Пајак-службата со полни раце работа во Аеродром. Општината апелира несовесните граѓани да покажат граѓанска совест и да запомнат дека мстото на автомобилите им е на паркиралиштата, ане на зелените површини и на патеките наменети за пешаците.

🚗 Општина Аеродром продолжува со активностите за отстранување на возилата што се паркирани несоодветно и спротивно на Законот за јавна чистота и Законот за урбано зеленило.
🚨 Инспекциските служби на Општина Аеродром секојдневно се на терен и интервенираат секаде каде што е потребно, а несовесните возачи добиваат парични казни и се соодветно санкционирани.
❗️ Несоодветно паркираните возила на плочниците меѓу зградите, на тревниците и на другите јавни површини го оневозможуваат непреченото движење и претсавуваат опасност за пешаците и велосипедистите, а се предизвикуваат и материјални штети, кои сите ние ги плаќаме. Оттука апелираме на почитување на пропишаните правила и закони со што ќе ја зачуваме нашата средина, како и безбедноста на секој граѓанин.

The post Приберете си ги мерцедесите од патеките и зелените површини! appeared first on Република.

Од 1 октомври, за 1.000 денари ќе поскапи казната на пајак-службата на ЈП „Паркинзи Општина Центар“ (ПОЦ). Наместо 2.500 денари, ако за погрешно паркирање интервенира пајак-службата казната сега ќе биде 3.500. Одлуката за поскапувањето ПОЦ ја оправдува што цената е иста 10 години и дека во изминатиот период драстично поскапеле нафтените деривати.

Нови цени има и за зонските паркиралишта со тоа што е направена промена на зоните. Со тоа, паркирањето во Буњаковец сега се зголемува од 60 на 70 денари за час.

The post Поскапува пајак службата, сега ќе чини 3500 денари! appeared first on Република.

ЈП Паркинзи на Општина Центар и Општина Центар во соработка со Сообраќајната полиција – Скопје санкционираа 211 непрописно паркирани возила кои го попречувале нормалното и безбедно одвивање на сообраќајот.

Во периодот од 15-ти до 21 август со помош на специјалните возила „Пајак“ на ЈП ПОЦ отстранети се 100 непрописно паркирани возила, а со поставување на механичко средство „Блокатор“ санкционирани се 111 возила кои биле затекнати во резидентни зони, а не биле корисници-резиденти на секторот во којшто биле паркирани, информираат од ЈП ПОЦ.

За трајно решение на сообраќајниот метеж и проблемот со неправилното паркирање неопходна е поголема сообраќајна култура, велат од ЈП ПОЦ и најавуваат дека заедно со СВР Скопје во наредниот период ќе продолжат со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот.

The post Пајакот неделава собираше низ Центар, санкции за 211 возачи appeared first on Република.

На денешната седница на Советот на Град Скопје една од точките на дневен ред беше и Предлог одлука за давање согласност за усвојување на годишната сметка на ЈП Градски паркинг – Скопје за 2021 година. Во делот на расправата во своето обраќање советникот Галевски, потенцирајќи ги аферите на претходното раководство на претпријатието, како што се злоупотреба со платежни картички, превработување на партиска основа и слично, укажа на тоа дека видно се намалени приходите од Сектор Пајак, при што побара одговор од актуелниот директор Бојан Христовски за ова. Галевски додаде дека причината за ова е политичка опструкција од страна на Министерството за внатрешни работи (МВР).

Директорот Христовски од говорницата потенцираше дека, во изминатиов период неколку пати реагира за овој проблем, а освен тоа се одржуваат комуникации и средби со МВР за надминување, тој уште не е решен и опструкциите и понатаму траат.

Морам да истакнам дека правиме обиди и напори за подобрување или воопшто воспоставување на соработка со МВР, со цел на дневно ниво да се отстрануваат непрописно паркираните возила од коловозите, коишто ја загрозуваат безбедноста во сообраќајот во Скопје. Сега за сега немаме никакви реакции, сè уште се подигнуваат многу мал број возила од тротоарите, пешачките зони, места кадешто може да поминуваат лица со посебни потребни и слично, одговори Христовски.

Освен ова, тој истакна дека постојано се контактираат министерот Оливер Спасовски како и другите одговорни функционери за овој проблем, меѓутоа нема никаков фидбек, па поради ова логично е тоа што го рече советникот дека е политичка опструкција.

Еднаш или два пати неделно писмено се обраќаме до министерот за внатрешни работи Оливер Спасовски, до директорот за јавна безбедност Сашо Тасевски и началникот на СВР Скопје Тони Јакимовски, на коишто постојано им укажуваме на реакциите кои секојдневно пристигнуваат до нашето претпријатие од трети лица, граѓани или правни субјекти коишто се жалат на непостапувањето од страна на МВР, односно пријавуваат на бројот 192 каде што ги известуваат за непрописно паркираните возила, чиешто постапување за отстранување е во ингеренции на МВР, но од страна на министерството нема реакција. Ние ќе продолжиме со нашите барања, како и јавно и институционално да ги повикуваме да си ја вршат својата работа, нагласи Христовски.

The post ЈП ГП жртва на политички опструкции од МВР: Двапати неделно му пишуваме на Спасовски appeared first on Република.

Во текот на изминатата недела (03.03 – 09.03.2022 година) со специјалните возила пајак се отстранети вкупно 64 возила од јавните површини. Непрописно паркираните возила се отстранети по налог на сообраќајната полиција по основ на сторени прекршоци за паркирање на коловоз, велосипедска патека, пешачки премин, тротоар, зелена површина, спротивно на сообраќајните знаци, како и по повик од трето лице.

Јавното претпријатие „Градски паркинг“ апелира до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта. Апелираме сите корисници на услугите за паркирање, навреме да го регулираат плаќањето за паркинг-услугата. Плаќањето за паркинг услугата може да се изврши преку СМС порака или со греб картичка.

The post Пајакот однел 64 возила парирани на улица, на тротоар или пешачки премин appeared first on Република.