Пратеничката на СДСМ, Славјанка Петровска во интервју за Телевизија 24 вели дека нема да има никаква функција во партијата, но дека секогаш гласно ќе зборува проблемите во партијата.

Нема да прифатам никаква функција. Нема да бидам причина за неуспесите на СДСМ, ама преку какви било обвинувања некој се обиде да ме замолчи и за сметка на тоа да продолжат некои внатрешни игри, што му штетат на СДСМ и кои следната година ќе направат полош резултат, тогаш нема да има цена што ќе може мене да ме замолчи, па дури и да е критика, па дури и да биде побарана оставка од мене како пратеник. Јас немам проблем да сносам одговорност, но ако јас треба да бидам замолчена само затоа што јавно зборувам за прашања што мислам дека не треба да се случуваат во СДСМ, тогаш се потврдува мојата теза за заробена партија, рече Петровска.

Причините кои придонеле за нејзино повлекување од изборот за претседател на СДСМ ги образложи со малиот број на регистрирани членови за гласање и големите неправилности кои таа самата ги воочила. Таа посочува дека на овој начин по трет пат се бира претседател и дека ништо не се научило од пропустите.

Малиот број на активно регистрирани членови за гласање, укажуваше на тоа дека СДСМ се наоѓа во дополнително комплицирана и тешка ситуација. Тоа плус оние информации што ги наведов при повлекувањето, а особено оние неправилности за кои не сакам јавно да зборувам, ги наведов лично пред членовите на Централната изборна комисија. Кога влегувате во еден процес, а факт е дека СДСМ го има единствениот ваков процес на избор на претседател и кога ова е трет пат вака да бирате претседател, тогаш сето она што се јавувало како пропуст, требало да биде надминато. Повторувањето на тие пропусти, покажа дека за жал ние не сме научиле од пропустите, рече Петровска.

Петровска посочи и дека на списокот на активно регистрирани гласачи имало и членови на други политички партии.

The post Петровска: Нема да бидам замолчена, следната година СДСМ ќе има полош резултат appeared first on Република.

Тажна беше сликата синоќа во СДСМ по завршувањето на изборите за лидер на партијата, на кои победи побратимот на Зоран Заев, Венко Филипче. Се славеше со зурли и тапани, ама музичарите беа побројни од славениците.

Тажна беше сликата и во текот на денот, бидејќи едвај гласаа 12.000 социјалдемократи, иако пријавени беа дупло повеќе.

Тажна се и денешните реакции од разочараните членови, кои не веруваат дека партијата оди во вистинската насока.

https://republika.mk/vesti/makedonija/zoran-zaev-pobedi-na-izborite-vo-sdsm-ima-zurli-i-tapani-nedostiga-samo-tunel/

Сега е време за обнова на СДСМ и многу работа, нема време за славење. Следи период на реорганизација и реформи со кои сум сигурен дека СДСМ повторно ќе победува, изјави синоќа Филипче, по што одекнаа зурли.

Кандидатот за лидер на СДСМ Јован Деспотовски по прогласувањето на изборните резултати најави дека денес ќе поднесе приговори поради забележани изборни нерегуларности, поставувајќи две клучни прашања за кои побара итен одговор од Централната изборна комисија.

Како ни се случи над 10.000 наши членови кои се регистрирале за гласање односно изразиле инцијатива да учествуваат во изборниот процесот не можеа односно не го остварија своето право на глас денеска? Како ни се случи на голем број на наши членови кои беа уредно регистрирани и дојдоа на избирачките места да не им е овозможено правото на глас?

Славјанка Петровска, пак, која ден пред гласањето ја повлече својата кандидатура, кратко коментираше: Се боревме против заробена држава, добивме заробена партија.

The post Двајца без тројца со зурли и тапани се радуваа за Венко appeared first on Република.

Во СДСМ како и до сега, и по Заев – Заев. Венко Филипче со 9 илјади гласови, колку се потребни за советник во општина стана лидер на СДС. Еден Заев се замени со друг Филипче. Тажен завршеток на сагата за нов лидер, со стари навики, се вели во реакцијата на ВМРО-ДПМНЕ по вчерашниот избор на Венко Филипче за претседател на СДСМ.

Филипче не е нов лидер, туку чувар на фотелјата на Зоран Заев. Човекот е одговорен за погромот со ковидот, каде десетици илјади луѓе ги загубија животите, директно одговорен за матните тендери каде референцата за избор имал контакт на Жути кој доби милиони од стерилизацијата, или неговата хациенда на Водно веднаш до директорот на Клинички или пак модуларната болница за која Филипче не убедуваше дека кабелот е виновен. Филипче е најдобрата маска на Заев. Исти луѓе исти вредности. Ако мисли Филипче дека ќе се спаси, и кога ќе одговара за криминалите ќе вика дека е политички реваншизам, овој пат тоа е најпогрешниот начин да избега од одговорност. Одговорност ќе има, велат од ВМРО-ДПМНЕ.

