експерти, обвинители, адвокати.... Направен е преглед на кривични дела за кои се судени поранешни носители на јавни функции, опфатени се сите дела врзани за тие што се осудени за 27 април 2017 година и веројатно има и дела со кои се опфатени и некои од актуелни носители на јавни функции за кои се води постапка, изјави Трајанов во емисијата „Само вистина“ на Канал 5 телевизија.

Според Трајанов, со овој закон ќе бидат опфатени сите случаи што ги отвори Специјалното јавно обвинителство, осудените за настаните од 27 април, како и дел од функционерите од актуелната власт против кои се води кривична постапка.

Од СДСМ негираа дека се подготвува таков закон.

Ниту Груевски, ниту некој од криминалците од ВМРО-ДПМНЕ нема да се спаси од правдата. Апсолутно не се согласувам дека некој размислува, сака или би поддржал амнестија за злоделата што 11 години ги правеа функционерите на ВМРО-ДПМНЕ, изјави Ненад Коциќ од СДСМ во истата емисија.

The post Трајанов тврди дека се подготвува нов закон за амнестија за да се гласа за уставните измени appeared first on Република.

Претседателот на Демократскиот сојуз, Павле Трајанов, денеска до Уставниот суд поднесе иницијатива за преиспитување на уставноста на последните измени на Кривичниот законик, со кои се намалуваат казните за злоупотреба на службената должност и злосторничко здружување и се предвидува декриминализација на кривичното дело поврзано со јавните набавки на штета на државата, соопштија од партијата.

Како што велат од ДС, во иницијативата се укажува на обврската уставните одредби за владеење на правото и законите да важат подеднакво за сите, како и на потребата од заштита на државниот имот од злоупотреби на носителите на јавни функции.

Воедно, се очекува Уставниот суд по службена должност да донесе времена мерка за одложување на примена на измените во Кривичниот законик до донесување конечна одлука за Иницијативата, велат од ДС.

The post Трајанов поднесе иницијатива до Уставниот суд за преиспитување на уставноста на измените на Кривичниот законик appeared first on Република.

За уставните промени нема граѓански и политички консензус, бидејќи тие се резултат на бугарските непринципиелни барања и надвор од Копенхашките критериуми, изјави денеска на прес-конференција пратеникот Павле Трајанов, претседател на Демократскиот сојуз. Тој предложи распуштање на Парламентот и предвремени избори затоа што, како што рече, „повеќе од јасно е дека нема доволна поддршка за уставни промени“.

Нагласувајќи дека Демократскиот сојуз е цврство определен државава да биде полноправна членка на Европската Унија, Трајанов соопшти дека до ЕУ и до претседателката на Европската комисија, Урсула фон дер Лајен, упатил барање - Советот на Европската Унија да донесе одлука со која ќе ја обврзе Бугарија да ги спроведе одлуките на Меѓународниот суд за човекови права во Стразбур, да им дозволи регистрација на здруженијата на Македонците во Бугарија за негување на нивните идентитетски, јазични, културни и други особености, со што ќе се обезбеди реципроцитет.

Второ, Советот на Европската Унија од Преговарачката рамка да ги изостави билателарните прашања или најмалку да донесе одлука со која ќе се дадат гаранции дека билатералните прашања не можат да бидат основа за блокада на Македонија на патот кон ЕУ. И трето, Советот на ЕУ да донесе одлука за тоа дека македонскиот јазик ќе биде официјален јазик по приемот на Македонија во ЕУ. Очекувам зад овие три клучни барања да застанат сите политички партии, претседателот Стево Пендаровски и Владата на Република Македонија, истакна Трајанов.

Во однос на уставните измени што се предлагаат од Владата, лидерот на Демократски сојуз посочи дека Владата ја прифатила Преговарачката рамка „без експертска анализа, поширок граѓански и политички консенсуз и рамка во која се вградени билатерални прашања наметнати од Бугарија, прашања со кои се отвораат историски, образовни, јазични, културни и идентитетски дилеми, со кои во суштина се негира историскиот континуитет на македонскиот народ и автентичноста на македонскиот јазик“.

Преку Комисијата за историски и образовни прашања и годишните протоколи, кои се составен дел од Преговарачката рамка, се оспорува македонскиот карактер на историските настани, македонските револуционери, па дури и Охридската архиепископија. Во суштина се „сечат“ корените на македонскиот народ, со што се доведува во прашање и неговата иднина и просперитет, рече Трајанов.

Според него, Ковачевски, Османи и Маричиќ, како и ДУИ и СДСМ, „вршат огромна манипулација дека наводно ЕУ го признава македонскиот јазик“.

Но вистината е дека во ниту еден документ не стои дека по приемот на Македонија во ЕУ, македонскиот јазик ќе биде службен, официјален јазик во ЕУ. Во заклучоците на Советот на ЕУ стои само дека преводот на материјали (директиви, одлуки итн.) ќе се врши на макеонски јазик, но и дека Бугарија и Македонија имаат право да дадат свои унилатерални изјави околу јазикот, кои се составен дел на пакетот документи и одлуки на ЕУ поврзани со евроинтеграциските процеси на Македонија, додаде Трајанов на прес-конференцијата.

