Кривична пријава добил 53-годишниот М.Ј. од Скопје поради тргување со отпад без поседување дозвола од страна Министерството за животна средина и просторно планирање за вршење на дејноста.

На 27.07.2023, полициски службеници од Единицата за економски и компјутерски криминал при СВР Скопје и инспектори од Државен пазарен инспекторат и Државен инспекторат за животна средина, на нерегистрирано место за откуп и продажба на секундарни суровини во општина Чаир го затекнале пријавениот како тргува со отпад без да поседува дозвола за вршење дејноста издадена од Министерството за животна средина и просторно планирање, известуваат од Министерството за внатрешни работи.

Оттаму информираат дека Единицата за економски и компјутерски криминал при СВР Скопје има поднесено кривична пријава против него поради основано сомнение за сторено кривично дело „загрозување на животната средина и природата со отпад“ по член 230 од Кривичниот законик.

The post Скопјанец во Чаир тргувал со отпад без да има дозвола, доби кривична пријава appeared first on Република.

Општина Аеродром во текот на вчерашниот ден до Основното јавно обвинителство од Скопје достави кривична пријава против непознат сторител, соопштија од општината, објаснувајќи дека кривичната пријава се однесува за согорување отпад на отворен простор на територија надвор од границите на општината. Истата е поднесена согласно член 70 од Законот за амбиентален воздух, по претходен надзор од страна на инспекциските служби и по претходна пријава од страна на граѓаните за непријатен мирис кој се чувствува на територијата на општината.

Законот за амбиентален воздух предвидува обврска за инспекциските служби да поднесат кривична пријава до надлежните судови за поведување на кривична, односно прекршочна постапка, доколку при вршењето надзор се утврди основа за тоа. Со оглед на фактот дека станува збор за кривично дело свесно сторено од страна на непознат сторител и на територија на друга општина, Општина Аеродром смета дека целосно се исполнети условите за кривичен прогон за конкретното кривично дело, а притоа очекуваме Министерството за внатрешни работи и Основното јавно обвинителство согласно своите законски надлежности да постапат по доставената кривична пријава и истата во најкраток рок да ја процесираат до надлежните судски органи. Грижата за здравјето на граѓаните, како и одржувањето на здрава и чиста животна средина останува приоритет на Општина Аеродром. Апелираме за почитување на законите и одговорност кон околината, а нашите служби и во иднина ќе преземаат активности кои се во согласност со законот, велат од Општина Аеродром.

The post Аеродром со кривична пријава до ОЈО Скопје за согорување отпад на отворен простор appeared first on Република.

Колку е штетен по здравјето отпадот од оловна згура околу 500 –тини тони складиран на приватен имот во скопско Орман близу реката Лепенец ќе се знае најдоцна во вторник. Во тек се хемиските анализи на примероците земени од топените акумулатори и батерии пред неколку дена од страна на Инспекторатот за животна средина.

Иако првично работите упатуваат во таква насока дека се работи за опасен отпад. Сè ќе биде познато до понеделник, вторник кога и официјално ќе дадеме изјави. Она што засега се знае според информациите од Државниот инспекторат е дека таму се работело надвор законите. За тоа ќе има и пријави и нема да дозволиме такви прекршувања. Документацијата ја прегледуваат и од Инспекторатот и ние како министерство проверуваме со кои дозволи располага компанијата, рече министерката за животна средина и просторно планирање Каја Шукова.

За опасниот отпад алармираше овластен инспектор за животна средина од Ѓорче Петров кој ја лоцирал големата количина на оловна згура на посочената локација на 10-ти месецов.

Од Општината посочија дека на нивна територија не постоиу фирма со А –интегрирана дозвола што преработува ваков тип отпад.

Дека спаѓа во класата опасен потврдија и од Инспекторатот за животна средина.

The post Во вторник ќе се знае колку е опасен по здравјето отпадот во скопско Орман близу Лепенец appeared first on Република.

Единицата за економски и компјутерски криминал при СВР Скопје поднесе кривична пријава против Р. Д. (23) од Скопје поради основано сомнение за сторено кривично дело „Загрозување на животната средина и природата со отпад" по член 230 ст.3 од КЗ, затоа што при извршена контрола на 27.07.2023 од страна на полициски службеници од ЕЕКК и инспектори од Државен пазарен инспекторат и Државен инспекторат за животна средина, на нерегистрирано место за откуп и продажба на секундарни суровини во општина Чаир.

