Откако вчера во Србија се објавија нови снимки од пантерот кој за кратко време пристигнал од Апатин, на унгарско-српската граница, до Фекетиќ оддалечен осумдесетина километри, загрижени граѓани на страниците на српските портали прашуваат која ќе биде неговата следна дестинација. Многумина се уверени дека животното ги следи своите инстинкти и самото ќе си го најде патот до потоплите краишта.

Србија, Македонија, па Грција? Во природата му е да се движи кон југ – коментираат граѓани на социјалните мрежи.

Ненад Тешиќ од еколошкото здружение „Движење за сите нас“ за српските медиуми изјави дека е очигледно како животното се движи на југ, односно од Војводина кон Централна Србија и апелираше луѓето да ја сфатат сериозноста на ситуацијата.

Ситуацијата сериозно е сфатена во општината Врбас. Откако опасниот црн пантер, по кого во Србија се трага веќе 17 дена, повторно е забележан во Срборбан кај Врбас, Општинскиот штаб на Врбас за вонредни ситуации одржа специјална седница.

По вестите дека пантерот за само неколку дена поминал 80 километри и се движи кон потоплите краишта, при што следната дестинација можеби е Македонија, вечерва седница одржа и Кризниот штаб на општина Куманово. Како што објави Плусинфо на седницата присуствуваа сите надлежни служби, вклучувајќи и претставници на Здружението на ловџиите.

По седницата, градоначалникот Максим Димитриевски даде куса изјава за медиумите:

Во рамките на проектот „Отворен Балкан“, ние сме постојаната комуникација со нашите колеги од Врбас. Од Ветеринарниот факултет во Скопје добивме известување дека црниот пантер навистина во принцип се движи кон потоплите краишта. Очекуваме Србија, како и за време на пандемијата и во енергетската криза, да ни пружи помош, на тој начин што братските српски општини ќе се фатат во костец со опасниот пантер пред тој да стаса на нашата северна граница. Но, дури и да стаса, нема простор за паника. Иако централната власт на чело со СДСМ веќе подолго време покажува неспособност да се справи со вакви кризни ситуации, ве уверувам дека Куманово и јас сме спремни да се соочиме со големиот предизвик – рече тој.

The post Ако пантерот од Србија се приближи кон Македонија, Максим Димитриевски и Куманово се подготвени да се соочат со него appeared first on Република.

Потрагата по црниот пантер, кој вчера беше виден во Бања Јунаковиќ кај Апатин, продолжува и денеска, а кога ќе биде фатен, планот е да се успие и да се имобилизира во Зоолошката градина Палиќ.

Шефот на Покраинскиот инспекторат за заштита на животната средина, Немања Ивановиќ, кој вчера цел ден беше на терен со колегите во потрага по ова животно, рече дека идејата им била да го евтаназираат и да го префрлат во Зоолошката градина Палиќ.

– Зоолошката градина Палиќ ги има најсовремените средства за седација. Максималниот домет е до 30 метри за заспивање, а тоа нема да го правиме во затворени контролирани услови, туку буквално на отворено – изјави Ивановиќ за Телеграф.

Тој синоќа изјави дека вчера барале пантер со дрон со термална камера и дека така ќе продолжи и денеска, а ако треба и утре додека не го најдат предаторот.

– Со дрон извршивме увид и пребаравме околу хотелот Бање Јунаковиќ, односно шумата. Забележавме разни други видови животни – птици, некои најразлични видови помали глодари, но за среќа или несреќа сè уште не забележавме ништо што може да укаже дека тој е таму, во близина“, изјави синоќа Немања Ивановиќ.

Како што појасни, дронот е соборен синоќа поради магла, но акцијата продолжува и денеска, се со цел да се лоцира пантерот, да се имобилизира и да се смири паниката.

– Апелирам до сите ваши колеги да не паничат, излезе веста дека е застрелан, но тоа не е вистина – рече тој.

Црниот пантер првпат бил забележан во селото Сонта, во околината на Апатина. Неговите траги биле забележани во околната шума.

Вчера на социјалните мрежи се појави видео дека е виден во Бања Јунаковиќ, а општина Апатин по оваа прилика упати предупредување:

– Се замолуваат граѓаните до дополнително известување да не одат во тој правец, како и во правец на шумата Пригрева, бидејќи се работи за многу опасно и непредвидливо диво животно. Во фаќањето и лоцирањето на црниот пантер во моментов се вклучени сите надлежни служби, како и стручната служба од Зоолошката градина Палиќ.

The post Пантерот во Србија сѐ уште на слобода: Во потрагата вклучени дронови и термални камери appeared first on Република.

Јавното претпријатие Шумско стопанство Војводина, подружница на ШГ „Сомбор“, ги известува сите сограѓани дека во дворовите на општина Апатин е забележан црн пантер (леопард)“, се наведува во известувањето.

Предаторот е крајно опасен и апелираме до граѓаните да се грижат за себе и за своите најблиски. Доколку некој забележи црн пантер, потребно е веднаш да ја извести надлежната полициска станица“, се наведува во соопштението.

The post Црн леопард слободно се шета низ Војводина, граѓаните во паника appeared first on Република.