Зоолошката градина во Скопје соопшти дека повторно ќе биде отворена за посетители од сабота откако во октомври беше потврден случај на птичји грип.

Ве известуваме дека од оваа сабота (09.11.2024) Зоолошка градина на град Скопје повторно ќе биде отворена за посетители со редовно работно време од 09:00-16:00 секој ден. Да уживаме заедно во убавите есенски и сончеви денови, ве очекуваме, стои во објавата на Фејсбук.

ЗОО Скопје беше затворена за посетители откако беше потврден случај на птичји грип. Беше спроведен надзор и хумано убивање на 24 патки, шест гуски, пет кокошки и една чавка. Беа наредени мерки за дезинфекција, испитување на другите птици присутни во Зоолошката градина за присуство на вирусот, зголемување на биосигурносните мерки и други мерки, со цел сузбивање на болеста и спречување на нејзино ширење надвор од Зоолошката градина кај животните и кај луѓето. 

The post ЗОО Скопје во сабота ги отвара вратите за посетители appeared first on Република.

Во ликовната галерија на НУЦК "Марко Цепенков" во Прилеп, е отворена изложбата на слики „Видување" од Анита Јовеска Сот. Уметницата на отворањето посочи дека верува во позитивната енергија, мисла и видување на секојдневието од еден друг агол, агол исполнет со боја и шаренило.

Таа мисла ме инспирира и движи понатаму, каде низ спектарот на бои и елементи ги прикажувам различностите во изразите на лицата, сите нивни емоции, со што на некој начин го отсликувам сопствениот автопортрет или трансмисија на своите чувства низ времето и процесот на работа, рече Анита Јовеска Сот.

Изложбата ја отвори м-р Викторија Димеска, историчар на уметност, која посочи дека восхитувачките портрети на Јовеска одразуваат исклучителен визуелен ансамбл извезен со лиричен сликарски сензибилитет и облагороден со личните индивидуални чувства на авторката.

Во раскошните експресивни композиции уметницата умешно ја обликува формата со примената на силни колоритни топло - студени и комлементарни контрасти за одразување на моќна чувствена изразност и драматичност, со употреба на контраст на линиите за создавање на динамична вибрантна ликовна содржина.Јовеска во сопствените лирични, автентични и драматични креации го создава единството во композицијата по пат на доминанта, поставувајќи акцент на емотивната експресија на портретот, рече Димеска.

Отворањето на изложбата, на кое присуствуваа голем број љубители на уметноста, беше збогатено со настапот на музичарите Андријана Дукоска и Борче Миленкоски.

The post Отворена изложбата „Видување“ на Анита Јовеска Сот во Прилеп appeared first on Република.

Штрајкот на вработените во Ајфеловата кула заврши, а кулата повторно ќе биде отворена за посетители, соопшти компанијата Societe d’Exploitation de la Tour Eiffel (SETE), која раководи со една од најпосетуваните туристички атракции во светот.

SETE објави дека со синдикатите „постигнале договор за прекин на штрајкот, со тоа што партиите редовно ќе го разгледуваат бизнис моделот, трошоците за одржување и продажба преку тело кое ќе заседава на секои шест месеци“. SETE додаде дека посетителите кои купиле билети меѓу 19 и 24 февруари ќе добијат рефундирање, пренесува Ројтерс.

Вработените во Ајфеловата кула штрајкуваа од 19 февруари поради начинот на кој со парискиот споменик управува градскиот совет, кој е во сопственост на SETE.

Синдикатите тврдат дека градскиот совет на Париз погрешно ги проценил трошоците за планираното одржување и поправки на споменикот пред Олимпијадата. Париз ќе биде домаќин на овогодинешните Летни олимписки игри, кои започнуваат на 26 јули, а медалите на победниците ќе имаат метал од Ајфеловата кула.

The post Ајфеловата кула повторно ги отвора вратите за посетителите appeared first on Република.