Османи денеска не го направи клучното барање, а  тоа е да ги сподели со нас документите кои во декември минатата година кои МНР ги има испратено како официјални одговори во Софија во однос на пакетот 5+1. Бидејќи пратениците се тие кои бираат министри, министрите треба да доаѓаат во Собрание да покажат демократска култура и да ги споделат документите со нас како народни избраници, изјави за „Тема на денот“ во дневникот на Сител, пратеникот од ВМРО-ДПМНЕ, Антонијо Милошоски.

Милошоски вели дека ако се работи за нацрт документ, тогаш пратениците може да дадат сугестии како да се доработи и подобри и да биде во согласност со изгласаната Резолуција, но штом го кријат постои сомнеж дека е надвор од Резолуцијата.

Со тоа што Османи потврди дека има таков документ испратен во Софија, а не сака да го сподели, значи дека некој има потреба да крие, а денеска го зголеми сомнежот дека во задкулисните разговори содржат нешто кое излегува надвор од Резолуцијата.  Изразуваме загриженост да не бидеме доведени пред свршен чин да имаме документ кој е земи или остави, во кој не може да се интервенира, рече Милошоски.

Тој потсети и на изјавата на Пендаровски кој суптилно во едно интервју на национална телевизија напомена, дека можеби дека некој договор ќе помине со просто мнозинство , знаејќи дека власта нема двотретинско.

Во врска со прашањето за Бугарите во македонскиот Устав, тој рече дека она што го прават Бујар Османи и Ковачевски е надвор од Резолуцијата.

Резолуцијата која ја донесовме во Собрание, треба да се разговара рамноправно на основа и да има реципроцитет. Не може Македонија 30 години секогаш нешто да отстапува да прави концесии, да попушта и на крај ништо да нема за возврат, изјави  Милошоски.

Милошоски вели дека не треба така лекомислено да се даваат било какви ветувања и да се преземаат обврски за дополнително менување на Уставот.

Што би добиле ние со тоа, дали ќе станеме членка на ЕУ, дали ќе ги признаат Македонците во соседните држави? ВМРО-ДПМНЕ смета дека такви обврски не треба да се преземаат, Уставот беше отворан без да донесе подобрување во реалниот живот и затоа не треба повторно да се отвора и да се додаваат било какви други заедници, народи или што и да е, рече Милошоски.

The post Милошоски: Власта преговара надвор од Резолуцијата во Собрание и затоа го кријат документот што го испратиле во Бугарија appeared first on Република.

Тензично и мачно беше на денешната комисија за надворешна политика. Најмалку се говореше за тоа тоа што требаше, а тоа е македонскиот одговор на т.н сет на барања на Бугарија наречен 5+1.

Од Османи денеска не слушнавме ништо што има во одговорите туку дека веќе не се  5+1 туку 4+1 бидејќи едното било прашањето за упортребата на краткото име „Ceверна Македонија“.

И за ова прашање професорката Гордана Силјановска имаше забелешки и предупреди дека тоа може да е замка.

Краткото име нешто друго асоцира. Ако во минатото речете Република Македонија, или државата Македонија тоа е референца специфика во однос на Македонија генералис, историја географија, етнографија сега не е така. Зошто кога ќе ја кажете државата со новото име тоа е територија која нема однапред одредница. Значи ако имаше во науката и меѓународните односи се споредуваат исти ентитети, не се споредува држава со географски територии, вели Силјановска Давкова.

За останатите прашања Османи не даде одоговор со изговор дека тоа се драфт документи за кои се преговара. Вети, дека кога ќе има нешто конкретно пак ќе дојде во Собрание.

Еден од највечатливите говори имаше пратеничката Благица Ласковска кој го праша Османи со кое право тој преговара за неа како Македонка и оти граѓаните со право се исплашени и не му веруваат.

Османи немаше одоговор и на прашањето на Ласковска да го искоментира текстот на „Дојче Веле“ кој пишува дека премиерите Петков и Ковачевски веќе договориле Бугарите да влезат во македонскиот устав.

Тој цело време нервозно мрдаше со нозете и вретеше на мобилниот телефон и чекајќи претседателот Милошоски да објави крај на комисијата.

The post Османи не одговори дали веќе е договорено Бугарите да влезат во Уставот appeared first on Република.

Пратеничката Лашкоска го запраша Османи зошто нема интеракција како што најави на почетокот на комисијата дека ќе одговара на сите прашања на пратениците.

https://republika.mk/vesti/makedonija/osmani-dojde-vo-sobranie-no-ne-kaza-ni-zbor-za-paketot-5-1/

Досега Османи само еднаш излезе на реплика по говорот на претседателот на комисијата Милошоски кога дека за Бугарија е спорен македонскиот јазик во преговарачката рамка, но оти за тоа не преговараат. Останатите членови на комисијата реагираа зошто Османи не ја открива содржината на одговорите од пакетот 5+1.

https://republika.mk/vesti/makedonija/pratenicite-go-prashaa-osmani-da-dojdeme-kaj-vas-poedinechno-ili-grupno/

The post Лашоска кон Османи: Нели ќе имавме интеракција?! appeared first on Република.

Пратениците од ВМРО-ДПМНЕ го запрашаа шефот на дипломатијата Бујар Османи дали кај него во кабинет да дојдат поединечно или групно. Ова следува откако Османи ги повика пратениците кои сакаат да ја видат содржината на пакетот 5 +1 да дојдат во МНР.

https://republika.mk/vesti/makedonija/osmani-prizna-se-spori-jazikot-vo-pregovarachkata-ramka-no-ne-pregovarame-neka-dojdat-pratenici-kaj-mene-vo-kabinet-kje-im-objasnam/

Пратеничката Ане Лашкоска беше најдиректна кон Османи.

Ова е понижувачки однос кон пратениците. Вие го прескокнувате најважниот филтер, а тоа е Собранието - му реплицираше пратеничката.

The post Пратениците го прашаа Османи: Да дојдеме кај вас поединечно или групно? appeared first on Република.

Министерот за надворешни работи Бујар Османи на денешната комисија за надворешни работи говореше за спорот со Бугарија. Но, наместо како што се очекуваше тој да даде одговор за т.н 5 + 1 прашања тој говореше воопштено и без конкретни одговори.

Османи се пофали дека елиминирале едно прашање, а тоа е употребата на краткото име. Османи уверуваше дека не се преговара за јазикот и идентитетот бидејќи правото на самоопределување е неприкосновено .

Не преговараме за јазикот и идентитетот. Тоа е право на самоопределување, убедуваше Османи.

За самиот пакет 5+1 Османи вели дека разговорите се во фаза на идеи и не може да коментира се додека нема нешто конкретно.

The post Османи дојде во Собрание, но не кажа ни збор за пакетот 5+1 appeared first on Република.