На 20 јули, во 17 часот, на бродот Армада во рамки на „Beach Film Festival“ во Охрид ќе се одржи панел дискусијата на тема „ Неопходноста од филмска едукација во училишните програми, но и во рамките на неформалното образование во културните институции, организации и центри“ која е во организација на Кинотеката на РС Македонија и Гете-институт Скопје.

Оваа панел дискусија е дел од проектот филмЕД (filmED), во кој НУ Кинотеката на РС Македонија (петти партнер во спроведувањето на проектот) заедно со Гете-Институт Скопје, има за цел да развие и имплементира програми за обука за наставници и едукатори кои ќе стекнат знаења и практики за воведување на филмското образование во наставните програми.

Методологиите и практиките развиени во рамките на проектот преку веб-платформа ќе бидат достапни за сите оние кои сакаат да имплементираат филмска едукација наменета за деца од различни возрасти. Со оглед на проблемите со кои се соочуваат, потребно е да се постави прашањето, кои практики би биле од голема корист за просветните работници и наставниците во обидите да го интегрираат филмското образование во нивните програми. Панел дискусијата ќе се обиде да укаже на овие проблеми, да ја истакне нивната важност и да започне дискусија за нив.

Учесници на панел дискусијата ќе бидат  Дамјана Патчева (виш филмолог во Кинотека на Македонија), Саша Станишиќ (режисер и координатор на „Филмска училница FIMAY“), Гордана Бабоска (Стручен соработник за образовна соработка во Гете-институт Скопје), Ана Опачиќ (директор на фестивалот БФФ), Ивана Маховска-Шикалеска (наставник во ОУ „Григор Прличев“ во Охрид) и Емилија Ристановска (наставник во гимназијата „Никола Карев“ во Скопје).

The post Денеска на „Бич филм фестивал“: Панел дискусија за неопходноста од филмска едукација во училишните програми appeared first on Република.

На 20 јули, во 17 часот, на бродот Армада во рамки на „Beach Film Festival“ во Охрид ќе се одржи панел дискусијата на тема „ Неопходноста од филмска едукација во училишните програми, но и во рамките на неформалното образование во културните институции, организации и центри“ која е во организација на Кинотеката на Македонија и Гете-институт Скопје.

Оваа панел дискусија е дел од проектот филмЕД (filmED), во кој НУ Кинотеката на РС Македонија (петти партнер во спроведувањето на проектот) заедно со Гете-Институт Скопје, има за цел да развие и имплементира програми за обука за наставници и едукатори кои ќе стекнат знаења и практики за воведување на филмското образование во наставните програми.

Методологиите и практиките развиени во рамките на проектот преку веб-платформа ќе бидат достапни за сите оние кои сакаат да имплементираат филмска едукација наменета за деца од различни возрасти. Со оглед на проблемите со кои се соочуваат, потребно е да се постави прашањето, кои практики би биле од голема корист за просветните работници и наставниците во обидите да го интегрираат филмското образование во нивните програми. Панел дискусијата ќе се обиде да укаже на овие проблеми, да ја истакне нивната важност и да започне дискусија за нив.

Учесници на панел дискусијата ќе бидат Дамјана Патчева (виш филмолог во Кинотека на Македонија), Саша Станишиќ (режисер и координатор на „Филмска училница FIMAY“), Гордана Бабоска (Стручен соработник за образовна соработка во Гете-институт Скопје), Ана Опачиќ (директор на фестивалот БФФ), Ивана Маховска-Шикалеска (наставник во ОУ „Григор Прличев“ во Охрид) и Емилија Ристановска (наставник во гимназијата „Никола Карев“ во Скопје).

Проектот филмЕД (filmED) е финансиран од програмата МЕДИА на Европската Унија.

The post Панел дискусија за филмска едукација во Охрид appeared first on Република.

Независната културна асоцијација РЕМОНТ од Белград, позната по својот динамичен и авангарден пристап на современата уметност низ општествената призма, учествуваше на панел дискусија на фестивалот „Битола отворен град“.

Разговорот се фокусираше на улогата и предизвиците со кои се соочуваат младите уметници денес. Марија Радош, Мила Стојановиќ и Невена Остојиќ ја истакнаа дигиталната ера како неверојатен предизвик, но зборуваа и за новите сложености кои “бараат” од уметниците да се движат низ пејзажот на платформи и технологии кои брзо се менуваат, на свој оригинален начин. РЕМОНТ е познат по своето залагање за поддржувачки екосистем кој вклучува менторство, можности за вмрежување и пристап до ресурси, осигурувајќи дека младите уметници можат да напредуваат и да ги изразат своите гласови во денешниот брз глобализиран уметнички свет.