На лице место е затекната пријавената како неовластено тргува со отпад без да поседува дозвола за вршење дејност за управување со отпад издадена од Министерството за животна средина и просторно планирање.

The post Кривична за 23-годишна скопјанка која нелегално тргувала со отпад appeared first on Република.

При редовна обиколка од страна на Државниот инспекторат за животна средина на територијата на Општина Ѓорче Петров, на 10 октомври лоцирано е одлагање на згура од преработка на акумулаторски батерии на во близина на селото Орман. Станува збор за опасен отпад во количина од околу 500 до 600 тони.

По оваа вест се огласи и познатиот доктор токсиколог Андон Чибишев.

Тој вели дека, бидејќи се работи за отпад кој е продукт од преработка на акумулатори кои содржат тешки метали како олово, кадмиум, и жива кои на краток и долг рок, можат сериозно да ја загадат животната средина заради загадување на почвата и подземните води. Преку нив можат да стигнат во земјоделските производи кои граѓаните секојдневно ги користат за исхрана.

Инаку, оловото спаѓа во групата на тешки метали и внесен во човечкиот организам има исклучителен афинитет кон еритроцитите и коскената срж и во нив може да се задржи од 45 дена во крвта до 30 години во коскената срж. Хроничната експозиција на олово и неговите соединенија доведува до тешки пореметување во создавањето на крвни клетки, сериозни пореметувања на работата на бубрезите, комплицирани испади во централниот и периферниот нервен систем. Овие неповолни ефекти на оловото и неговите соединенија особено се опасни кога на нив се изложени деца и млади до 20 годишна возраст. Ова веќе станува многу сериозно и загрижувачки, вели д-р Чибишев во својата фејсбук објава и ги повикува институциите под итно да утврдат кој ги труе граѓаните и да преземат мерки за обезбедување на загаденото подрачје.

The post Д-р Чибишев: Отпадот кај Ѓорче е сериозна закана по здравјето на скопјани appeared first on Република.

При редовна обиколка на територијата на Општина Ѓорче Петров од oвластен инспектор за животна средина при Општина Ѓорче Петров лоцирано е одлагање згура од преработка на акумулаторски батерии во близина на село Орман, во количина од проценети околу 500 до 600 тони.
Како што е објавено на фејсбук страната на Државниот инспекторат за животна средина, отпадот бил лоциран минатата недела.

– Според затекнатата состојба на теренот, а според Листата на видови на отпад (Сл.Весник на РМ бр.100/2005) се работи за отпад со шифра 10 04 – Отпад од пирометалургија на олово,10 04 01*- троски од примарно и секундарно производство, која според класификацијата спаѓа во класата на опасен отпад, информираат од Инспекторатот.

Од таму посочуваат дека според затекнатата состојба на теренот и проценка за ризикот, овластениот инспектор за животна средина по службена должност започнал инспекциска постапка и при тоа издал решение со кое им се наредува на сопствениците на земјиштето дислокација на опасниот отпад од катастарските парцели во село Орман на соодветна за тоа локација во рок од 30 дена од денот на приемот на решението.

The post Детектиран опасен отпад во близина на скопското село Орман appeared first on Република.

Приближно 300 кубни метри, претежно кабаст и градежен отпад, подигнати се и транспортирани во текот на изминатите два дена, во рамки на акција на ЈП Комунална хигиена-Скопје за отстранување диви депонии.

Како што информираат од Јавното претпријатие, активностите се одвиваа во Општината Карпош – во населеното место Злокуќани, на повеќе локации во Општината Ѓорче Петров, како и во Општината Бутел – на улицата Радишанска и во непосредна близина на пазарчето.

Екипите на Претпријатието во текот на минатата ноќ интервенираа и на улицата „Максут Садик“ во близина на Амбасадата на САД, каде што континуирано непрописно се одлага отпад на јавни површини. На посочената локација е отстранета уште една обемна дива депонија, по што е спроведено машинско миење со автоцистерни, наведуваат од ЈП Комунална хигиена.

The post Подигнати 300 тони отпад од диви депонии во неколку скопски општини appeared first on Република.

