ДУИ и нејзините сателити постојано ја понижуваат албанската култура, а најновиот пример за ова понижување е Ансамблот на албански песни и ора во Македонија со директорот на оваа институција, Шкодран Толај, кој како единствено достигнување во својата кариера има фактот дека е личен пејач на Али Ахмети.
Сведоштвата на вработените во Ансамблот на албански песни и ора се скандалозни и ужасни. Коалицијата ВРЕДИ ја поздравува храброста и одважноста на овие вработени кои јавно ги открија „гревовите“ на пејачот на Али Ахмети, Шкодран Толај, велат од ВРЕДИ.

Оваа личност, наместо да се занимава со напредокот на културата, се занимавал со се’ друго освен со својата примарна должност, што е емблематично за партијата која ја водеше владата веќе 22 години со непрофесионални кадри. Наместо да го реши статусот на вработените, тој избра да ги остави во неизвесност и да ги деградира, покажувајќи ароганција и недостиг на одговорност.

34-те вработени во Ансамблот за албански песни и ора, кои останаа без работа, велат дека во ниту еден момент не биле известени за отпуштањето, а во минатото имале и притисоци. Тие сакаат да се вратат на работа, откако им беа раскинати пет годишните договори.

Бараме заложба од Министерството за култура и финансии како и од Владата, за што поскоро да се вратиме на работа и ние како уметници да не бидеме принудени да шетаме по улиците протестирајќи пред надлежните институции. Ја повикуваме актуелната политика да не биде рамнодушна кон нашиот проблем-вели Вулнет Незири.

Повеќе од една недела овие уметници се без работа, додека според нивниот директор Шкодран Толај тоа не можело да се спречи бидејќи новата Влада не дозволила да се отворат конкурси.

Покрај ова, уметниците велат дека имале различни притисоци и од директорот Шкодран Толај. Јетмир Реџепи вели дека иако со стент на срцето, директорот го принудил да оди на работа во текот на летото.

Му реков дека не можам да дојдам, премногу беше топло, ме принуди да дојдам на работа и еве ги моите колеги, паднав на бина, ме однесоа во болница, останав 10 дена и не добив никаков надомест, вели Јетмир Реџепи.

Додека Фатон Џони, еден од повредените на работа, изјавува дека Толај дал изјава во полиција, велејќи дека вработениот бил повреден за време на паузата.

Никој од организаторите или кој е одговорен за нас не се погрижи да ме однесе во болница, повреден и сам отидов во болница со помош на некои колеги. Ги испратил колегите да потпишат дека сум се повредил надвор од работното време, рече Џони.

Толај во објава на Фејсбук се правдаше за обвинувањата за мобинг врз работниците.

Што се однесува до повредите на работа, има два случаи, но не како резултат на условите за работа, дури и лице додека си играло и се шегувало на пауза доживеало несреќа (истиот случај потоа се обидел да се искористи за медиумски прашања – немање услови)-изјави Шкодран Толај.

Но, никогаш не сум сакал да ги „удрам“ работниците по плата, никогаш не сум отпуштил никого од работа, а овој „мобинг“ треба да се пријави до надлежните органи.

The post ВРЕДИ: ДУИ и нејзините сателити ја уништија албанската култура, 34 вработени избркани од работа бараат истрага за мобинг во Ансамблот за албански песни и ора appeared first on Република.

Банките ширум светот годинава укинаа повеќе од 60.000 работни места, што ја прави една од најлошите за секторот од финансиската криза и збриша голем дел од работните места создадени по завршувањето на пандемијата на Ковид-19, пишува „Фајненшл тајмс“.

Во втора година на големи падови, надоместоци за склучување зделки и недостиг на иницијални јавни понуди, инвестициските банки се свртеа кон заштита на профитните маржи со намалување на бројот на вработени.

Во исто време, преземањето на Credit Suisse од страна на UBS резултираше со најмалку 13.000 отпуштања, а во следната година се очекуваат нови кругови на отпуштања, пренесува poslovni.hr.

Не е конечен број

Нема стабилност, нема инвестиции, нема раст во повеќето банки – и веројатно ќе има повеќе отпуштања. Во моментов им се испраќаат многу убави подароци на газдите, вели Ли Такер, сопственик на Силвермин Партнерс.

Дваесет најголеми банки во светот укинаа најмалку 61.905 работни места во 2023 година, според пресметките на Фајненшл Тајмс. Сепак, бројката е многу пати помала од 140.000 работни места што истите кредитори ги укинаа за време на глобалната финансиска криза во 2007 и 2008 година.

Пресметувајќи ги укинувањата на работни места, „Фајненшл тајмс“ ги користел најавите на компаниите и сопствените извештаи за да ги собере податоците и не вклучи помали банки или помали намалувања на персоналот, така што конечните загуби на работни места во финансискиот сектор ќе бидат поголеми.

Претходните години на големи загуби на работни места во банките, како што се 2015 и 2019 година, беа под влијание на големите отпуштања на европските кредитори, кои се занимаваа со симболично ниски каматни стапки.

