Папата Франциск на неговата генерална аудиенција изјави дека понеделник, 7 октомври, ќе биде христијански ден на пост и молитва за мир на годишнината од нападот на палестинската група Хамас врз Израел.

Тој додаде дека претходно во недела ќе ја каже молитвата „Света Бројаница“ на Богородица.

Со цел да ја повикам Богородица да даде мир, следната недела ќе одам во базиликата Санта Марија Маџоре, каде што ќе ја кажам молитвата Света Бројаница и ќе упатам срдечна молба до Светата Дева. Ако е можно, ве молам и вас, членовите на Синодот, да ми се придружите во оваа прилика.

 

А, следниот ден, 7 октомври, ве молам сите да поминат низ ден на пост и молитва за мир во светот“, рече 87-годишниот папа на крајот од својата денешна проповед, која ја одржа на плоштадот Свети Петар.

The post Папата Франциск го прогласи 7 октомври за ден на пост и молитва за мир appeared first on Република.

Папата Франциск повика природните ресурси да бидат од корист на „целата заедница“ на земјите во развој од каде што се извлекуваат, а не само на меѓународните корпорации.

Поглаварот на Католичката црква (87), кој моментално е во Папуа Нова Гвинеја како дел од големото патување во Југоисточна Азија и Океанија, се состана со локалните власти, претставници на граѓанското општество и дипломати во главниот град Порт Морезби.

Папата нагласи дека е „неопходно“ да се вклучат меѓународните корпорации во екстракцијата на природните ресурси.

Сепак, единствено исправно е на потребите на локалното население да им се посвети соодветно внимание при распределбата на приходите и вработувањето работници, со цел да се подобрат нивните животни услови, изјави папата Франциск.

Папуа Нова Гвинеја има огромни резерви на минерали и ресурси, вклучувајќи злато, бакар и природен гас. И покрај тоа, мнозинството од населението од околу 10 милиони живее под прагот на сиромаштија.

Кинеските и австралиските компании се особено активни во оваа пацифичка држава.

Папуа Нова Гвинеја, која е речиси 15.000 километри оддалечена од Рим, е втората станица на папата во неговото најдолго патување во странство од неговиот мандат досега. Само една четвртина од населението на земјата се католици.

Во рамките на посетата папата Франциск утре ќе предводи големата црковна миса на спортски стадион во Порт Морезби.

Други станици од неговото 12-дневно патување во четири земји во Југоисточна Азија и Океанија, се Источен Тимор и Сингапур. Папата го почна своето патување во Индонезија.

The post Папата Франциск: Природните ресурси треба да бидат од корист на „целата заедница“, а не само на меѓународните корпорации appeared first on Република.

Папата Франциско пристигна во Индонезија, првата станица од неговото најдолго патување надвор од Ватикан, при што во следните 12 дена ќе посети четири земји во Југоисточна Азија и Океанија, јавуваат агенциите.

87-годишниот поглавар на Римокатоличката црква пристигна во Џакарта по повеќе од 13 часа патување од Рим со специјален лет на италијанската компанија ИТА Ервејс.

Со повеќе од 240 милиони муслимани, Индонезија е најнаселената муслиманска земја во светот, а по Џакарта следуваат посети на Папуа Нова Гвинеја, Источен Тимор и Сингапур, а од четирите земји што ќе ги посети папата, само во Источен Тимор мнозинството од населението се изјаснуваат како католици.

45-тото патување на папата во странство во текот на 11-те години од неговиот понтификат ќе биде особено посветено на афирмацијата на мирниот соживот меѓу различните религии, објави претходно Ватикан.

На оваа турнеја папата Франциско ќе помине вкупно повеќе од 30.000 километри со авион, а се очекува да се врати во Рим на 13 септември.

Со оглед на возраста и здравјето на папата, кој сега често користи инвалидска количка, паузите меѓу неговите патувања во странство станаа подолги.

Последното големо патување на папата во странство беше пред една година, кога ја посети Монголија.

Посетата на Луксембург и Белгија е негово следно патување во странство кон крајот на овој месец.

The post Папата Франциско пристигна во Индонезија appeared first on Република.

