Папата Франциск по повод 1.000 дена од почетокот на војната во Украина повторно повика на мир и истакна дека „војната секогаш е пораз“.

„Војната секогаш е пораз. Повторно повикувам да се запре лудилото на насилството. Да се посветиме на праведен и траен мир. Да се помолиме за народот на Украина“, порача папата преку социјалната мрежа Икс.

The post Папата Франциск повторно повикува на мир во Украина appeared first on Република.

Папата Франциск денеска на римскиот бискупски собир за нееднаквоста рече дека луѓето не треба да фрлаат храна во главниот град на Италија кога многу луѓе гладуваат.

- Како да прифатиме во нашиот град да се фрлаат тони храна, а во исто време да има семејства кои немаат што да јадат, праша тој, пренесе Анса.

Папата истакна дека тоа го гледа дури и во ресторан во близина на Ватикан и додаде дека има илјадници празни места, додека илјадници луѓе спијат на тротоар.

The post Папата Франциск: Луѓето не треба да фрлаат храна во Рим кога многу луѓе гладуваат appeared first on Република.

Папата Франциск ги откажа сите активности поради блага настинка, соопшти денес Ватикан.

Според извештаите, папата ја донел оваа одлука како мерка на претпазливост, пред неговата планирана посета на Луксембург и Белгија на крајот на оваа недела, пренесува Ројтерс.

На почетокот на оваа година Папата веќе ги откажа своите активности поради настинка и бронхитис, а за време на двонеделната посета на Југоисточна Азија и Океанија беше во добра здравствена состојба – присуствуваше на повеќе од 40 настани и помина речиси 33.000 километри.

The post Папата ги откажа сите активности поради грип appeared first on Република.

Папата Франциск денеска изрази длабока загриженост поради ескалацијата на конфликтот во Газа во денот кога бројот на убиени Палестинци во 10-месечната израелска офанзива надмина 40.000.

По молитвата на плоштадот Свети Петар, папата одвои момент да се осврне на различни глобални конфликти, вклучувајќи ги Украина, Блискиот Исток, палестинско-израелскиот конфликт, Судан и Мјанмар. Но, тој стави посебен акцент на ситуацијата во Газа, каде континуираното насилство доведе до хуманитарна криза.

„И натаму со загриженост ја следам хуманитарната ситуација во Газа. Уште еднаш барам прекин на непријателствата на сите фронтови, ослободување на заложниците и помош на исцрпеното население. Ги повикувам сите да вложат максимални напори за да се спречи ширењето на конфликтот и да се започнат преговори за што поскоро да се стави крај на оваа трагедија, и да не заборавиме дека војната е пораз, истакна поглаварот на Римокатоличката црква.

Тој постојано се залага за мир во конфликтните зони, повикувајќи на дијалог и преговори како единствени остварливи решенија за ставање крај на насилството.

Неговиот последен апел доаѓа кога ситуацијата во Газа и понатаму е напната, со стравувања дека конфликтот може дополнително да го дестабилизира регионот.

Повеќе од 40.000 Палестинци се убиени во Газа од 7 октомври, повеќето жени и деца, а повеќе од 92.000 се повредени, според локалните здравствени власти.

The post Папата Франциск повика на прекин на огнот во Газа appeared first on Република.

Папата Франциск денеска на состанокот на Г-7, го покрена прашањето за надежите што се ставаат на вештачката интелигенција и ризиците што таа ги носи. Тој ги повика лидерите на земјите од Г7 да го стават човечкото достоинство на прво место во развојот на вештачката интелигенција и предупреди на опасностите од оваа нова технологија, која има потенцијал дури и меѓучовечките односи да ги претвори во алгоритми.

-Ние би го осудиле човештвото на безнадежна иднина ако им ја одземеме способноста на луѓето да донесуваат одлуки за себе и за своите животи, осудувајќи ги да зависат од одлуките на машините. Мораме да обезбедиме и зачуваме простор за соодветна човечка контрола врз изборите направени од програмите за вештачка интелигенција: самото човечко достоинство зависи од тоа, рече папата.

Според Папата, тоа е технологија на која и недостасуваат човечките квалитети на сочувство, милост, морал и простување, што го прави премногу ризично да се развива без надзор.

Папата рече дека вештачката интелигенција пред сè мора да се биде за заштита на основните човекови права, промовирање на мирот и заштита од дезинформации, дискриминација и искривување на вистината.

