Денеска заедно со сите министри ги доставивме нашите оставки до Премиерот, информира вицепремиер Артан Груби.

-Почитуван претседател на Владата на Република Македонија како носител на важна јавна функција, свесен дека благосостојбата на нашите граѓани и нивната иднина несомнено припаѓа на големото европско семејство, имајќи го предвид именувањето на политичкиот субјект на кој му припаѓам и кој начелно се залага за интеграцијата на земјата како во НАТО така и во ЕУ, така и за блиски и за продлабочени односи со САД, имајќи го во предвид непристојниот услов на опозицијата за да ги изгласа уставните измени во Собранието, свесен за важноста на интеграцијата и достоинствената иднина на Република Македонија, почитуван претседател на Владата ви ја поднесувам мојата оставка од функцијата прв заменик претседател на Владата и министер за политички систем и односи меѓу заедниците, која ве молам да ја активирате во моментот кога опозицијата ќе гласа за предложените измени во Собранието и истите ќе стапат во сила.

Се чувствувам горд и почестен од дадената доверба од страна на лидерот Али Ахмети, ДУИ и граѓаните како и вашата доверба за да бидам дел од реформскиот и интегриран владин кабинет и да им служам на нашите граѓани. Со почит Артан Груби- стои во оставката.

The post Груби божем си поднесе оставка appeared first on Република.

Оставките на ДУИ не треба да се гледаат сериозно. Постапките немаат суштина и тие велат оставките ќе важеле кога опозицијата ќе гласала за уставните измени. Оставките тогаш ќе биле ефективни. Формално такво нешто не постои, рече Христијан Мицкоски, лидер на ВМРО-ДПМНЕ на гостувањето во вчерашната емисија „Заспиј ако можеш“ на Алфа.

Мицкоски укажа дека Димитар Ковачевски имал две понуди, важење на уставните измени кога Македонија ќе стане земја членка на ЕУ и распуштање на Парламентот барање на гаранции.

„Ние рековме единствена опција се избори и по неколку недели нападнати од афери за криминал, корупција, немање реформи, анкети од кои јасно се гледа дека и ДУИ губи супстанца, СДСМ одамна ја изгубено“, кажа Мицкоски.

Кај ДУИ посебно е важно колку помал број пратеници да освои ВМРО-ДПМНЕ пратеници, посочи Мицкоски и додаде – „и да не може да направи влада без ДУИ“.

„Во таа ситуација СДСМ е неупотреблив, затоа се обидуваат со т.н. политички партии кои се опозиција на опозицијата да го напаѓаат ВМРО-ДПМНЕ. Нив целта им е да го намалат потенцијалот на ВМРО-ДПМНЕ“, рече Мицкоски.

Мицкоски заклучи дека ставот е јасен, уставни измени нема да има, изборите се единствено решение.

https://republika.mk/vesti/makedonija/mitskoski-ostavkite-na-dui-ne-se-poteg-samo-defokus-od-audi-to-soravija-imotite-vo-zapadna-makedonija/

The post Мицкоски: На оставките на ДУИ не треба да се гледа сериозно appeared first on Република.

Планот на власта е да дојдат до редовни избори односно како уште неколку месеци повеќе да останат на позицииите каде што, да можат да испокрадат уште малку од тоа што може да се испокраде и тоа е суштината. План таму не постои друг, бидејќи сето она што гледаме што се случува на дневно ниво е токму тоа ден за ден да се купи, да се направи нешто со кое што уште некој месец ќе премостат до редовните избори, изјави претседателот на ВМРО-ДПМНЕ, Христијан Мицкоски во своето гостување во емисијата „Заспиј ако можеш“.

Во врска со поднесување на оставките од страна министрите од ДУИ, Мицкоски потенцираше дека тоа е политички маневар за да се дефокусира јавноста од скандалот со Соравиа, со аудито и слично.

Многумина тоа го нарекоа потег, но јас се чудам зошто во суштина се придава значање на нешто кое во најмала рака не е ништо, зошто тоа нешто не е ништо. Денеска слушнавме од Бујар Османи дека тие утре лично ќе ги потпишале оставките со одложено дејство и ќе ги ставеле на маса кај мандатарот, кај премиерот Димитар Ковачевски. Такво нешто правото, процедурите не познаваат, таква методологија, таков начин на поднесување нити пак правото, ниту пак процедурите во Македонија согласно тоа кое што се прописи, закони и процедури не познава. Ова е чисто некој политички маневар за да се дефокусираме, да не збориме сега за аудито, за Соравија, да не збориме за имот по западна Македонија и така натаму, а од друга страна еве направиме нешто кое што нас ке ни купи уште некој ден повеќе па потоа ќе има нешто друго и така натаму, рече Мицкоски.