Папата Франциск се сретна со група светски познати комичари во Ватикан.

Меѓу комичарите со кои се состана папата беа Вупи Голдберг, Конан О'Брајан, Крис Рок и Стивен Кобер и со нив разговараше за важноста на хуморот.

Вие ги обединувате луѓето, бидејќи смеата е заразна“, им порача Папата на комичарите.

The post Вие ги обединувате луѓето оти смеата е заразна: Папата Франциск прими комичари во Ватикан appeared first on Република.

Проблемот со намалувањето на стапката на наталитетот мора да се решава на институционално ниво, а мајките не треба да се доведуваат во позиција да избираат меѓу работата и грижата за своите деца, изјави денеска поглаварот на Римокатоличката црква, папата Франциск.

На институционално ниво има итна потреба од ефикасни политики, храбри, конкретни и долгорочни избори“, рече папата Франциск на конференцијата за стапката на наталитет, што се одржува во Рим.

Тој посочи дека посветеноста на светските влади е неопходна за да им се помогне на младите да ги остварат своите цели, пренесува италијанската новинска агенција Анса.

The post Папата Франциск со поддршка за жените: Мајките не треба да бидат во позиција да избираат меѓу работата и грижата за децата appeared first on Република.

Поглаварот на Римокатоличката црква, папата Франциск, денеска најави дека кога ќе биде погребан, неговото тело нема да биде изложено на бдение, ниту пак ќе има украсена дрвена клада која го поддржува ковчегот на угледни личности на католичките погреби.

Разговарав со мајсторот на церемонијата и го отстранивме ова и многу други работи, бидејќи ритуалот (на погребот на Папата) беше премногу оптоварен“, рече Францис.

Тој додаде дека погребот на неговиот претходник Бенедикт Шеснаесетти е последниот традиционален погреб на римски понтиф, каде што телото е изложено, пренесува агенцијата Анса.

Во книгата на Хавиер Мартинез Брокал, „Наследникот“, која се состои од интервјуа со Папата, Франциск вели дека сака да биде погребан „достоинствено како и секој христијанин“.

Во последните недели Ватикан го откажа присуството на Папата на неколку настани поради нарушено здравје, а Францис (86) моментално користи инвалидска количка поради проблеми со коленото.

The post Папата Франциско ги најави плановите за неговиот погреб, телото нема да биде изложено appeared first on Република.

Папата Франциск нема намера да се повлече од должноста бидејќи верува дека неговото здравје е доволно добро за да продолжи да ја извршува функцијата, наведува самиот во новата книга, чии делови денеска ги објави италијанскиот весник „Кориере дела сера“.

Повлекувањето е далечна хипотеза, немам доволно сериозни причини да размислувам за откажување од службата“, ја цитира весникот книгата на папата „Живот: Мојата приказна низ историјата“, што треба да биде објавена на италијански и англиски јазик на 19 март.

Актуелниот 87-годишен папа е изнемоштен во последниве години, користи инвалидска количка или бастун за да оди, а неодамна страдаше и од напади на бронхитис или настинки кои му го ограничија јавното говорење.

Во книгата, меѓутоа, тој ја смирува загриженоста на јавноста за неговата состојба.

„Фала му на Господа, уживам во добро здравје и ако даде Господ има уште многу проекти за реализација“, наведува тој, повторувајќи дека ќе размисли за повлекување од должноста само во случај на сериозен телесен инвалидитет.

Папата повторно ја бранеше својата неодамнешна одлука да им дозволи на свештениците да благословуваат истополови парови, велејќи дека должност на Католичката црква е да им посака добредојде на сите и дека „Бог ги сака сите, а особено грешниците“.

Истовремено, одлуката не имплицира никаква промена во католичката доктрина, која ги признава само хетеросексуалните бракови, а ако некои бискупи не сакаат да благословуваат истополови лица, тоа нема да доведе до раскол, додаде папата Франциск.

На друго место во книгата, тој ја обнови својата осуда на абортусот и сурогат родителството и додаде дека неговиот фокус на сиромашните и маргинализираните не го прави комунист или марксист.