Два дена и требаше на грдоначалничката Данела Арсовска да реагира на сметот во Скопје. Откако Скопје на температури над 30 степени целзиусови се затрупа вечерва заседаваше Кризниот штаб на Град Скопје кој поради штрајкот во ЈП Комунална хигиена и одбивањето на работниците да го собираат ѓубрето. По состанокот градоначалничката Данела Арсовска изјави дека ѓубрето ќе биде исчистено, иако општините каде што градоначалниците се од ВМРО-ДПМНЕ, веќе го собраа сметот со помош на механизација од други општини.

Арсовска пак се занимаваше со напади, обвинувања и навреди. Вели мафијашки структури два дена го блокираат претпријатието. Причините биле лични интереси, а се работело за лица кои повеќе од 15 години работеле само една смена што било спротивно на закон. Арсовска вели дека поголем дел од нив воопшто не доаѓале на работа. Според неа директорката Мазнева била во право дека ќе се појават стаорци низ градот, притоа навредувајќи ги градоначалниците од скопските општини со кои раководи ВМРО-ДПМНЕ.

-Тоа и се случи. Погледнете ги овие стаорци од политичките елити како инструирано веднаш отскокнаа и ја користат оваа состојба која самата ја креираат за ситни политички поени - вели Арсовска.

Воедно Данела Арсовска на прес конференција вечерва му порача на лидерот на ВМРО-ДПМНЕ, Христијан Мицкоски дека е разобличен.

Разобличен е затоа што со бескрупулозност, за евтини политички поени, сака да креира проблеми за граѓаните кои потоа сака да се претставува дека ги решава и дека ги расчистува. Таквите политичари се најголемото ѓубре кое што овој град го видел и ние вечерва ќе почнеме со чистење на ѓубрето да ги чистиме и нив, порача Арсовска.

Реагираа од ВМРО-ДПМНЕ

Ја разбираме специфичната состојба во која се наоѓа Данела Арсовска, иако не ја оправдуваме истата. Веројатно ѓубрето е помалиот дел од проблемот, туку личноста со слицни карактеристики на него, која го води градот. Оттука изразуваме сериозен сомнеж за деловната способност на Арсовска да го води градот. Нема претпријатие кое не го упропасти, а последниот случај покажа дека ЈП Комунална хигиена може да работи само во тесна соработка со полицијата на Спасовски.

Данела Арсовска потребно е да си даде оставка и да престани да го измачува Скопје.

The post Арсовска: Мицкоски е најголемото ѓубре, ВМРО-ДПМНЕ: Да се преиспита деловната способност на Арсовска appeared first on Република.

Тука сум со Дарко Костовски со градоначалникот на Бутел, но исто така заедно со сите градоначалници на скопските општини, Аеродром, Кисела Вода, Ѓорче Петров, Гази Баба. навистина жалосно е ова што се случува да во 21 век во главниот град на Македонија сме пред, би рекол, зараза која може да ги зафати скопјани и главниот град. Жалам што сето ова се случува и она кое можат да го направат градоначалниците од скопските општини, од редовите на ВМРО-ДПМНЕ и коалицијата го прават заедно со помош и поддршка од страна на градоначалниците од другите општини во Македонија - изјави вечерва лидерот на ВМРО-ДПМНЕ, Христијан Мицкоски.

Тој посочи дека градоначалникот на Бутел Дарко Костовски побарал помош и механизација од градоначалникот на општина Велес, Марко Колев. Колев изпратил и механизација во општина Ѓорче Петров, благодарност до Марко.

Градоначалниците на Сопиште и Кавадарци, Стефче Трпковски и Митко Јанчев помагаат во општина Кисела Вода да може да се исчисти сметот што се акумулирал изминативе денови поради веќе познатите состојби во ЈП Комунална Хигиена Скопје. Борче Митевски од Петровец и Александар Ѓорѓиевски од Илинден помагаат во општина Гази Баба. Исто така градоначалникот на Штип Иван Јорданов помага во општина Аеродром со механизација за да може да се исчисти сметот кој изминативе денови е одложен, а за жал поради настанатата ситуација во ЈП Комунална Хигиена не е собран - рече Мицкоски.

Тој упати апел до надлежните да ги надминат недоразбирањата.

Упатувам апел надлежните да ги надминат сите оние проблеми кои се случуваат и навистина да им дадат услуга на скопјани онаква каква што заслужуваат, бидејќи на крајот од денот тие за ова издвојуваат од скромниот Буџет, плаќаат за да можат да добијат хигиена онаква барем каква што треба да има еден главен град во 21-век. Апелирам и до Владата да се вклучи да помогне, исто така апелирам и до останатите градоначалници во Скопје кој не се од редот на ВМРО-ДПМНЕ и коалицијата да се вклучат и да се вклучат во чистење на овој смет и да можат да го одложат.

