Британскиот весник „Гардијан“ го отпушти својот карикатурист Стив Бел по повеќе од 40 години работа поради „антисемитска карикатура“ на Бенјамин Нетанјаху.
Бел изјавил дека весникот „Гардијан“ го отпуштил поради карикатура за која е оценета дека е антисемитска, пренесува Н1.

Ми беше кажано дека повеќе не се подготвени да ја објавуваат мојата работа по карикатурата на Бенјамин Нетанјаху, изјави Бел за британските медиуми.

На карикатурата се гледа како Нетанјаху носи боксерски ракавици и држи скалпел над својот гол стомак додека прави засек во форма на Газа, со натпис: „Жители на Газа, излезете веднаш“.

The post „Гардијан“ му даде отказ на карикатурист после 40 години работа, поради карикатура на Нетанјаху appeared first on Република.

Медицинската сестра од Клиниката за онкологија и радиотерапија, која на 28 февруари беше фатена при повторна кражба на лекови, доби отказно решение на 23 мај, а од 28 февруари не е стапната на Клиниката, кажа в. д. директорката на Клиниката за онкологија д-р Виолета Клисаровска, која беше денеска на прес-конференција која ја организираше министерот за здравство Фатмир Меџити.

Сестрата била ангажирана во дневната болница и не била директно вклучена со растворањето лекови.

Д-р Клисаровска објасни дека терпатиите за онколошките пациенти секогаш се даваат со физиолошки раствор, така е по протокл, додавајќи дека откако е таа директорка на Клиниката за радиотерапија и онкологија, од ноември 2022 година, секој пациент ја добива препишаната терапија согласно индикацијата, дозата, типот на лекот според тоа што неговиот соодветен лекар тоа ќе го постави, без никаква манипулација со лековите.

https://republika.mk/vesti/makedonija/od-noemvri-2022-godina-sekoj-patsient-ja-dobiva-prepishanata-terapija-bez-nikakva-manipulatsija-so-lekovite-tvrdi-direktorkata-na-klinikata-za-onkologija/

Д-р Клисаровоска кажа дека не дава втора шанса никому, без разлика дали е украден скап лек или физиолошки раствор.

А за тоа зошто медицинската сестра била вратена на работа после првата кражба, за тоа треба да одговори претходното раководство, рече д-р Клисаровска, која потврди дека денеска на работа дошол д-р Нино Васев, претходниот директор на Клиниката.

Немам добиено никакво решение од институциите д-р Васев да биде отстранет од работа, да, тој денеска дојде на Клиниката, додаде д-р Клисаровска.

The post Медицинската сестра која во февруари вторпат била фатена како краде лекови, во мај добила отказ од Онкологија appeared first on Република.

Фудбалската федерација на Македонија (ФФМ) му врачила отказ на селекторот Боби Милевски, објави порталот „Спорт 1“.

Одлуката доаѓа по речиси еден месец од највисокиот пораз во историјата на нашата фудбалска репрезентација, 7-0 од Англија на Олд Трафорд.

Членови на раководството на ФФМ на Милевски му ја соопштиле одлуката дека повеќе не е кормилар на националниот тим, но потврда за смената се очекува да има до крајот на оваа недела, за кога е закажан состанок на Управниот одбор на куќата на фудбалот, „пишува Спорт 1“.

Најдобриот резултат на Македонија под водство на Милевски беше победата над Италија во Палермо, потоа следуваа низа лоши и неубедливи игри кои кулминираа со поразот на Олд Трафорд.

The post Фудбалскиот селектор Боби Милевски добил отказ? appeared first on Република.

Габриел Ескобар можеби повеќе нема да биде заменик помошник државен секретар на САД и специјален пратеник на САД за Западен Балкан поради настаните на Косово и Метохија.

На 27 февруари во Брисел и на 18 март во Охрид, Ескобар посредуваше за постигнување договор за патот кон нормализација на односите меѓу Белград и Приштина, но не предвиде ескалација на ситуацијата во трите општини на северот на Република Косово, пишува „Албанска пошта“, додавајќи дека тоа може да има лични последици последици за него.

Наводно, дипломатски извори велат дека поради ескалација на ситуацијата и стагнација на процесот на нормализација, Ескобар би можел да му отстапи место на друг дипломат, пренесува Раша тудеј Балкан.

