Кој не би се уплашил ако големо морско суштество со перка на грбот доплива до плитките морски води? Таков момент на паника доживеаја капачите на грчкиот остров Хиос, кога голема туна се појави на плажата.

 

View this post on Instagram

 

A post shared by Nikana.gr🔹Letovanje u Grčkoj (@nikana.gr)

The post Перка ги уплаши капачите на грчкиот остров, но не е ни ајкула, ни делфин appeared first on Република.

Месојадни црви се забележани на плажите во Будва, Црна Гора и во италијанските региони Сицилија, Калабрија и Апулија. За туристите и за жителите од овие региони издаден е црвен аларм за инвазија од месојадните црви, пишуваат медиумиte.

Месојадните црви испуштаат невротоксин, што предизвикува главоболка и вртоглавица. Долги се од 20 до 30 сантиметри и главно живеат на камено но и во песочното морско дно. Вообичаени се на Карибите и во тропските региони на западниот Атлантик.

Институтите за истражување на црви предупредуваат дека ваквите црви прават штета на рибарската индустрија оти се фаќаат за риболовната опрема.

За оние кои ќе дојдат во допир со вакви црви, експертите советуваат боцките да се отстрануваат со суви прсти или леплива лента за да се избегне триење на кожата. Освен дезинфекција, препорачуваат да се измијат со ладна вода зафатените делови од телото и посета на лекар доколку се појават алергиски симптоми или покачена телесна температура.

The post Паника меѓу туристите: Месојадни црви забележани на плажите во Будва и во Италија appeared first on Република.

Велешкиот театар „Јордан Хаџи Константинов Џинот“ вечерва во 21 часот премиерно ќе ја изведе претставата „Паника“ на финскиот автор Мика Мулуахо, во режија на Александар Ивановски. Во претставата, која е дуо драма настапуваат Стефан Николовски како Лазе и Филип Христовски како Мики. Драматург на претставата е Катерина Момева а сценографија на Филип Коруновски а музиката е во избор на двајцата актери.

Како што појаснуваат од велешкиот театар, приказната е за двајца другари што се немаат видено долго време и после многу поминати години и патешествија во животот, тие се соочуваат еден со друг, си помагаат еден на друг, се провоцираат еден со друг, преку што избиваат нивните внатрешни конфликти.

-Во претставата се навлегува во најдлабоките теми на суштествувањето, прашања што го мачат секој човек кој сака да биде сакан и прифатен, а општествениот и социјален притисок наметнува стеги каде индивидуалниот идентитет се гуши, се преиспитува себеси, а преку оваа претстава сугерираме дека човек треба прво да се прифати таков каков што е, за да може да се промени. Играјќи си со жанровите, понекогаш нештата изгледаат многу трагично, а има мигови кога не ќе можете да се воздржите од смеење, поради суптилниот хумор што се провлекува низ целото дело и преку кој се релативизираат проблемите, се разобличуваат карактерите со нивните човечки мани, оправдувајќи ја нивната несовршена природа, појаснуваат од театарот.

The post Премиера на „Паника“ во Велешкиот театар appeared first on Република.

Предупредувањето на двајца високи претставници на одбраната до Швеѓаните да се подготват за војна, предизвика загриженост во јавноста и обвинувања за непотребно поттикнување паника.

Имено, се започна кога шведскиот министер за цивилна одбрана Карл-Оскар Болин на конференција за општеството и одбраната изјави дека „во Шведска може да има војна“. Зад таа порака застана и главниот воен командант, генерал Микел Бајден, кој додаде дека Швеѓаните треба „психички да се подготват за таа можност“.

Не помина долго време пред опозициските политичари да се спротистават на тонот на ова предупредување. Поранешната премиерка Магдалена Андерсон за шведската телевизија изјави дека, иако безбедносната ситуација во земјата е сериозна, „не е како војната да е пред вратата“.

Понатаму, организацијата за правата на децата Брис соопштила дека националната линија за помош обично не прима повици од граѓани кои се плашат од војна, но оваа недела има зголемен број загрижени повици од млади луѓе кои ги виделе вестите или објавите на TikTok кои зборуваат за тоа.

Ова беше добро подготвено, не беше нешто што беше кажано туку така“, изјавила портпаролката на Брис, Маја Дал за Би-Би-Си.

И покрај грубиот начин на кој беше пренесена пораката, коментарите на министерот и на воениот командант се сметаат за повик за будење.

The post Изјавата на шведскиот министер предизвика паника меѓу граѓаните: Психички подгответе се за војна appeared first on Република.

И министерот Спасовски и обвинителот Бубевски вчера рекоа дека тоа е изолиран случај. Не треба да создаваме паника кај граѓаните дека не ни се безбедни. Децата се безбедни, рече денеска министерката за труд и социјална политика, Јованка Тренчевска, запрашана дали младите се сигурни и безбедни после случајот со убиството на малата Вања Ѓорчевска.