Не далеку од Скопје е депонијата „Дрисла“ се надевам дека ќе се наиде на разбирање од надлежните во депонијата „Дрисла“ да се одложи овој смет бидејќи тоа им е потребно во овој момент на скопјани, а акцијата ќе продолжи во текот на целата вечер и се надевам дека утре веќе овој проблем ќе биде надминат, оваа алармантна состојба ќе биде надмината и ќе може непречено да се одвива работата и на ЈП „Комунална Хигиена“ но и на останатите општини во Град Скопје - додаде Мицкоски.

The post Мицкоски: Градоначалниците од ВМРО-ДПМНЕ го чистат Скопје пред да се појави зараза, апелирам надлежните да ги надминат недоразбирањата и да пружат услуга која скопјани ја плаќаат appeared first on Република.

Чистењето на малата (делта) HCH депонија во ОХИС продолжува со ремедијација на Лот 3, со кој ќе се отстранат 525 тони на HCH отпад и 210 тони на земја контаминирана со HCH, информираа денеска од Министерството за животна средина и просторно планирање.

Во рамки на досегашните активности спроведени за ремедијација на третиот лот, ископани и спакувани се 210 тони на земја контаминирана со HCH чиј извоз е планиран за следните два месеци и ископани и спакувани се 231 тон на HCH отпад, од кој околу 80 тони, во текот на вчерашниот ден се извезени на уништување во Франција.

Како подготвителна активност, Министерството за животна средина и просторно планирање на 9 јуни 2023 година донесе Решение за одобрување на планот за ремедијација за Лот 3 кој е доставен од страна на изведувачот на чистењето, компанијата Polyeco, по што истата од 12 јуни 2023 година продолжи со работа, информираа од МЖСПП.

Според Министерството, во претходниот период, како резултат на активностите поврзани со чистење на првите два лота од малата (делта) HCH депонија во ОХИС, се извезени и уништени 957 тони на HCH отпад и 127 тони на земја контаминирана со HCH.

The post Уште 80 тони опасен отпад од ОХИС испратени на уништување во Франција appeared first on Република.

На 01.06.2023 од полициски службеници Единицата за економски и компјутерски криминал и полициски службеници од СВР Скопје, во соработка со инспектори од Државниот пазарен инспекторат (ДПИ) и Државниот инспекторат за животна средина (ДИЖС), извршена е акциска контрола на шест правни лица - отпади на подрачјето на Карпош во Скопје.

Во рамки на акциската контрола во четири од правните лица, од страна на ДПИ е констатирано дека немале соодветна документација за водење на материјална евиденција, а во едно од нив од страна на ДИЖС е констатирано дека не поседувало дозвола за вршење на дејност складирање и третман на отпад.

За констатираните неправилности од полициските службеници од Единицата за економски и компјутерски криминал ќе биде известен Јавен обвинител, а од страна на инспекторатите ќе бидат изречени соодветни санкции.

The post Четири отпади во Карпош работеле нерегуларно appeared first on Република.

Вкупното количество на создаден комунален отпад во земјава во 2022 година изнесува 856 766 тони. Годишното количество на создаден комунален отпад по жител е 467 килограми, што е за 3.3 % повеќе од 2021 година.

Според податоците на Државниот завод за статистика, вкупното количество на собран комунален отпад во Република
Македонија во 2022 година изнесува 605 638 тони. Споредено со 2021 година, вкупното количество на
собран комунален отпад во 2022 година бележи намалување од 4.2 %.

Најголемо количество на собран комунален отпад е забележано во Скопскиот регион – 172 288 тони или 28.4 % од
вкупното собрано количество. Од вкупното количество на собран комунален отпад, 506 257 тони или 84 % се од домаќинствата, а останатите 16 % од правни и физички лица (комерцијален отпад).

Според видовите отпад, најголемо количество на собран отпад е измешаниот комунален отпад – 494 693 тони или
81.7 %, а најмало количество има отпадот од гума – 1 487 тони или 0.2 % од вкупното количество собран комунален
отпад.

The post Секој од нас тежи 467 килограми отпад appeared first on Република.