Со заминувањето на Ескобар, ако се дојде до тоа, според изворите на „Албанска пошта“, американскиот амбасадор во Србија, Кристофер Хил, ќе има многу позначајна улога во процесот на дијалогот и ќе биде „гласот на американската власт. „ во однос на дијалогот меѓу Белград и Приштина и спроведувањето на точките од договорот.

Иако Ескобар изјави дека САД ќе ги признаат резултатите од „контејнерските избори“ на север, Хил во име на официјален Вашингтон изјави дека САД не ги поддржуваат бидејќи Србите не учествувале во процесот, а гласањето било организирано на особено чувствителен момент во процесот на дијалог.

Покрај Хил, се споменува и името на Кристофер Робинсон, моментално американски амбасадор во Летонија, кој пред да биде именуван на оваа функција беше заменик помошник секретар во Бирото за европски и евроазиски прашања.

За време на неговите 23 години како дипломат, Робинсон служел како политички советник во Амбасадата на САД во Русија, како и заменик директор за руски прашања во Стејт департментот.

Тој беше и политички советник во Мисијата на САД во Организацијата за безбедност и соработка во Европа (ОБСЕ) во Австрија.

Во игра е и името на Кристофер Ландберг. Ландберг во моментов е вршител на должноста заменик главен координатор на Бирото за борба против тероризмот на Стејт департментот на САД.

The post Ескобар добива отказ? appeared first on Република.

Сојузот на синдикати на Македонија денеска објави дека претседателот на синдикалната организација на „Водовод и канализација“ Стојанче Кашински добил отказ од страна на в.д. директорот на претпријатието Марјанче Митовски.

Од ССМ, ваквата постапка на в.д. директорот ја оценуваат како спротивна на закон и на колективниот договор.

Согласно Закон и колективен договор на претседателот на синдикат не може да му се даде отказ, особено поради тоа што во моментот се спроведува постапка за штрајк и ваквиот притисок е порака за работниците да бидат послушници на Митовски, кој веќе и им испраќаше и заканувачки пораки на сите работници кои сега се остваруваат и покрај предупредувањето од Синдикатот СУТКОЗ при ССМ што беше и едно од главните барања за разрешување на в.д директорот, се вели во соопштението од ССМ.

Од ССМ бараат итна седница на Управниот одбор кој како второстепен орган во претпријатието е надлежен да одлучува по приговори и жалби и да се укине решението за изрекување на дисциплинска мерка – престанок на работен однос. Од Управниот одбор бараат да утврди и зошто Митовски не ги спроведува нивните одлуки

The post ССМ: Претседателот на синдикатот на „Водовод“ незаконски е избркан од работа appeared first on Република.

Mинистерството за одбрана (МО) му дало отказ на државниот советник Петар Богојески, по покрената дисциплинска постапка против него, поради споделен линк од портал на фан-страница, а во врска со руско влијание во македонско-бугарскиот спор и во редовите на МПЦ-ОА, пренесе „Дојче веле“.

Информиран сум за изречена мерка – отказ, по дисциплински престап. Во текот на вчерашниот ден имало обид за достава на таа одлука на неовластена адреса, а секако и до мене, но поради отсуство од работа, не е доставена. Ова е школски пример за прогон од власта кон неистомисленици, особено обид да се замолчи опозицијата со недозволени, недемократски средства – вели Богојески.

Тој тврди дека против него се воделе повеќе нарачани дисциплински постапки, со цел да биде замолчен како опозициски активист, лидер на „Македонски концепт“.

Отказот бил последниот чин, откако претходно со друга постапка бил распореден на пониска работна позиција. Имено, во февруари годинава, му била изречена дисциплинска мерка – распоредување на работно место во непосредно пониско ниво, заради однесување спротивно на одредбите на Кодексот од Законот за административни службеници. Причината, исто така, била личен политички коментар на Богојески на Фејсбук, во однос на Израел и Палестина, а постапката била покрената по пријава од надворешен субјект.

Додека таа постапка е во фаза на жалба пред второстепен орган, Богојески сега се соочува со последната мерка – отказ, поради случај кога споделил линк од текст кој говори за руско влијание во редовите на МПЦ-ОА. Тој искоментирал „дека рускиот обид за спречување на устоличувањето на МПЦ-ОА во православната екумена, нема да успее“, посочувајќи притоа претставник на Православната охридска архиепископија (ПОА) како „изрод“.