Живееме на простор кој потешко поттикнува експериментирање, но тренира издржливост, оттука ваквите формации се важни за следните генерации на уметници да ги поместат границите и да ја редефинираат уметноста, истакна Љубица Ангелкова која беше модератор на дискусијата.

Трите говирнички забележаа дека иако дигиталните платформи го демократизираа пристапот до уметноста и го проширија досегот на младите уметници, тие исто така воведоа нови комплексности. Брзата еволуција на технологијата и социјалните медиуми бара од уметниците постојано да се прилагодуваат и развиваат нови вештини за да бидат релевантни, а образованието од областа на уметноста кај нас не се бават со дигиталното време.

Покрај дискусијата за технолошкиот напредок, панелот се осврна и на социо-економските бариери со кои често се соочуваат младите уметници.

Белградски РЕМОНТ е познат по јасните ставови поврзани со креаторите на политики, а и кон секторот кој треба да создаде поинклузивна и одржлива уметничка заедница.

Вечерта, во дворот на МКЦ Битола кој беше локација за овој панел свој сет имаше DJ Chico.

фото | Диоген Хаџи Коста Милевски

The post Панел дискусија на фестивалот „Битола отворен град“: Живееме на простор кој потешко поттикнува експериментирање, но тренира издржливост appeared first on Република.

Филмскиот фестивал „Астерфест“ во ЕУ хаус Струмица денеска организира панел дискусија посветена на авторството и филмот, а потоа ќе бидат прикажани филмовите „Четврток“ на Милчо Манчевски, „Деца“ од Наум Пановски и „Пишта“ на Киро Урдин.

На темата со свои излагања ќе се обратат д-р. Горан Тренчовски и м-р Васил Михаил.

The post Панел -дискусија за авторството и филмот и проекција на кратки филмови денеска во ЕУ хаус Струмица appeared first on Република.

Македонската асоцијација на издавачи (МАИ) вечер во 19 часот во Промо-центарот на Саемот на книгата ќе ги додели наградите за 2024 година, за најголеми достигнувања во издаваштвото во периодот меѓу двата саема.

Еден час претходно (18:00), МАИ на Саемот на книгата ќе организира панел-дискусија со учесниците на првата Фелоушип-програма на МАИ, на тема: „Современите издавачки текови и македонската издавачка продукција“.

Учесниците (петмина издавачи и книжевни агенти) ќе ги споделат со јавноста своите впечатоци за нашиот саем и нашето издаваштво, соопшти Македонската асоцијација на издавачи.

The post МАИ организира панел-дискусија и ќе ги додели наградите за издаваштво за 2024 appeared first on Република.

Претседателот ја извршува својата функција врз основа на Уставот и пред се, во делот на одбраната врз основа на Законот за одбрана, значи позитивното право, важечкото право, меѓутоа ја извршува и врз основа на одредени обичајни норми, обичајни правила кои што се создавани во текот на времето како пракса, вели пратеникот и член на ИК на ВМРО-ДПМНЕ, Драган Ковачки на денешната панел дискусија на тема „Претседател кој се грижи за одбраната и стратешките интереси на државата“ на Конвенцијата на ВМРО-ДПМНЕ за избор на кандидат за претседател на Република Македонија, која се одржува во Македонска Филхармонија.

Ковачки посочи дека тој не се согласно со тврдењата дека претседателот има само церемонијална улога, затоа што мисли дека во делот на одбраната и во надворешните работи претседателот и тоа како има своја надлежност.
Тој посочи дека во делот на креирањето на одбранбените политики, во делот на професионалните стандарди за армијата, претседателот ја има клучната улога, а ние изминатите пет години ние немавме татко на нацијата, но немавме ниту врховен командант.

Човекот кој што моментално ја окупира позицијата на водно е залутан на таа позиција и воопшто не си ја познава својата должност. Пет години, така речено, ги преспа на таа позиција. Затоа што за да водите одбранбена политика, треба да ја базирате својата политика на одредени документи, тие документи стратешки се престари, значи толку се застарени што, еве ќе направам една споредба, Концепцијата за национална безбедност и за одбрана е донесена 2003 година од владата, додека стратегијата за одбрана е донесена 2019 година пред нашето зачленување во НАТО. Значи ние веќе сме членка на НАТО пет години, а имаме стара стратегија во која што пишува дека сакаме да се придружиме на НАТО. И сега, ако го земете овој дво децениски период во кој што од 2003 до 2024 година колку работи се случија, имаме промена на состојби, имаме промена на закани, а имаме стара концепција - истакна, меѓу другото, Ковачки.

Претседателот на државата не може да биде успешен ако нема успешни дипломати, амбасадори кои се главната алка во дипломатската мрежа. За жал ние во овој изминат период видовме сериозни грешки кои беа направени на штета на Република Македонија, а актуелниот претседател пасивно набљудуваше или некои и ги одобри, изјави пратеникот и член на ИК на ВМРО-ДПМНЕ, Антонијо Милошоски.