Најмалку половина од намалувањата годинава дојдоа од заемодавците од Вол Стрит, чии инвестициско банкарски бизниси се мачеа со брзината на пораст на каматните стапки во САД и Европа.

Во многу случаи, заемодавците се враќаат на нивоата на вработувања по пандемијата, кога намалената побарувачка за работа на спојувања и припојувања предизвика „војна за таленти“ меѓу инвестициските банки.

Најголемите индивидуални кратења се случија во швајцарската УБС, кога оваа банка почна да го интегрира својот поранешен ривал. Само неколку часа по спасувањето на Креди Свис во март, почнаа предвидувањата дека најзначајното банкарско спојување од финансиската криза ќе резултира со елиминација на десетици илјади работни места.

Креди Свис веќе планираше да отпушти 9.000 вработени, но се очекуваше UBS да оди чекор понатаму со елиминирање на двојните позиции и затворање на голем дел од инвестициската банка на својот поранешен ривал.

Разредување на работната сила

Во ноември, UBS објави дека веќе укинал 13.000 работни места во групацијата, која во тоа време имала 116.000 вработени. Втората најголема компанија во 2023 година беше Велс Варго (Wells Fargo), која пред кусо време откри дека ја намалила својата глобална работна сила за 12.000 – на 230.000.

Банката соопшти дека само во третиот квартал потрошила 186 милиони долари за отпремнини, а отпуштени се 7.000 работници. Извршниот директор Чарли Шарф објави дека банката издвоила дури една милијарда долари за дополнителни трошоци за отпремнини, што укажува на тоа дека десетици илјади работни места се загрозени.

Другите големи заемодавачи од Волстрит ги продолжија своите годишни програми за намалување на работната сила откако прескокнаа неколку години од почетокот на пандемијата.

Ситигруп укина 5.000 работни места, Морган Стенли 4.800, Банката на Америка 4.000, Голдман Сакс 3.200 и ЈП Морган Чејс 1.000. Заедно, големите банки на Волстрит отпуштија најмалку 30.000 вработени во 2023 година.

The post Светот во 2023: Најголеми отпуштања од 2008 година, банките укинаа 60.000 работни места appeared first on Република.

Државниот инспекторат за труд по поднесената претставка од вработените во ЈП „Комунална хигиена“ Скопје на кои им беа дадени откази, донесе Инспекциска мерка со која Менаџментот на ЈП „Комунална хигиена“ Скопје треба да донесе писмен акт со кој ќе ги поништи одлуките за отказ поради тоа што истите се спротивни на закон и колективен договор, соопшти Сојузот на синдикати на Македонија (ССМ).

Соработката помеѓу ССМ и ДИТ воспоставена на највисоко ниво, дава резултати во интерес на работниците и ССМ ја поздравува брзата реакција на инспекторатот. СУТКОЗ и ССМ очекуваат Управниот одбор на ЈП „Комунална хигиена“ Скопје на седницата која ќе ја одржи утре, на ден 25.07.2023 година постапувајќи согласно Инспекциската мерка како и врз основа на поднесените приговори од работниците да донесе одлука со која ќе ги поништи отказните решенија и вработените ќе ги врати веднаш на работните места – се вели во објавата.

The post Трудовиот инспекторат ги поништи отказите на вработените во „Комунална Хигиена“ appeared first on Република.

„Нејшнл џиографик“ (National Geographic) ги отпушти своите последни вработени новинари и најави дека од следната година повеќе нема да се продава на киосците во САД, но ќе продолжи да објавува месечни изданија.

Откази добија 19 вработени новинари, а редакцијата отсега ќе биде составен од хонорарни уредници и соработници

„Нејшнл џиографик“ најави дека сепак ќе остави неколку вработени новинари и објасни дека кратењето на трошоците го вовела матичната компанија Дизни.

Промените во бројот на вработени нема да влијаат на квалитетот на нашата работа, но ќе ни овозможат поголема флексибилност да раскажуваме различни приказни и да се дружиме со нашата публика преку нашите многубројни платформи. Секоја инсинуација дека овие промени негативно ќе влијаат на списанието или на квалитетот на нашето известување едноставно се неточни, изјави портпаролот на „Нејшнл џиографик“.

„Нејшнл џиографик“ е во сопственост на Волт Дизни од 2019 година. Списанието за природата, што се публикува 135 години, во изминатите години имаше повеќекратно намалување на работните места.

Списанието е основано од „Нејшнл џиографик сосајети“ (National Geographic Society) во 1888 година, беше продадено на „Твенти-Фрст Сенчари Фокс“ (Twenty-First Century Fox) во 2015 година. Дизни (Disney) се здоби со мнозински удел, кога ја купи компанијата „Твенти-Фрст Сенчари Фокс“ под контрола на Руперт Мардок за 71 милијарда долари во 2019 година.