Поради недоволната поддршка за уставни промени, тој предложи распуштање на Парламентот и предвремени избори кои, како што рече, „се наш национален и стратешки интерес“.

-Сакам да упатам кристално чиста порака и повик до СДСМ и ДУИ: Ако сте за стабилност, за модерна и европска Македонија, вие кои ги загрозивте националните интереси и евроинтеграциите на Македонија, излезете на избори, порача Трајанов.

The post Трајанов побарал од Фон дер Лајен да ја обврзе Бугарија, повика на распуштање на Парламентот и предвремени избори appeared first on Република.

Бујар Османи, министер за надворешни работи, потврди дека за уставните промени крајниот рок не е ноември, како што цела година ги лажеа граѓаните, медиумите парламентот, САД и другите наши партнери и поддржувачи. Тоа значи дека нема формално започнување на преговорите со ЕУ и отворање на кластерите, вели Павле Трајанов.

„Година дена Ковачевски, Маричиќ и Османи лажеа, манипулираа и вршеа невиден притисок за уставни промени и вградување на Бугарите во Уставот, како предуслов за започнување на преговорите со ЕУ, како единствен предуслов, но Бујар Османи јавно призна дека рокот е до крајот на мандатот на оваа Влада, односно до јуни 2024 година.

Сосема е јасно дека блокадата за ЕУ, не ја прават граѓаните и опозицијата,туку Владата.

Османи ги знае најавите од некои земји членки на ЕУ, дека и по уставните промени нема согласност за почеток на преговорите и отворање на кластерите, поради организираниот криминал и корупцијата, поради некредибилниот и корумпиран судски систем, поради невладеењето на правото и партизацијата, како и поради отсуството на реформи и резултати.

После ваквото фијаско, единствено што преостанува е одговорност, оставка на Владата и предвремени парламентарни избори.

Господине Ковачевски, ако продолжите и натаму со оваа агонија, да инсистирате уште некој ден да бидете на власт, Вие ја преземате одговорноста за блокадата на евроинтеграциите и хаосот во кој ќе ја вовлечете државата.

Мој совет Ви е, поднесете оставка“ – посочува тој!

The post Павле Трајанов бара оставки во Владата: Нема преговори со ЕУ и отворање на кластерите appeared first on Република.

Демократскиот сојуз соопшти е прва партија која пред седум години предложи минимaлна плата од 300 евра и минимална пензија од 200 евра.

Нагласуваат дека во Парламентот имаше расправа, но не и согласност да се определи минимална плата и покрај тоа што тоа е пракса во ЕУ.

Демократскиот сојуз предлага да се определи минимална пензија од 300 евра и да се дефинира методологија за раст и усогласување на пензиите.

Предлагаме Владата да ги разгледа сите аспекти на оправданите реакции и протести на пензионерите, најитно да ја дефинира минималната пензија и да направи усогласување на пензиите со реалното зголемување на цените, растот на платите и инфлацијата, велат од партијата на Павле Трајанов.

The post Демократскиот сојуз предлага минимална пензија од 300 евра appeared first on Република.

Ставањето на Рамиз Мерко на црната листа на САД  е сериозна опомена против политичката мафија која владее со Македонија, смета Демократскиот сојуз. Во реакцијата на довчерашниот владин партнер се посочува дека никој не се осмелува да започне системска „војна“ за да го искорени октоподот кој го разорува целиот систем.

„Водачите на овој октопод, кој го разорува целокупниот систем, ја уништуваат државата и надежта на младите е етаблирана во партиите, Владата, судовите, обвинителствата и институциите задолжени за откривање и сузбивање на криминалот и високата корупција. Државата ни е во колапс, партизацијата и неподготвеноста да се изградат независни институции надвор од партиските влијанија и центрите на моќ, го суспендира владењето на правото и законитоста“ – стои во партиската реакција.

https://republika.mk/vesti/makedonija/trajanov-zaev-ni-vetuvashe-deka-ako-ostane-na-vlast-ke-n-nosi-vo-elisejskata-palata-kaj-makron/

Од партијата на Павле Трајанов посочуваат дека на државата ѝ е потребен генерален ремонт и укажуваат дека е итно потребно да се донесе Законот за борба против организиран криминал и висока корупција.

„Потребен ни е генерален ремонт на државата, но тој процес ќе потрае сѐ до следните парламентарни и претседателски избори и донесување на нов Устав на Македонија. Инаку, Уставот го гуши демократскиот развој и одговорноста, како  предуслови за државата да се движи напред. Во меѓувреме, повикуваме најитно Парламентот да го донесе Законот за борба против тешките облици на организиран криминал и висока корупција, со што ќе започне жестока борба и справување со криминалот што го прават функционерите.Инаку овој закон пред неколку дена во првата фаза го поддржаа пратениците од сите партии“ – истакнуваат од Демократскиот сојуз.

ДС им порачува на министрите да не се чудат, туку да погледнат околу себе и да видат дека се бетер од Мерко.

„Наместо министрите да се чудат за тоа како Мерко се нашол на црната листа, да погледнат околу себе и да видат дека се бетер од Мерко и да се повлечат од функциите, а не еуфорично да ги повикуваат институциите да делуваат, кои во суштина се блокирани од самите нив“ .

The post ДС: Министрите да не се чудат за Мерко, тие се бетер од него appeared first on Република.