Покрај неговиот говор за вештачката интелигенција, папата има закажано средби со украинскиот претседател Володимир Зеленски, со поканети лидери од Алжир, Бразил, Индија, Кенија, Турција и со членовите на Г7, вклучувајќи го и американскиот претседател Џо Бајден, кој е католик, канадскиот премиер Џастин Трудо и францускиот претседател Емануел Макрон.

The post Папата Франциск предупреди на опасностите од вештачката интелигенција на состанокот на Г7 appeared first on Република.

Фудбалската репрезентација на Хрватска го посети денеска Ватикан пред претстојното Европско првенство, кое стартува идната недела.

„По пристигнувањето во Рим, хрватските фудбалери присуствуваа на аудиенција кај папата“, објави попладнево прес-службата на Хрватскиот фудбалски сојуз илустрирајќи ја посетата со фотографии на социјалните мрежи.

Хрватска во понеделникот ја совлада Македонија со 3-0 во Риека во претпоследниот натпревар на избраниците на селекторот Златко Далиќ пред почетокот на Европско првенство, кое ќе се одржи во Германија од 14 јуни до 14 јули.

Избраниците на Далиќ се во група со Шпанија, Италија и Албанија

The post Папата ја прими хрватската фудбалска репрезентација appeared first on Република.

Папата Франциск се извини за употребата на навредливите зборови за време на разговорот со кардиналите за примање на геј мажи во семинариите, изјавувајќи дека „никогаш немал намера да навреди некого или да користи хомофобични термини“.

Извинувањето уследи по вчерашните извештаи во италијанските медиуми дека за време на минатонеделната затворена дискусија во Ватикан 87-годишниот папа кажал дека во семинариите веќе има премногу „фроциаџина“. Овој италијански збор во слободен превод значел „педер“.

Матео Бруни, директор на прес-службата на Ватикан, денеска изјави дека папата бил запознаен со вестите за разговорот зад затворени врати и „се извинува до оние кои биле навредени од употребата на терминот, за кој кажале други“.

The post Папата употребил навредлив термин за геј популацијата, Ватикан експресно се извини appeared first on Република.

За поддршката за евроинтеграцијата на земјава, но и на целиот Западен Балкан, како и за актуелните светски случувања денеска во Ватикан разговарале претседателката Гордана Сиљановска-Давкова и поглаварот на Римокатоличката црква, папата Франциск.

Како што јави известувачот на МИА од Рим, Сиљановска-Давкова во рамки на посетата на Рим и Ватикан во чест на одбележувањето на 24 мај - Денот на сесловенските просветители, светите браќа Кирил и Методиј, денеска имаше аудиенција кај папата Франциск.

Се усогласивме околу актуелните проблеми, околу поддршката на земјава кон Европската унија, поддршката на папата на Западен Балкан и рековме дека по 30 години од соработката, успесите се очигледни. Потврдивме дека посетата во 2019 година беше неверојатно инспиративна не само за малото стадо на кое му порача да не се плаши, туку за сите религии и дека сме пример за релиогиозен дијалог кој ќе продолжи, како и дека Ватикан верува во нашата сила, изјави Сиљановска - Давкова.

На средбата, како што рече шефицата на државата, изразила разбирање за склучување на конкордат со Ватикан, бидејќи системски треба да се пристапи кон решавањето на прашањата врзани особено за статусот на Католичката црква и христијаните на католичката религија кај нас. Таа посочи оти овие прашања таа самостојно не може да ги реши бидејќи не е надлежна, но дека во соработка со Владата може многу лесно да се надминат.

На аудиенцијата кај Папата денеска беше и бугарскиот претседател Румен Радев, но Сиљановска-Давкова и Радев не остварија средба поради, како што посочи Сиљановска-Давкова, неусогласување на агендите. Подготвеност за средба имало и од двете страни и таа е планирана за некоја наредна прилика.

Изразивме подготвеност, но до средба нема да дојде. И двете делегации имаме агнеда меѓутоа рековме дека час поскоро, во првиот можен момент, ќе ја реализираме, изјави Сиљановска-Давкова.

Радев денеска ќе присуствува во базиликата „Свети Климент“ на литургија за Свети Кирил и во црквата „Санта Марија Маџоре“, а претседателката Сиљановска-Давкова, според агендата, утре ќе го одбележи Денот на сесловенските просветители со посета на базиликата „Свети Климент“ каде се наоѓа гробот на Св. Кирил.