Неговиот претходник Бенедикт XVI. беше првиот папа што абдицира по приближно 600 години, а како причина беше наведена староста. Папата Бенедикт Шеснаесети абдицираше во февруари 2013 година, на 85-годишна возраст, а почина на последниот ден од 2022 година.

The post Папата Франциск нема намера да се повлече од должноста appeared first on Република.

Папата Франциск порача порача дека Украина мора да има „храброст за бело знаме“ и да седне на преговарачка маса. пишува „Ројтерс“.

Киев треба да најде храброст да се согласи на преговори со Русија. За да го направат тоа, украинските власти мора да го признаат поразот и „да најдат храброст да се залагаат за белото знаме“, изјавил понтифот во интервју за швајцарскиот ТВ канал РЛИ.

Претходно, турскиот претседател Реџеп Таип Ердоган на средбата со украинскиот претседател Володимир Зеленски го повика официјален Киев брзо да почне преговори со Руската Федерација под покровителство на Анкара.

The post Папата порача дека Украина треба да има храброст за „бело знаме“ и за преговори appeared first on Република.

Последниот јавен настап на папата Франциск предизвика загриженост за неговото здравје, поради тоа што 87-годишниот папа се бореше со говорот, но и со движењето.

Во текот на последната недела и половина, Франциск имаше мали здравствени проблеми. На 24 февруари Ватикан објави дека папата боледува од лесна форма на грип. Неколку дена подоцна тој бил однесен во римската универзитетска болница Гемели на дијагностички тестови.

Врз основа на неговото појавување на плоштадот Свети Петар во Ватикан, се чини дека здравствените проблеми на папата, сепак, опстојуваат. А, потоа мораше да побара од својот помошник да ги прочита неговите забелешки, кои беа неделниот говор на папата пред општата публика. Тој им рекол на толпата дека неговиот асистент го прави тоа затоа што се уште е настинат и не знае добро да чита. На крајот од говорот, Франциск зборуваше накратко, пренесува „Њузвик“.

Според „Јутарњи“, Папата имал проблеми и да се качува по скалите на своето специјално возило „Попемобил“. Дури и држејќи се за оградите, Франциск не можел да влезе во возилото, па го внеле додека толпата го бодрела. Во еден момент до него дошло дете и го прегрнало.

На X (поранешен Твитер) беше споделено видео од папата Франциско како се мачи да влезе во папамобилот.

https://twitter.com/GeetaaPillai/status/1765629015409164711?ref_src=twsrc%5Etfw%7Ctwcamp%5Etweetembed%7Ctwterm%5E1765629015409164711%7Ctwgr%5E00a5fefc982a5df72744a0bb23cee507360de2f1%7Ctwcon%5Es1_&ref_url=https%3A%2F%2Fn1info.ba%2F%3Fp%3D6796081

Загриженоста расте додека Папата се мачи по враќањето од болница. Не може да се качи на попамобилот. Видливата нервоза сигнализира дека е во потенцијално сериозна состојба. Верниците ширум светот се надеваат на неговото закрепнување“, пишува тој со видеото на Х.

За потсетување, на папата Франциско му беше отстранет дел од едното белодробно крило како млад човек по респираторна инфекција. Неодамна боледуваше и од пневмонија. На крајот на ноември минатата година тој мораше да го откаже патувањето во Дубаи, каде што требаше да зборува на годишната климатска конференција на ОН. Лекарите го советувале сепак да не оди таму. Тогаш Ватикан во официјалното соопштение соопшти дека папата се опоравува од пневмонија и грип.

The post Се мачи со говорот и движењето: Последното јавно појавување на папата Франциск предизвика вознемиреност ширум светот appeared first on Република.

Папата Франциск не можеше да го заврши својот говор додека се обраќаше пред група француски експерти за верска комуникација. Римокатоличкиот лидер притоа се пожали на бронхитис.

Тој се сретна со учесниците на симпозиум организиран од Француската бискупска конференција, но мораше да го прекине неговиот поздравен говор.

Би сакал да го прочитам целиот мој говор, но има проблем. Имам бронхитис“, рече со рапав глас, 87-годишниот Франциск.

