Градоначалникот Тони Коњановски изврши увид на локации во Битола каде силниот ветер предизвика проблеми и вознемирување кај битолчани.

Со екипи на локалните јавни претпријатија и пожарникари од ТППЕ-Битола, Коњановски посочи јавните претпријатија „Комуналец“, „Нискоградба“, „Водовод“ и ТППЕ Битола, да извршат санација на местата каде е предизвикана штета.

Екипите дејствуваат координирано и ќе останат на терен се до расчистување на сите локации, соопштија од Општина Битола.

The post Се санираат штетите од силниот ветер во Битола appeared first on Република.

Силниот ветер во Штип продолжува да прави штета и во попладневните часови. Градоначалникот на Општина Штип, Иван Јорданов за МИА изјави дека пожарникарите во моментов интервенираат на улицата „Браќа Даневи“ во населбата Автокоманда, каде има урнато дел од кровна конструкција на станбена зграда. Тој истакна дека дел од штипските населби немаат улично осветлување, поради искинати кабли, а има и скинати кабли на кабелските и интернет операторите. Од утринава екипите на ЈП „Исар“ и пожарникарите од ТППЕ-Штип интервенираа и на остранување на паднати дрвја и гранки во неколку населби.

МИА информираше дека од силниот ветар падната е и дел од кровната конструкција на средното електро-машинско училиште „Коле Нехтенин“. Највисокиот дел од кровот на училиштето заврши на другата страна на објект, кој се наоѓа до самото училиште. За среќа нема повредени ученици и вработени, ниту уништени автомобили. Директорката на Средното општинско училиште (СОУ), Јованка Шалева изјави дека учениците се безбедни.

За жал, заради силниот ветер на највисоките дел од училишниот кров имавме оштетување, и ќе треба да го решаваме тој проблем. Учениците се безбедни, нема повредени ниту вработени, нема ниту оштетени автомобили. Заради невремето со силниот ветер уште во прва смена ние ги предупредивме учениците дека треба за време на одморите да останат во училиштето и тоа тие го почитуваат, вели Шалева.

На лице место беа пожарникарите од ТППЕ-Штип како и екипи од ЈП „Исар“, кои посочија дека дел од кровот кој паднал на друг објект ќе биде отстранет, со цел да не се предизвика дополнителна штета. Исто така се разгледуваа сите околности да се преземат мерки и активности да не дојде до паѓање и на друг дел од кровот на училиштето.

Од ЦУК информираат дека неколкупати е известена и дежурна служба на ЕВН за ризични електрични столбови, кои се навалени и исфрлаат искри од жиците, поради последиците од ветерот и тоа на териорија на општините Штип, Кочани и две села. Според известувањата на УХМР има портокалов предупредување за ветер. Исто така се апелира граѓаните да бидат внимателни и да не се движат на места каде има високи дрва со цел да се заштитат.

The post Силниот ветер продолжува да прави штета низ Штип appeared first on Република.

Силен ветер попладнево предизвика проблеми во Битола и во Штип.

Според податоците од Управата за хидрометеоролошки работи, до 14 часот во Битола силината на ветерот достигна брзина од 60 км/ч. Како што споделуваат корисниците на социјалните мрежи, од силината на ветрот падна покрив од зграда во населбата Областа во Битола.

Од УХМР за Битола велат дека се очекува променлива облачност со врнежи од дожд попладне, кои повремено ќе бидат посилни. Во текот на денот ќе дува засилен југозападен ветер, кој во ноќта ќе се промени во северен, повремено засилен. Утре, уште претпладне, се очекуваат услови за слаб снег во Битола, а на повисоките места околу градот ќе се формира снежна покривка.

Во меѓувреме и во Штип по силниот ветер се забележани откорнати дрва, паднати гранки и оштетени автомобили. Директорот на ЈП „Исар“, Александар Арсовски, информираше дека досега имале околу 20 интервенции. Тимовите на ТППЕ Штип интервенирале на четири локации, вклучувајќи паднати дрва кај средното училиште „Коле Нехтенин“, Четвртиот километар и детската градинка „Вера Циривири Трена“.

Екипите на ЈП „Исар“ со реорганизација интервенираа на повеќе од 15 локации каде што имаше паднати дрва, изјави Арсовски.

Ветровитото време ќе продолжи и утре, а УХМР издаде портокалов предупредување за ветер.

Поради ова, од ЈП Паркови и зеленило апелираат до граѓаните да не ги паркираат возилата под високи или суви стебла, со цел да се избегнат несакани последици.

The post Силен ветер турна покриви и дрвја во Битола и во Штип, внимателно каде паркирате appeared first on Република.

Силен ветер денеска го зафати Кавадаречко, кој откорна бандери и повеќе дрвја, информираа вечерва од кавадаречката локална самоуправа.

Брза беше интервенцијата на пожарникарите од Територијалната противпожарна единица Кавадарци, службите од „Мој општинар“ и Јавното претпријатие „Комуналец“. Нивни екипи интервенираа на местата каде што беше потребно. Всушност, имаше проблеми со паднати бандери од кои поголемиот дел се сопственост на ЕВН и „Телеком и искорнати дрвја по патот, предизвикани од силниот ветер на кавадаречка територија, соопштија од Општината.

[caption id="attachment_605075" align="aligncenter" width="1080"] (фото: МИА)[/caption]

Оттаму апелираа до кавадарчани доколку имаат каква било потреба од интервенција, да се јават на бесплатните телефонски броеви 13 300 и 193, за да добијат поддршка во надминувањето на евентуалните проблеми.

The post Силниот ветер откорна бандери и дрвја во Кавадаречко appeared first on Република.

Поради силниот ветар во текот на денешниот ден, имаше откорнати и паднати гранки и дрвја на повеќе локации во Велес – кај касарната „Алексо Демниевски-Бауман“ на ул. „Благој Ѓорев“ ,во дворот на ООУ „Блаже Конески“ и кај затворот во Превалец. На сите локации собрани се паднатите гранки и дрвја, информираат од ЈКП„Дервен“.

Наши екипи по дојавата веднаш се упатија на терен и за кратко време ги отстранија паднатите дрвја и гранки, велат од ЈКП„Дервен“.

Од Брза помош информираа дека кај нив до 17 часот никој не пријавил повредени лица од пад на дрвја и гранки.

The post Силниот ветар во Велес откорна дрвја appeared first on Република.