Традиционално на средбата со Папата, претседателката и папата си размениле подароци. Сиљановска-Давкова му подарила резба на која е прикажана птицата феникс, која, како што изјави шефицата на државата, е асоцијација дека како феникс сме се кревале секогаш и сме наоѓале сила за соработка. Сиљановска- Давкова на поглаварот на Римокатоличката црква му врачила и икона, подарок од архиепископот на Македонската православна црква -ОА, г.г. Стефан.

The post Сиљановска-Давкова на аудиенција кај папата, средба со Радев не е остварена, изразена подготвеност таа да се реализира час поскоро appeared first on Република.

Поглаварот на Римокатоличката црква, папата Франциск денеска им го честиташе Велигден на православните христијани и верниците од источните цркви кои го слават според јулијанскиот календар, пренесе Ватикан њуз.

- Со најтопли чувства упатувам честитки до браќата и сестрите од православните цркви и некои источни цркви кои денеска го слават Светиот Велигден според јулијанскиот календар. Нека воскреснатиот Господ ги исполни сите заедници со радост и мир и да ги утеши оние кои поминуваат низ искушенија, рече папата на крајот од традиционалната неделна миса на плоштадот Свети Петар во Ватикан.

Во својата проповед пред неделната молитва, папата повторно повика на молитви за жртвите од поплавите во Бразил, како и за мир во Украина, Израел и на палестинските територии.

The post Папата им честита Велигден на православните христијани appeared first on Република.

Турскиот претседател Реџеп Таип Ердоган, во писмо упатено до поглаварот на Римокатоличката црква и Ватикан, папата Франциск, наведе дека човештвото повеќе не треба да дозволи кршење на меѓународното право и меѓународното хуманитарно право во Газа, јави агенцијата Анадолија.

Дирекцијата за комуникации на турското претседателство соопшти дека „Ердоган испратил писмо за Палестина до папата Франциск“.

Писмото на папата Франциск му го врачи шефот на Управата за верски прашања на Турција, Али Ербаш за време на неговата посета на Ватикан, а во писмото Ердоган изразува задоволство од постепеното унапредување на односите меѓу Турција и Ватикан.

Ердоган наведе дека „Турција, под мотото на хуманитарната дипломатија, го поддржува територијалниот интегритет на Украина од 2014 година, кога се случи илегалната анексија на Крим, и дека била и продолжува да биде на чело во одбраната на правото на живот и праведна борба на невините палестински цивили“.

Истакнувајќи дека Турција стана втора земја која обезбедува најголема помош за Газа, со речиси 45.000 тони хуманитарни залихи испратени од 7 октомври 2023 година, Ердоган рече дека во неговата земја продолжува лекувањето на 429 пациенти и повредени лица од Газа, меѓу кои има и христијани, придружувани од уште 450 лица.

„Човештвото, свесно дека убивањето е забрането од сите аврамски религии, повеќе не треба да дозволи кршење на меѓународното право и меѓународното хуманитарно право во Газа. Треба да го дигне гласот против намерното бомбардирање болници, училишта, џамии и цркви, кои не смеат да се напаѓаат ниту во услови на војна. Не е можно да се воспостави траен мир и стабилност на Блискиот Исток без праведно решение за палестинско-израелското прашање. Неопходно е создавање независна, суверена и географски интегрирана палестинска држава во рамки на границите од 1967 година со Источен Кудс (Источен Ерусалим) како главен град, и да го заземе своето место во глобалниот систем како рамноправен член на меѓународната заедница“, наведе Ердоган во своето писмо до папата.

Како што пренесува Анадолија, Ердоган укажа и на неодамнешните тенденции кои го загрозуваат меѓуопштествениот мир и стабилност како што се антиисламизмот, расизмот и ксенофобијата кои се шират низ светот.

„На нашиот свет му е потребна инклузивна и рационална политика, како и актери кои можат да воспостават дијалог со сите страни во сите околности. Тоа ни е потребно повеќе од кога било досега во историјата. Во рамките на ова разбирање, ние сме одлучни и понатаму да го развиваме нашиот дијалог и соработка со Ватикан со цел ширење на културата на мирољубива коегзистенција и меѓусебно разбирање засновани на нашите заеднички човечки вредности и нашата цел да му служиме на светскиот мир“, порача Ердоган.

