Со низа активности денеска по вторпат беше одбележан Светскиот ден на дијабетесот – 14 Ноември. Во организација на Сојузот на здруженија на дијабетичари на Македонија (СЗДСМ) беше промовирана книгата „Да се храниме и готвиме здраво“ од Везире Старова, каде свои обраќања имаа претседателот на Сојузот на здруженија на дијабетичари Димче Велев и заменик министерот за здравство Јовица Андовски.

Како што беше посочено на настанот, дијабетесот во земјава е во подем и има околу 130 илјади пациенти со дијагностициран дијабетес, како и уште половина од оваа бројка лица кои што не се дијагностицирани. Под мотото „Благостојбата кај лицата со дијабетес“ беше испратена порака за превенирање на компликациите на пациентите, да се обрне внимание на примарната заштита, како и навремено да се поставуваат дијагнозите на пациентите за отпочнување со терапија.

Претседателот на СЗДСМ, Велев, посочи дека е потребна достапност на иновативната терапија, како и да се продолжи со инсулинската терапија како досега. Повика на промена на моделот на т.н. референтна цена за граѓаните да можат сами да ги набавуваат потребните лекови во аптека.

Го одбележуваме Светскиот ден на дијабетесот – 14 Ноември, оваа година како финале на сите активности на 25-те здруженија од земјава, да ги слушнеме нивните гласови преку тие активности и да се решат нивните проблеми. Пред се достапност на иновативната терапија, да се продолжи со инсулинската терапија како што е, да се промени моделот на достапност на т.н. референтна цена, кај што граѓанинот, односно пациентот сам ќе си зема од аптека, систем за сите лица со дијабетес тип 1 во Македонија со цел да се намалат компликациите, да се намали нивното отсуство од работа и да се зголеми продуктивноста, со квалитетно менаџирање на тој систем за континуирано мерење на гликемија и секако ќе расте бројот на лица кои носат Т-1 пумпи, посочи Велев.

Нагласи дека кардиоваскуларните заболувања се процентуално најзастапени, потоа ретинопатијата, затоа, додаде, потребно е час поскоро да се стави терапијата за ретинопатијата на позитивната листа.

Кардиоваскуларните заболувања се најбројни, потоа ретинопатијата. Сакаме час поскоро да ја имаме таа терапија, наместо да ја купуваме приватно, која е многу скапа, да биде ставена на позитивна листа и да има за сите пациенти, а не како сега со ограничен пристап, додаде Велев.

Заменик министерот за здравство Андовски, пак, истакна дека Министерството е во преговори со Светската здравствена организација за проширување на превентивните програми.

Министерството за здравство е во длабоки преговори со Светската здравствена организација за проширување на превентивните програми, бидејќи сметам дека треба таму се фокусираме. До крајот на годината ќе излеземе со детали во однос на проширување на програмите, рече Андовски.

Светскиот ден на дијабетесот, денеска на Плоштад Македонија го одбележа и Асоцијацијата за детски дијабет на Македонија – Баланс МК, каде свое обраќање имаше и директорот на Фондот за здравствено осигурување Сашо Клековски. Клековски истакна дека планот на ФЗО за следната година е затворање на разговорите со Синдикатите и матичните лекари, по што ќе може да се утврдат средствата со кои располагаат за лековите на позитивната листа.

Работиме со Министерството за здравство да ги координираме меѓусебните односи, во однос на третманот на дијабетес. Знаете дека дијабетот е програма под Министерството за здравство, но секако дека не го исклучува и Фондот за здравство за својот дел на одговрности. Во основа работиме да видиме како може да ја подобриме комплементарноста во однос на таа програма. Нашиот општ план за следната година е час поскоро да ги затвориме разговорите со синдикатите и матичните лекари и тоа ќе ни овозможи да видиме какви средства ќе имаме на располагање за лекови на позитивната листа, рече Клековски.

The post Пациентите болни од дијабетес бараат сами да ги набавуваат потребните лекови во аптека и достпност на иновативна терапија appeared first on Република.

Двајцата пациенти кај кои беше извршена трансплантација на органи од починат донор се во добра општа состојба.

Овие денови за нив се грижеа медицинските тимови на Клиниките за нефрологија, урологија и КАРИЛ. Интервенциите се успешни, со уреден постоперативен тек и пациентите се веќе пуштени на домашно лекување. Им посакуваме успешно закрепнување, вели проф.д-р Билјана Кузмановска, национален координатор за транплантација.

Благодарение на хуманиот чин, храброста и емпатијата на едно семејство кое одлучи да даде согласност за донирање на органите од свој близок, двајца пациенти со ретка крвна група добија бубрег и ќе продолжат да живеат нормален живот, без потреба од дијализа.

Огромна благодарност за сите медицински тимови и болнички координатори вклучени во трансплантацијата, велат и од Министерството за здравство.

The post Двајцата пациенти кои добија органи од починат дарител се во добра состојба appeared first on Република.

The post Николов: Листите на чекање се горлив проблем за секој пациент appeared first on Република.

Пациенти реагираат дека не можат да дојдат до термин за преглед и интервенција на хируршките клиники, додека владини функционери секој ден се третираат во здравствени установи преку ред и без закажување, реагираат од Комисијата за здравство на ВМРО ДПМНЕ.