Милошоски посочи дека од земја која пред десетина години имаше претседател на 62 Генерално собрание на ОН во Њујорк што беше голем дипломатски успех и признание од другите членки дека Македонија може да се носи со тој предизвик, денес паднавме на толку ниско ниво да Македонија во ОН во Њујорк ја претставува амбасадор кој е непожелна личност да биде амбасадор на Македонија во Вашингтон и тоа е голем неуспех. Пендаровски дозволи Македонија во Вашингтон 4 години да нема воопшто амбасадор и тоа се пропуштени шанси, информации, пропуштена можност за претставување, за размена на безбедносни и класифицирани информации важни и за сигурноста Македонија и НАТО, пропуштена можност за економска и билатерална соработка. Тоа се случи затоа што СДС и ДУИ се надмудруваа кој треба или не треба, односно кој на кого му е најблизок, па откако не успеаја со Фрчковски, се одлучија на втора варијанта на задна врата го испратија во ОН, организација која има седиште на територија на САД и тоа е понижувачки за Македонија - изјави Милошоски.

Милошоски истакна дека идниот претседател професорката Гордана Силјановска Давкова заедно со влада ќе треба да направи брзи консултации за ревизија на дипломатската мрежа и една од првите одлуки треба да биде отповикување на амбасадорот Фрчковски.

The post Претседателот има клучна улога во креирањето одбранбени политики, но изминатите пет години Македонија немаше врховен командант appeared first on Република.

На денешната панел дискусија на тема „Претседател кој се грижи за одбраната и стратешките интереси на државата“ на конвенцијата за избор на кандидат за претседател на Република Македонија од ВМРО-ДПМНЕ, насловена ,,Важно е! Лидерство што носи промени” свое обраќање имаше Игор Јанушев, пратеник и член на ИК на ВМРО-ДПМНЕ кој што истакна дека на Македонија и е потребен претседател со интегритет, лидер кој ќе овозможи промени и напредок, потребно ни е лидерство, потребна ни е храброст и потребен ни е претседател кој ќе работи неуморно за да се изгради подобра иднина за сите.

Во однос на карактеристики и принципи кои треба да ја дефинираат идеалната слика на претседател на државата за ефективно да се заштитат стратешките интереси најпрво треба да се запрашаме што значи да си претседател која е идеалната слика за претседател и кои се стратешките интереси на Македонија. Кога размислуваме за тоа каква е идеалната слика размислуваме и кои се тие вредности кои што пред се треба една личност да ги исполнува за да биде претседател на државата. Во овие изминати пет години ние имавме претседател чија што функција можеме да кажеме дека беше чисто протоколарна. Тој беше таму за да биде само таму или можеме да кажеме дека имавме претседател на државата бидејќи само преку устав беше предвидено одредена личност да биде носител на таа функција. Бевме сведоци дека станува збор на човек кој што имаме целосно отсуство и на интегритет и на било какви вистински вредности. Ова го велам затоа што нашето ткиво нашата држава нашите институции буквално се распаѓаат. Во раководството на државата моментално го имаме Пендаровски и од друга страна двоецот СДС и ДУИ, Ковачевски и Ахмети тоа не се луѓе кои што ги имаат вредностите кои што сите ние и нашите граѓани ги посакуваме. Го немаат интегритетот и лидерството за да ја водат државата. Се што е антипод на ова што досега го кажав е идеалната слика за претседател на државата - нагласи Јанушев.

Јанушев посочи дека на Македонија и е потребен претседател со интегритет, лидер кој ќе овозможи промени и напредок, потребно ни е лидерство, потребна ни е храброст и потребен ни е претседател кој ќе работи неуморно за да се изгради подобра иднина за сите.

Нам ни треба личност, претседател кој што поседува интегритет и вистинска посветеност да работи на благосостојбата на сите граѓани во Македонија. Потребен ни е лидер, потребен ни е човек со харизма кој што ќе работи на општото добро и кој што ќе работи на тоа да ја сузбиеме поделеноста во државата. Нам ни треба претседател на народот а не претседател на елитите. Нас ни треба претседател кој што ќе се бори за општото добро, претседател кој што ќе има храброст да носи тешки одлики да биде претседател борец за правда и одговорност подеднакво за сите. Претседател кој бескомпромисно ќе ја штити посебноста на Македонија и македонците насекаде низ светот. Ни треба претседател кој што ќе работи на исполнување на стратешките интереси на државата. Тоа значи дека ќе ги превземе сите потребни чекори, сите потребни активности за целосна интеграција во интегративниот процес на пристап кон ЕУ но притоа да ја штити посебноста и уникатноста на македонскиот народ и држава. Идеалната слика не е само да имаме претседател кој што ќе биде политичка фигура туку претседател со интегритет, лидер кој ќе овозможи промени и напредок, потребно ни е лидерство, потребна ни е храброст и потребен ни е претседател кој ќе работи неуморно за да се изгради подобра иднина за сите -истакна Јанушев.

