На 14 февруари 2024 година Електрани на Македонија, склучува криминален договор, од речиси 2 милиони евра, секако со омилениот бизнис партнер на власта, Борче Марковски, инаку почесен конзул на Белорусија во Република Македонија. Овој тендер се однесува на специјализирани браварско-заварувачки работи, за дислокација на погонски станици од рудникот во Осломеј во рудникот во Битола. Истиот има само една понуда и проценетата вредност до денар одговара на понудената вредност. Односно, 106 милиони и 200 илјади денари е проценета вредност, 106 милиони и 200 илјади денари е понудата и има само еден понудувач, а тоа е Марковски. Очигледно Марковски има супер моќи и од една милионска цифра, точно до денар ја погодиле суматa - обвинува ВМРО-ДПМНЕ.

Во соопштението кое утрово е испратено стои дека истата компанија Марковски, од 2021 до денес, има добиено преку 163 милиони евра во тендери од Електрани на Македонија. Целта на раководството на Електрани на Македонија е да ја затвори оваа термоелектрана и на тој начин илјадници луѓе од Кичево и кичевско да ja изгубат сопствената работа.

Ова е чист грабеж на буџетот и граѓаните. ЈО мора да реагира веднаш, а не да молчи при очигледен криминал.

За сите инволвирани во овој случај ќе има одговорност за неколку месеци, граѓаните да бидат сигурни, дека одговорноста и правдата нема да изостане.

Никогаш не било полошо! Важно е да ги поразиме! - велат од ВМРО-ДПМНЕ

The post Раководството на ЕСМ сака да ја затвори термоелектраната Осломеј преку криминални договори, илјадници луѓе ќе изгубат работа appeared first on Република.

РЕК Битола и РЕК Осломеј заедно имаат инсталиран производствен капацитет од 810 мегавати. Тој капацитет не е искористен, ниту половично. Имено на 24 октомври според јавно достапни информации, а кои ги објавија и медиумите се гледа дека во функција биле 361 мегавати, односно 44,6% од инсталираниот капацитет. И во такви слаби услови, термоелектеаните произвеле над 70% од домашната струја, вели ВМРО-ДПМНЕ

На 24 октомври се произвеле вкупно 11.000 мегават часови струја, од сите енергетски капацитети, а потрошени се 13.000 мегавати. Што значи дека се увезени 2.000 мегавати.

Со целосно искористување на капацитетот на РЕК Битола и РЕК Осломеј, што ќе беше можно доколку навремено се копаше јаглен, и доколку беа целосно оперативни блоковите, само од термоелектраните ќе се произведеше близу 19.000 мегават часови струја. Но и под претпоставка истите да работеа со 70% од капацитетот, ќе се задоволеа потребите на државата, а останата струја од другите извори ќе можеше да се извезе и ЕЛЕМ ќе бележеше профит.

Со 70% искористеност на РЕК Битола и Осломеј, се што би произвел ТЕЦ Неготино ќе се извезеше, а дополнителни количини ќе имаше и од хидроакумулациите и ветерниот парк Богданци, струја која е поефтина и би се искористила за домашна употреба, а таа од термоелектраните би можела да се продава.

Со правилно оптимизирање, ЕЛЕМ во изминатиов период ќе можеше да врши извоз на струја од над милион евра дневно. А за увоз воопшто немаше да се зборува.

СДС не знае да менаџира со енергетските капацитети, затоа и граѓаните и бизнисот плаќаат скапа струја“, се вели во соопштението.

The post ВМРО-ДПМНЕ: РЕК Битола и Осломеј работат со половичен капацитет, власта лаже кога вели дека не се увезува струја appeared first on Република.

За тоа дека ќе нема да се затвораат Осломеј и РЕК Битола, премиерот очигледно не ја говори вистина, рече лидерот на ВМРО-ДПМНЕ, Христијан Мицкоски одговарајќи на новинарско прашање поставено пред неговото учеството на настанот насловен како Политички дијалог на ЕПП - партиите од регионот.