The post Ердоган во писмо до папата Франциск: Човештвото не треба да дозволи натамошно кршење на хуманитарното право во Газа appeared first on Република.

Поглаварот на Римокатоличката црква, папата Франциск денеска им ги изми нозете на 12 жени во затвор во Рим, како дел од ритуалот по повод Велики четврток, кој му претходи на Велигден.

Во текот на денот, аргентинскиот језуит беше во женскиот затвор Ребибија, на периферијата на Рим и таму го изврши обредот, кој веќе го направи во 2015 година, но сега по првпат обредот им го посвети само на жените.

Седејќи во инвалидска количка, папата им ги изми нозете на затвореничките. Некои беа трогнати до солзи од тој гест, а потоа им ги избриша нозете со крпа и ги бакна.

Папата, кој има 87 години, се чини дека е во добра форма, иако неговата здравствена состојба предизвика загриженост во последните денови, со повторени инфекции кои  во неколку наврати го спречуваа да ги држи своите говори.

„Сите ние доживуваме мали и големи неуспеси“, рече папата во проповедта за време на мисата во дворот на притворот каде што се затворени околу 370 жени. Миењето стапала е „гест што не повикува да им служиме на другите“, додаде тој.

Пред тоа, папата Франциск со насмевка се ракуваше со затворениците.

Во христијанската традиција, Велики четврток се одбележува на денот кога Исус Христос им ги измил нозете на апостолите за време на неговата последна вечера (Тајната вечера).

Од неговиот избор во 2013 година, папата Франциск во неколку наврати посетуваше затвори и прифатни центри за бегалци, каде што им ги миеше нозете на поранешни мафијаши, болни или маргинализирани луѓе.

Утре, на Велики петок, папата ќе ја предводи поворката Пат на крстот до Римскиот Колосеум. Папата минатата година не можеше да учествува во поворката поради здравствени причини.

The post Папата Франциск, по повод Велики четврток, им ги изми нозете на 12 жени во затвор во Рим appeared first on Република.

Папата Франциск, на својата неделна општа аудиенција на плоштадот Свети Петар, уште еднаш повика на мир со преговори и ги осуди крвавите конфликти во Украина и Појасот Газа.

Никогаш не смееме да заборавиме дека војната секогаш води до пораз, не можеме да продолжиме да живееме во војна, мора да вложиме максимални напори да посредуваме, да преговараме за крај на војната, да се молиме за тоа, наведе папата Франциск, спомнувајќи ги „маченичка“ Украина и израелско-палестинскиот конфликт.

Осумдесет и седумгодишниот поглавар на Римокатоличката црква, кој има проблеми со подвижноста и боледува од настинки и напади на бронхитис во изминатите неколку недели, повторно не го прочита поголемиот дел од говорот, истакнувајќи дека е принуден да ги ограничи јавните настапи.

The post Папата Франциск повторно повика на прекин на војните во Украина и Блиски Исток appeared first on Република.

Поглаварот на Римокатоличката црква, папата Франциск, порача дека Украина треба да собере храброст, да подигне „бело знаме“ и да преговара за крај на војната со Русија.

Во интервју за швајцарскиот јавен сервис RSI, снимено во февруари, кое целосно ќе се емитува на 20 март, Папата рече дека страната која губи во конфликтот мора да најде храброст да го признае тоа и да се согласи на преговори.

„Верувам дека e посилен тој што ја гледа ситуацијата, мисли за народот и ja има храбростa на белото знаме и преговара“, рече папата, додавајќи дека преговорите треба да се водат со посредство на меѓународните сили и дека за нив Треба да се има храброст кога „работите ќе тргнат наопаку“, пренесува Ројтерс.

„Срамота е, но со колку мртви ќе заврши ова? Треба навреме да преговараме и да бараме земја која ќе делува како посредник“, рече папата Франциск во интервјуто пред турскиот претседател Реџеп Таип Ердоган да понуди да биде домаќин на самитот меѓу Украина и Русија за да се стави крај на војната.

Ердоган ја претстави новата понуда по средбата во Истанбул со украинскиот претседател Володимир Зеленски, кој рече дека иако сака мир, нема да ја предаде територијата на својата земја.

Портпаролот на Зеленски не одговори веднаш на барањето да ја коментира изјавата на поглаварот на Римокатоличката црква.

The post Папата Франциск: Украина треба да подигне бело знаме и да се согласи на преговори со Русија appeared first on Република.