На панел дискусијата се обрати и пратеничката и член на ИК на ВМРО-ДПМНЕ Дафина Стојаноска. Таа посочи дека традицијата од владеењето на Стево Пендаровски никако не смее да е продолжена од идниот претседател на Република Македонија.

Традиција значи и да се наследи нешто што било добро. Во конкретниов случај бидејќи зборуваме за денешната конвенција на која треба да го избереме нашиот кандидат за иден претседател на Република Македонија јас сметам дека кандидатот единствено што треба да направи е да не ги продолжи традициите односно практиките на актуелниот претседател на Република Македонија бидејќи за жал изминатите 5 години сметам дека Македонија имаше претседател мумија, претседател кој воопшто не реагираше кога на народот тоа му беше потребно - истакна пратеничката и член на ИК на ВМРО-ДПМНЕ Дафина Стојаноска на денешната панел дискусија „Претседател кој се грижи за одбраната и стратешките интереси“.

Таа продолжи и додаде дека владеењето на Стево Пендаровски треба да е запаметено по пет годишно лошо владеење со државата.

Имавме претседател кој ветуваше дека поедини законски решенија кои прошле низ парламентот нема да ги потпише, претседател кој се огради од тоа дека Гоце Делчев е Македонец, претседател кој велеше дека поим немал од содржината на францускиот протокол за да после многу кус период сведочи дека учествувал во неговото креирање. Затоа велам дека традицијата на владеењето на Стево Пендаровски со оваа држава никако не смее да се продолжи. Едноставно треба да биде запаметена како пет годишно лошо владеење со државата која никако не смее да стане наша традиција и пракса на идниот претседател на Република Македонија - кажа Стојаноска.

Таа продолжи и додаде дека во традицијата на Стево Пендаровски имало апсења на уставобранители и предавства.

Традицијата на владеењето на Стево Пендаровски како претседател на Република Македонија треба само да ја запаметиме како лошо владеење и ништо повеќе бидејќи нивната традиција значеше да ги продолжат апсењата на уставобранители, членови на семејството Ченто да бидат во денешно време во затвор, да се случуваат предавства на сопствениот народ, затворања на македонски фирми и гиганти. Затоа сето тоа не смееме да го повториме - кажа Стојаноска.

The post На Македонија потребен и е претседател со интегритет, лидер кој ќе овозможи промени, напредок и кој неуморно ќе работи за да се изгради подобра иднина за сите appeared first on Република.

На денешната панел дискусија на тема „Претседател на народот, заштитник на сувереноста, Уставот и законите“ зборуваше Александар Климовски, универзитетски професор каде истакна дека една од должностите на претседателот на државата е принципот на владеење на правото и дека идниот претседател треба да изнајде најдобри решенија и да носи најдобри одлуки во развојот на општеството.

Принципот на владеење на правото секако е една од должностите на претседателот на државата, но за да дојдеме до тоа како тој треба да го остварува овој принцип потребно е претходно да ја скицираме профилната слика на еден вистински претседател. Политичката теорија препознава две компоненти на тоа како еден претседател треба да изгледа, тоа се: правно-политичката компонента и личната односно морално-интегративна компонента. Политичката компонента токму го подразбира почитувањето на принципот е на владеењето на правото и особено заштита на уставниот поредок. Додека моралната односно личната компонента на еден профил на еден претседател подразбира оној збир на основни човекови вредности, а тоа е морал, доследност и конзистентност во носењето на одлуките во развојот на општеството. Од тие причини идниот претседател треба да биде стожер на различни ставови, различни мислења кои доаѓаат и од различни поединци, групи да можат тие да бидат спротивставени, но тој треба да има доволно капацитет носејќи ги овие компоненти во себе да може истите да ги синтетизира истите спортивставени ставови, да ги помири и да изнајде најдобри решенија и да носи најдобри одлуки во развојот на општеството - рече Климовски.

Професорот Климовски во текот на своето обраќање се осврна и на моменталниот претседател на државата, Стево Пендаровски кој заедно со власта го поттикнуваше принципот на невладеење на правото кој што го голема мера и владата го практикуваше во овие 7 години.