Екипите на ЈП „Комунална хигиена“ - Скопје денеска ја завршија акцијата за чистење на поширокото централно градско подрачје. Во рамките на акцијата, како што соопштија од претпријатието, беше спроведено рачно и машинско метење на јавните и сообраќајните површини на булеварите „Гоце Делчев“, „Филип Втори“, „Крсте Мисирков“, „Никола Карев“ и „Александар Македонски“.

Од претпријатието соопштија дека беа отстранети приближно 170 кубни метри отпад од диви депонии лоцирани во реонот на Карадак Маало - во непосредна близина на комплексот факултети при Универзитетот „Кирил и Методиј“, како и на булеварот „Александар Македонски“, на потегот кон хотелот Континентал.

Во акцијата учествуваа и екипи на ЈП „Паркови и зеленило“.

The post „Комунална хигиена“ собрала 170 кубни метри отпад околу комплексот факултети при УКИМ appeared first on Република.

Денеска (16.02.2023) во с.Визбегово, скопско, полициски службеници од одделот за криминалистичка полиција при МВР во координација со претставници на Царинската управа, Државниот инспекторат за животна средина, Управата за јавни приходи и Државниот пазарен инспекторат извршија контрола во три отпади за половни возила, сопственост на Р.З. од с.Визбегово, И.А. од Скопје и С.А. од с.Визбегово.

При контролата било констатирано дека сите три отпади работат без регистрирана дејност, односно фирма во Централниот регистар, без дозвола за работа од Министерството за животната средина и природата, а биле затекнати и повеќе различни типови нецаринети возила со странско потекло.

За сите констатирани недостатоци, против сопствениците ќе бидат поднесени соодветни поднесоци.

The post Нецаринети возила затекнати на отпади во Визбегово appeared first on Република.

Канадскиот брег стана депонија за фекалии и други штетни отпадни води што ги исфрлаат туристичките бродови што носат патници до Алјаска.

Крузерите се еден од најудобните начини за гледање и посета на националните паркови и глечерите на Алјаска, што го прави исклучително популарен тип на одмор за туристите од САД, но и од другите делови на светот. Сепак, патувањето до овие недопрени места вклучува и два или три дена пловење по западниот брег на Канада, каде што бродовите оставаат отпадни води и отпад, често во заштитени подрачја.

Во новиот извештај на еколошките организации „Stand.earth“ и „West Coast Environmental Law“ (WCEL) се наведува дека бродовите за крстарење на западниот брег на Канада испуштаат повеќе од 31 милијарда литри отпадни води годишно, пишува британскиот весник „Гардијан“.

Тие имаат перверзна тенденција да ја третираат Канада како тоалетна школка - вели Ана Барфорд од „Stand.earth“, опишувајќи го морето кај западниот брег на Канада како „автопат за ѓубре“.

По должината на канадското крајбрежје, кое е најдолго во светот со 243.042 километри, бродовите исфрлаат 147 милијарди литри штетен отпад годишно, што е количина што би наполнила 59.000 олимписки базени. Крузерите се покажуваат како најголеми загадувачи, иако претставуваат само два отсто од поморскиот сообраќај.

Овие бродови за крстарење испуштаат големи количини отпадна вода од тоалетите, тушевите, машините за перење и машините за миење садови во морето, а најголемиот извор на загадување, според Светскиот фонд за природата (WWF), е опремата што ги отстранува гасовите како сулфурот и азотните оксиди од издувните гасови. Тие произведуваат кисела отпадна вода која содржи вистински коктел од хемикалии. Само еден патнички брод на еднонеделно патување до Алјаска и назад испушта речиси 200 милиони литри од оваа загадена вода во морето.

Но, не се виновни (само) бродовите, туку и канадското законодавство за заштита на животната средина, кое е полабаво од американското, наведува „Гардијан“. Како резултат на тоа, бродовите ја задржуваат отпадната вода додека се во територијалните води на САД, а потоа ја испуштаат во канадските води.

Кога туризмот и крстарењата привремено запреа поради пандемијата на Ковид-19, морето можеше да „дише“, но сега кога бродовите за крстарење се враќаат, локалните жители стравуваат од враќање на отровната канализација.

Луѓето одат на Алјаска за да се восхитуваат на недопрената природа, но без да сфатат дека ја уништуваат нашата недопрена природа - предупредуваат тие.

The post Големите крузери го користат брегот на Алјасака како голема тоалетна школка appeared first on Република.