The post ВМРО-ДПМНЕ: Новата функција нема да го спаси Филипче од одговорност за криминалите appeared first on Република.

Новиот претседател на СДСМ мора веднаш да почне со сеопшто обединување, особено генерациско!, порачува потпретседателот на партијата Стефан Богоев пред вонредните внатрепартиски избори за лидер, кои ќе се одржат оваа недела.

Доста од муабети „млади сте, имате време“ или „ај бе тој е стар, што бара сега“ и „скопско, струмичко, прилепско“ и не знам какво крило.
Обединувањето мора да оди со давање шанса на способни и лојални луѓе на сите нивоа, од раководство и ЦО, до општинска и месна, без разлика дали некој тие луѓе ги смета за „мои луѓе“ или не! Кога членството ќе види такви луѓе на позиции, ќе се роди надеж и луѓето повторно ќе се вратат во партијата.
Во спротивно, од СДСМ може да произлезе нов политички субјект (покрај ЗНАМ) или десетици независни листи за советници по општините на локални, исто така произлезени од и на штета на СДСМ.
Тоа за нашата партија ќе биде фатално.
Затоа, процесот на обединување мора да почне веднаш бидејќи време немаме, а нема ни новиот претседател кому мандатот секако ќе му биде до март 2025та година, а дали ќе добие нов или не ќе зависи токму од успешноста на овој процес.
Да живее обединета СДСМ, вели Богоев.

Дека работите во партијата се доведени до точка на вриење по големиот пораз на претседателските и парламентарни избори, покажуваат и последните настапи на кандидатите за лидер и коментарите од високо позиционирани луѓе во партијата.

https://republika.mk/vesti/makedonija/eskalira-razdorot-vo-sdsm-filipche-kontra-despotovski-a-nastrada-i-kostadinov/

The post Стефан Богоев најавува распад на СДСМ или нови независни листи appeared first on Република.

Изборите за нов лидер во СДСМ го извадија во јавноста целиот „валкан веш“ на партијата. Во своите излагања пред јавноста и пред членовите на партијата, кои на 30 јуни го избираат идниот лидер, дел од четворицата кандидати постојано упатуваат скриени пораки кон останатите противкандидати.

https://republika.mk/vesti/makedonija/petrovska-dvajtsa-od-chetirite-kandidati-treba-da-se-povlechat-ako-mislat-dobro-na-partijata/

Старите луѓе треба да си заминат од партијата бидејќи народот не може да ги гледа, рече неодамна Јовaн Деспотовски, кандидат за претседател на СДСМ, алудирајќи на неговиот противкандидат Венко Филипче.

https://republika.mk/vesti/makedonija/despotovski-nachinot-na-koj-beshe-postaven-kovachevski-vo-2021-ne-treba-da-se-povtori/

На ваквите напади со реакција се јави градоначалникот на Валандово и поранешен потпретседател на партијата, Перо Костадинов, кој во пост жестоко му возврати на Деспотовски, нагласувајќи дека ваквите потези претставуваат навреди и шиканирања.

Другарите кои сакаш да ги водиш, не можеш да ги навредуваш и шиканираш. Бидејќи тие не се твоја сопственост. Тие се твоето богатство и сила!, истакна Костадинов.

Меѓутоа, само 10 часа по неговата реакција, граѓаните на социјалните медиуми упатија жестоки зборови кон Костадинов, обвинувајќи го дека како потпретседател на СДСМ е директно одговорен за изборната катастрофа на партијата на изборите во мај 2024.

Еве дел од реакциите на граѓаните упатени кон Костадинов:

Перо Костадинов, прашувам што правевте вие овие 7-8 години, не како градоначалник туку како потпретседател на СДСМ. Ако не бевме шиканирани, ако ви бевме битни, ако прифатевте барем по една порака напишана од членството од илјадници немаше да дојдеме до ова дереџе. Како млад човек кој го почитувам и кој е функционер не заземај страна, правиш полошо... Сватете оти треба промени од корен а не напаѓање еден со друг посебно од вас кои бевте во раководството на Централно ниво за време на ова цунами... Со почит.

 

Перо, погледни ги резултатите. Да го почитувавте членството тие ќе беа сосема поинакви. Се навредувате за односот и критиката на Вашите партиски другари. Добро, знаете ли како од друга страна се чувствува членството кое е надвор од Вашиот делокруг со позиции? Ете затоа се губат избори.

 

Никогаш не сум те видел во Прилеп, абер немав ни дека си СДСМ, абер немав ни какви активности си имал, нит сум те видел нит сум те познавал. По 4 изборни цисклуси кога членството гласа против такви како тебе опнуваш статус за некакво шиканирање?! Многу перфидно од твоја страна, срамно... безобразно."

