Граничната полиција на преминот Стење, во соработка со Одделението за прекуграничен криминал Охрид, денеска приведе двајца државјани на Република Албанија за недозволена трговија на пастрмка. Е. Ш. (22) и М.А. (25) се обиделе да внесат 139 парчиња риба.

Како што соопштува МВР, при контрола во патничко возило „нисан“, со албански национални ознаки, биле пронајдени 139 парчиња охридска пастрмка со вкупна тежина околу 90 кг, кои биле предмет на недозволена трговија од Република Албанија кон Република Македонија.

Двајцата се приведени во полициска станица и по целосно документирање на случајот против нив ќе биде поднесен соодветен поднесок.

The post Двајца Албанци фатени со 90 кг пастрмка кај Стење appeared first on Република.

Кај крстосницата на влез во село Радолишта, струшко, лишени од слобода се С.М.(39) и А.С.(43) двајцата од.Албанија во чие возило биле пронајдени 81 охридска пастрмка како и мрежи за лов на риби.

МВР информира дека лицата биле приведени од полициски службеници од Одделението за прекуграничен криминал-Струга, во содејство со Полициската станица за граничен надзор Франгово,

„При извршена контрола во патничко возило „мерцедес", со албански национални ознаки, биле пронајдени 50 килограми риба, поточно 81 парче охридска пастрмка и 20 рибарски мрежи во единечна должина од по 100 метри, кои биле предмет на недозволена трговија од Албанија кон Македонија“, се вели во информацијата на МВР.

The post Уапсени албански државјани за шверц на 81 охридска пастрмка appeared first on Република.