Со гаснење на параолимпискиот пламен, синоќа официјално беа затворени 17. Летни параолимписки игри во Париз, на кои учествуваа приближно 4.400 спортисти од 168 земји, меѓу и македонската параолимпијка во стрелаштво Оливера Наковска – Бикова.

По 11 натпреварувачки денови, Параолимписките игри во Париз беа затворени со свечена церемонија на Стад де Франс во присуство на 64.000 гледачи.

Како и за Летните олимписки игри во Париз, уметнички директор на церемонијата беше повторно Томас Жоли, кој одлучи да го трансформира Стад де Франс во огромен ноќен клуб.

Едночасовниот сет вк кој настапија 24 диџеи, го отвори и затвори францускиот пионер на електронската музика Жан-Мишел Жар (76), а го придружуваа Мартин Солвеиг, Кавински, Касиус, Кунгс, Авенер, Офенбах, Поло и Пан, Агорија, диџеј Фалкон …

На затворањето нема дефиле на спортистите, но параолимпијците ги зазедоа местата покрај тревникот уште пред официјалниот почеток на програмата за да можат да го проследат целото шоу.

Во протоколарниот дел од програмата говори одржаа претседателот на Организациониот одбор Тони Естанге и претседателот на Меѓународниот параолимписки комитет (ИПЦ) Ендрју Парсонс. ег ФОТО:

The post Свечено затворени Параолимписките игри во Париз appeared first on Република.

Откако на последниот ден од Параолимписките игри во Париз се одржаа маратонски трки во сите четири категории, познат е и конечниот пласман на освоени медали.

Најуспешни се Кинезите со 220 медали од кои 94 златни, 76 сребрени и 50 бронзени медали.

Втори се Британците со 124 медали, од кои 49 златни, 44 сребрени и 31 бронзени.

Американците се трети со 36 златни, 42 сребрени и 27 бронзени.

Единствен македонски претставник на Параолимписките игри во Париз беше Оливера Наковска – Бикова, која го заврши настапот со две осми и едно 17–то место

The post Кина доминираше и на Параолимпските игри appeared first on Република.

Иако веќе е потврдена одлуката за настап на руски и белоруски спортисти на Параолимписките игри идната година во Париз, европските Параолимписки комитети најавија вонреден состанок во март на кој уште еднаш ќе се расправа за оваа тема, јави ДПА.

Повеќе параолимписки комитети во Европа бараат уште еднаш да се проверат условите под кои е потврдено учеството на Русија и Белорусија на конгресот во Бахреин во септември

Германскиот Параолимписки комитет тврди дека, покрај гласините, сега се појавиле и пишани, како и фотографски докази за неправилности, кои мора темелно да се истражат и да се донесе одлука на вонреден конгрес.

Европските комитети, исто така, најавуваат дека е потребно да се проверат и допинг тестовите кои се направени во Русија и Белорусија, бидејќи спортистите од овие две земји долго време немаат настапи на меѓународната сцена и не се тестирани.

Меѓународниот параолимписки комитет (ИПЦ) на конгресот во Бахреин дадоа зелено светло за руските и белоруските спортисти да настапат како полноправни учесници или неутрални спортисти на Параолимписките игри идната година во Париз.

The post Иако веќе добија дозвола: Параолимпискиот комитет ќе ја преиспитува одлуката за настап на Русија и Белорусија на Параолимписките игри appeared first on Република.

Меѓународниот параолимписки комитет (ИПЦ) ги суспендираше руските и белоруските спортисти од учество на Зимските параолимписки игри во Пекинг. Ваквата одлука доаѓа откако, вчера ИПЦ им дозволи на Русите и Белорусите да се натпреваруваат со неутрален статус.

Во последните 12 часа не контактираа огромен број учесници. Тие рекоа дека ако не ја преиспитаме нашата одлука, тогаш таа најверојатно ќе има сериозни последици за Зимските Параолимписки игри во Пекинг 2022 година. Бројни национални параолимписки комитети, од кои некои биле контактирани од нивните влади, тимови и спортисти, се закануваат дека нема да се натпреваруваат. Обезбедувањето на безбедноста на спортистите е од огромно значење за нас, но ситуацијата во селата ескалира и сега стана неприфатлива. Како дел од нашата параолимписка мисија, мора да се погрижиме Параолимписките игри да бидат успешни, да преовладува духот на фер-плејот, да се забрани насилството, да се контролираат здравствените ризици за спортистите и да се почитуваат основните етички принципи. Со оглед на горенаведеното, а со цел да се зачува интегритетот на овие игри и безбедноста на сите учесници, решивме да ги исклучиме спортистите од Параолимписките комитети на Русија и Белорусија од учество - изјави Ендрју Парсонс, шеф на ИПЦ.

Параолимписките игри во Пекинг ќе се одржат од 4 до 13 март.

The post И тоа им го одземаа: Руските и белоруските параолимпијци добија забрана за учество на Игрите во Пекинг appeared first on Република.