Со овие нови реакции и зголемување на тензии, раздорот во СДСМ станува се поизразен. Партиискиот конфликт помеѓу кандидатите за лидерската позиција, Деспотовски и Филипче, само ја продлабочува кризата во партијата која се соочува со историски најлоши изборни резултати и можен распад на најмалку три фракции.

Јавноста со нетрпение очекува како ќе се развиваат овие случувања и какви ќе бидат следните потези на клучните фигури во СДСМ, кои треба да се справат со овие внатрешни конфликти и да ја стабилизираат партијата.

The post Раскаран СДСМ: Сопартијците го подбраа Костадинов поради нападите врз Деспотовски appeared first on Република.

Во интервју за Канал 5 кандидатката за претседател на СДСМ Славјанка Петровска на прашањето дали поранешниот претседател Зоран Заев застанал зад кандидатот Венко Филипче и дали таквата поддршка му дава предност на Филипче, Петровска оцени дека тоа може да придонесе за дополнителни поделби внатре во партијата.

Застанувањето на кој било од поранешните претседатели зад кој било од сегашните кандидати, мислам само дека дополнително да ја подели партијата и мислам дека може да го отежни процесот на легитимен избор на претседател. Јас ги почитувам сите поранешни претседатели на СДСМ затоа што оставиле свој белег во партијата и во државата, меѓутоа мене ми треба поддршката на членството, рече Петровска.

Петровска порача дека доколку не победи на изборите, тогаш нема да бара никаква функција туку дека ќе остане член и пратеничка на СДСМ во Собранието.

The post Петровска: Мешањето на Заев во изборите ќе доведе до нови поделби во СДСМ appeared first on Република.

Јован Деспотовски, еден од кандидатите за претседател на СДСМ, преку социјалните мрежи објави видео во кое објаснува дека завчера имал, како што вели, мала здравствена криза поврзана со слепото црево.

Операцијата, како што објаснува Деспотовски, поминала како што треба и поради тоа морал да ги откаже сите теренски активности.

Веќе во текот на денешниот ден сме оперативни и во 19 часот продолжуваме со чет во живо за сите предлози и коментари што ќе ги имаме. И од утре, секако, продолжуваме со иста динамика и темпо во теренските посети бидејќи навистина успеавме во изминатите неколку недели да иницираме еден сериозен бран енергија и желба за промени. Нема да ве разочарам, продолжуваме понатаму заедно, порача Деспотовски во видеопораката што ја објави вчера.

The post Деспотовски во болнички кревет, ги откажа теренските активности appeared first on Република.

Кандидатот за лидер на СДСМ, Александар Бајдевски денеска во емисијата „Daily Click“ на ТВ21 истакна дека нема црни дамки зад себе, и поради тоа се охрабрил да се вклучи во кандидатурата за претседател на партијата.

Јас сум долги години во СДСМ, од мојата 18-та година, можам слободно да кажам дека сум пораснат во партијата. Досега сум бил на повеќе партиско општествени функции. Во делот на општественото делување сум бил советник во Кисела Вода мандат 2000-2005 година, и како што кажавте последните години ја извршувам заменик министер за информатичко општество и администрација. Во целиот мој ангажман сметам дека сум работел одговорно, чесно, сметам дека немам црни дамки зад себе и тоа ме охрабри да влезам во оваа кандидатура, да ја споделам мојата визија со партиските другари и да ја побарам нивната поддршка, вели Бајдевски.

The post Бајдевски: Немам црни дамки зад себе, тоа ме охрабри да се вклучам во трката за лидер на СДСМ appeared first on Република.

Венко Филипче својата кампања за претседател на СДСМ на внатрепартиските избори во партијата вчера ја продолжи од Битола од каде зборуваше за клучните нови тела кои ги предлага во програмата. Тој особено се задржа на Комисијата за етика и одговорност за која посочи дека е од витално значење за градење на култура на интегритет и одговорност за сите свои функционери.

Историски гледано, партијата се соочи со случаи на несоодветно однесување на партиските функционери, често поради недостаток на ефективен надзор и внатрешна контрола. Ваквите случаи сериозно го нарушија угледот на партијата и ја поткопаа довербата на јавноста. Преку воспоставување на механизми за следење и евалуација на работењето на партиските и државните функционери, Комисијата за етика и одговорност ќе го следи имплементирање на етичкиот кодекс на СДСМ кај партиските и државните функционери. Доследно спроведување на овие етички стандарди е од витално значење за градење култура на интегритет и одговорност. Комисијата исто така ќе учествува во избор на кадри и носители на раководни позиции во партијата и во институциите. Формирањето на ваквата нова комисија е значаен чекор кон создавање подемократска, поодговорна и поефективна СДСМ, порача Филипче.