Пред тоа, папата веќе одржа говори на средби со млади експерти и со Комитетот за унапредување на односите меѓу католичките, православните и источнохристијанските цркви.

Но, подоцна не можел да им го прочита говорот за членовите на католичкото научно тело, па тие го добиле во писмена форма, соопшти Ватикан.

Папата во ноември имаше акутна пневмонија, поради што мораше да ја откаже планираната посета на Дубаи, каде се одржуваше самитот за климата КОП28.

The post Папата Франциск има бронхитис, мораше да прекине говор поради кашлање appeared first on Република.

Папата Франциск, за време на традиционалниот неделен благослов, се осврна на 2023 година како година обележана со војни.

Говорејќи од прозорецот со поглед на плоштадот Свети Петар во Ватикан, Папата упати молитви за „измачениот украински народ и палестинското и израелското население, суданскиот народ и многу други“.

На крајот на годината ќе имаме храброст да се запрашаме колку човечки животи се уништени од вооружените судири, колку мртви и колку уништувања, колку страдања, колку сиромаштија. Оние кои имаат интерес во овие конфликти, слушајте го гласот на совеста, порача понтифот.

Илјадници луѓе се собраа на плоштадот за да го слушнат последниот неделен благослов на папата Франциск за оваа година.

The post Папата Франциск се помоли за „измаченото“ население во годината на војни appeared first on Република.

Папата Франциск рече дека има многу заразна и акутна форма на бронхитис што го спречи да отпатува во Дубаи на климатскиот самит КОП28, но се пошегува дека е „сè уште жив“.

Папата, кој во декември наполни 87 години, во последниот период имаше голем број здравствени проблеми. Неколку пати беше хоспитализиран, последен пат во јуни. Но, тој сè уште работи и се среќава со луѓе.

Како што можете да видите, сè уште сум жив. Докторот не ме пушти да одам во Дубаи. Причината е што таму е многу топло, од жештина се оди на клима и (не е згодно) во оваа ситуација со бронхитис. Му благодарам на Господ што не е пневмонија. Тоа е акутен, заразен бронхитис“, рече тој.

Папата Франциск рече дека нема треска, но зема антибиотици, потврдувајќи го соопштението на Ватикан во средата.

Секретарот на Светата столица, кардиналот Пјетро Паролин, во средата изјави дека очекува тој да ја предводи делегацијата на Ватикан на климатскиот состанок во Дубаи.

The post Папата Франциск има многу заразна и актуна форма на бронхитис и затоа не отпатува на климатскиот самит во Дубаи appeared first on Република.

Смртта на мигрантите во Средоземното Море е „болка и срам“ и „отворена рана на човештвото“, кажа денеска папата Франциск, додавајќи дека се моли за лицата (41) кои загинаа во бродоломите од почетокот на овој месец.

Преживеани мигранти во средата беа спасени од морето и истоварени на италијанскиот остров Лампедуза, а во денешното обраќање до верниците – Ангелус, 86-годишниот папа кажа дека се моли за животите ма 41 лице, кои, според изјави на четворица преживеани, исчезнаа неделава во водите на Медитеранот.

Со болка и срам мораме да кажеме дека од почетокот на годината најмалку 2.000 мажи, жени и деца загинаа на море, обидувајќи се да стигнат до Европа, рече папата, потсетувајќи се на бројките на Меѓународната организација на ОН за миграција (ИОМ), која во саботата пријави „најмалку 2.060 мртви“ мигранти во Средоземното Море од почетокот на годината.

Повеќе од 1.800 од нив загинаа во централниот дел на Медитеранот, меѓу Северна Африка и Италија, на најсмртоносната миграциска рута во светот.

Тоа е отворена рана на човештвото, им порача папата на верниците собрани на плоштадот Свети Петар во Ватикан. Ги охрабрувам политичарите и дипломатите, кои сакаат да се спасат, на духот на солидарност и братство“, додаде тој.

The post Смртта на мигрантите во Медитеранот е срам и отворена рана на човештвото, смета Папата Франциск appeared first on Република.

Папата Франциск повика на глобално размислување за потенцијалните опасности од вештачката интелигенција, укажувајќи на „нарушувачките можности и амбивалентни ефекти“ на новата технологија.