Според неа, новото време создава носи предизвици и дека развојот на ИТ-технологијата и социјалните мрежи наместо да ја подобрат информираноста, преку лажните вести и говорот на омраза создаваат проблеми кај менталното здравје кај голем дел од народот.

Како институции мораме да се прилагодиме на ова ново време и како МТСП каде што надлежност ни се децата, сакам да ги уверувам луѓето дека децата и училиштата се безбедни, рече Тренчевска.

The post Децата се безбедни, да не се шири паника кај граѓаните, тврди министерката Тренчевска appeared first on Република.

Пред сплитското училиште Обрничка денеска од 16 часот се собраа итните служби - пожарникари, Брза помош и полиција, но засега не се знае точно зошто интервенирале, јавува „Слободна Далмација“.

Од Пожарна им потврдиле дека имало евакуација, но не сакале да откријат зошто, само потенцирале дека не станува збор за пожар.

Во 16:00 часот добивме дојава од Стручното училиште во Сплит дека неколкумина ученици од еден клас имале мачнини. Излеговме на терен со пожарникари и со Брза помош, а по пристигнувањето никој не побара лекарска помош. рече за хрватските медиуми Јерко Куревија од ПУ Сплит-Далматинска.

Тој увери и дека опасност за другите граѓани нема.

Само ни рекоа да го напуштиме училиштето, настана паника, сè уште не знаеме што точно се случило, ученик наводно фрлил солзавец, изјавиле ученици кои го чекале расплетот на ситуацијата пред училиштето.

Други ученици, пак, слушнале дека не бил солзавец туку истечен плин. Но, сите се согласуваат дека во училиштето имало чудна миризба. Што точно се случи ќе утврдат службите кои излегле на терен.

Наставата продолжи, но некои ученици решија да не се вратат на училиште.

The post Ученик фрлил солзавец или протекол плин: Чуден мирис создаде мачнини и паника во хрватско училиште appeared first on Република.

Земјотрес со јачина од 4,2 степени вечерва предизвика паника во источните и северните делови на Либан, при што жителите во некои области ги напуштија своите домови и истрчаа на улиците.

Либанскиот Национален центар за геофизика соопшти дека земјотресот се случил во 20:58 часот по локално време на околу пет километри од градот Хермел, недалеку од сириската граница.

Засега нема информации за штети или евентуални жртви.

Како што пренесе ДПА, потресот го почувствувале и жителите на главниот град Бејрут, а луѓето истрчале од своите куќи и во пристанишниот град Триполи.

The post Земјотрес со јачина од 4,2 степени предизвика паника во Либан appeared first on Република.

Земјите-членки на Европска Унија, на Г7 и Австралија вчера се договорија од 5 декември да биде ограничена цената на руската нафта на 60 долари за барел. Москва денеска соопшти дека не го прифаќа ограничувањето на цената и оти стално ќе има купувачи за руската нафта.

Не ја прифаќаме таа граница – истакна Песков, додавајќи оти Москва „се подготвила” за ограничувањето, но не изнесе детали.

Во меѓувреме „Фајненшл тајмс” повикувајќи се на извори од бродската индустрија и аналитичари објави дека Русија годинава тајно набавила 103 танкери, како одговор на нафтените санкции од Западот.

Русија при транспортот на нафта во голема мера се потпира на танкерите. Енергетските консултанти од компанијата „Ристад” тврдат дека Русија годинава набавила 103 танкери, делумно преку директно купување, а делумно преку реалокација на бродови што ги користат Иран и Венецуела, две земји кои исто така се под санкции од Западот.

Желбата на Кремљ да го организира она што нафтената поморска индустрија го нарекува „руска флота во сенка” е обид да се заобиколат новите меѓународни ограничувања за руската нафта.

Според трговците руската „флота во сенка” ќе го намали влијанието на ограничувањето на цената, но нема да го елиминира целосно. Казнените мерки на ЕУ и Г7 треба да ја отсечат Москва од глобалната флота на танкери, бидејќи на осигурителите компании им е забрането да ги осигуруваат танкерите што превезуваат руска нафта, без оглед на дестинацијата, освен ако не се продава според шемата за ограничена цена.

Целта на ограничување на цената, што е идеја на Г7, е да се намалат приходите на Русија од продажбата на нафта, а во исто време да се спречи порастот на глобалните цени по стапувањето во сила на ембаргото на 5 декември. Ограничување на цената на руската нафта на 60 долари за барел, е клучен чекор во опсегот на западните санкции, со цел да и отежнат на Русија со приходите од нафтата да ја финансира војната против Украина.

Ограничувањето ќе им овозможи на земјите надвор од ЕУ да продолжат да увезуваат руска нафта, но ќе им забрани на транспортните и осигурителните компании да тргуваат со руска нафта ширум светот, освен ако не ја продава по цена под ограничувањето.

The post Кремљ е подготвен за ограничување на цената на нафтата appeared first on Република.