Тој пред битолчани исто така зборуваше и за потребата од обединување и континуираната комуникација како и формирањето на Совет на политики и стратегии којшто ќе го сочинуваат искусни политичари како и Совет на ветерани во кои учество треба да земат старите политичари кои учествувале во градењето и растењето на СДСМ.

The post Филипче: Во СДСМ имаше случаи на несоодветно однесување на партиските функционери appeared first on Република.

Пратеникот Фатмир Битиќи, кој неколку години претходно беше и вицепремиер за економски прашања во владата на СДСМ-ДУИ, во интервју за РСЕ вели дека секојдневно размислувал да се кандидира за нов лидер на социјалдемократите, но, смета дека на партијата не и треба дополнителна поделба и групирање. Неговиот став е дека кампањата за иден претседател на СДСМ не се одвива на најдобар начин.

Сметам дека изборната кампања за претседател не се одвива на најдобар начин бидејќи не сите учесници во изборната кампања веруваат целосно во вредностите на СДСМ и иделогијата и забораваат дека ова не е лична битка. Ова е битка за партијата, за државотворна партија која покажала низ децении дека се грижи за сите, вели Битиќи.

На прашањето „на кого конкретно мислите?“ Битиќи одговара:

Мислам дека самите ќе проценат. Не многу, еден од четворицата. Луѓе кои претходно бојкотирале или воопшто не ги поддржувале партиските активности а секогаш добивале од нејзе, не може да претендираат за претседателскиот врв.

The post Битиќи: Еден кандидат за лидер не верува во социјалдемократските вредности appeared first on Република.

Славјанка Петровска, поранешната министерка за одбрана и сега еден од четирите кандидати за претседател на СДСМ, во интервјуто за „Независен“ не се воздржува да каже дека двајца од четирите кандидати за лидер на СДСМ треба да се повлечат „ако ѝ мислат добро на партијата“.

Мораме да расчитиме со лошите навики на носење одлуки во тесен круг на раководството и креирање политики во одбрано друштво, без притоа членството да биде консултирано или во најмала рака на време информирано за одредени процеси.
Нема да толерирам двојни игри на штета на партијата и членството, ќе бидам гласна и јавно ќе ги обелоденам оние кои сакаат партијата да ја држат во заложништво за лична заштита. Сите противкандидати ми се другари, многу имаме поминато заедно, но двајца од нив мора сериозно да размислат да се повлечат, ако и мислат добро на партијата, вели меѓудругото Петровска.

На прашањето каде таа ги лоцира причините за повеќе од лошите резултати на СДСМ на парламентарните и на претседателските избори, вели дека тие се резултат на неисполнувањето на неколку клучни ветувања.

Бројчаникот за вратените украдени пари не се постави. Јавноста беше сведок на изигрување на правдата и смеење во лице на сите нас кои чекавме правда. Бегството на Груевски остана неразјаснето, без никој да поднесе одговорност. Неказнивоста на министри и директори кои во своето работење предизвикуваа скандали и незадоволство кај граѓаните, немањето свидителства на крајот од учебната година, немањето учебници на почетокот на учебната година, зафаќање со реформи за кои се немаше претходна подготовка. Скандалите поврзани со Боки 13 и поддршката од високи функционери на СДСМ, случајот Рекет. Што се случи со нема правда, нема мир?

Токму за овие работи треба да се разговара внатре во партијата, но и конечно да се лоцира персонална одговорност за одредени прилично сериозни грешки.

Не беа извлечени поуки ниту од резултатите во 2020. Да, математички ги добивме, ама политички ги изгубивме. И тогаш во некои општини и избирачки места се забележуваше дека губиме гласови, но не се стави акцент на тоа. Сето ова успеа да ги сруши сите позитивни резултати кои се постигнаа изминатите 7 години, вели Петровска.

The post Петровска: Двајца од четирите кандидати треба да се повлечат ако ѝ мислат добро на партијата appeared first on Република.

Кандидатката за претседател на СДСМ, Славјанка Петровска вчера пред членовите на ОО СДСМ Куманово ја презентираше својата програма пред претстојните вантрепартиски избори. Пред присутните Петровска ги претстави клучните приоритети кои ќе придонесат за консолидирање на партијата и враќање на победничките патеки.

Само силен СДСМ може да биде победнички СДСМ и затоа ќе воведам фер и праведен избор на кандидати за пратеници и советници. Изборот на кандидати ќе биде широк процес во кој ќе учествуваат сите членови на СДСМ, а не само одбрана група од централното раководство. Овој процес ќе овозможи вклучување, а не исклучување од одлучувањето на членовите на партијата, они кои секогаш го носат најголемиот товар во време на изборни кампањи и партиски активности, порача Петровска.

