Од 16:15 часот целосно затворен за сообраќај е патниот правец Гостивар-Стража, соопшти АМСМ.

Поради временските услови од 16:35 часот на патниот правец Градско-Прилеп, кај превојот „Плетвар“ и обратно, има забрана за движење на тешки товарни возила.

Од 16:30 часот патниот правeц Крива Паланка, граничен премин „Деве Баир“ е затворен за тешки товарни возила.

Регионалниот ЦУК Охрид, известува дека поради попречено возило на патот кај „Тајмишка Раскрсница“ кон превојот „Стража“ во моментот патниот правец е во прекин, при што се создаваат колони со возила. Екипите на ЈП за одржување и заштита на магистралните и регионалните патишта работата на расчистување на патниот правец на превојот „Стража“.

Регионалниот ЦУК Битола, известува дека сообраќајот на патниот правец Ресен-Битола се одвива отежнато поради наноси од снег и дека имало повеќе возила кои се лизнале од патот. Екипите на ЈП за одржување и заштита на магистралните и регионалните патишта и на овој патен правец работеле за расчистување на наведениот патен правец.

ЦУК информира дека од 16:30 часот, патниот правец Крива Паланка - граничен премин „Деве Баир“ е затворен за тешки товарни возила, според известувањето на ЈП за одржување и заштита на магистралните и регионалните патишта.

Дополнително, согласно информациите во Секторот за операции и координација, ЦУК известува дека поради врнежите од дожд и од снег, што ја зафатија територијата на државата, се јавуваат дефекти на електродистрибутивната мрежа на повеќе локации во државата. Тимовите на ЕВН веќе се ангажирани за отстранување на дефектите за непречено снабдување со електрична енергија во реоните, што во моментот се без електрична енергија во:

Скопје - Скопје Центар, околу „Млин Балкан“, Идадија и ул. „9ти Мај“;
Струмица – „Карбино 3“ - Добрејци, Василево, Градошорци и околина;
Тетово - Селце, Лавце и околината;
Тетово - Бродец, Вешала, Бозовце, Вејце, Шипковица;
Свети Николе – Преод и Крушица;
Кичево - Црвивци, Осломеј, Жубрино, Арангел, Србица, Бериково, Јагол, Туин;
Дебар - Житинени, Центар Жупа, Баланци, Броштица, Горенци, Переши, Жировница, Гари, Лазарополе;
Гостивар - Горна и Долна Ѓоновица, Балиндол, Лакавица, Митрови Крсти, Симница, Трново,Куново, Србиново, Падалиште, Железна Река и во
Гостивар - Вруток - Речане, Церово, Равен
Македонски Брод – Бенче, Ковач, Звечан, Горно и Долно Ботушје, Кичан, Битово, Болче, Растеж, Требовље, Близанско и Здуње, а по друга другата линија Белица, Боровска Брезница, Тажево и ЈП „Јасен“

Тимовите на ЕВН веќе се ангажирани за отстранување на дефектите за непречено снабдување со електрична енергија во наведените реони.

The post Парализирана пола Македонија, целосно затворен за сообраќај патот Гостивар-Стража appeared first on Република.

На интернет се проширија бизарни и шокантни тврдења дека Џејми Фокс добил мозочен удар поради вакцината против корона вирусот, но неговиот портпарол тоа остро го демантираше.

Претставникот на холивудскиот актер Џејми Фокс ја демантираше бизарната теорија на заговор што се рашири на Интернет, според која тој тешко се разболел како резултат на вакцинација против Ковид-19.

55-годишниот Џејми мистериозно се онесвести и заврши во болница за време на снимањето на акционата комедија „Back In Action“ со Камерон Дијаз, по што беше хоспитализиран во болница специјализирана за лекување на возрасни со сериозни состојби, вклучително и закрепнување од последиците од мозочен удар, иако неговата дијагноза не беше откриена.

Меѓутоа, сега на социјалните мрежи се проширија тврдења дека тој сериозно се разболел откако ја примил вакцината, почнувајќи од подкастерот Еј Џеј Бенц, кој во едно онлајн ток-шоу го изнесе шокантното и неосновано тврдење дека Џејми останал делумно парализиран и слеп откако ја примил вакцината.

Тој тврдеше дека Џејми бил принуден да ја прими вакцината за да работи на новиот филм и дека згрутчувањето на крвта довело до мозочен удар, што претставниците на Фокс го негираа и изјавија за NBC News дека е целосно лажно.

„Изјавите на А.Џ се засноваат на негови доверливи извори, така што не можам да шпекулирам повеќе од она што го кажа во емисијата. Искрено се надевам дека грешат и дека г-дин Фокс целосно ќе закрепне. Нема докази и причина да верувате дека неговата здравствена состојба е директно поврзана со вакцината. Секој доказ за нешто од тоа треба да дојде од неговите лекари“, рече Пински во чија емисија се започна.

Тој додаде дека ги поддржува и препорачува сите безбедни вакцини, но додаде дека алармантен број на животи на луѓето се значително променети поради несакани ефекти, здравствени проблеми и смрт на најблиските, како и дека некои знаци укажуваат на поврзаност со mRNA вакцини.

За сè зборуваше и телевизиската водителка Кендис Овенс, која пак во својот подкаст инсинуираше дека изјавата на Бенза мора да е вистинита бидејќи семејството на Фокс директно не го демантираше.

„Се чини дека нивниот молк зборува за вистинитоста на овие тврдења. Сите со нетрпение чекаме да видиме дали Џејми Фокс ќе зборува“, рече таа.

Според последните информации, Џејми наводно имал мозочен удар, што го откри пензионираниот боксер Мајк Тајсон.

„Тој не се чувствува добро. Рекоа дека е мозочен удар, немам поим како се случило“, рече Мајк за време на гостувањето во подкастот Valuetainment.

Здравствената состојба на актерот ги шокираше фановите и неговите блиски, а сите се уште чекаат нови информации за неговата состојба.

The post Бизарни тврдења за здравствената состојба на познатиот актер: „Слеп и парализиран поради вакцина“ appeared first on Република.