Ние имаме моментално еден претседател кој што е дел од таа извршна власт заедно со владата кој што го промовираше и го поттикнуваше практично принципот на невладеење на правото кој што во голема мера владата го практикуваше во овие 7 години. Платформа на непочитување на тој принцип на владеење на правото беше една штетна замена за тези што значи мултиетничко општество бидејќи тие дојдоа со паролата „едно општество за сите“, тоа значеше едно општество за сите. Меѓутоа никаде во современите парламентарни демократи постои мултиетничко општество, а не мултиетничка држава. Но тие користејќи го терминот мултиетничко општество практично ја создадоа мултиетничката држава, а мултиетничката држава доведе до тоа да ние имаме владеење на малцинството врз мнозинскиот народ во Македонија. Како алатка ја воведоа злоупотребата на правилата на европското знаменце. Тука мислам дека е најголемото кршење на владеење на правото - кажа тој.

На панел дискусијата се осврна и професорката Тања Каракамишева каде потенцираше дека многу малку знаат дека претседателот може да биде стожер на републиката, олицетворение, да биде лидерот, водачот по кој што ќе биде препознатлива државата.

Ние денеска зборуваме за претседателот на република, многумина од нас можеби ги знаат уставните надлежности, но не можат да ја видат пошироката слика. Она што е набројано во уставот и законите е јасната нормативна рамка, во која рамка треба да се движи претседателот и неговите извршувања на неговите надлежности. Но морам да забележам дека нормативната рамка е едната страна медалјата, онаа друга страна на медалјата за која што многу малку зборуваме е прашањето како сите тие нормативни надлежности се реализираат во пракса. Многу малку знаат и граѓаните и политичарите дека претседателот без разлика што можеби согласно уставот нема некои големи надлежности и често пати се споредува со британска кралица или британски крал и многу малку знаат дека и те како може да биде стожер на републиката, да биде олицетворение, да биде лидерот, водачот по кој што ќе биде препознатлива државата, но и граѓаните ќе се чувствуваат дека околу претседателот практично може да се соберат сите граѓани и да бидат водени од претседателот и да имаат визија за тоа каде е нивното место во рамки на меѓународната заедница но и на домашен терен - вели Каракамишева.

Професорката Каракамишева во текот на своето обраќање посочи дека во последните години претседателот на републиката многу малку се интегрира околу интегрирање и симбиотично делување во рамките на нацијата.

Она кое можат да го забележат е дека во последниве децении е дека претседателот на републиката многу малку се интегрира околу интегрирање и симбиотично делување во рамките на нацијата. Ние немаме никакви обиди од страна на претседателот да се направи некаква мрежа интелектуална, образовна но и секаква друга мрежа прво внатре на поединци кои ќе делуваат внатре во рамките на системот и преку таа мрежа да бидат претставени нашите интереси надвор - додаде таа.

The post Главна должност на претседателот на државата е почитување на принципот на владеење на правото, да го избереме најдоброто решение за развој на општeство appeared first on Република.

Пратеникот Миле Лефков на денешната панел дискусија организирана од ВМРО-ДПМНЕ на тема „Претседател на народот, заштитник на сувереноста, Уставот и законите“ истакна дека важно е да се избере претседател кој има способност, квалитет, искуство и визија.

Што е важно за претседателот? Важно е да има одредени способности, да имам одредени квалитети, да има знаење, да има искуство, да има визија. Меѓутоа уште еден аспект кој што е многу важен, а тоа е неутралноста и независноста - потенцираше Лефков.

Тој се осврна и на владеењето на Пендаровски изминатите 5 години како претседател на Македонија, посочувајќи дека изминатите 5 години Македонија за жал има претседател кој е верен партиски слуга на владата на СДС, кој се согласувал со секакво кршење на законите

Ќе ве потсетам дека имаме кандидат за претседател кој што во својата кандидатура излезе и без срам кажа дека ист потполно ист 102 проценти како Зоран Заев. И тоа не заврши овде. Затоа што ако немате независен и неутрален претседател, претставник на претседателската власт кој што има широки ингеренции, многу лесно тој може да се обои со партиските бои и да биде партиски полтрон, да биде партиски слуга и да се согласува со секакво кршење на законите, како што ние го гледаме за жал изминатите 5 години од владеењето на Стево Пендаровски, истакна тој и додаде:

Видовме дека тој е подготвен да се слика со секакви нарко босови само да дојде до одредени коалициони гласови. Таков претседател верувајте ни не ни треба. За какви способности да разговараме за човек кој го видовме како без срам пред лидерите Балканот на Бојко му вели љубави.

Лефков исто така потенцираше дека Стево Пендаровски покажа дека е обоен со партиски бои со тоа што ниту еднаш не реагираше за носењето закони во Собранието преку злоупотреба на европското знаме.

