Собрани се 2.092 проекти од граѓаните од Отворениот ден во општините, кој се одржа викендот, соопшти денеска претседателот на ВМРО-ДПМНЕ, Христијан Мицкоски.

Работиме транспарентно и отчетно, заедно со народот создаваме промени за сигурна иднина!, вели Мицкоски.

За време на Отворениот ден граѓаните имаа можност да даваат свои предлози за проекти и да се вклучат во изработувањето на програмата за нивната општина. Од ВМРО-ДПМНЕ ветуваат дека голем дел од овие проекти ќе бидат вметнати и испланирани во буџетите на општините кои ги предводат.

The post Собрани се 2.092 проекти од граѓаните од Отворениот ден на ВМРО-ДПМНЕ appeared first on Република.

ВМРО-ДПМНЕ е задоволна од одѕивот на граѓаните во 40 општини кои предлагаа идеи за развој.

Изминатиов викенд за прв пат во Македонија се одржа организиран проект за собирање и дискутирање на идеи за проекти од граѓаните до општините. Според партијата, илјадници граѓани ги посетиле општините и дале идеи за проекти кои ќе бидат опфатени со буџетите за 2023 година.

Граѓаните можност да предложат идеи за проекти ќе ја имаат и во наредните неколку дена преку страната budzeti.mk, или следниот викенд односно 10 и 11 декември, во период од 11 до 14 часот во општината во која живеат.

Градоначалниците и нивните тимови ќе ги разгледаат идеите и ќе ги опфатат со предлог проекти.

The post ВМРО-ДПМНЕ: Граѓаните можат да предлагаат идеи за проекти и наредните неколку дена appeared first on Република.

Почнуваме со еден навистина можеби за прв пат поинаков пристап до креирањето на буџетот во општините, нешто што до сега во Македонија не е направено. А тоа е да дел од средствата кои што ќе се трошат бидат практично изворно добиено како предлог од страна на граѓаните, бидејќи таа мора да биде од програмата која што вие сте ја ветиле на изборите, сте излегле пред граѓаните, тие ја поддржале и дел од тие средства се резервирани за проектите кои што се дел од програмата но и граѓаните можат да предлагаат свои проекти и свои идеи кои што би биле дел од буџетот и кои што би се реализирале следната година нешто што до сега во Македонија, никој не го направил, порача претседателот на ВМРО-ДПМНЕ, Христијан Мицкоски.

Тоа ќе биде овој викенд, денеска и утре, а ќе биде и следната недела бидејќи потоа мора општинските совети да ги усвојат буџетите и нормално да почнат со нивна реализација.

 

Транспарентно, отчетно, таков е пристапот на ВМРО-ДПМНЕ. Дарко кажа онаму каде што има општини со градоначалници од ВМРО-ДПМНЕ најпрво дадовме отчет пред граѓаните за тоа што се е сработено од минатогодишните локални избори до овој ноември, една година од мандатот во услови на тешка економска криза, во услови на голема опструкција од страна на централната власт, а сега веќе ги отвораме општините за да може граѓаните самите да дадат предлози кои што ќе ги реализираме во буџетот од следната година.

 

Тука во Бутел од програмата која што ќе биде реализирана и која што е дел од кампањата и која што беше дел од кампањата на локалните избори се околу 30тина улици, нивно асфалтирање и реконструкција, потоа тука е спортскиот комплекс во Љуботенски пат кој што исто така ќе биде изработен во тековната година, мислам на 2023 година. Потоа има неколку делници на канализацијата и водовод, расчистување на коритото на река Серава, потоа ќе се замени уличното осветлување што претставува огромен трошок за општината, ќе има повеќе пари за капитални инвестиции, работиме, иновираме и тоа е разликата на ВМРО-ДПМНЕ да работи и да испорачува пред граѓаните, за разликата од власта која што има поинакви приоритети од тоа кое што би требало да го има.

 

Така што да сумирам денеска сум во Бутел да дадам поддршка на Дарко, на администрацијата овде да продолжиме со истата динамика на реализирање на проекти, а граѓаните на следните предвремени парламентарни избори ќе знаат да ценат кој работи а кој не работи и краде, изјави Мицкоски.

The post Мицкоски: Граѓаните ќе одлучуваат на кои проекти ќе бидат трошени парите од буџетите на општините, работиме транспарентно и отчетно appeared first on Република.