Словенечкиот Национален институт за јавно здравје доби пратка од 10 кутии од антиковид лекот „паксловид“ (paxlovid) на „Фајзер“. На овој начин се нарачани од 5.000 до 10.000 терапевтски дози, соопшти Институтот.

Лекот е наменет за превенција од болничко лекување, главно за лица над 60-годишна возраст и пациенти со опасност од потежок тек на Ковид-19 заболувањето - велат лекарите.

Во истовреме, некои пациенти може да не можат да го примат лекот бидејќи тоа може да не е компатибилно со земање некои други лекови.

Според искуствата од земјите каде што е применета терапија со „паксловид“, тој за 80 отсто ги намалува болничките случаи на Ковид-19. Лекот е комбинација од два антивирусни лека. Во споредба со „ремдесивир“, којшто пациентот го прима во инфузија, ова е во облик на таблети.

The post Словенија нарача 5.000 до 10.000 дози од лекот за превенција од тешки случаи на Ковид appeared first on Република.

Министерот за здравство, Беким Сали во вечерашното интервју на телевизија Канал 5 прво рече дека Македонија веќе е во преговори за набавка на лекот за Ковид „Паксловид“, но потоа прецизираше дека Министерството изразило иницијален интерес за пристапување во преговори за набавка.

„Веќе сме во преговори со производителот Фајзер за набавка на лекот Паксловид. Меѓутоа тоа е процес. Се додека ние чекаме да ни дојдат апчиња, истиот состав е во форма на вакцина. Исто ќе штити и вакцината и апчето. Не ми е јасно зошто не вакцина, а да апче. Не гледам некоја разлика. Ние изразивме иницијален интерес дека сакаме да пристапиме во преговори за набавка“, рече Сали.

Министерот додаде дека се уште не се знае кога лекот би пристигнал во земјава.

„Имаме вакцина и не треба да чекаме“, објаснува Сали.

The post Министерството за здравство преговара за набавка на лекот на Фајзер „Паксловид“ appeared first on Република.