Во разговор со присутните, Петровска порача дека како идна претседателка има намера да го слуша гласот на членовите затоа и превидува опција за референдумско изјаснување на членството односно секој член преку веб страницата на партијата да даде свое мислење за одредена политика, но најави и процес на ветинг за идните партиски функционери.

Идните партиски функциониери мора да бидат избрани врз основа на критериуми за чесност, одговорност и посветеност. Затоа ќе предложам постапка за ветинг, проверка на кандидатите за членови на раководството, посочи Петровска.

Петровска ги продолжува посетите на општинските организации и средбите со членовите на партијата пред изборите закажани за 30 јуни.

The post Членовите на СДСМ директно ќе ги бираат кандидатите за пратеници и советници, ветува Петровска appeared first on Република.

Додека ВМРО-ДПМНЕ обезбедува единство и гради консензус за прашања важни за системот и развојот на државата, и тоа без никакви хипотеки кон никого, единствените противници на тоа се „децата“ на Заев, како Венко Филипче и Славјанка Петровска, вели пратеничката и портпарол на ВМРО-ДПМНЕ, Марија Митева.

Тие наместо за граѓаните водат сметка за лидерската трка во партијата. Измените во Законот за организација на работата на органите на државната управа се рационални и многу потребни, истите се работени и со претставници на ЕУ и се дел од ИПА програмата. Ниту еден политички чинител во државата не може да ги оспори или да не ги поддржи доколку и мисли добро на државата и нема никакви задни намери. За разлика од нашиот фокус на државните процеси, Венко Филипче и Славјанка Петровска ја ставија својата кариера пред интересите на државата. И од прв ден покажаа дека СДС ќе работи на план како да се запре прогресот на државата. Кој и да дојде како нов претседател во СДС таа партија ќе тоне, затоа што сите нивни кандидати, вклучувајќи ги Филипче и Петровска беа една од многуте причини за нивниот пораз. Но што реално да се очекува, кога знаеме дека Филипче е човекот кој остана запаметен како тендер мајстор во здравството. Филипче со денови се занимава со политика, но не видовме став зошто операционите сали не работат. Филипче како лекар, што го претставува како своја најголема предност во политиката молчи за тоа. Петровска пак е сосема друга приказна. Таа ќе остане запаметена по бројни политички гафови, по себе виктимизирањето во безброј случаи додека илјадници скандали беа поврзани со нејзиното менаџирање на министерството за одбрана каде припадниците на армијата го немаа третманот кој го заслужуваат, а условите беа вонстандардни, рече денеска таа.

Филипче и Петровска може да се добри ученици на Заев, но не и добри политичари за својата држава, потенцираше Митева.

СДС и со Филипче и со Петровска само ќе тоне. И во наредниот период ќе гледаме како партијата која се претставуваше себе си за европска и прогресивна заради политички калкулации ќе се противи на развојот на државата. Македонија е ставена на брза лента кон економска трансформација, евроинтеграции и немилосрдна борба со криминалот и корупцијата, рече Митева.

https://youtu.be/zKROXIwqhn0?si=ABIf0mYacLV-NO08

The post Митева: Кој и да биде нов лидер СДС ќе тоне, зошто сите нивни кандидати се дел од причините за нивниот пораз appeared first on Република.

Социјалдемократскиот Сојуз на Македонија (СДСМ) денеска го одржува 29. Конгрес на кој, според Статутот, партиското раководство ќе даде отчет за изборните резултати.

Досегашниот претседател на СДСМ, Димитар Ковачевски пред почетокот на Конгресот нагласи дека делегатите ќе се изјаснат за доверба во органите на партијата кои ги избира Конгресот и на кој делегатите ќе можат да разговараат за сите прашања поврзани со изборите, но и за работењето на партијата во изминатиот четиригодишен период.

Ковачевски очекува денешниот Конгрес да биде успешен и од него, како што рече, СДСМ да излезе посилен, пообидинет и да влезе во процесот на финализирање на изборот на нов претседател и на новото раководство.

Одговарајќи на новинарско прашање дали очекува директни напади од членовите на партијата за водењето на партијата и поразот што партијата го прерпе на изборите,  Ковачевски истакна дека очекува отворена дебата за сите прашања што влијаеле на изборните резултати.

Она што имав да го кажам, го кажав и на 8 мај и на денот кога официјално се повлеков од функцијата претседател на СДСМ на 22 мај.  Очекувам отворена дебата и да се разговара конструктивно и отворено за сите прашања кои што влијаеа на изборниот резултат на овие избори,но и на изборите во 2021 година, бидејќи тогаш не беше одржан отчетен Конгрес. Делегатите ќе имаат за што за што да разговараат, рече тој.