Колекционерското списание имаше 12 милиони претплатници во САД и неколку милиони повеќе ширум светот во 80-тите години од минатиот век. На крајот на 2022 година, имаше помалку од два милиона претплатници во САД. ми/

The post „Нејшнл џиографик“ ги отпушти сите вработени новинари appeared first on Република.

Четири искусни медицински сестри набркани од работа само затоа што се Македонки, aлармира Бране Петрушевски од ВМРО-ДПМНЕ нарекувајќи го овој скандал ДУИзација на Куманово

Во Здравствениот дом во Куманово се распишал оглас за вработување на 10 медицински сестри на неопределено. Локалните СДС и ДУИ се договориле 6 вработувања да бидат нови од ДУИ, а 4 од СДС, кои веќе 4 години работеле таму по договор.

Директорот, поставен од ДУИ си ги вработува сите 10 од ДУИ, според мои извори, со поделени 10 веќе решени тестови на тестирање, затоа што сметал дека сите 10 вработени треба да се Албанки.

По овој настан, претседателот на ОО на СДС Тушевски доблесно си дал оставка, а пратеникот Костовски се крие и никаде го нема.

Сега нови и неискусни медицински сестри ќе ги вакцинираат децата и ќе вршат домашна посета, додека искусните ќе седат дома без работа, само затоа што не се од ДУИ, открива тој.

Петрушевски ги повика надлежните институции да го испитаат овој случај, да се поништи огласот и да се вработат стручни, квалитетни и искусни медицински сестри во Здравствениот дом Куманово.

The post Искусни медицински сестри избркани од работа од болницата во Куманово за на нивно место да се вработат кадри на ДУИ appeared first on Република.

Заклучно со јануари 2021 година, 17 илјади луѓе останале без работа, а врачени се 1.202 откази и 1.770 места се затворени, вели последниот извештај на Државниот завод за ревизија (ДЗР).

Над 6.000 работници сами дале отказ, а на 7.000 не им ги продолжиле договорите за определено вработување.

Над 100 работодавачи не исплатиле минимална плата за 435 вработени иако ја добиле државната помош од 6.317 денари за тоа.

The post Околу 17 илјади луѓе останале без работа за време на ковид-пандемијата во Македонија appeared first on Република.

Без отказен рок, без претходна најава и од причини познати само за раководството, НИКОБ ЛАБ остави на улица над 30 од своите вработени, објави КУРИР.

Доктори, лаборанти, други медицински лица, возачи… кои минатава година беа во прва борбена линија во битката со коронавирусот како “признание” и “благодарност” добија нож во грб и останаа без работа и без месечни примања

Дознале од “денес за денес“ дека остануваат без работа и без средства за егзистенција. Избрканите лица, жртви на неправедноста од фирмата во која посветено работеле како хумани работници кои ја избрале медицината за своја професија.

Дел од вработените кои до завчера биле во редовен работен однос, а од вчера се оставени на улица, револтирани и понижени, ја контактираа редакцијата на КУРИР.

Ова е скандалозно и нечовечки. Вчера добив распоред за работа и дежурство, а денес немам работа. Ме натераа да потпишам спогодба, без претходна најава или предупредување. Ми пратија распоред за работа за еден месец, а не ми овозможија да сработам ниту еден ден од распоредот кој го добив. Немам ниту една дамка во работата, па да можат да се правдаат дека ме избркале поради некоја грешка. Причината не ми беше кажана. Едноставно, на дрзок начин, бев принудена да потпишам спогодба и да си одам – вели една од вработените..

Редакцијата на КУРИР дојде до бланко спогодбата која раководните лица од Никоб Лаб буквално им ја наметнале на своите вработени.

Како што може да се види, од лабораторијата не се ни обиделе да сокријат каков дрзок потег прават, па јасно потенцирале дека се раскинува договорот за вработување без отказен рок.

Како тоа да не е доволно, во спогодбата е вметнат и член 3 со кој избрканите работници се принудени да немаат никакви други побарувања по ниту еден основ, како што е можеби отштета за непочитување на првичните договори и законот кој налага отказен рок.

The post Никоб Лаб остави на улица над 30 вработени, избркани без отказен рок appeared first on Република.

Директорот на Агенцијата за вработување, Беким Мурати на вчерашната прес-конференција информираше дека вкупно 16.073 граѓани добиле отказ од работното место поради пандемијата на корона вирус.

Од 11 март 2020 година, вкупниот број на работници 16.073 се одјавени врз база на тоа дека поради кризата го загубиле работното место. Во Агенцијата за вработување со состојба од 31.12.2021 година е регистрирано дека вкупниот број на активни баратели на работа се 130.982 и 54.618 кои се пријавуваат на шест месеци, додаде Мурати на новинарско прашање.

Иако од бизнис фелата пак тврдат дека бројката на загубени работни места изнесува над 40.000, Мурати вели дека таква статистика нема.

Во моментов активни баратели на работа има речиси 131.000, а пасивни се околу 54.000 лица.

The post Над 16.000 македонски граѓани останале без работата поради ковид-кризата appeared first on Република.