Поради одржување на парламентарните и вториот круг од претседателските избори, денешниот ден е неработен за сите граѓани во Република Македонија.

Работодавачите не треба да извршуваат дејност со исклучок на оние каде работните процесите заради својата природа не можат да се прекинат.

Поради првиот круг од претседателските избори, неработен беше и 24 април. Според одлуката на техниката Влада, двата неработни дена нема да се одработуваат.

Во деновите на изборите, 24 април и 8 мај, не работат ниту училиштата. Со одлука на МОН, наставата од овие денови ќе се надомести во работни денови.

The post Изборниот ден неработен за сите граѓани appeared first on Република.

Во Португалија утре ќе се одржат парламентарни избори, каде се преземени дополнителни мерки на претпазливост откако владата одлучи да им дозволи на гласачите заразени со коронавирусот да ја напуштат изолацијата и да гласаат лично, заедно со сите други граѓани.

Бидејќи се проценува дека околу 10 отсто од вкупно 10 милиони португалски граѓани сега се изолирани поради Ковид-19, владата во Лисабон минатата недела одлучи да ги укине ограничувањата за време на утрешното гласање. Изборната комисија на денешната прес-конференција соопшти дека „исполнети се сите услови гласањето да се одвива во апсолутно безбедни услови“.

Како и многу европски земји, Португалија соборува неславни рекорди за бројот на заразени со корона, иако во последниот бран на сојот Омикрон е намалена смртноста и хоспитализирањата благодарение на високите стапки на вакцинација.

Надлежните ги повикаа сите заразени со Ковид-19 да гласаат од 18 до 19 часот, но овој апел не е обврска и нема да има посебни избирачки места за заразените гласачи.

The post Во Португалија утре ќе се одржат парламентарни избори, болните со ковид ќе може лично да гласаат appeared first on Република.