„Ковачевски не ја говори вистината или го нема прочитано предлог законот. Ако го прочита предлог законот кој е доставен во парламентот, а се однесува на ликвидноста на ЕСМ поранешно ЕЛЕМ јасно ќе забележи дека станува збор за услов за да се добијат тие пари. А тоа значи затворање на Осломеј до 2023 година и затворање на РЕК Битола до 2027 година“, вели Мицкоски.

Според него тоа е егзактна работа и тоа не е предмет на дебата и филозофија.

„Ако го прочитате законот јасно кажува дека за да биде ефектуиран тој заем од 100 милиони евра се бара затворање на овие два производни капацитети и интегрирање на македонскиот пазар прво со грчкиот во четвртиот квартал во 2022 година, а во 2023 година и со бугарскиот. Или јас тоа би го нарекол енергетска анексија на Македонија', заклучи Мицкоски.

The post Мицкоски: За да го земе Владата заемот за ЕЛЕМ треба да се затворат РЕК Битола и Осломеј и да се интегрира Македонија со грчкиот пазар, тоа е енергетска анексија appeared first on Република.

Тест-проба на 10-мегаватната фотонапонска централа „Осломеј 1“ беше извршена денеска, а со тоа  беше одбележано завршувањето на градба на фотонапонската електрана. На настанот присуствуваа и премиерот Димитар Ковачевски, министерот за економија Крешник Бектеши и директорот на ЕСМ Васко Ковачевски, вицепремиерот Артан Груби и лидери на политички партии.

Во обраќањето премиерот Ковачевски нагласи дека овој капацитет е прв во земјава од кој ќе се добива чиста енергија. Се работи, додаде тој, за капацитет од 10 мегавати, а ќе може да ги задоволи потребите на 2.800 домаќинства во земјава.

Ова е прв капацитет во Југоисточна Европа кој произведува чиста енергија. Покрај производството на електрична енергија при изградбата на овие фотонапонски централи вршиме и рекултивизација на земјиштето што е од огромно значење. Првата соларна фотонапонска централа е изградена со кредит од ЕБОР во износ од 7 милиони евра, истакна Ковачевски.

Според него, тест-пробата што се врши денеска и  скорешно официјално пуштање во употреба на фотонапонската централа,  за земјава значи движење кон производство на чиста енергија што е и заложба на ЕУ.

Дополнително, рече премиерот, ЕСМ работи на нова студија за уште една електрана со капацитет од 10 мегавати, а потпишани се договори за изградба на уште две фотонапонски електрани, со што, како што истакна, Осломеј од јаглен целосно ќе помине на користење обновливи извори на енергија.

Премиерот најави дека наскоро ќе се пристапи и кон изградба на хидроцентралата „Чебрен“ што ќе биде уште еден капацитет кој ќе ни овозможи производство на електрична енергија од обновливи извори.

Претходно денеска избувна пожар во трансформаторска станица што е дел од новоизградената соларна електрана.

https://republika.mk/vesti/crna-hronika/gori-trafostanica-vo-novoizgradenata-solarna-elektrana-oslomej-kovachevski-deneska-trebashe-da-ja-poseti/

The post И покрај пожарот се одржа тест за работата на новата фотонапонска централа „Осломеј 1“ appeared first on Република.

Претпладнево избувна пожар во трансформаторска станица што е дел од новоизградената соларна електрана на поранешниот рудник за јаглен „Осломеј“.

Пожарот е изгаснат, а од компанијата истакнаа дека се работи за пробна работа и оти се можни вакви дефекти.

Инаку, премиерот Димитар Ковачевски, министерот за економија Крешник Бектеши и директорот на ЕСМ Васко Ковачевски денеска треба присуствуваат на настан за одбележување на завршувањето на градба на фотонапонската електрана „Осломеј 1-10MW“ со тест период на целосно монтирана опрема.

The post Гори трафостаница во новоизградената соларна електрана „Осломеј“, Ковачевски денеска требаше да ја посети appeared first on Република.