ОВР Струга поднесе кривична пријава против С.И.(48) од струшкото село Радолишта, поради постоење основи на сомнение за сторени кривични дела „загадување на животна средина и природа“ и „узурпација на недвижности“. Тој, на парцела на крајбрежниот езерски појас во државна сопственост, прогласена за споменик на природата, која претходно ја узурпирал, повеќе пати во текот на оваа година, со работна машина -багер извршил ископ на земја а потоа, истурање на земјата во водите на Охридското езеро. Пријавениот, истурил земја и извршил порамнување и на друга катарстарска парцела во крајезерскиот појас, во сопственост на друго лице со што извршил загадување на животната средина и негативно влијание врз квалитетот на водата и био-диверзитетот во Охридското Езеро.

The post Кривична пријава за стружанец за загадување на животна средина и природа и узурпација на недвижности appeared first on Република.

Министерството за финансии продало парцела вредна 1.3 милиони евра, за само 4 илјади евра, дали разликата завршила во џебот на некој од власта?, велат во партиското соопштение од ВМРО-ДПМНЕ.

Парцелата која се наоаѓа спроти зградата на НИП Нова Македонија е на локација каде 1м2 градежно земјиште се продава по 2000 евра и повеќе.

Парцелата која ја продала власта е со површина од 663м2, цената која ја наплатиле од инвеститорот е 4.641 евра, што е за 1.322.000 евра помалку од пазарната вредност на земјиштето.

Имено доколку земјиштето се продало по пазарна цена од 2.000 евра, државата ќе се наплатела 1.326.000 евра.

Штета која некој од власта ја направил е 1.3 милиони евра.

Дали разликата од пазарната цена и цената која е платена за парцелата од 1.3 милиони евра завршила во нечиј џеб?, стои во соопштението на ВМРО-ДПМНЕ.

The post ВМРО-ДПМНЕ: Министерството за финансии продало парцела вредна 1,3 милиони евра, за само 4 илјади евра, дали разликата завршила во џебот на некој од власта? appeared first on Република.