Македонската репрезентација го освои третото место на Светското првенство во параглајдерство, што се одржа во Франција. На северниот дел на Алпите во изминатите две недели четворица репрезентативци летаа учествуваа во првенството што се одржа во француското градче Шаму-сир-Желон во северниот дел на Алпите. 57 држави учествуваа на 18. Светско првенство.

За Македонија настапија: Дарко Станковски, Мартин Јованоски, Александар Гацевски и Ѓорѓи Ристовски, кои по деветте одржани трки освоија 14.879 поени. Медалот го освоија откако и избегаа на Чешка на последниот ден од натпреварувањето.

Златниот медал го освои Франција со 16.100 поени, а на второто место беше Велика Британија со 15.517.

The post Македонските параглајдеристи се трети во светот appeared first on Република.

Од денеска до недела Охрид ќе биде домаќин на Европскиот куп во параглајдинг – дициплина прецизно слетување. Настанот од највисок натпреварувачки ранг е организиран од страна на FlyOhrid и Воздухопловната Федерација на Македонија со поддршка на Општина Охрид.

Градоначалникот Кирил Пецаков истакна дека е горд што нашиот град за прв пат е домаќин на ваква манифестација и тоа што поседува потецијал за развој на параглајдингот како спортска дисциплина.

– Бројката од над 50 пријавени учесници од неколку европски земји, кои викендов ќе полетуваат од падините на планината Галичица и ќе слетуваат на градскиот стадион во Охрид е показател дека се работи за атрактивен спортски настан, кој ќе овозможи неповторливо уживање за сите љубители на спортот. Ова е еден од најубавите предели во нашата држава, со прекрасни пејзажи на Охридското Езеро и впечатливи панорами на градот Охрид, во кои е испреплетено уникатно природно и културно богатство. Поради тоа сум уверен дека натпреварувачите ќе имаат едно незаборавно искуство, кое долго ќе го паметат. Охридската локална самоуправа и јас како градоначалник секогаш ќе бидеме подготвени за соработка и поддршка на вакви настани кои можат да дадат значителен придонес во развојот на Охрид како интересна дестинација за алтернативен туризам, истакна градоначалникот Пецаков.

Тој упати покана до сите охриѓани и гости кои за првомајските празници ќе престојуваат во Охрид, да го проследат европскиот куп и одблиску да се запознаат со вештините и магијата на летањето.

Според програмата предвиден е еден ден за тренинг и три натпреварувачки денови, а летовите ќе се одвиваат од 9 часот наутро до 18  часот .

Европски Куп во Параглајдинг носи поени за светската ранкинг листа при Светската Воздухопловна федерација ФАИ и е дел од Европската Лига како еден од 5 натпревари оваа година низ Европа.

The post Охрид домаќин на Европскиот куп во параглајдинг appeared first on Република.

Воздухопловната Федерација на Македонија, параглајдинг клубот Fly Ohrid и Општина Охрид како покровител,  од 28 април до 01 мај 2022г  ќе го организираат Европскиот куп во параглајдинг PGAEC OHRID 2022.

На натпреварот ќе земат учество натпреварувачи од 15 земји кои ќе се натпреваруваат во дисциплината прецизно слетување. Натпреварувачите ќе стартуваат од полетувалиштето во Велестово, а ќе слетуваат на стадионот БИЛЈАНИНИ ИЗВОРИ.

Организаторите ги охрабруваат сите граѓани на Охрид и потенцијалните туристи кои ќе бидат во Охрид за време од Велигденските и Првомајските празници, да го посетат настанот и да уживаат во вештините што ќе ни ги покажат параглајдеристите.

За таа цел организаторот се погрижи да обезбеди добра забава со: DJ Tommy Dready, DJ Vera Jankovich и DJ Alexandar.

The post Од 28 април до 1 мај Европски параглајдинг куп PGAEC OHRID 2022 appeared first on Република.