На петтиот ден од палестинско-израелската војна, милитантите на Хамас ги ослободија првите затвореници од Газа.

Како што јавуваат израелските медиумит, на објавеното видео од случувањето се гледа како ослободените една жена и две мали деца поминуваат низ безбедносниот кордон и се пречекани од војници на израелската армија.

Врз основа на претходно објавените изјави од Палестина, во Газа има повеќе од 100 израелски заробеници.

The post Хамас ги ослободи првите заложници: Спасени се жена и две деца appeared first on Република.

Повеќе од 700 затвореници се ослободени во Иран по неодамнешната победа на иранската фудбалска репрезентација против Велс на Светското првенство во Катар, соопштија денеска иранските власти.

По поразот од Англија со 6:2, Иран во петокот го победи Велс со 2:0, а утре игра против САД.

Иранските правосудни власти ослободија 709 затвореници од различни затвори низ земјата по победата во натпреварот против Велс.

Меѓу нив има „некои лица кои беа уапсени за време на неодамнешните настани“, додаваат правосудните органи без да наведат дополнителни детали.

Под „настани“ тамошните власти ги подразбираат демонстрациите што го потресуваат Иран од 16 септември, кога младата Иранка Махса Амини почина во затворската болница, уапсена поради носење „несоодветна облека“ и кршење на строгиот кодекс за облекување на жените.

Иранските власти, кои ги означуваат демонстрациите како немири во земјата, конкретно ги обвинуваат странските сили дека стојат зад протестното движење со цел дестабилизација на земјата.

The post Ослободени повеќе од 700 затвореници во Иран по победата на фудбалерите во Катар appeared first on Република.

Владата на денешната 64-та седница, на предлог на Министерството за здравство, ја измени Одлуката во врска со препораките поврзани со високите временски температури, со што препораката за ослободување од работни обврски на ранливите групи граѓани, меѓу кои и бремените жени и лицата над 60 години, се продолжува да важи во периодот до 27 јули.

Според добиените информации од Управата за хидрометеоролошки работи, дека во државава, високи температури се очекуваат и во деновите по 24 јули, Владата донесе одлука за измена на заклучокот од претходната седница, којшто се однесуваше на ослободување одредени категории лица од работни обврски од 21 до 24 јули 2022 година, со тоа што овој рок е продолжен до 27 јули 2022 година. Препораката за ослободување од работни обврски во периодот до 27 јули се однесува на ранливите групи граѓани, меѓу кои и бремените жени и лицата над 60 години, информира владината Прес-служба.

Како што се посочува во соопштението од оваа одлука, согласно насоките на Народниот правобранител, се изземаат хронично болните лица.

Другите мерки за заштита на граѓаните од топлото време, донесени на 63 владина седница остануваат на важност, се додава во соопштението.

The post До 27 јули продолжена препораката трудниците и лицата над 60 години да не одат на работа appeared first on Република.