На крај претседателот Мицкоски порача дека потегот од ВМРО-ДПМНЕ ќе го видат на 18 август.

The post Мицкоски: „Оставките“ на ДУИ не се потег, само дефокус од „ауди“-то, „Соравија“, имотите во Западна Македонија… appeared first on Република.

Се работи за тн. оставки или симулација на оставки, бидејќи Уставот е јасен секој министер може да поднесе оставка и преку премиерот истата се дсотавува до претседателот на Собранието, а тој веднаш и ги доставува до пратениците и на следната седница се констатираат оставките, рече професорката Гордана Силјановска Давкова, пратеник од ВМРО-ДПМНЕ на вечерашното гостување на Вести плус што се емитува на телевизија Канал 5, а коментирајќи ги како што велат од ДУИ условените оставки на нивните министри, кои би се ефектуирале доколку ВМРО-ДПМНЕ гласа за промена на Уставот.

Според неа нивниот чекор е само „политички маневар“.

Силјановска се осврна и на тоа што значи Бугарија да има нови барања по промената на Уставот на Македонија.

Преговорите во рамки на тн. историска комисјиа се непресушен извор на барања истото е и во рамки на поглавјата, бидејќи во протоколите ќе дојде израз договореното или не договореното. Значи господар на прстените е Бугарија, кажа Силјановска.

Прво ќе се прашаат граѓаните дали да се менува Уставот и да се внесат Бугарите, вели Силјановска и додава „јасно е дека ги претставуваме граѓаните, на изборите ќе побараме да кажат што мислат за овие уставни измени, преамбулата не е место каде се гарантираат правата нашиот Устав им гарантира права на сите во член од истиот.“

Според професорката во Македонија не треба да се зборува за дискриминација по етничка основа.

Дискриминари се оние кои плаќаат или не плаќаат струја. Во Македонија се дикриминари граѓаните како поединци. Крајно време е да го ставиме акцентот на стручнот и компетентност и сите ќе останат тука никој нема да си оди од Македонија, вели Силјановска.

На Македонија, укажува таа, најмногу и е важно владеењето на правото.

Во сите устави има други во смисла на народи, и кај нас во Уставот има дел кој вели и правата на други и тука се сите и правата им се заштитени со член 48 и амандман 8 од Уставот, кажа Силјановска.

The post Силјановска Давкова: Оставките на министрите на ДУИ се само политички маневар appeared first on Република.

Понудените оставки на министрите на ДУИ се чист блеф, коментираат познавачите на случувањата во оваа партија. Доколку тие имаат чесна намера да си поднесат оставки тоа ќе го направеа во единственото можно место а тоа е Собранието.

Јасно е дека функционерите избрани од Собранието можат да поднесат оставки само до Собранието а не до својот вистински шеф Али Ахмети или до т.н премиер Ковачевски.

На сличен начин размислува и опозицијата. Од ВМРО-ДПМНЕ велат дека е добро ДУИ почнале да се подготвува за падот на оваа влада. Оттаму бараат оставките кои ги поднесоа нека ги активираат и да се оди на брзи избори.

Ги охрабруваме министрите, посебно овие од ДУИ кои депонираа оставки, да се охрабрат уште малку и да ги активираат. Убаво ќе биде да се соочат со народот поскоро и да видат што мисли тој за нивната работа-велат од ВМРО-ДПМНЕ.

The post Оставките се депонираат таму каде што им е местото- во Собрание, сѐ друго е чист блеф appeared first on Република.

Од ВМРО-ДПМНЕ денеска за ТВ21 одговорија на оставките од министрите на ДУИ во Владата.

Тие велат дека е добро што ДУИ по 20 години власт е подготвена да замине во опозиција од каде ќе може да одговараат за криминалот и да ја докажуваат својата невиност.

„Откако ДУИ го направи првиот чекор, си поднесоа оставки, сега само тие да бидат неотповикливи и да одиме на брзи избори, бидејќи се друго е одолговлекување и играње играчки на грбот на државата и иднината на граѓаните.“, велат од ВМРО-ДПМНЕ.

The post ВМРО-ДПМНЕ: Добро што ДУИ по 20 години власт е подготвена да замине во опозиција од каде ќе може да одговараат за криминалот appeared first on Република.