Папата, кој има 86 години и претходно изјави дека не знае да користи компјутер, го издаде предупредувањето во пораката за следниот Светски ден на мирот на Католичката црква, кој се паѓа на Нова година. Ватикан ја објави пораката многу однапред, како што е вообичаено.

Папата нè потсетува на потребата да бидеме будни и да работиме логиката на насилство и дискриминација да не пушти корен во производството и употребата на таквите уреди, на штета на најчувствителните и најисклучените, се вели во пораката.

Итната потреба концептот и употребата на вештачката интелигенција да се насочи на одговорен начин, за таа да биде во служба на човештвото и заштитата на нашиот заеднички дом, бара етичкото размислување да се прошири и во сферата на образованието и правото, се додава во пораката.

Во 2015 година, папата Франциск призна дека технологијата е „катастрофа“, но интернетот, социјалните мрежи и СМС пораките ги нарече „дар од Бога“, под услов да се користат мудро. Во 2020 година, Ватикан ги здружи силите со технолошките гиганти Мајкрософт и ИБМ за да го промовира етичкиот развој на вештачката интелигенција и да повика на регулирање на наметливите технологии како што е препознавање на лицето.

The post Папа Франциск: Вештачката интелигенција има нарушувачки можности и амбивалентни ефекти appeared first on Република.

Папата Франциск денеска беше примен во болницата Гемели во Рим и беше опериран, изјави за новинарите кардиналот Пјетро Паролин, државен секретар на Ватикан. Тој додаде дека папата ќе биде во болница онолку колку што е потребно за операцијата, по што верува дека ќе продолжи со своите активности, дури и од болничкиот кревет.

Сите аудиенции се откажани до 18 јуни, соопшти Ватикан.

„Блиску сме со папата со нашата приврзаност, го следиме со нашите молитви, надевајќи се дека сè ќе се реши што е можно побрзо“, рече Паролин.

На прашањето дали е загрижен за операцијата, тој рече:

„Не знам што да кажам, бидејќи немам дополнителни информации“. Тој рече дека нема информации дали операцијата е завршена и објасни дека може да потрае неколку часа.

Да потсетиме, Ватикан претходно денеска соопшти дека папата Франциск, кој има 86 години, мора да биде подложен на итна операција. Му го оперираат стомакот и абдоминалниот ѕид. Тие додадоа дека неговиот медицински тим во последните денови одлучил дека е неопходна операција и дека се очекува тој да остане во болница неколку дена за да закрепне.

Се врши лапароскопска операција на килата и абдоминалниот ѕид со вметнување на протетски материјал, рече Бруни. Операцијата ќе се изврши под општа анестезија. Станува збор за инцизионална хернија која е резултат на претходна операција. Тоа на папата му предизвикува зголемена болка и ја влошува функцијата на цревата.

Се очекува Франциск да остане неколку дена во болница за да закрепне.

The post Папата Франциск е во болница, операцијата би можела да трае со часови appeared first on Република.

Поглаварот на Римокатоличката црква, папата Франциск е примен во болница, а како што соопшти Ватикан, на папата ќе му биде извршена операција.

Станува збор за операција на цревата.

Како што наведоа, папата ќе биде опериран под тотална анестезија и ќе остане во болница неколку дена.

Веста за операцијата дојде еден ден откако папата беше подложен на тестови во болница во Рим.

The post Папата Франциск примен во болница, ќе биде опериран appeared first on Република.

Папата Франциск од денеска е во тридневна посета на Унгарија.

Не е првпат папата Франциск да е во Унгарија, тој претходно ја отслужи завршната миса на Меѓународниот евхаристиски конгрес во 2021 година.

Овој пат Папата е во посета на Унгарија на покана на граѓански и црковни власти.

Портпаролот на унгарскиот парламент за украинското малцинство изјави дека папата Франциско е симбол на верата и единството за народот на Унгарија и дека со своите апели им помага на Украинците кои страдаат од руската инвазија, пренесе „Ватикан њуз“.