Како што потенцира Ковачевски, на Конгресот се очекува свои оделни експозеа да имаат членовите на раководството, Форумот на жени и другите членови на раководството.

Досегашниот претседател на партијата Димитар Ковачевски по изборниот пораз, на седница на партискиот Извршен одбор што се одржа на 22 мај, официјално го потврди повлекувањето од функцијата претседател на СДСМ и побара свикување конгрес и организирање внатрепартиски избори.

Ковачевски го потврди повлекувањето на седница на партискиот Извршен одбор на СДСМ која ја најави на 8 мај, како високо морален чин и согласно Статутот на партија иницираше свикување конгрес заради анализа на изборните резултати и изјаснување за довербата на органите на партијата, избрани од Конгресот, со оглед на изборните резултати, информира тогаш СДСМ.

Во меѓувреме, на 6 јуни заврши рокот за кандидирање за претседател на СДСМ. Во периодот од 31 мај до 6 јуни, рок определен за кандидирање, кандидатури за претседател на партијата поднесоа поранешната министерка за одбрана Славјанка Петровска, поранешниот министер за здравство Венко Филипче, директорот на ТИРЗ Јован Деспотовски и актуелниот заменик-министер за информатичко општество и администрација во техничката влада, Александар Бајдевски.

Вонредните внатрепартиски избори за нов претседател на СДСМ ќе се одржат на 30 јуни. Изборите ќе ги спроведе Централна изборна комисија заедно со 80 општински изборни комисии и Одбори на избирачки места на локално ниво. Можност за гласање ќе имаат сите членови на СДСМ кои активно ќе се регистрираат.

Периодот за активната регистрација e зголемен и изнесува 20 дена. Членовите ќе можат да се регистрираат преку две опции, преку онлајн алатката за активна регистрација што ќе биде достапна на интернет страницата на СДСМ во понеделник (03.06.2024) или втората опција преку општинските организации на СДСМ.

Централниот одбор на партијата предложил и измени на Статутот на партијата за мандатот на претседателот избран на вонредни внатрепартиски избори да биде четири години.

The post Во тек е 29. Конгрес на СДСМ, се разгледуваат изборните резултати appeared first on Република.

Социјалдемократскиот Сојуз на Македонија (СДСМ) денеска ќе го одржи 29. Конгрес на кој, според најавите, ќе се анализираат причините за изборните резултати.

Досегашниот претседател на партијата Димитар Ковачевски по изборниот пораз седница на партискиот Извршен одбор што се одржа на 22 мај официјално го потврди повлекувањето од функцијата претседател на СДСМ и побара свикување конгрес и организирање внатрепартиски избори.

- Ковачевски го потврди повлекувањето на седница на партискиот Извршен одбор на СДСМ која ја најави на 8 мај, како високо морален чин и согласно Статутот на партија иницираше свикување конгрес заради анализа на изборните резултати и изјаснување за довербата на органите на партијата, избрани од Конгресот, со оглед на изборните резултати, информира тогаш СДСМ.

Во меѓувреме, на 6 јуни заврши рокот за кандидирање за претседател на СДСМ. Во периодот од 31 мај до 6 јуни, рок определен за кандидирање, кандидатури за претседател на партијата поднесоа поранешната министерка за одбрана Славјанка Петровска, поранешниот министер за здравство Венко Филипче, директорот на ТИРЗ Јован Деспотовски и актуелниот заменик-министер за информатичко општество и администрација во техничката влада, Александар Бајдевски.

Вонредните внатрепартиски избори за нов претседател на СДСМ ќе се одржат на 30 јуни. Изборите ќе ги спроведе Централна изборна комисија заедно со 80 општински изборни комисии и Одбори на избирачки места на локално ниво. Можност за гласање ќе имаат сите членови на СДСМ кои активно ќе се регистрираат.

Периодот за активната регистрација e зголемен и изнесува 20 дена. Членовите ќе можат да се регистрираат преку две опции, преку онлајн алатката за активна регистрација што ќе биде достапна на интернет страницата на СДСМ во понеделник (03.06.2024) или втората опција преку општинските организации на СДСМ.

Централниот одбор на партијата предложил и измени на Статутот на партијата за мандатот на претседателот избран на вонредни внатрепартиски избори да биде четири години.

The post СДСМ на отчетен Конгрес ќе ги анализира изборните резултати appeared first on Република.

Кандидатура за претседател на СДСМ денеска поднел и Александар Бајдевски, објави партијата на Фејсбук.

Денеска во седиштето на СДСМ, кандидатура за Претседател на партијата на внатрепартиските непосредни избори поднесе и Александар Бајдевски, се посочува во објавата на СДСМ.