Германскиот канцелар Олаф Шолц денеска во Ватикан се сретна со папата Франциск на неговата прва приватна аудиенција со поглаварот на Католичката црква.

Двајцата лидери разговараа околу 30 минути во Апостолската палата. Темите беа војните во Украина и на Блискиот Исток, како и одговорот на миграцијата, рече Шолц.

Шолц по средбата рече дека тоа бил „важен разговор во време кога е клучно за нас да гледаме во иднината со јасен поглед и да имаме јасни принципи“.

- И за мене лично, важен, значаен разговор, додаде тој.

Двајцата си размениле и подароци. Шолц на папата му ја подари официјалната топка на фудбалскиот шампионат Еуро 2024, што ќе се одржи во Германија, како и порцеланска мечка со германскиот грб, јави ДПА.

Ова е прва подолга средба на канцеларот со 87-годишниот понтиф. Тие двајца претходно се сретнаа на почетокот на минатата година, на погребот на поранешниот папа Бенедикт Шеснаесетти, кој е роден во јужна Германија и таму помина голем дел од својата кариера како свештеник, теолог и надбискуп.

Шолц вчера пристигна во дводневна посета на Рим и се сретна со италијанскиот претседател Серџо Матарела. Канцеларот нема да се сретне со италијанската премиерка Џорџа Мелони, која моментално е во посета на САД.

Шолц попладнево треба да присуствува на конгресот на Партијата на европските социјалисти (ПЕС) во Рим, каде што треба да биде избран водечкиот кандидат на групата за претстојните избори за Европскиот парламент во јуни.

Единствениот кандидат е европскиот комесар за работни места Николас Шмит, од Луксембург.

The post Шолц на приватна аудиенција кај папата Франциск appeared first on Република.

„Толку многу жртви, толку многу ранети, толку многу уништувања, болка и солзи во период кој ужасно се одолговлекува и на кој не му се гледа крајот. Оваа војна не само што го опустошува целиот регион, туку предизвикува и глобални бранови на омразата и страв“, рече папата Франциск во неделното обраќање.

„Се залагам за тоа да се најде онаа малку човечност за да се создадат услови за дипломатско решение во потрагата по праведен и траен мир“, рече Светиот Отец.

Лидерите на групата седум индустриски најразвиени земји во светот, Г7, вчера ветија дека ќе продолжат да стојат на страната на Украина. Неколку западни лидери вчера го посетија Киев за да покажат солидарност со Украина на втората годишнина од руската инвазија.

Папата Франциск ги повтори своите молитви за Израел, за Палестинците и за „многу народи фатени во виорот на војната“.

Извор: МИА

The post Папата Франциск повика на дипломатско решение на војната во Украина appeared first on Република.

Папата Франциск денеска изјави дека војната е „злосторство против човештвото“, повторувајќи го својот повик за мир во Украина и на Блискиот Исток.

– Да не го заборавиме тоа. На луѓето им треба мир, на светот му е потребен мир, рече папата по читањето на неговата неделна молитва во Ватикан.

Тој со молитва ги повика луѓето да не ги заборават оние кои во повеќе делови на светот страдаат поради „суровоста на војната“, а во неколку наврати повика на прекин на војната во Украина и Газа.

– Да се ​​молиме оние кои имаат моќ над овие конфликти да размислат за фактот дека војната не е начин за нивно решавање, имајќи предвид дека таа сее смрт меѓу цивилите и уништува градови и инфраструктура, рече папата Франциск.

Во Израел, денеска, се одбележува 100-от ден откако милитантите на палестинската исламистичка група Хамас со седиште во Газа го почнаа најсмртоносниот напад во историјата на оваа земја. Нападот го натера Тел Авив да одговори со жестока воена кампања чија цел е да ја уништи групата, досега убивајќи дваесетина илјади Палестинци и срамнувајќи со земја голем дел од крајбрежната енклава.

The post Папа Франциск: Самата војна е злосторство против човештвото appeared first on Република.

Папата Франциск денеска повика да се прекине практиката на сурогат мајчинство насекаде во светот, информира италијанската новинска агенција АНСА.

https://republika.mk/scena/estrada/marija-sherifovik-stana-majka/

„Патот кон мирот бара почитување на животот, за секој човечки живот, почнувајќи од оној на нероденото дете во мајчината утроба, кое не може да се третира како стока“, рече Папата на средбата во Њујорк со претставниците на дипломатскиот корпус, акредитирани во Светата столица.