Реакциите од пациентите кои пристигнуваат до Комисијата за здравство на ВМРО-ДПМНЕ посебно се однесуваат на неможноста да се обезбеди хируршка интервенција или зафат како и термин за дијагностика за компјутерска томографија и магнетна резонанца, а долго се чека и за читање на резултатите што е клучно за натамошен третман.

И во 2024 година останува проблемот со немање транспарентни листи за интервенции на хируршките клиники, за кои листата на чекање може да биде од неколку месеци, повеќе од година или според реакциите на пациентите воопшто да не стигнат до неопходната интервенција.

Потпишување на формални меморандуми од Меџити без конкретни мерки за транспарентност на листите и нивно намалување не е само по себе доволно, па се поставува прашањето кога Меџити ќе потпише акт со кој на пациентите ќе им овозможи достапност на термини за преглед и интервенција, пред се реализирани на сите хируршки клиники во реално време.

Прашуваме дали досега немало евиденција, врз основа на што се креирале политики овие 7 години и дали воопшто имаат увид здравствените власти во работата на ЈЗУ во земјава, реагираат од Комисијата за здравство на ВМРО ДПМНЕ.

The post Пациенти не можат да дојдат до термин за преглед и операција, а владини функционери се прегледуваат преку ред и без закажување appeared first on Република.

СЗО испрати соопштение по најновите случувања во појасот Газа.

СЗО ги повторува своите повици за итен хуманитарен прекин на огнот и ги потсетува сите страни во конфликтот да ги преземат сите мерки на претпазливост за да ги заштитат цивилите и цивилната инфраструктура. Ова ги вклучува здравствените работници, пациентите, здравствените установи и амбулантите и цивилите кои се засолнуваат во овие установи. Мора да се преземат активни мерки за да се осигура дека тие нема да бидат повредени и да се обезбеди безбеден премин за движење на очајно потребните медицински материјали, гориво, вода и храна во и низ Газа.

Извештаите за бомбардирање во близина на болниците во Индонезија и Ал Шифа се сериозно загрижувачки. СЗО повторува дека е невозможно да се евакуираат пациентите без да се загрозат нивните животи. Болниците низ Газа веќе работат со максимален капацитет поради повредите здобиени во неколкунеделното немилосрдно бомбардирање и не се во можност да го апсорбираат драматичното зголемување на бројот на пациенти, додека засолнуваат илјадници цивили.

Здравствените работници кои останаа покрај своите пациенти се соочуваат со сè помали резерви, без место за ставање нови пациенти и без средства за ублажување на болката на нивните пациенти. Секој час има повеќе ранети. Но, возилата на брзата помош не можат да стигнат до нив во затемнувањето на комуникациите. Полни се мртовечниците. Повеќе од половина од загинатите се жени и деца.

СЗО соопшти дека не можела да комуницира со својот персонал во Газа, ниту пак со други агенции. Понатаму, се обидува да собере информации за целокупното влијание врз цивилите и здравствената заштита.

Во соопштението се додава дека СЗО „апелира до хуманоста кај сите оние кои имаат моќ да го сторат тоа да ги прекинат борбите сега, во согласност со резолуцијата на ОН усвоена вчера, која повикува на хуманитарно примирје, како и итно и безусловно ослободување на сите цивили држени во заробеништво“.

The post СЗО: невозможно е да се евакуираат пациенти во Газа appeared first on Република.

Во Македонија, бројот на новодијагностицирани пациенти со мултипла склероза (МЦ) постојано расте, бидејќи секоја година се дијагностицираат нови 90-120 пациенти. Околу 60 пациенти се на листата на чекање за примање на високоефикасна терапија. Овие лица се млади, работоспособни кои сѐ уште можат да го дадат својот придонес во општетсвото, но ако и понатаму останат без терапија, постои ризик за прогресија и појава на неповратен инвалидитет. Тоа ќе се рефлектира со значителен товар врз самиот пациент и неговото семејство, а претставува и сериозна импликација и негативен економски импакт врз социјалниот, здравствениот и пензискиот фонд во подолг временски период”, вели Ана Карајанова - Димитрушева, претседателка на Националното здружение за МС.

Денес, Националното здружение за помош и поддршка на лица со мултипла склероза го одбележа Светскиот ден на мултипла склероза во хотел Панорамика во Скопје.
На настанот говореа Димитрушева, претседателка на Националното здружение за МС, сопругата на претседателот на Македонија проф. Д-р Елизабета Ѓоргиевска, д-р Фатмир Меџити министер за здравство, заменик министер за труд и социјална политика, Енвер Хусејин, директор на Универзитетска Клиника за неврологија Скопје, д-р Висар Мифтари.

За поздравување се заложбите на здравствените власти во соработка со тимот од Универзитетска Клиника за Неврологија, за зголемување на бројот на лица со МС кои примаат ефикасна терапија во изминатите години, но и покрај тоа соочени сме со недостапност на оваа терапија за голем број пациенти со МС кои веќе се поставени на терапија. Во слична ситуација се и оние кои чекаат со месеци да добијат современ третман. Причините за оваа состојба може да се бараат во недоволниот буџет доделен на Клиниката за лековите за МС, што резултира со немање доволно средства за набавка на лекови и за постоечките пациенти кои веќе се на третман неколку години, рече Карајанова Димитрушева во своето излагање.