Рокот за поднесување кандидатури за претседател на СДСМ завршува денеска. Кандидатури за претседател поднесоа Венко Филипче, Славјанка Петровска и Јован Деспотовски.

Во недела СДСМ ќе одржи отчетен конгрес, а изборот за претседател ќе биде на 30 јуни.

The post И Александар Бајдевски поднесе кандидатура за претседател на СДСМ appeared first on Република.

Актуелниот директор на ТИРЗ, Јован Деспотовски, денеска пред Музејот на Град Скопје ја најави кандидатурата за претседател на Социјалдемократскиот сојуз на Македонија, испраќајќи порака дека партијата е во тешка ситуација и има потреба од нов почеток.

Позади нас е железничката станица најпогодена од катастрофалниот земјотрес пред 61 година. СДСМ се наоѓа во многу тешка ситуација и СДСМ има потреба од еден нов почеток. Она што го објавуваме денеска една нова програма за нов почеток за нов СДСМ. Веруваме и ќе се залагаме целата наша програма, целиот наш тим ќе работи на тоа исто како што Скопје, успеа да се подигне од пепелта, да се обнови и да стане убав град, така и СДСМ повторно ќе почне и ќе биде нова партија која што ќе обединува, не само своите членови, туку ќе биде партија на сите граѓани, рече Деспотовски.

Како што најави Деспотовски, доколку биде избран за претседател на СДСМ, ќе спроведе нов механизам преку кој партијата ќе дејствува како конструктивна опозиција. Истакна дека ќе формира влада во сенка, за која рече ќе биде опција на граѓаните да размислуваат и да споредуваат.

Ќе формираме влада во сенка, која што ќе даде своја алтернатива, ќе даде опција на граѓаните да размислуваат и да споредуваат. Ќе бидеме конструктивна опозиција во Собранието, ќе бидеме конструктивна опозиција во државата. Нема да критикуваме по секоја цена тоа е исто така нешто што ќе не разликува од досегашните практики во партијата и во државата. Ќе подадеме рака на секој вклучително на нашите политички опоненти, рече Деспотовски.

Деспотовски ги повика своите противкандидати заеднички да се залагаат за фер изборен процес во партијата, бидејќи, како што рече, само со чист изборен процес Социјалдемократскиот сојуз ќе може да влезе во процес на повторно градење.

Самата програма нуди многу работи и ние во наредните 20 дена ќе настојуваме да допреме до секој наш член. Она што исто така важно ќе ги поканиме сите проитивкандидати денеска заеднички да се залагаме за фер изборен процес, бидејќи длабоко сум убеден дека само со победа, со чиста и јасна победа во чист изборен јасен изборен процес СДСМ ќе победи на 30 јуни и ќе можеме да влеземе во еден процес на повторно градење на еден нов СДСМ, рече Деспотовски.

The post СДСМ ќе се обнови како Скопје по земјотресот, вети Деспотовски во својата програма appeared first on Република.

Поранешниот министер за здравство и актуелен пратеник Венко Филипче денеска поднесе кандидатура за претседател на СДСМ.

Сметам дека е убав ден за демократијата имајќи предвид дека сме единствена партија во која членовите непосредно го бираат претседателот. Секој член има право да гласа, не е делегатски систем. Овој ден означува симболично почеток на реформа и на промена во партијата, изјави Филипче по поднесување на кандидатурата.

Рече дека со кандидатурата ќе поднесе и програма во која се напишани основните постулати на кои што ќе работи доколку биде избран за претседател, а тоа, како што вели, ќе биде посветено, професионално, со целата негова енергија и знаење.

Програмата се темели на информации, сугестии, барања, коишто ги слушнав од огромниот број на наши членови со кои што имав чести средби изминатите два три месеци. Тие јасно укажаа што е тоа што сакаат да се промени во партијата, и токму тоа е ставено во таа програма. Партијата ќе работи целосно посветено и многу попрофесионално. Во оваа трка влегувам сам. Сметам дека секој којшто ќе биде избран за претседател треба тимот да го направи после изборот за претседател. Немам никакви преговори со никого. Слушнав за повикот да се потпишат некакви изјави. Јас сметам дека не треба да има никакви ограничувања, и кој и да биде избран за претседател тимот да го прави понатаму, без разлика дали некој учествувал во изборната трка за претседател или не, вели Филипче.

Истакна оти смета дека треба да има фер плеј и предложи на една заедничка средба со сите останати кандидати кои ќе се пријават завршно со утрешниот ден кога истекува рокот да ги договорат правилата на игра, за на крајот на оваа претседателска трка кој и да победи да излезат заедно посилни, пообединети, подобри.

Порака до гласачите членови на СДСМ. Доколку бидам избран за претседател ќе работам навистина посветено, така како што јас знам. Сакам да упатам порака дека резултатите ќе ги видат многу рано, такви позитивни промени какви и што бараат самите членови и дека ниту еден член никогаш повеќе во партијата нема да остане по страна, несослушан. Ќе бидам достапен во секој еден момент на денот, вели тој.