Стево за жал покажа како е да си обоен со партиски бои. Зошто? Со нула реакции за донесување закони со европско знаменце, а ќе ве потсетам сите дека самата процедура за донесување закони со европско знаме значи скратена постапка во Собранието без дебата без дискусија затоа што тоа треба да преставува еден формален процес на усогласување со закони коишто веќе се донесени во ЕУ. Тој јавно призна дека законите за Бехтел и Енка, тој еден сет закони немаат никаква врска. Замислете објаснувањето коешто дојде во Собранието е затоа што биле дел од европски коридор и по таа логика треба да се укинат сите матични комисии, заклучи Лефков и додаде:

Додека другите претседатели се борат и го продолжуваат вековниот стремеж и борбата на еден народ за независна држава и покажуваат она што се нарекува безусловна љубов кон државата тој ќе каже: „Јас ако не бев претседател ќе се иселам.

Пратеничката Иванка Василевска пак истакна дека борбата со негативната селекција и клиентелизмот во политиката може да доведе до тоа да се избираат вистински личности на вистински позиции.

Денеска сме ставени пред предизвикот на кој пат сакаме да тргнеме и кои се нашите цели. Секогаш користам прилика да дадам една порака, а тоа е дека ние мора да се бориме со два клучни проблеми во македонското општество, а тие доколку се обидеме да ги сузбиеме или барем да ги намалиме чекор по чекор ќе успееме да се доведеме до степен да одлучуваме и да одбираме онакви претставници коишто одговараат на нивото на свест којшто ние ја поседуваме, зборувам за негативната селекција и за тоа, не треба да кажам име и презиме, можеме сите да забележиме за тоа клиентелистички се поставуваат одредени ликови и како тие и на високи државни позиции, не само што ги изневеруваат нашите очекувања туку се изневеруваат и себе си и со текот на времето нивната фрустрација на несвесно ниво се пренесува и на целото општество, но и на сликата која што ја даваат пред меѓународната заедница - потенцираше Василевска.

Таа исто така додаде и дека однесувањето на актуелниот претседател во зачувувањето на македонските национални белези е разочарувачко.

Разочарувачки е однесувањето на актуелниот претседател на државата, како и на целиот државен врв во однос на зачувување на македонските национални белези. Разочарувачки е и односот на интелектуалната фела којашто клиентелистички се постави да биде тивка и молчелива, па дури и субверзивна само за да го заштити сопствениот личносен моментум. Разликата помеѓу елитата и помеѓу граѓаните е само во тој детал во којшто таа може да го искаже гласно своето мислење - заклучи Василевска.

The post Важно е да избереме претседател кој ќе биде претставник на народот, порачаа од дискусијата на ВМРО-ДПМНЕ appeared first on Република.

Националната алијанса за ретки болести на Македонија (НАРБМ) со панел дискусија ќе го одбележи 29 Февраури, Светскиот ден на ретки болести на 29 февруари. Панелот ќе се одржи во во просториите на Граѓански ресурсен центар (ГРЦ) во 10 часот.

Ќе се дискутира за моменталната состојба на лицата со ретки болести и нивните семејства, како и потребите за системски решенија прку усвојување на Стратегија за ретки болести со акциски план со точно дефинирани области на делување (здравство, труд и социјала и образование) како и буџет за спроведување на планираните мерки и активности.

На настанот се поканети да учествуваат претставници на здруженија на пациенти со ретки болести, пациенти и членови на семејства, доктори, членови на Комисијата за ретки болести, претставници од Министерствата за здравство, труд и социјлна политика, образование и наука, Фондот за здравствено осигурување и други засегнати институции. Поздравниот говор ќе го одржи сопругата на претседателот Стево Пендаровски, Елизабета Ѓоргиевска.

The post Со панел дискусија ќе се одбележи Денот на ретки болести 2024 appeared first on Република.

Утревечер во Кино Манаки, КИЦ Битола, почеток во 18.30 ч. во организација на Независната музичка сцена во Битола, ќе се оддржи прва панел дискусија за состојбите со независната музичка сцена во градот Битола, насловена како „Шо напрајвме, шо треба да напрајме“.

Целта на оваа активност која е дел од мини проектот „Зајакнување на независната музичка сцена во Битола“, поддржана од европската мрежа на балкански фетсивали MOST, финансирана од Creative Europe, е отворање јавна дебата и размена на мислења и идеи, за зајакнување на локалната независна музичка сцена, оддржлив развој, партнерство со локалната самоуправа и понатамошно креирање заедница која ќе се поддржува меѓусебно и ќе создаде овозможувачка околина за младите музичари, букери, продуценти итн...

На настанот се поканети музичари, продуценти, букери, промотори, претставници од Општина Битола.

The post Независната музичка сцена во Битола ќе одржи панел дискусија во кино „Манаки“ appeared first on Република.

По повод 5 Мај, Денот на македонскиот јазик, утре (5 мај) во Националната опера и балет во 12:00 часот, во организација на Министерството за култура, ќе се одржи панел-дискусија во насока на афирмацијата на македонскиот јазик и неговото кирилско писмо.