Мотото на годинешното одбележување на Светскиот ден е MS Connestions - „МС Поврзувања" коe годинава е околу поврзувањата на лицата со МС во заедницата и во општеството.

Сето ова е со цел да се подигне свеста за невидливите симптоми на МС и нивното негативно влијание врз квалитетот на живот на лицата кои се соочуваат со оваа болест, да ги предизвикаат општите заблуди и да им помогнат на луѓето да размислат како да им понудат соодветна поддршка. На тој начин општата јавност ќе се запознае со големиот број на исцрпувачки симптоми со кои секојдневно се соочуваат лицата со МС, а општата јавност не ги гледа.

И покрај евидентниот напредок кој е направен изминативе години, сѐ уште има потреба од унапредување на грижата за лицата со мултипла склероза, како на пример навремена дијагностика, адекватен и современ третман преку зголемување на достапноста на високоефикасните и иновативни лекови, велат од Националното здружение.

Мултипла склероза (МС) е една од најчестите невролошки нарушувања и причини за инвалидитет кај младите возрасни лица. Тоа е хронична, прогресивна, имунолошки посредувана, воспалителна и дегенеративна болест на централниот нервен систем. Настанува кога имуниот систем ја напаѓа обвивката на нервните клетки (миелин) во мозокот, ’рбетниот мозок и оптичките нерви, предизвикувајќи воспаление и последователна дегенерација, што води до прекин на невротрансмисијата на сигналот од една нервна клетка до друга.

Во Македонија од МС боледуваат околу 1.500 лица додека во светот има повеќе од 2,3 милиони лица. Многу е веројатно дека стотици илјади лица остануваат недијагностицирани и многу животи се индиректно зафатени. Повеќето лица со МС се дијагностицираат на возраст од 20 до 40 години, и околу два-три пати почесто се дијагностицираат жени наспроти мажи.

Причината за МС сѐ уште не е позната и до сега не постои лек, но постојат лекови кои можат да им помогнат на лицата со МС да ја стават болеста под контрола и постојат многу опции за подобрување и управување со симптомите.

The post Во Македонија годишно се дијагностицираат меѓу 90 и 120 нови пациенти со мултипла склероза, а 60 се на листата за чекање на примање високоефикасна терапија appeared first on Република.

Пациенти закажуваат термини на кои не се појавуваат и сега се бара решение за ваквото неодговорно однесување, изјави министерот за здравство Фатмир Меџити, по презентацијата на апликацијата „Мое здравје“, во одговор на новинарско прашање во однос на поплаките на граѓани дека „имаат проблем како да стигнат до доктор специјалист“, со оглед на тоа што има многу малку термини, посебно за дијагностика.

Меџити изјави дека се согласува оти има проблеми во однос на ова прашање, додавајќи дека откако е министер презеле „потребни дејствија“ и имало контроли.

Веќе сме при кај со овие контроли и ќе ги имаме точните податоци, кои институции како работат и дали ќе треба да даваат повеќе термини, сѐ тоа во деновите што претстојат, појасни Меџити.

На прашање дали има констатирано злоупотреби, тој одговори потврдно.

Но, затоа сме тука сѐ да решиме и од сега натаму да нема проблеми веќе со термините за пациентите за закажување, додаде министерот.

Тој посочи дека можеби и кај пациентите треба да има „една мала дисциплина“, затоа што многу често пациенти кои имале закажано, пред се за компјутерска томографија или магнетна резонанса, не се појавуваат на закажаниот термин, а не ги откажуваат термините.

Со ова прашање нѐ поддржувате и нас како Министерство и како лекарска фела. И јас како лекар до вчера ги чекам двајца, не доаѓаат, и нормално, тука има проблеми. Но, ќе најдеме начин и тоа да го санкционираме, во позитивна смисла, дециден беше Меџити.

The post „И мене вчера не ми дојдоа двајца пациенти“: Меџити бара поголема дисциплина од граѓаните appeared first on Република.

Најостро го осудуваме инцидентот со видеото од болницата во Тетово. Пациентките кои се снимани се нечии мајки, сопруги, ќерки, личности со емоции на кои ни криви ни должни им се наруши приватноста. Ваков распад на јавното здравство е невиден. Уверени сме дека ова е последица на некадарноста на Алијанса да се справува со системските слабости во ресорите кои ги бараа и добија. Ниту едно оправдување не држи. За скандалот да биде уште поголем, лекарот кој го снимал видеото е сликан со министерот за здравство при негова посета на болницата во Тетово. Насмеан и среќен. Во цивилна гардероба што укажува дека е можно да не бил на работа туку специјално се појавил за министерот, велат од Алтернатива.

„Почитувани граѓани, занимавањето со политика не се само кадровските комбинаторики. Политиката е сериозна професија и не е за секого. Вие не заслужувате ваква неодговорна власт. Г. Таравари не е од вчера за да не знае што е политичка и морална одговорност. Беше министер за Здравство, работи како лекар во Клинички центар и однапред требаше да знае што значи раководење со ресорите со кои го условуваше влезот на Алијанса во Владата.

