Можам да кажам дека во првите 100 дена имаме многу амбициозна агенда за која што веќе се подготвувавме, но не сакавме да ја експлоатираме во кампањата. Денеска веќе кога се е завршено можам да кажам дека веќе е завршена една озбилна странска инвестиција која што е отпочната во делот на енергетиката, без посебни закони, без загарантирана цена на откуп, без повластици, која би се движела од меѓу 400 и 500 милиони евра и која што ќе произведува некаде од прилика околу 1 терават часови електрична енергија годишно, која што ќе се случи во Македонија. И тоа ќе биде објавено во првите 100 дена, вели Христијан Мицкоски претседател на ВМРО-ДПМНЕ во вечерашното гостување во емисијата Само интервју на Канал 5 телевизија.

Мицкоски потенцираше дека ќе донесат и други две странски инвестиции, за кои што рече услов е да си замине сегашниот директор на ТИРЗ и претседател во најава на СДСМ, Јован Деспотовски, бидејќи како што рече имаат навистина лошо искуство од него да дојдат да инвестираат во Македонија кои што се исто така прилично атрактивни како инвестиции.

Можам да најавам еден финансиски пакет во соработка влада со влада во вредност од 1 милијарда евра, со исклучително поволни услови. Со добар грејс период со исклучително атрактивна каматна стапка. Со две други странски инвестиции кои што би биле во зоните, но услов е овој директор кој што е таму и претседател на СДСМ во најава да замине, бидејќи се навистина со лошо искуство од него да дојдат да инвестираат во Македонија кои што се исто така прилично атрактивни и ценам дека еден ваков финансиски бран ќе биде само дел од оној процес за кој што зборувам цело време, а тоа е како да донесеме надеж, рече тој.

Мицкоски додаде дека во втора половина на јули месец да го направиме ребалансот, таму некаде прва половина на септември месец да го почнеме оној проект на децентрализација на финансиски средства и инвестиции во општините 250 милиони евра.

Очекувам втора половина на јули месец да го направиме ребалансот, таму некаде прва половина на септември месец да го почнеме оној проект на децентрализација на финансиски средства и инвестиции во општините 250 милиони евра, сега дека сме на половина година овој буџет во 2024 ќе опфати 125 милиони евра, инвестиции во општините.

The post Мицкоски најави инвестициски бум кој ќе ја засили економијата appeared first on Република.

ДИК првични резултати:

Обработени 580.484/1.815.350(31,98%) гласа
1.282/3.477(36,87%) гласачки места

КОАЛИЦИЈА ЗА ЕВРОПСКА ИДНИНА - СДСМ 35.244 (12,02%)
Коалиција “ТВОЈА МАКЕДОНИЈА“ ВМРО- ДПМНЕ 103.283 (35,24%)
Коалиција “ЕВРОПСКИ ФРОНТ’’ 61.366 (20,94%)
Политичка Партија ЛЕВИЦА 16.485 (5,62%)
КОАЛИЦИЈА ВЛЕН (Вреди) 51.884 (17,70%)
Движење ЗНАМ - За Наша Македонија 12.041 (4,11%)

The post ДИК: Убедливо водство на ВМРО-ДПМНЕ; СДСМ со 12 отсто после ДУИ и ВРЕДИ appeared first on Република.

„Начинот на кој што тие се обидуваат да ги добијат симпатиите кај гласачите не е поради тоа што имаат политичка програма, која што ја нудат или начин на кој што тие го артикулираат кон гласачите, туку едноставно тоа е притисок и состојба во која што сите тие заедно артикулираат една позиција која што не е во склад на демократијата“, истакна Христијан Мицкоски, претседател на ВМРО-ДПМНЕ во гостување во „Тема на денот“ на Сител телевизија.

Мицкоски додаде дека во првиот круг на претседателски избори можеше да се забележи дека имаше гласање кое што траеше помалку од една минута, а тоа е невозможно. Имаше гласање каде што луѓето излегуваат да гласаат за помалку од една минута.

Тој посочи дека на тие избирачки места ВМРО-ДПМНЕ има набљудувачи, но тоа што го следеа набљудувачите е навистина катастрофално.

„Ние затоа и ги повикавме институциите, затоа ги повикавме и меѓународните набљудувачи да излезат на терен. И ги потенциравме буквално сите оние избирачки места каде што имаме таков тип на девијантно однесување“, укажа тој.

„Пред се зборуваме за општина Сарај, зборуваме за општина Липково, зборуваме за општина Арачиново“, појасни Мицкоски.

Тој рече дека како да прави коалиција со луѓе кои што на насилен начин се обидуваат да ја освојат волјата на граѓаните. И се осврна на писмото на вицепремиерот на Влада кое што го испратил до одредени лица велејќи им да гласаат за него.

„Денеска имаме ние писмо кое што го испраќа вицепремиерот на Влада, каде што вели луѓе јас како вицепремиер се заложив да вие добиете некаков начин на добивка и во име на тоа барам од вас да вие го дадете вашиот глас за мене“, појасни Мицкоски додавајќи дека обвинителството се уште молчи за овој случај.

The post Мицкоски: Со притисоци и закани ДУИ и СДСМ ја бараат поддршката од граѓаните appeared first on Република.