СВР Скопје – Единица за економски и компјутерски криминал поднесе кривична пријава против Д.С.(38) од Скопје и против правно лице од Скопје поради постоење основано сомнение дека сториле кривично дело „загрозување на животната средина и природата со отпад” по член 230 од Кривичниот законик.

На 14.02.2022, полициски службеници од Единица за економски и компјутерски криминал и инспектори од Државен пазарен инспекторат извршиле контрола и утврдиле дека првопријавениот, сопственик и управител на правното лице, во име на правното лице, во нерегистриран склад за откуп и продажба на секундарни суровини на ул.„Ѓорѓи Капчев“ неовластено тргувал со отпад без да поседува дозвола за управување со отпад издадена од Министерството за животна средина и просторно планирање.

The post Кривична пријава за загрозување на животната средина и природата со отпад appeared first on Република.

На оваа своја седница Владата го утврди текстот на Предлог-законот за гаранција на Република Македонија на обврските по Договорот за заем за финансирање на ТЕН-Т проектот за автопат од Скопје до границата со Косово, кој ќе се склучи меѓу Европската банка за обнова и развој и Јавното претпријатие за државни патишта.

Целта на овој Предлог-закон за гаранција е да се обезбеди финансиската поддршка за проектот, односно изградба на втората подделница која се однесува на останатиот дел од автопатот Блаце – Скопје, во должина од околу 10.5км со што, значително ќе се подобри мобилноста и трговската размена, ќе се подобри безбедноста на патот и ќе се скрати времето на патување, ќе се зголемат можностите за социо–економски развој, како на национално, така и на регионално ниво.

На предлог на Министерството за финансии Владата денеска го утврди и текстот на Предлог-законот за задолжување на Република Македонија со заем кај Европската банка за обнова и развој по Договорот за заем за финансирање на Регионалниот проект за цврст отпад.

Основната цел на гаранцијата за заем за финансирање на проектот е да го помогне развојот на регионални системи за управување со отпад во Југоисточен, Вардарски, Пелагониски, Југозападен и Полошки регион.

На денешната седница Владата донесе заклучок со кој ги определи заменик-претседателот за европски прашања Бојан Маричиќ и Секретаријатот за европски прашања да обезбедат институционална поддршка на имплементацијата на иницијативите и договорите.

The post Утврдени предлог законите за гаранција за финансиска поддршка за автопатот Блаце-Скопје и за регионалните депонии за отпад appeared first on Република.

На еко акцијата „Генералка викенд 2022“ која се одржа од 6 до 8 Мај во 26 општини во земјава, учествуваа речиси 8.000 волонтери и се собраа 185 тони отпад. Тоа е за осум пати повеќе собран отпад од минатата година, или околу 25 килограми за секој волонтер. „Генералка викенд“ е планирано да се повторува секоја година сѐ до 2031, со цел да се исчисти целата земја од отпад и да се имплементира одржлив систем за селектирање и менаџирање на отпад. Есенва, за секои десет килограми отпад што ќе се собрани, ќе биде посадено по едно дрво во шумските насади наречени „Сончева гора“.

Резултатите од акцијата денеска ги соопштија организаторите „Мен енд Маунтен“, заедно со Пивара Скопје и „Пакомак“, поддржани од Министерството за животна средина и просторно планирање и Министерството за земјоделство, шумарство и водостопанство

Честитајќи им го успехот на организаторите на акцијата министерот за животна средина и просторно планирање, Насер Нуредини потенцираше дека успешно воспоставување на одржлив систем за управување на отпадот мора да биде следено со изградени навики и одреден степен на општествена свест.

Акцијата ја покажува важноста на секој од чинителите во процесот на постапување со отпадот и има двојна улога – се развива свеста за правилно одложување, се развиваат позитивните навики за селектирање и се развива потребата за одржување на чиста животна средина, рече Нуредини и додаде дека со засадувањето дрвца отпадот се претвара во бенефит за сите.

Целокупната неопходна инфраструктура за собирање, селекција и соодветен третман на отпадот ја обезбеди „Пакомак“.