Филипче нагласи дека дополнителните промени коишто ги предлага во програмата за демократизација на изборите и во општинските организации, исто како што е на централно ниво, ќе придонесат за овој процес.

На прашањето дали очекува поддршка, вели дека огромен дел на членови му дале поддршка откако ја најавил кандидатурата.

Очекувам, поради тоа што сум отворен, транспарентен и едноставно кажувам за каков тип на работа сум подготвен, каков тип на одговорност сум свесен дека преземам и колку сметам дека пожртвувано може да работам за доброто на партијата. Сметам дека овие изборни резултати партијата на некој начин ја клекнаа на колена. Некој го поставува прашањето дали СДСМ воопшто ќе опстои. А една од главните причини зошто се кандидирам поради тоа што цврсто верувам не само што СДСМ ќе опстои, туку повторно ќе биде победничка партија. И ги повикувам сите коишто имаат ентузијазам да работат во оваа насока да ми се приклучат и да дадат поддршка, истакна Филипче.

The post Веднаш ќе видите позитивни промени доколку ме изберете, им вети Филипче на членовите на СДСМ appeared first on Република.

Многу чорби, една манџа…

Ова е краткиот коментар на поранешниот скопски градоначалник Петре Шилегов пред официјализирањето на кандидатите за нов претседател на неговата партија СДСМ.

Постапката за кандидирање трае до четврток, а засега својата кандидатура ја потврдија поранешниот министер за здравство и најдобар пријател на Зоран Заев, Венко Филипче, поранешната министерка за одбрана Славјанка Петровска и првиот човек на ТИРЗ Јован Деспотовски, кому ова ќе му биде втор обид да застане на чело на партијата.

https://republika.mk/vesti/makedonija/mitskovski-so-filipche-na-chelo-na-sdsm-zaev-ke-si-ja-koristi-za-dilovi-a-chlenstvoto-ke-izbega-vo-znam/

Иако на почетокот како можен кандидат се споменуваше и самиот Шилегов, засега нема поднесено кандидатура.

The post Шилегов: Многу чорби, една манџа… appeared first on Република.

На вчерашната седница Централниот одбор на СДСМ го усвои Правилник за критериумите, начинот и постапката за кандидирање и избор на Претседател на СДСМ за вонредните избори како и Правилникот за начинот и постапката за активна регистрација за членови на СДСМ.

Врз основа на Статутот на СДСМ, одлуките на Централниот одбор и одлуката на Извршниот одбор од денеска СДСМ објавува Отворен повик за самокандидирање на сите заинтересирани кандидати за Претседател на партијата.

Постапката за кандидирање започнува од 31.05.2024 и ќе трае седум дена, до 06.06.2024 година.

Како што велат од СДСМ, право на кандидатура имаат сите членови на партијата кои ги исполнуваат критериумите и високите вредносни, морални и етички норми.

За кандидат за претседател на СДСМ може да се кандидира лице со најмалку 5 години членство во СДСМ кој најмалку еднаш да бил избран од страна на Конгресот на СДСМ за член на некој од органите на партијата.

Вонредните внатрепартиски избори се распишани со одлука на Извршниот одбор и ќе се одржат на 30 јуни 2024 година (недела).

Деталите околу постапката, правиникот и критерумите се содржани во Правилникот за критериумите, начинот и постапата за кандидирање и избор на претседател на СДСМ.

Сите документи од денеска ќе бидат јавно достапни на официјалната интеренет страница на партијата (www.sdsm.org.mk).

Изборите ќе ги спроведе Централна изборна комисија заедно со 80 општински изборни комисии и Одбори на избирачки места на локално ниво.

Можност за гласање ќе имаат сите членови на СДСМ кои активно ќе се регистрираат.

Периодот за Активната регистрација e зголемен и изнесува 20 дена. Челновите ќе можат активно да се регистрираат преку две опции, преку онлајн алатката за активна регистрација којашто ќе биде достапна на интернет страницата на СДСМ во понеделник (03.06.2024) или втората опција преку општинските организации на СДСМ.

СДСМ е прогресивна модерна европска партија. Овој процес ќе биде направен по највисоките демократски и организациски стандарди. Со одлука на Централниот одбор, за 09.05.2024 година (недела) е закажан Конгрес на СДСМ. Покрај анализите на причините за изборниот резултат Централниот одбор предлага и измени на Статутот на партијата за мандатот на Претседателот избран на вонредни внатрепартиски избори да биде 4 години, се наведува во соопштението на СДСМ.

The post Кој смее да се кандидира за лидер на СДСМ? appeared first on Република.