Иронијата да биде уште поголема, јас сум обвинет за споделени вести за руско влијание во македонско-бугарските односи и во Македонија, нешто што го потврдија и бугарскиот и македонскиот премиер, но и низа министри и релевантни фактори – вели Богојески.

The post Петар Богојески добил отказ од Министерството за одбрана, на Фејсбук споделил вест за руско влијание appeared first on Република.

Поради санкциите воведени против Русија, вработени во руската национална авиокомпанија „Аерофлот Ерлајнз“ во Хрватска добија отказ. Последниот лет на компанијата меѓу Загреб и Москва беше на 27 февруари.

По тој датум сите летови беа откажани, а сега и сите вработени во компанијата добија отказ, пишува порталот „Croatian Aviation“.

Според порталот „Индекс“, „Аерофлот“ во Хрватска има две филијали што работеа дури и за време на пандемијата од коронавирусот.

Се наведува дека пред украинската криза, руската авиокомпанија во Хрватска бележеше одлични резултати на летот Загреб – Москва.

The post Поради санкциите воведени против Русија сите вработени во „Аерофлот“ Хрватска добија отказ appeared first on Република.

Уредничката на рускиот Канал 1 Марина Овсијаникова соопшти дека дала отказ, но и дека одбила да ја прифати понудата за азил во Франција откако на руската државна телевизија истакна транспарент со порака „Стоп за војната!“ и „Тука ве лажат“.

Овсијаникова набргу потоа беше уапсена и казнета со 30.000 рубли (290 долари).

Во интервју за Франс 24, Овисијаникова соопшти дека ги „предала документите“ за раскинување на работниот однос во Канал 1.

Овисијаникова, која има две деца, вели дека со овој гест го променила животот на своето семејство, при што нејзиниот син покажал посебна вознемиреност.

Но, мораме да ставиме крај на оваа братоубиствена војна, за ова лудило да не се претвори во нуклеарна војна. Се надевам дека со текот на времето син ми ќе сфати зошто го направив тоа, рече таа.

Таа додаде дека и некои нејзини колеги дале отказ, но дека многумина не можеле да го сторат тоа од финансиски причини.

Среќна сум што луѓето го кажаа своето мислење, но финансиската состојба е многу тешка и тешко е луѓето да престанат да работат, рече таа.

Во одвоено интервју за германски „Шпигел“, Овсијаникова рече дека нема да ја прифати понудата за азил од францускиот претседател Емануел Макрон и дека ќе остане во Русија.

Не сакам да ја напуштам мојата земја. Јас сум патриот, и мојот син. Во никој случај не сакаме да ја напуштиме земјата, не сакаме да одиме на друго место, рече таа.

И покрај нејзиното ослободување, Овсијаникова би можела да се соочи со дополнително гонење, ризикувајќи повеќегодишна затворска казна, согласно законите донесени на 4 март со кои се ограничува слободата на говорот за војната во Украина.

The post Новинарката која на руска телевизија протестираше против војната, дала отказ и одбила азил appeared first on Република.

Елена Ковалскаја, актуелната директорка на Московскиот државен театар, реши да поднесе оставка поради ситуацијата во Украина. Таа во својата објава на Фејсбук индиректно „пука“ кон претседателот на Руската Федерација, Владимир Путин.

Пријатели, во знак на протест против руската инвазија на Украина, поднесувам оставка од функцијата директор на државниот театар. Невозможно е да се работи за убиец и да се зема плата од него. Работите што беа започнати ќе ги завршам, на доброволна основа – напиша Елена Ковалскаја.

The post Директорката на московскиот државен театар даде отказ поради Украина appeared first on Република.

Известување за прекин на работен однос на телефон и тоа во недела, добила Сања Камчева, наставничка во основно училиште во Општина Демир Капија.

Таа обвинува дека нејзиното место го презела колешка којашто имала помалку освоени бодови на тестирањата, а таа ја изгубила работата само затоа што нема е член на СДСМ.