Затоа не е доволно да се пријавува случајот во МВР. Неопходна е политичка одговорност за вакви скандали кои се надвор од сите етички стандарди за лекарската професија. Најмалку што може да стори Министерот за Здравство е веднаш да го разреши директорот на болницата во Тетово. Бараме одговорност сега и веднаш!

Алтернатива нема да молчи пред овие скандали, туку ќе ги користи сите механизми за заштита на достоинството и моралот на пациентите во која било здравствена установа“, соопштија од Алтернатива.

The post Алтернатива: Достоинството на пациентите е над страста за власт appeared first on Република.

Клиниката за детски болести утре ќе почне да го дава лекот „трикафта“ на пациентите болни од цистична фиброза за кои е утврдено дека се во најкритична состојба. Директорката на Клиниката за детски болести, Стојка Нацева – Фуштиќ вели дека лекот утрово стигнал кај нив.

На Клиниката примаме шест пациенти, а два ќе се водат на Клиниката за пулмологија. Од осумте пациенти, два се во навистина критична состојба. Седум пациенти се над 18 години, а еден пациент е дете. Добивме нешто пониска цена од предвидената, од онаа јавно објавена. Дадовме барање до Фондот за здравство, дополнително во рамките на истиот буџет, да бидат вклучени уште четири пациенти, изјави д-р Нацева Фуштиќ.

Таа објаснува дека станува збор за годишна терапија за пациентите болни од цистична фиброза. Пациентите ќе добиваат таблети еднаш месечно и нема да се обврзани да останат в болница. Терапијата вклучува земање две таблети наутро и една навечер.

Министерот за здравство Фатмир Меџити рече дека во соработка со премиерот Димитар Ковачевски се бара решение и за останатите засегнати пациенти со оваа дијагноза.

Очекуваме со оваа терапија значително да се подобри квалитетот на животот на пациентите со цистична фиброза, нагласи министерот.

Во земјава има околу 130 пациенти со цистична фиброза кои изминативе месеци молат и протестираат за државата да им го обезбеди современиот лек „трикафта“ со кој значително се подобрува животот.

https://republika.mk/zivot/zdravje/trikafta-lekot-za-bolnite-od-tsistichna-fibroza-stignal-vo-makedonija/

The post Утре почнува лекувањето со „трикафта“ за осум пациенти болни од цистична фиброза, има пари да се обезбеди лекот за уште четворица appeared first on Република.

Фондот за здравствено осигурување на Македонија попладнево соопшти дека пациентите ќе можат да се лекуваат непречено и покрај техничките проблеми и сајбер нападот со кој се соочува институцијата, од којшто се нефункционални дел од ИТ системите.

И покрај детектираните технички проблеми и нефункционалности на дел од електронскиот систем, пациентите ќе можат и понатаму непречено да се лекуваат на сите клиники како и преку матичните лекари кои можат да вршат прегледи, да издаваат упати и рецепти кои се подигнуваат во аптеките без застој, соопшти ФЗОРСМ.

Моментно, укажуваат, ФЗОРСМ се справува со сајбер напад кој ја предизвикува нефункционалноста на дел од ИТ системите. Експертски тим работи 24/7 на справување со предизвиците и нивно отстранување во најбрз можен рок.

Приоритет се дава на најбрзо можно враќање во функција на системот за исплата на боледувањата, породилното и рефундациите, а ФЗОРСМ веќе има издадени упатства кон подрачните служби за решенија со кои граѓаните тековно ќе ги остваруваат своите права. Во интерес на прецизно информирање на граѓаните, во најбрз можен рок, и штом се утврдат повеќе информации, јавноста ќе биде навремено известена, наведуваат од ФЗОРСМ.

The post И покрај сајбер-нападот, пациентите може да одат на преглед, матичните лекари може да издаваат упати и рецепти, велат од Фондот за здравство appeared first on Република.

За време на новогодишните и божиќните празници на Универзитетската клиника за пластична и реконструктивна хирургија во Скопје не бил примен ниту еден пациент со повреда од петарди и пиротехнички средства.

Се надеваме дека овој тренд ќе го зачуваме и понатаму и во наредните години, информираат од Универзитетската клиника за пластична и реконструктивна хирургија.

Во предновогодишниот период, од 19 до 29 декември 2022 година, Универзитетската клиника за пластична и реконструктивна хирургија и Eвропската медицинска студентска асоцијација (ЕМСА – Македонија) спроведоа кампања „Петардите ги уништуваат празниците“.

Посочуваат дека кампањата беше со едукативен карактер за последиците од примената на петарди и пиротехнички средства и беше наменета за средношколците од прва година на територијата на нашата држава. Во текот на овој период во училиштата се оддржаа предавања и интерактивна дискусија за сериозните повреди што може да настанат од нивната употреба. За нејзина реализација беа вклучени 65 лекари – специјалисти по пластична и реконструктивна хирургија, специјализанти по пластична и реконструктивна хирургија, лекари од градовите на нашата држава, студенти од петта и шеста година од општа медицина од Медицински факултет – Скопје, членови на ЕМСА и ЕМСА алумни.

