Потпретседателката на Соединетите Американски Држави, Камала Харис, упати досега најжестоки критики за политиката на Израел кон Палестинците.

Харис нагласи дека „она што се случува секој ден во Газа е поразително“.

- Видовме извештаи за семејства кои јадат лисја и сточна храна. Жени кои раѓаат неухранети бебиња со мала или никаква медицинска нега. Деца кои умираат од неухранетост и дехидрација, изјави Харис синоќа, еден ден пред планираната средба со израелскиот министер за одбрана Бени Ганц.

Американската потпретседателка истакна дека се убиени премногу невини Палестинци, а оние што преживеале гладуваат.

- Пред само неколку дена, видовме гладни, очајни луѓе како се приближуваат до камиони со хуманитарна помош, едноставно обидувајќи се да обезбедат храна за своите семејства откако неколку недели речиси и да не стаса помош до северниот дел на Газа. Тие наидоа на пукотници и хаос. Условите се нехумани. Нашата заедничка хуманост не принудува да дејствуваме. Како што рече во петокот претседателот Џо Бајден, САД се посветени на итно добивање на поголема помош за спасување на невините Палестинци на кои им е потребна, рече Харис.

Таа додаде дека Соединетите Американски Држави ќе продолжат да доставуваат хуманитарна помош за Палестинците, испуштајќи ја од авиони.

Зборувајќи за Хамас, Харис рече дека организацијата не покажува почит кон невините жртви, вклучувајќи го и народот во Газа.

Таа повика на итен прекин на огнот во Газа, барем за следните шест недели. За тоа време ќе се извлечат заложниците и ќе се достави значителна количина на помош. Хамас тврди дека сака прекин на огнот - добро, договор е на маса. Како што рековме, Хамас треба да се согласи со тој договор, потенцира Харис.

Ајде да постигнеме прекин на огнот. Да ги обединиме заложниците со нивните семејства. И да обезбедиме итна помош за луѓето во Газа - истакна Камала Харис

The post Палестинците јадат лисја и сточна храна, тврди американската потпретседателка appeared first on Република.

Една 70-годишна жена е убиена, а најмалку 17 лица, меѓу кои и неколку деца, се повредени во Ранана, во централниот дел на Израел, недалеку од Тел Авив, кога осомничен палестински напаѓач нападнал неколку лица со нож и со своето возило влетал во минувачи на три одделни локации, соопштија израелските служби за итни случаи.

Петмина од повредените се во тешка состојба, јавија израелските медиуми.

Полицијата ги истражува околностите на нападот, но портпаролот Ели Леви веднаш изјави дека нападот „изгледа како терористички“.

Како што се испоставило малку подоцна, напаѓачот избодел возач и му го украл возилото, а потоа намерно удрил во три лица.

Потоа излегол од тоа возило, украл друго и продолжил да вози и удрил во друга група луѓе.

Засега не е јасно дали прободувањето и обидите за прегазување на луѓето се поврзани.

The post Тел Авив: Палестинец уби жена и повреди повеќе од 17 лица appeared first on Република.

Израелската полиција застрела палестински тинејџер осомничен за напад со нож во Ерусалим, а палестинските власти соопштија дека ранетиот е во критична состојба.

Според полицијата, Палестинецот тешко ранил Израелец, а потоа побегнал во населба во источен Ерусалим.

Полицајците го идентификувале и пукале во него кога се свртел кон еден од нив држејќи, како што се наведува, некој „предмет“ во рацете, но не е соопштено како е утврдено дека се работи за напаѓачот, што всушност држел и колку далеку бил од полицаецот.

Oфицијалната палестинска новинска агенција Вафа јави дека осомничениот напаѓач имал 16 години.

Ова е последниот инцидент во бранот насилства во Источен Ерусалим и окупираниот Западен Брег.

The post 16-годишен Палестинец прободел Израелец па бил застрелан од полицијата appeared first on Република.

Млад Палестинец загинал во напад на израелската армија во Џенин, на северот од окупираниот Западен Брег, соопштија палестински извори.

Палестинското Министерство за здравство соопшти дека загинал Рафик Ријад Ганем од Џенин.

Новинската агенција Вафа објави дека убиениот Ганем имал 20 години.

The post Дваесетгодишен Палестинец загинал во напад на израелската војска во Западниот Брег appeared first on Република.