Пакомак секогаш ги поддржува акциите за собирање отпад на јавните површини. Од нашето искуство досега, 90% од оние кои учествувале во вакви акции собирајќи несовесно фрлен отпад од нашите сограѓани, никогаш повеќе не фрлаат отпад вон кантите или контејнерите. Уште повеќе, тие стануваат промотори за чиста природа и животна средина. Со акцијата минатата недела, земјава доби промотори и потврдени екологисти, кои успеаа да соберат огромна количина различен отпад. Замислете дека денес, камионите со отпад од Тетово и Битола да го истурат целиот собран смет од градот во природа… тоа е отприлика собраната количина отпад со оваа акција, отпад собран од нашите полиња, шуми и реки. Ние како Пакомак, дел од овој отпад што се рециклира ќе го однесеме на понатамошна обработка во нови суровини, но за жал поголемиот дел ќе биде само прописно депониран. Селекцијата на отпад од дома и одлагање во одделни контејнери иканти, се уште е најдобар опција, изјави извршниот директор на Пакомак, Филип Ивановски.

Претставниците на „Мен енд Маунтен“ се заблагодарија на учесниците и најавија дека до 2031 година, до 40-та годишнина од независноста на земјата, заедно можеме да ја оствариме целта која си ја поставивме, а тоа е да ја исчистиме нашата земја од отпад.

The post На еко акцијата „Генералка викенд 2022“, 8.000 волонтери собраа 185 тони отпад appeared first on Република.

Во рамки на проектот "ФИЛТЕР", здружението на граѓани за нови уметности, технологија и екологија "3.14 Брокули", организира панел дискусија на тема: "Намалување на текстилниот отпад преку кружни економии".

"ФИЛТЕР" е проект за одржливи системи и кружна (циркуларна) економија.
Во согласност со присуството на отпад и неговата селективност, идејата на "ФИЛТЕР" е да обезбеди неформална едукативна и практична програма за работа со повеќе од 7 типови на органски и неоргански отпад.

"ФИЛТЕР" е медиум каде можат да се споделат нови идеи, модели и пракси, со цел креирање на функционални и еколошки одржливи производи.

Првата епизода под наслов: "ФИЛТЕР - Текстилна индустрија" e за намалување на текстилниот отпад преку кружни економии. Планирано е да се обработат повеќе теми: текстилниот отпад како нов ресурс за работа, нови "зелени" материјали за работа, циркуларна економија, еколошки менаџмент, започнување на сопствен бизнис, моден дизајн и други.

Проектот "ФИЛТЕР - Текстилна индустрија" е организиран со финансиска поддршка од Британскиот совет во Република Македонија, во соработка со "Кинотека на Република Македонија", Текстилната компанија "ММЦ Прогрес" и "КОКОС Продукција".

Настанот ќе се одвива според протоколите за заштита од КОВИД-19 назначени од Влада на Република Македонија.

Локацијата е "Кинотека на Република Македонија", на ден 02.04.2022 година, со почеток во 12 часот.

Информации за настанот:

Модератор:

- Мартин Анастасовски

Панелисти:

- Проф. д-р Пеце Недановски (Економски факултет - Скопје)

- Марија Божиновска Богојевска (Директор за Увоз-Извоз во Окитекс ДОО)

- Проф. д-р Игор Јорданов (Институт за текстилно инженерство)

- Христина Алексовска (Одговорен соработник во "Копче")

- Александра Спасеска (Новинар, преведувач, активист, дел од тимот на Fashion Revolution Macedonia)

- Ирина Тошева (Моден дизајнер)

- Драган Христов (Моден дизајнер)

ПРИЈАВA: https://docs.google.com/.../1FAIpQLScOWfhZ9E0.../viewform...

The post Панел дискусија на тема: Намалување на текстилниот отпад преку кружни економии appeared first on Република.

Косовската полиција уапсила две лица и запленила 36.180 килограми месо со истечен рок во месноста Захаќ во градот Пеќ, јави дописникот на МИА од Приштина.

Според соопштението, се работи за телешко и пилешко месо и риба по потекло од Бразил, Италија и Полска. Месото, кое е откриено во депо за отпадоци, е конфискувано и ќе биде уништено.

Во врска со случајот се уапсени лицата А.Х., менаџер на пет деловни единици и А.А., заменик директор на депото за отпадоци.

Тие се сомничат за кривичното дело „производство и пуштање во промет на штетни прехрамбени производи“. На А.Х.му е одреден 48-часовен притвор, додека А.А. е пуштeн во редовна процедура.

The post Во депо за отпад во Косово откриени 36 тони месо со истечен рок appeared first on Република.