Со едукативните предавањата, како што се наведува, беа опфатени 10.011 ученици, 67 училишта и 28 градови во земјава. Предавањата се одржаа на македонски, албански, англиски и турски јазик.

The post За новогодишните и божикните празници нема примено пациенти со повреда од петарди appeared first on Република.

Согласно податоците од Институтот за јавно здравје, Министерството за здравство информира дека во последните 24 часа:

Направени се 954 тестови, а регистрирани се 222 нови случаи на КОВИД-19: Скопје – 113, Куманово и Кавадарци – по 14, Битола – 13, Прилеп – 12, Велес – 7, Охрид и Штип – по 6, Струмица, Кочани и Кратово – по 4, Кичево, Крива Паланка и Делчево – по 3, Тетово, Гостивар, Гевгелија, Неготино, Ресен и Свети Николе – по 2, Струга, Дебар, Пробиштип и Македонски Брод – по 1.

Од вкупниот број на позитивни (222), регистрирана е 41 реинфекција.

Регистрирани сe 268 оздравени пациенти од: Скопје – 113, Битола – 32, Гевгелија – 19, Кавадарци – 17, Куманово – 16, Прилеп – 14, Берово – 7, Велес, Штип и Кочани – по 6, Охрид и Делчево – по 4, Струмица, Ресен и Демир Хисар – по 3, Тетово, Кичево, Радовиш, Крива Паланка , Богданци и Пехчево – по 2, Струга, Кратово и Дојран – по 1.

Во текот на изминатите 24 часа се пријавени две починати лица, од Скопје (79г) и Кичево (83г). Двете лица се починати во болнички услови. Согласно, Регистарот на умрени лица со дијагноза КОВИД-19 од Мој Термин регистрирани се 6 починати лица, две лица од Битола и по едно лице од Кочани, Крива Паланка, Скопје и Радовиш. Починатите се на возраст од 66 – 83 години. Од починатите лица три се починати во болнички услови и три во домашни услови. Лицата се починати во период од 11.08. до 28.08.2022 година.

Направени се 954 тестови: ИЈЗ-126, ЦЈЗ Скопје-92, ЦЈЗ Битола-46, ЦЈЗ Прилеп-13, ЦЈЗ Тетово-25, ЦЈЗ Куманово-40, Клиника за инфективни болести и фебрилни состојби-0, Судска медицина-0, лабораторија болница Козле-6, УК Пулмологија со алергологија–0, Институт за микробиологија–80, Жан Митрев (Филип Втори)-12, Авицена-16, Биотек-19, Систина-24, лабораторија Лаор-2, Синлаб-3, Ремедика-13, Плодност-4, Генеа-4, Никоб Лаб-31, ВФВ Медикал-3, Ели Медика Плус-8, Ројал Медика–0, Спектра-ММ-7, Рапид Лаб–0, Жан Митрев Струмица–6, Нова Лаб Дијагностика–0, Рамус-5, ЈЗУ и ПЗУ (рапид тест)– вкупно 369.

Досега во земјата се направени вкупно 2.151.148 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 340.341, бројот на оздравени пациенти е 329.192, на починати е 9.489, а бројот на активни случаи изнесува 1.660

Според епидемиолошки анализи во моментов, дистрибуцијата по градови е следна:

Дистрибуција по градови Заболени (вкупно), Активни случаи (вкупно)
Скопје      159978, Активни   775
Куманово    18093, Активни    75
Битола      17764, Активни    135
Прилеп      15379, Активни    75
Тетово      14407, Активни    49
Кавадарци   11976, Активни    55
Велес 10717, Активни    46
Гостивар    10251, Активни    22
Охрид 10244, Активни    89
Струмица    8753, Активни     21
Штип  8698, Активни     30
Кичево      6047, Активни     18
Кочани      5514, Активни     38
Струга      5161, Активни     18
Гевгелија   4845, Активни     18
Неготино    4114, Активни     16
Ресен 3002, Активни     12
Радовиш     2824, Активни     15
Свети Николе      2784, Активни     8
Крива Паланка     2633, Активни     23
Делчево     2159, Активни     47
Берово      1837, Активни     10
Дебар 1811, Активни     9
Валандово   1593, Активни     1
Виница      1478, Активни     10
Пробиштип   1297, Активни     2
Кратово     1101, Активни     8
Богданци    1096, Активни     8
Крушево     1020, Активни     7
Демир Хисар 925, Активни      7
Македонски Брод   793, Активни      6
Демир Капија      628, Активни      2
Македонска Каменица     535, Активни      4
Пехчево     515, Активни      1
Дојран      369, Активни      0

The post Вкупно осум пациенти починаа од ковид-19, регистирани нови 222 позитивни случаи appeared first on Република.

Привремено затворен е одделот за интензивна нега на Клиниката за неврологија откако четворица од 8 пациенти со мозочни удари се тестирани позитивни на ковид-19, а останатите се под надзор и засега немаат симптоми на вирусот. Еден од заразените е во потешка состојба и веќе му била дадена терапија од лекари од Инфективна, вели директорот д-р Иван Барбов и додава дека веднаш ги превзеле сите мерки за да се спречи ширење на инфекцијата.

