Претседателот на Собранието на Република Македонија, Талат Џафери денеска му подари графичка икона „Богородица Несвенлива Роза“ на папата Франциск.

Иконата потекнува од 1837 година од црквата „Света Богородица“ во Ново Село – Штип. Донесена е од Света Гора Атонска. Авторот, односно мајстор кој го изработил бакрорезот е Антим од Пелопонез, најпознатиот гравер и типограф на Света Гора Атонска од 19 век. Иконата е единствена сочувана од овој иконографски тип.

Концепциски и тематски иконата во една целина обединува неколку иконографски теми: Богородица Несвенлива Роза со Хриcтос цар, Лозата Есеева и циклусот на Акатистот на Богородица.

Џафери на папата Франциск му подари и примерок од долгометражниот документарен филм за Блаже Конески „Јанѕа“ од истакнатиот македонски документарист, Никола Т. Калајџиски.

Филмот е подготвен во продукција на „Контраст филм“ – Скопје, финансиски поддржан од Агенцијата за филм на Македонија.

А по повод десетгодишнината од неговиот Понтификат му подари уникатен примерок – изработен во техника длаборез, кутија за чување на лични работи.

Извор МИА

The post Џафери му подари на папата Франциск графичка икона „Богородица Несвенлива Роза“ appeared first on Република.

Папата Франциско во телевизиско интервју во петок ги замолил властите во Пјонгјанг да го поканат на посета на Северна Кореја, додавајќи дека нема да пропушти можност да ја пропушти таа земја и да работи за мир.

Потенцијалната посета на папата во таа изолирана, нуклеарно вооружена земја била најавена за 2018-та година, кога поранешниот јужнокорејски претседател Мун Јае Ин започнал дипломатија со лидерот на Пјонгјанг Ким Јонг Ун. Мун, кој е католик, на самитот рекол дека Ким му кажал дека папата ќе биде „ентузијастично“ дочекан.

Папата Франциско тогаш одговорил дека би сакал да ја посети таа земја ако добие официјална покана. Но, Пјонгјанг во главно го прекинал контактот со Сеул откако пропаднал вториот самит меѓу Ким и тогашниот американски претседател Доналд Трамп во 2019-та година.

Кога ќе ме поканат – односно, ве молам, поканете ме – нема да ги одбијам“, изјавил Папата за јужнокорејската државна телевизија КБС во интервју кое емитувано денеска. „Целта е едноставно братство, додал тој.

Папата Франциско ја посетил Јужна Кореја во 2014-та година и потоа одржал посебна миса посветена на повторно обединување на Северот и Југот.

The post Папата Франциско сака да оди во Северна Кореја: Ве молам, поканете ме appeared first on Република.

Папата Франциско денеска изјави дека заканата од војна во Украина му предизвикала голема болка во срцето и ги повика политичарите сериозно да ја преиспитаат својата совест пред Бога.

Во обраќањето на крајот од општата аудиенција, папата Франциско ги повика лидерите да се воздржат од какви било потези кои би предизвикале дополнително страдање на народот, пренесува Ројтерс.

Украина денеска почна да регрутира припадници на резервните одбранбени сили на возраст од 18 до 60 години по наредба на претседателот Володимир Зеленски, откако рускиот претседател Владимир Путин ја призна независноста на самопрогласените републики Доњецк и Луганск во источна Украина и одобри испраќање војници во област.

The post Папата ги повика лидерите да ја преиспитаат својата совест за Украина appeared first on Република.

Папата Франциско бил забележан во продавница во центарот на Рим, пренесуваат италијанските медиуми.

Местото каде што отиде папата беше продавницата за музички ЦД-а на улицата Минерва во Рим, спроти Пантеон. Новинарот кој го снимил папата претходно видел два бели автомобили, ги препознал ватиканските жандарми во цивилна облека, а потоа го снимил папата како влегува во мал Фиат 500.

Медиумите известуваат дека папата купил ЦД со класична музика а познато е како што потсетуваат дека папата е љубител на операта. Според сопственикот на продавницата, папата ја благословил нивната работа, а тие му дале уште едно ЦД.

Велат дека е редовен муштерија, дека дошол како архиепископ Бергољо, а потоа и како кардинал.

Папата Франциско неколку пати излезе од Ватикан за, како и секој друг купувач, да направи некаква набавка или поправка, пренесуваат тамошните медиуми.

https://www.youtube.com/watch?v=g-5TMnvaGK0

The post Папата Франциско на шопинг во Рим: Купил ЦД со класична музика appeared first on Република.