На дебатата, покрај министерката за култура Бисера Костадиновска-Стојчевска, ќе учествуваат и: заменик-претседателот на Владата за европски прашања, Бојан Маричиќ; министерот за образование и наука Јетон Шаќири; амбасадорот на Европската Унија во нашата држава, Дејвид Гир; како и Елена Јованова-Грујовска од Институтот за македонски јазик „Крсте Мисирков“, Наташа Аврамоска од Институтот за македонска литература, Људмил Спасов од Советот за македонски јазик и Весна Мојсова-Чепишевска од Семинарот за македонски јазик, литература и култура.

На панел-дискусијата, што ќе ја води Ана Јовковска, ќе се разговара на повеќе теми поврзани со заштитата и афирмацијата на јазикот, за Предлог-законот за употребата на македонскиот јазик кој ја помина владината процедура, за дигитализацијата на досиејата на Институтот за македонски јазик, за опстојувањето на македонскиот јазик до неговото стандардизирање во 1945 година, за јазикот низ новите медиуми и друго.

Во чест на одбележувањето на 5 Мај, денот кога Народната влада на Федерална Македонија ја усвои македонската азбука како официјално писмо на македонскиот јазик, утре ќе се одржат и неколку културни настани, меѓу кои и: проекција на филмот „Јанѕа“, концерт на Музичката младина на Македонија, како и концерт на составот „Црно собрание“.

Оваа година одбележувањето на Денот на македонскиот јазик е под слоганот „Пишувај на кирилица!“, со акцент на употребата на кирилското писмо во секојдневната електронска комуникација, особено преку мобилните уреди.

The post Панел-дискусија по повод 5 Мај, Денот на македонскиот јазик appeared first on Република.

На денешната трибина која се одржа во Палата др. Христо Татарчев на тема „Катастрофална меѓународна промоција на Македонија“, свое обраќање имаше  Филип Нелковски, поранешен шеф на канцеларијата на Инвест Македонија во Виена кој што истакна дека „Инвест Македонија“ бил проект кој што од денешен аспект е еден од најдобрите во последните 15-20 години во Македонија за привлекување инвеститори.

„Инвест Македонија беше проект гледајќи од денешен аспект е проект кој што е најдобар проект во Македонија во изминативе 15-20 години. Тоа се гледа по резултатите тоа се гледа по тоа колку извезуваме сега во одредени држави какви производи извезуваме, каква работна сила сме створиле, и најмногу од се по начинот на кој што компаниите реинвестираат овде. Значи тие имаат договори од по 10 години нив им истекле тие договори и тие одлучуваат да продолжат тука што значи дека нешто добро се направило“, нагласи Нелковски.

Нелковски истакна и дека  главната цел на промоторите од проектот „Инвест Македонија“ била  земјата стане дел од мапата на инвеститорите од светот што до тогаш не било така, за таа цел постоела државна стратегија.

„Ние бевме дел од тој систем како промотори но сите функциониравме заеднички. Имаше стратегија, систем од надвор изгледаше дека имаме привлечни услови за работа. Имавме таргет кој што требаше да ги оствариме, пред се на директен контакт со компании, посета на реномирани компании но најмногу од се работевме на подигање на свеста за Македонија. Почнавме од нула Македонија не беше на мапата на инвеститорите. Ние имавме задача да ја поставиме Македонија на мапата и имавме точно утврдени правила на игра како тоа треба да го направиме. Во 2007 кога почна проектот постоеше ентузијазам, над партиска агенда. Тоа е државен проект“, нагласи Нелковски.

Нелковски додаде и дека како промотори преку директниот контакт со компаниите направиле препознатлив бренд за инвестиции во Македонија.

„Ние имавме направено стратегија, некои земји се поподобни да бидат изложени на кампања за странски директни инвестиции. Такви се Турција, САД, Германија и високо технолошки развиени земји. Ние преку директниот контакт со компаниите направивме препознатлив бренд. Ние сме мала држава и мора да имаме таква агресивна кампања. Во светот постојат преку 150 инвест агенции кои што се многу поагресивни и понапредни од нас.Ние имавме за цел да донесеме компании кои што потенцијално ќе ја стават Македонија како дел од инвестициите. Дел од тие компании и навистина инвестираа во Македонија“, кажа Нелковски.

https://www.youtube.com/watch?v=lnlUldYc1SQ

The post Нелковски: Со проектот „Инвест Македонија“ државата стана дел од мапата на инвеститорите во светот, имавме стратегија за привлекување директни странски инвестиции appeared first on Република.