„Сметам дека е одвратно практикувањето на сурогат мајчинство кое го понижува достоинството и на мајката и на детето. Се заснова на материјалната потреба на мајката, за која цел се користи ситуацијата. Детето секогаш е подарок и никогаш не може да биде предмет на договор. Поради оваа причина, се надевам дека меѓународната заедница ќе одлучи да ја забрани оваа практика ширум светот. Во секој момент од своето постоење, човечкиот живот мора да се чува и заштити, додека во моментов, особено во западното општество, со вознемиреност забележувам дека културата на смртта постојано се шири, која ги погодува децата, постарите и болните под лажен изговор за сочувство“, додаде папата Франциск

The post Марија Шерифовиќ заврши работа навреме: Папата бара да се забранат сурогат мајки appeared first on Република.

Во ниту една војна нема вистински победници, рече денеска папата Франциск при посетата на Римските воени гробишта, мислејќи на конфликтите на Блискиот Исток и Украина.

Папата користеше инвалидска количка за да ги помине надгробните споменици и да положи цвеќе на гробиштата каде се чуваат посмртните останки на војниците на Комонвелтот кои загинале во Италија за време на Втората светска војна.

Годинава папата ги избра овие римски гробишта за да отслужи миса во спомен на починатите на Задушница( Ден на мртвите).

-Војните се секогаш пораз, секогаш. Никогаш нема целосна победа. Едната страна ја поразува другата, но зад неа секогаш има пораз и цена што мора да се плати, рече папата во импровизирана проповед за време на мисата на гробиштата, на која присуствуваа неколку амбасадори на Комонвелтот.

Светиот Отец повика на прекин на огнот во Газа и создавање хуманитарни коридори за олеснување на страдањата на нејзините опколени жители.

Тој, исто така, повика на решение со две држави за блискоисточниот конфликт, а кажа и дека Израел има право да се брани од напади и го осуди подемот на антисемитизмот ширум светот.

The post Папа Франциск: Ниту во една војна нема вистински победници appeared first on Република.

Папата Франциск денеска ја повика исламистичката група Хамас да ги ослободи сите затвореници земени за време на нападот врз Израел викендот, истовремено изразувајќи сериозна загриженост за „целосната блокада“ што еврејската држава ја воведе на Појасот Газа.

Се молам за оние семејства чие празнување се претвори во ден на тага и барам заробениците веднаш да бидат ослободени, рече Папата за време на својата неделна аудиенција.

Во врска со реакцијата на Израел на нападот на Хамас, Папата рече: „Право на оние кои беа нападнати е да се бранат, но јас сум многу вознемирен од целосната блокада во која живеат Палестинците во Газа, каде што има и многу невини жртви“.

Тероризмот и екстремизмот не помагаат да се реши конфликтот меѓу Израелците и Палестинците, туку водат само до омраза и суровост. На Блискиот Исток не му е потребна војна, додаде папата Франциск.

The post Папата Франциск го повика Хамас да ги ослободи сите затвореници appeared first on Република.

Папата Франциск во саботата предупреди на рамнодушност и се заблагодари на Унгарија што ги прими Украинците и покрај антибегалската политика на националистичкиот премиер Виктор Орбан.

При неговото пристигнување на тридневната посета во петокот, 86-годишниот Аргентинец во својот прв говор пред Орбан и други владини претставници ја истакна „потребата од отвореност кон другите“, предупредувајќи да не се „повлекува во себе“.

Унгарската влада, отстапувајќи од својот вообичаен став против бегалците, ги поздрави оние што бегаат од војната во соседна Украина.

За време на аудиенцијата минатата година во Ватикан, Френциск подеднакво му се заблагодари на Орбан за пречекот на украинските бегалци.

Во рамките на ЕУ, унгарскиот премиер е исклучок во одбивањето да го осуди рускиот претседател Владимир Путин по име по инвазијата на Москва.

Тој, исто така, одбива да испрати воена помош за Украина и ги осуди санкциите на ЕУ против Русија - правејќи многу украински бегалци да се чувствуваат непријатно.

Франциско е вториот папа што ја посети Унгарија, откако Јован Павле Втори патуваше во 1991 и 1996 година.

АФП

The post Орбан се сретна со папата appeared first on Република.