Од почетокот на војната во Украина, речиси милион украински граѓани патувале низ Унгарија како бегалци, а кардиналот надбискуп од Будимпешта рече дека црквата е посветена на добредојде и помагање на Украинците.

За време на посетата на Унгарија, папата ќе отслужи миса, ќе им се обрати на властите, верниците и младите, а ќе се сретне и со бегалците и сиромашните, како и со децата со посебни потреби.

Апостолскиот нунциј во Унгарија, надбискупот Мајкл Валас Банах, изјави дека Унгарците ја сакаат бодроста и искреноста на папата Франциск.

The post Папата во тридневна посета на Унгарија appeared first on Република.

Во својата велигденска порака „До градот и светот“ (Urbi et Orbi), поглаварот на Римокатоличката црква, папата Франциск, денеска ги осуди нападите на Блискиот Исток, повика да се стави крај на војната во Украина, а ги спомена и настраданите во земјотресите во Турција и Сирија.

Папата се обрати пред околу 100.000 верници на плоштадот Свети Петар во Ватикан, и ја изрази својата силна загриженост поради неодамнешното интензивирање на нападите на Блискиот Исток, кои, според него, го загрозуваат дијалогот меѓу Израелците и Палестинците. И годинава една од главните пораки на папата беше за Украина кој ја повика меѓународната заедница да стави крај војната, како и на сите крвави конфликти во светот.

Утешете ги ранетите и оние кои ги загубија своите најблиски поради оваа војна и погрижете се заробениците да се вратат живи и здрави во своите семејства, рече папата Франциск.

Тој ги спомена и жртвите од земјотресот што ги погоди Турција и Сирија во февруари, во кој загинаа повеќе од 56.000 луѓе, а штетата се проценува на стотици милијарди евра. Пред пораката, Папата ја предводеше велигденската миса и во својот папамобил помина низ луѓето собрани на плоштадот Свети Петар, благословувајќи ги верниците во топла атмосфера.

The post Папата Франциск побара да се стави крај на војната во Украина appeared first on Република.

Папата Франциск ги повика денеска властите да ги спречат шверцерите со мигранти во Средоземното Море и изрази жалење за минатонеделниот бродолом со мигранти кај италијанскиот брег во кој загинаа десетици луѓе.

– Го повторувам мојот апел да не се случуваат вакви трагедии повторно. Нека бидат спречени шверцерите со луѓе – рече папата во неговото неделно обраќање до собраните луѓе на плоштадот „Свети Петар“.

Локалните власти соопштија дека досега се извлечени 70 тела по бродоломот кај италијанскиот брег. Мигрантите тргнале од Турција кон Италија, а биле од Авганистан, Пакистан, Иран, Сомалија и Сирија.

Околу 80 мигранти преживеаја откако бродот се распадна и потона во разбрануваното море во близина на одморалиштето Стекато ди Кутро во источна Калабрија. Се проценува дека на бродот имало околу 200 луѓе. Тројца осомничени шверцери со мигранти беа уапсени оваа недела и обвинителите почнаа да го истражуваат начинот на кој службите за итни случаи одговориле на катастрофата, по обвинувањата дека властите бавно реагирале.

The post Папата Франциск повика на спречување на шверцерите со мигранти во Средоземното Море appeared first on Република.

Папата Фрациск во интервјуто објавено од шпанскиот весник ABC откри дека во 2013 година, откако бил избран, потпишал писмо за откажување во случај да биде спречен да ја извршува папската должност поради сериозни и трајни здравствени проблеми.

Папата Фрациск, кој во саботата наполни 86 години и се чини дека е во добра здравствена состојба, освен што има проблем со коленото, рече дека писмото му го предал на тогашниот државен секретар на Ватикан, Тарчисио Бертоне.

Бертоне служеше за време на неговиот претходник Бенедикт Шеснаесетти и остана на таа позиција уште шест месеци по изборот на папата Фрациск на 13 март 2013 година.

Фрациск често велеше дека ќе се повлече ако нарушено здравје го спречи да ја води Римокатоличката црква, која има 1,3 милијарди верници.

The post Папата потпишал писмо за оставка во случај на лошо здравје appeared first on Република.