Јас како генерален конзул во Истанбул упатена бев 2009-та година и моите задачи беа од промовирање на културата, образование до економскиот дел. Ја промовирав Македонија во секоја област, како што и доликува на Македонија така ја преставував, и многу сум среќна и горда што мисијата премногу успешно си ја завршив“, истакна д-р Зерин Абаз, поранешен генерален конзул на Македонија во Истанбул на денешната панел дискусија на тема „Катастрофална меѓународна промоција на Македонија“.

Абаз посочи дека заедно со промоторот ги посетуваше фирмите кои што мислеа да инвестираат во Македонија. Таа компаниите ги запознаваше со инфраструктурата, со географската положба на Македонија. Со добра работа и стратегија се привлекоа многу компании кои што во тој период инвестираа во Македонија, како што е компанијата Џевахир.

Со оваа промоција со оваа „Инвест Македонија“ се покачи бројот на инвестиции кои изнесуваа скоро милијарда евра. Трговската размена изнесуваше околу 800 милиони евра. Значи јас говорам за Турција, бидејќи јас таму бев генерален конзул, појасни таа.

Таа додаде дека за нејзе укинувањето на промоторите беше катастрофална одлука, што никогаш не ја оправдува и нема да ја оправда.

Значи „Инвест Македонија“ донесе многу позитивни резултати во однос на економијата на Македонија, заклучи Абаз.

Абаз укажа дека луѓето кои што беа промотори во 2009-та година беа премногу обучени и подготвени. И кога требаше најмногу да придонесат во делот на економијата тие тогаш беа вратени.

https://www.youtube.com/watch?v=lnlUldYc1SQ

The post Абаз: „Инвест Македонија“ донесе многу позитивни резултати во однос на економијата на Македонија, укинувањето на промотори е катастрофална одлука appeared first on Република.

„Потребна е подобра соработка на универзитетите со нашето стопанството и реформи во образованието со што ќе се отпочне со практична настава на студентите уште во периодот додека студираат. Само така можеме да изградиме млади инженери, кадри кои ќе бидат спремни брзо да се вклучат во процесот на градење професионална инженерска кариера и воедно, да ги задржиме во државата”, беше заклучокот од панел дискусијата „Како до успешна професионална кариера” на која зборуваа поранешни добитници на признанието Инженерски прстен и успешни менаџери на највисоки раководни позиции во компании од земјата, а во организација на Инженерската Институција на Македонија – ИМИ и Комората на овластени архитекти и овластени инженери.

Претседателката на ИМИ, проф. д-р Христина Спасевска ја истакна потребата од постојано вложување во младите инженери и механизми за усовршување и обука на вработените од страна на компаниите во земјава, што ќе послужи како мотивација младите да градат успешни инженерски кариери во нашата држава.

„Значајно е што на овој настан заеднички разговараа поранешните добитници на инженерски прстен кои професионална кариера градат во македонските компании со веќе етаблирани инженери и универзитетски професори. Компаниите треба континуирано да спроведуваат механизми за усовршување и обука на вработените, со цел младите инженери да можат да напредуваат во својата кариера и да бидат конкурентни на пазарот на трудот, што е и предуслов да останат во нашата држава. Дополнително, потребно е зголемување на соработката помеѓу факултетите и компаниите во повеќе насоки преку подготовка на студиски програми кои ќе ги следат барањата на компаниите, одржливи програми за практикантска работа на студентите и нивно вклучување во проектите на компаниите, зголемување на вештините на студентите за тимска работа и стипендирање на студентите и магистранти од страна на компаниите,

Претседателката на Комората на овластени архитекти и овластени инженери, м-р Кристинка Радевски дополни дека креирање подобра иднина за младите инженери коишто допрва го започнуваат процесот на градење професионална инженерска кариера мора да оди паралелно следејќи ги новите технологии во ек на дигитализација.

„Имаме многу предизвици коишто треба да ги решаваме заедно, пред се преку споделување искуства и вмрежување со цел отворање на нови, подобри перспективи за младите инженери. Ние како Комора сме отворени за поддршка и насочување на младите, особено во процесот на дигиталната трансформација кон која се позабрзано стремиме како општество”, вели Радевски.

Успешни менаџери коишто денес се на највисоките раководни позиции на големи компании во земјата, учествуваа на панел дискусијата и преку личен пример со младите добитници на инженерски прстен ги споделија и своите искуства во текот на градење професионална инженерска кариера и што е она што било најтешко или пресудно во процесот на отпочнување успешна кариера. Добитниците на инженерски прстен зборуваат за „Како до успешна професионална кариера” е дел од низата настани со коишто Инженерската Институција на Македонија и Комората на овластени архитекти и овластени инженери го одбележуваат 20-годишниот јубилеј доделување на признанието „Инженерски прстен”.

The post Студентите да имаат пракса уште додека студираат, само така се градат млади инженери, беше кажано на панел дискусијата посветена на кариерата appeared first on Република.