Ова е нејзината објава на Фејсбук:

За жал живееме во “држава” во која според потпишаниот работен договор треба писмено да сме известени за прекин во работниот однос, но во недела вработените телефонски се известуваат за прекин на работниот однос. Се вели на исто рамниште сте со колешката што ќе го превземе твоето место иако резултатите од тестот по македонски јазик прикажуваат сосем друго (во прилог фотографија како доказ). Исто така јас како наставничка во тоа одделение веќе неколку месеци работев со тие ученици, а тоа би требало да биде предност во оваа ситуација.
Живееме во “држава” во која личноста нема право сама да избере кога и каде ќе аплицира за работа според завршено образование. Доколку се случи некој да аплицира потоа следи прекин на работниот однос…
Живееме во “држава” предводена од СДСМ и доколку ние не сме нејзини членови телефонски сме известени за нашиот прекин на работното место.
И за крај би рекла живееме во “држава” каде е важна политичката определеност, а ВООПШТО не е важно психичкото здравје на деца од само 10 години поради промената на 3 наставнички во текот на една учебна година (за жал втората промена е поради смрт на првата наставничка, но во третата промена има НАЈГОЛЕМА улога политиката).
Сепак психичката состојба на тие ученици нека им стои на совест на градоначалникот на Општина Демир Капија Лазар Петров – Градоначалник на Општина Демир Капија и на пратеникот Ристе Ташев!“

The post Наставничка од основно училиште во Демир Капија е отпуштена од работа: Ако не сте член на СДСМ, отказ добивате на телефон, во недела appeared first on Република.

Марјана Панчевска, директорката на училиштето „Љубен Лапе“ во изјава за Слободен печат вели дека од нејзина стана преземени се сите неопходни процедури во случајот со наставничката по математика.

Таа објаснува дека би можела да ја избрка од работа наставничката само ако има доказ за тешки прекршувања, а такви докази немала, освен исказите на родителите.

Поднесов остака од лични причини, премногу енергија вложив во решавањето на овој проблем, и на крајот сепак не успеав да го решам.  Сепак, сметам  дека бојкотот на настава не е соодветен начин да се решаваат проблемите, местото на учениците им е на час, вели Панчевска за Слободен печат.

Целиот текст овде.

The post Директорката на „Љубен Лапе“ не можела да ја избрка од работа наставничката, па си дала отказ appeared first on Република.

Раководството на англискиот прволигаш Ватфорд му врачи отказ на италијанскиот тренер Клаудио Раниери по само 112 денови минати на клупата.

Раниери (70) доби отказ по првенствениот пораз од Норич (0-3) по што Ватфорд падна на 10. место на табелата со 14 бодови, само два повеќе од последнопласираниот Барнли.

Ватфорд сега е во потрага по трет тренер оваа сезона, која ја почна со Шпанецот Циско Муњоз, кој доби отказ на почетокот на октомври.

Неговиот наследник Раниери го предводеше Ватфорд на 14 натпревари и забележа само две победи, едно реми и дури 11 порази.

The post Раниери доби отказ од Ватфорд по само 112 дена минати на клупата appeared first on Република.

Поранешниот советник на екс-премиерот Зоран Заев, Александар Обрадовиќ, по шест месеци е отповикан од функцијата директор на ЕСМ Продажба, клучна подружница на државните електрани, во чија надлежност е купување на струја од надворешниот, пазар за да се покријат потребите на снабдувачот со електрична енергија на домаќинствата и малите потрошувачи.

На местото на Обрадовиќ како прв човек на поранешен ЕЛЕМ Трејд е назначен Синиша Ивановски, кој ќе ја врши функцијата со определено време од шест месеци во периодот од 1 јануари до 30 јуни 2022.

Управниот одбор на АД Електрани на Македонија (ЕСМ) го назначи Александар Обрадовиќ пред нешто повеќе од половина година за управител на фирмата-ќерка ЕЛЕМ трејд. Во 2017, како што тогаш потврди Заев, Обрадовиќ беше во игра да биде поставен за генерален директор на ЕСМ.

Обрадовиќ порано бил регионален директор на чешката државна електроенергетска компанија ЧЕЗ и генерален директор на српската државна електроенергетска компанија ЕПС. Контроверзно беше разрешен од позицијата директор на Електропривреда на Србија поради „хедонизам, луксуз и неодговорно работење“.

The post Поранешниот советник на Заев кој во Србија го отпуштија поради луксуз и хедонизам, доби отказ од ЕСМ appeared first on Република.