Овие 4-ца пациенти ги префрливме во посебна соба за изолација, и тука е како црвена зона, персоналот е со комплетна опрема кога влегува да ги лекува. Двете простории каде беа присутни овие пациенти се во изолација и нема да се примаат пациенти 7 дена, колку трае периодот за изолација, изјави д-р Барбов за „Сител“.

Заразените пациенти со ковид при приемот во Клиниката биле негативни на брзиот тест кој е задолжителен при хоспитализација, но подоцна развиле симптоми.

При приемот ги тестираме задолжително и ако пациентот е негативен го хоспитализираме. Овие пациенти при приемот биле негативни, а подоцна развиле симптоми, можно е да биле во период на инкубација или подоцна да се инфицирале, додава д-р Барбов.

Доктор Барбов апелира на внимателност кога некој доаѓа во болница - да носи соодветна заштита, а роднините на пациентите да не инсистираат за посети бидејќи истите се забранети поради Ковидот, но бидејќи Неврологија е на приземје тие со болните контактирале преку прозорите.

Инаку во моментот на болничко лекување поради компликации од вирусот има 90-тина пациенти, од нив 29 се во Скопје

The post Четворица пациенти со мозочен удар на Неврологија позитивни на ковид-19 appeared first on Република.

Околу 1.200 пациенти, меѓу кои и болни од рак повеќе од шест месеци чекаат да им се прочитаат резултатите од компјутерска томографија и магнетна резонанса на скопската Клиника за радиологија, пишува  „Фокус“. 

Според информации на „Фокус“, од јануари досега не биле прочитани резултати од магнетна резонанса на глава, врат, рбет, и еден и куп компјутерски томографии. На клиниката има повеќе од 20 лекари кои реално на дневно ниво еден доктор да чита 20 резултати за три дена ќе можат да се прочитаат сите резултати.

Како што пишува „Фокус“ многу од пациентите на кои животот им зависи од овие резулатите чекаат со месеци, а меѓу нив се и болни од карцином, кај кои треба веднаш да се реагира, за да знаат како понатаму со терапијата. Тоа што е уште пострашно во целата приказна е што дел од пациентите и починале додека да ги дочекаат резултатите.

Целиот текс тука

The post Пациенти на Радиологија умираат додека ги чекаат резултатите од компјутерска томографија и магнетна резонанса appeared first on Република.

Согласно податоците од Институтот за јавно здравје, Министерството за здравство информира дека во последните 3 дена (од 03.06 до 05.06.2022):

Направени се 2.257 тестови, а регистрирани се 135 нови случаи на КОВИД-19: Скопје – 93, Битола и Кавадарци – по 8, Прилеп, Охрид, Штип и Струмица – по 3, Куманово, Велес, Гостивар и Неготино – по 2, Тетово, Кичево, Свети Николе, Дебар, Виница и Македонски Брод – по 1.

Од вкупниот број на позитивни (135), регистрирани се 25 реинфекции.

Регистрирани сe 164 оздравени пациенти од: Скопје – 121, Битола – 19, Штип – 4, Прилеп – 3, Кавадарци, Куманово, Неготино, Кичево и Свети Николе - по 2, Велес, Тетово, Кочани, Гевгелија, Ресен, Крива Паланка и Демир Хисар – по 1.

Во текот на изминатите 3 дена (од 03 до 05.06.2022) не е пријавено ниту едно починато лице. Согласно Регистарот на умрени лица со дијагноза КОВИД-19 од Мој Термин не се регистрирани починати лица.

Направени се 2.257 тестови преку: ИЈЗ-288, ЦЈЗ Скопје-56, ЦЈЗ Битола-48, ЦЈЗ Прилеп-21, ЦЈЗ Тетово-11, ЦЈЗ Куманово-25, Клиника за инфективни болести и фебрилни состојби-0, Судска медицина-3, лабораторија болница Козле-0, УК Пулмологија со алергологија–0, ГОБ 8-ми Септември-0, Институт за микробиологија–93, Жан Митрев (Филип Втори)-58, Авицена-45, Биотек-87, Систина-54, лабораторија Лаор-31, Синлаб-18, Ремедика-11, Плодност-12, Генеа-16, Никоб Лаб-141, ВФВ Медикал-26, Ели МедикаПлус-35, Ројал Медика–3, Спектра-ММ-8, Рапид Лаб–12, Жан Митрев Струмица–4, Нова Лаб Дијагностика–5, Рамус-18, ЈЗУ и ПЗУ (рапид тест)– вкупно 1.128.

Досега во земјата се направени вкупно 2.060.554 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 312.292, бројот на оздравени пациенти е 302.508, на починати е 9.309, а бројот на активни случаи изнесува 475.

