Значењето на денешниот празник е можност да ја осознаеме безвременска порака дека во природата на луѓето е шансата да се биде подобра личност, изјави претседателот на Владата на Република Македонија, Димитар Ковачевски, кој заедно со министерот за внатрешни работи, Оливер Спасовски денеска присуствуваше на одбележувањето на големиот христијански празник, Богојавление – Водици, во Скопје.

Премиерот Ковачевски на присутните граѓани им го честиташе денешниот празник и му честиташе и на момчето кое го фати крстот, со верба дека ќе му донесе среќа.

-Богојавление е голем празник. Денес бевме присутни тука во Скопје, на реката Вардар каде што архиепископот македонски ги освети водите на Вардар, меѓутоа во сите градови низ државата ова е една традиција која секогаш не потсетува дека треба да имаме верба во заеднички живот, да веруваме во мир, во соживот. Во тој дух сакам да го честитам празникот на сите наши граѓани и да посакам успешна година, среќен празник, на сите оние кои слават именден да им честитам именден, изјави Ковачевски по церемонијата на осветувањето на водите на реката Вардар и положување на светиот крст.

The post Ковачевски: Водици е традиција што секогаш не потсетува дека треба да имаме верба во заеднички живот, да веруваме во мир и соживот appeared first on Република.

Премиерот Димитар Ковачевски размислува да си поднесе оставка од премиерската функција, дознава „Република“ од извори во СДСМ.

Како што брифираат на „Бихаќка“, неуспехот на лидерската средба делувал разочарувачки за премиерот и тој се посериозно размислува за оставка.

Нашите информации говорат дека е можно Ковачевски оставката до Собранието да ја достави веќе утре иако се наоѓа под притисок од најтесното раководство на партијата тоа да не го стори и по секоја цена да се истурка мандатот бидејќи се свесни дека по избрите одат во опозиција.

Ова не е прв пат Ковачевски да се заканува со оставка. Тоа го најавил и пред еден месец кога рекол дека му е преку глава од се и дeка ќе се сели во САД.Во намерата во последен момент бил спречен од спикерот во Собранието Џафери.

Покрај од своите, популарниот Таче има притисок од ДУИ која го има главниот збор во Владата да не дава оставка бидејќи тоа значи сигурно заминување на партијата од Мала Речица во опозиција.

Иако партијата на Груби декларативно и без многу мислење прифатија да излезат од Владата ако ВМРО-ДПМНЕ влезе во неа со цел да се изгласааат уставните избори, се чини дека на ДУИ не им се напушта власта.

Губењето на министерските места за ДУИ би била најмалата штета која би ја претрпеле по излегувањето од власта.

Toа повлекува и разрешување на сите директори, заменици, и разни џаболебари на кои единствена квалификација им е членската книшка од ДУИ.

Покрај тоа, со излегувањето од власта нема да се исполни ветувањето кое им го даде најпрво Заев а а потоа и Ковачевски за премиер Албанец во последните 100 дена од Владата.

Згора на тоа, со паѓањето од власт, Груби и компанија ќе мораат да се соочат и со „Огнените“ кои едвај чекаат функионерите на ДУИ да бидат развластени и да се соочат со своите гласачи кои не им се баш наклонети.

The post Врие во власта по лидерската средба: Koвачевски поднесува оставка? appeared first on Република.