Дистрибуција по градови Заболени (вкупно), Активни случаи (вкупно)
Скопје 147158, Активни 311
Куманово 16677, Активни 5
Битола 15686, Активни 38
Прилеп 14219, Активни 8
Тетово 13482, Активни 6
Кавадарци 10695, Активни 11
Велес 9799, Активни 10
Гостивар 9610, Активни 5
Охрид 8935, Активни 30
Штип 8077, Активни 13
Струмица 8076, Активни 3
Кичево 5652, Активни 2
Кочани 5096, Активни 5
Струга 4728, Активни 1
Гевгелија 4423, Активни 1
Неготино 3697, Активни 7
Ресен 2751, Активни 1
Свети Николе 2635, Активни 2
Радовиш 2531, Активни 0
Крива Паланка 2418, Активни 0
Делчево 1986, Активни 1
Берово 1691, Активни 9
Дебар 1678, Активни 2
Валандово 1488, Активни 0
Виница 1394, Активни 2
Пробиштип 1267, Активни 0
Богданци 1021, Активни 0
Кратово 966, Активни 0
Крушево 930, Активни 1
Демир Хисар 836, Активни 0
Македонски Брод 739, Активни 1
Демир Капија 593, Активни 0
Македонска Каменица 525, Активни 0
Пехчево 486, Активни 0
Дојран 347, Активни 0

The post Нови 135 заразени со ковид-19 во последните три дена, не се пријавени починати пациенти appeared first on Република.

Пациенти болни од рак оставени без терапија, владата и министерот загрозуваат десетици животи, алармираат од ВМРО-ДПМНЕ.

90 пациенти на кои им е потребна биолошка терапија за колоректален, оваријален и цервикален карцином цел месец не можат да ја примат потребната терапија.

Пациентите немаат примено терапија затоа што МЗ не распишало тендер за набавка на лековите.

Под ризик се и пациентите со рак на бели дробови, бубрег и дојка, за кои во наредните неколку месеци ќе се исцрпи потребната терапија.

Министерството за здравство да не си игра со животите на луѓето и веднаш да распише оглас за набавка на сите потребни терапии.

Дали власта сфаќа дека нивната неспособност убива луѓе?

Неспособноста и во здравството е една од причините зошто мора да има избори. Народот не смее да пати и страда заради криминогеноста и неспособноста на СДСМ и нивните коалициони партнери, велат од ВМРО-ДПМНЕ.

The post Пациенти болни од рак оставени без терапија appeared first on Република.

„Пациенти“ е насловот на најновата хит-комедија на Театарот Провокација, чија премиера ќе се одржи вечер во Културно информативен центар – Скопје, Салон 19:19.

Комедијата „Пациенти“ е во режија на Ѓорѓи Ризески, а играат актерите Роберт Ристов, Мирјана Поповска Ристов и Радо Алексовски.

Сценографијата е на Роберт Ристов, а автор на ликовно сценски решенија е Игор Љубовчевски – Љубац.

Претставата „Пациенти“ е за односите во бракот, за тоа како изгледа заедничкото живеење на партнерите кои го негуваат егото наместо љубовта, во кое е присутна војната наместо спокојот. Ова се ситуации во кој ќе се препознаеме сите ние и нашите најблиски во моментите кога си дозволуваме да се разгорат оние „дебати“ во кои не ги бираме зборовите и средствата, само за да излеземи во право, во кои целиме што повеќе да повредиме бидејќи се чувствуваме повредено. Тој – хроничен алкохоличар, таа – хистерична аждаја. Не знаеш кој заради кого го сменил својот облик на битисување. Ова е претстава која е огледало на ситуациите од нашите животи.

The post Вечерва во КИЦ премиера на претставата „Пациенти“ appeared first on Република.

Министерството за здравство информира, согласно податоците од Институтот за јавно здравје дека во последните 24 часа:

Направени се 2.275 тестови, а регистрирани се 281 нов случај на КОВИД-19: Скопје – 169, Битола – 24, Кавадарци – 13, Прилеп – 11, Куманово и Охрид – по 8, Кичево – 6, Струмица и Гевгелија – по 5, Тетово – 4, Велес, Гостивар, Кочани, Ресен и Делчево – по 3, Неготино, Виница и Богданци – по 2, Штип, Струга, Радовиш, Берово, Валандово, Демир Хисар и Македонска Каменица – по 1.

Од вкупниот број на позитивни (281), регистрирани се 48 реинфекции.

Регистрирани сe 285 оздравени пациенти од: Скопје – 152, Прилеп – 37, Кавадарци – 21, Битола – 16, Куманово – 14, Гевгелија – 7, Ресен – 6, Велес – 5, Кичево и Гостивар – по 4, Тетово и Кочани – по 3, Штип и Берово – по 2, Охрид, Струмица, Неготино, Виница, Богданци, Валандово, Демир Хисар, Кратово и Пехчево – по 1.

Во текот на изминатите 24 часа, регистрирани се 3 починати лица: по едно починато лице од Битола (63г), Охрид (85г) и Крива Паланка (76г). Сите се починати во болнички услови.

Од вкупниот број на починати лица ( 3 ), кај сите се регистрирани коморбидитети.

Направени се 2.275 тестови преку: ИЈЗ-301, ЦЈЗ Скопје-103, ЦЈЗ Битола-73, ЦЈЗ Прилеп-34, ЦЈЗ Тетово-0, ЦЈЗ Куманово-50, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија –2, ГОБ 8-ми Септември-0, Институт за микробиологија–200, Жан Митрев (Филип Втори)-47, Авицена-50, Биотек-59, Систина-42, лабораторија Лаор-49, Синлаб-12, Ремедика-13, Плодност-12, Генеа-26, Никоб Лаб-148, ВФВ Медикал-35, Ели Медика Плус-15, Ројал Медика–2, Спектра-ММ-2, Рапид Лаб–3, Жан Митрев Струмица–4, Нова Лаб Дијагностика–4, Рамус-13, ЈЗУ и ПЗУ (рапид тест) – вкупно 976.

Досега во земјата се направени вкупно 1.946.588 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 304.326, бројот на оздравени пациенти е 293.171, на починати е 9.191, а бројот на активни случаи изнесува 1.964.

Според епидемиолошки анализи во моментов, дистрибуцијата по градови е следна:

Дистрибуција по градови Заболени (вкупно), Активни случаи (вкупно)
Скопје 142543, Активни 1132
Куманово 16500, Активни 70
Битола 14643, Активни 148
Прилеп 13917, Активни 103
Тетово 13408, Активни 42
Кавадарци 10404, Активни 82
Велес 9640, Активни 26
Гостивар 9517, Активни 15
Охрид 8675, Активни 82
Струмица 7980, Активни 26
Штип 7958, Активни 19
Кичево 5535, Активни 40
Кочани 5029, Активни 20
Струга 4681, Активни 10
Гевгелија 4348, Активни 26
Неготино 3647, Активни 12
Ресен 2666, Активни 13
Свети Николе 2611, Активни 2
Радовиш 2509, Активни 12
Крива Паланка 2403, Активни 5
Делчево 1914, Активни 14
Дебар 1664, Активни 8
Берово 1637, Активни 2
Валандово 1472, Активни 5
Виница 1376, Активни 11
Пробиштип 1261, Активни 3
Богданци 1019, Активни 10
Кратово 958, Активни 8
Крушево 916, Активни 6
Демир Хисар 826, Активни 5
Македонски Брод 735, Активни 1
Демир Капија 586, Активни 3
Македонска Каменица 522, Активни 3
Пехчево 484, Активни 0
Дојран 342, Активни 0

The post Уште тројца пациенти починаа од ковид, нови 281 заразени appeared first on Република.

Пациентите со вградена механичка циркулаторна потпора на срце бараат да бидат ослободени од плаќање партиципација за здравствените услуги.

Од националното здружение „Храбро срце“ во писмото испратено до премиерот, Владата и до Министерството за здравство бараат укинување на партиципацијата за оваа категорија на граѓани поради зголемените трошоци за патување до Скопје.

Самиот пораст на цените на горивата е енормно зголемен материјален трошок за нас кои претежно сме од внатрешноста на државата, а нашите редовни прегледи сме приморани да ги правиме во главниот град (Скопје) каде што единствено во државава има клиники за наша превенција и лекување. По порастот на трошоците за живот, за нас, пациентите со механичка циркулаторна потпора на срце (пумпа) навистина ќе ни биде големо олеснување доколку веднаш го остварите вашето ветување за ослободување од плаќање надомест за користење на сите здравствени услуги за нашата ранлива категорија на луѓе, се вели во писмото.

Од здружението тврдат дека им било дадено ветување оти на 1 јануари годинава ќе биде укинато плаќањето партиципација.

Напоменуваме дека сме вкупно 15-18 пациенти на ниво на држава и таа бројка е речиси непроменета со години наназад со оглед на морталитетот и новооперираните пациенти со инплантирана механичка потпора (пумпа) на срце, што значи дека не е голем товар за буџетот, а средства може да се пренаменат од оние кои се планирани за ослободување од плаќање партиципација при користење на здравствените услуги на карводарителите во државава, велат од здружението „Храбро срце“.

The post 18 пациенти со вградена механичка потпора на срце бараат ослободување од партиципација за здравствените услуги appeared first on Република.

Во некои болници во Хонгконг нема слободни места за пациенти, па затоа ги сместуваат на кревети надвор од болницата. Ова навистина се случува во болницата „Каритас“ во Хонгконг.

Агенцијата АФП објави фотографии на кои се гледаат редици со кревети надвор од болницата. Имало и шатори шатори во близина на болницата кои служат за привремено сместување на пациентите.

Медиумите пренесуваат и дека надвор од болницата биле забележани луѓе завиткани во прекривки кои чекаат да бидат примени во болницата. Ова е особено шокантно со оглед на тоа што Хонгконг е едно од најскапите места за живот во светот.

Градот моментално се бори со петтиот бран на ковид-19. На 17 февруари биле потврдени 6.116 новозаразени лица. Последната седмица бројот на заразени лица значително се зголемил.

Sick and tired.

Outside a Hong Kong hospital dozens of elderly patients on gurneys huddle under blankets on a cold, wet winter's night -- a grim scene for the city as its health system buckles under an Omicron-fuelled coronavirus wavehttps://t.co/c1B7SxVj2R pic.twitter.com/lExBLBoc0L

— AFP News Agency (@AFP) February 17, 2022

The post Во болниците во Хонгконг нема место за пациенти, лежат во кревети на улица appeared first on Република.