Трамвај удри во продавница во центарот на Осло, при што четири лица се повредени. Полицијата соопшти дека на сите им била укажана помош на местото на настанот, но никој не е сериозно повреден.

Трамвајот, во кој во моментот на несреќата имало 20 патници, во вторникот наутро удрил во продавница во центарот на норвешката престолнина, а меѓу повредените е и возачот, пишува Скај Њуз.

Зградата е евакуирана и ќе се проверува дали има потенцијални структурни оштетувања, соопшти полицијата.

The post Tрамвај удри во продавница во центарот на Осло appeared first on Република.

Во Осло главниот град на Норвешка, изминатата ноќ темпетратурата се спушти под минус 30 степени, што е историски минумум отакако се вршат метереолошки мерења.

Минус 31,1 степени Целзиусови се забележани во Бјорнхолт во северниот дел на главниот град, соопшти Норвешкиот метеоролошки институт. Минусниот рекорд е регистриран ноќеска меѓу 3 и 4 часот по локално време на шумска метеоролошка станица, каде што највисоката температура во последните 24 часа била минус 21,9 степени.

Во центарот на Осло во текот на ноќта се измерени минус 21,5 степени.

Северна Европа веќе неколку дена е зафатена од студ и ниски температури. Рекордни минус 43,6 степени Целзиусови во средата беа измерени на северот на Шведска, што е најниска температура забележана таму во последните 25 години.

The post Во Осло измерени рекордни минус 31,1 степени Целзиусови appeared first on Република.

Двајца професори се прободени со нож денеска во зградата на Универзитетот во Осло, соопшти норвешката полиција, која уапсила студент осомничен за нападот.

Околностите и причините за нападот се уште се нејасни. „По дојавата за можен напад со ладно оружје, полицијата „ја презеде контролата над насилникот и двете жртви.

Веројатно се работи за професорите и нивните студенти“, изјави шефот на операцијата Кристијан Бјоерберг на прес-конференција. На местото на настанот се запленети два ножа.

Раководителот на Итната медицинска помош изјави дека едниот повреден е во „критична состојба“ и дека е примен во болница. Другиот е полесно повреден.

Инцидентот, кој е многу редок во Норвешка, се случил во зградата на Институтот за труд, кој е во рамки на Универзитетот во Осло.

The post Двајца професори во Осло прободени со нож, уапсен студент appeared first on Република.

На Меѓународниот аеродром во Скопје денеска пристигна првиот авион на норвешката авиокомпанија „Norwegian“ која ќе сообраќа двапати неделно.

Оваа авиолинија ќе биде сезонска, а авионите ќе сообраќаат секој понеделник и петок.

Патниците од Осло на скопскиот аеродром ги пречекаа министерот за транспорт и врски Благој Бочварски генералниот директор на ТАВ Македонија, Неџат Курт

The post На скопскиот аеродром слета првиот авион од Осло appeared first on Република.

Шведската активистка за проблемите со климата, Грета Тунберг, и десетици други активисти утринава го блокираа влезот на Министерството за енергетика на Норвешка, протестирајќи против ветерните турбини изградени на земјиште што традиционално го користи домородното население Сами.

Норвешкиот Врховен суд пред две години пресуди дека двете турбини на ветер, гледано од перспектива на меѓународните конвенции, ги прекршиле правата на народот Сами, но турбините продолжија да работат во следните 16 месеци.

-Тука сум да ја поддржам борбата за човекови права, како и правата на домородните луѓе, изјави Тунберг за британските медиуми, додека седеше пред главниот влез на министерството со другите демонстранти.

Таа оцени дека државата Норвешка ги крши човековите права, дека тоа е апсолутно неприфатливо и дека е потребна солидарност во оваа борба.

Чуварите на ирваси од оваа нордиска земја велат дека самата појава и бучава на големите турбини на ветер ги плаши нивните животни и ја нарушува вековната традиција. Тие бараат да се исклучат турбините на ветер.

Норвешката Влада соопшти дека крајната судбина на турбините на ветер е сложена правна и политичка загатка, и покрај одлуката на Врховниот суд, додавајќи дека се надеваат дека ќе постигнат компромис.

The post Грета Тунберг и десетици активисти го блокираа влезот во Министерството за енергетика во Осло appeared first on Република.

Норвешката разузнавачка служба ПСТ, задолжена за борба против тероризмот, објави дека го водат како чин на исламски тероризам пукањето во кое без убиени две лица, а кое се случи синоќа во геј бар во Осло.

Осомничениот е уапсен веднаш по нападот во кој две лица загинаа, а 21 се повредени. Тој има долга историја на насилство и закани, а ПСТ го следи од 2015 година поради „загриженост за негова радикализација“ и припадност „на мрежа на исламски тероризам“, кажа шефот на разузнавачката служба Рогер Берг на прес-конференција.

Полицијата претходно соопшти дека станува збор за 42-годишен државјанин на Норвешка со иранско потекло познат на полицијата, но за помали кривични дела. Според Берг, разузнавачките служби го испрашувале минатиот месец но оцениле дека нема насилни намери.

ПСТ е исто така запознаен со проблемите поврзани со неговото ментално здравје. Нападот се случи во ноќниот клуб Лондон паб во центарот на градот, а пукање имало и на други места во околина.

Граѓани кои се затекнале на местото на нападот помогнале во фаќањето на напаѓачот, за што полицијата им се заблагодари.

Полицијата го пребарала станот на напаѓачот, а запленети се две парчиња огнено оружје користени во нападот. Сè укажува дека напаѓачот дејствувал сам, кажа полицијата, а претходно бил повеќе месеци во затвор за кривични дела поврзани со дрога.

Разузнавачките служби поради нападот во Осло го кренаа нивото на терористичка закана во земјата.

The post Норвешки разузнавачи: Пукањето во Осло е чин на исламски тероризам appeared first on Република.

Две лица загинале, а неколкумина се повредени при напад со огнено оружје пред геј клуб во главниот град на Норвешка, Осло.

Српски „Блиц“ пренесува сведоштво на Србин, кој бил сведок на немилото случување.

Во Осло сум, утре е Прајд овде. Пред малку дошол маж пред најпопуларниот геј бар и почнал да пука, потврдено е дека две лица се мртви. Засега велат дека се двајца загинати и десет повредени, многумина тешко повредени.

 

Сите сме живи од Србија. Седам до еден од локалните организатори додека ги повикува другите гости од странство да провери дали се живи… Страшно чувство… Полицијата се уште не дала изјави за мотивот на осомничениот, но препорача Осло Прајд и сите други настани денеска да бидат откажани - вели Марко Михаиловиќ, кој се наоѓа во Осло.

На социјалните мрежи се појави и видео од моментите на пукањето.

https://www.youtube.com/watch?v=iHKSgow5kXE&feature=emb_title

Престрелката во Осло се истражува како криминален акт на тероризам, изјави за „Ројтерс“ портпаролот на градската полиција.

https://republika.mk/vesti/svet/dvajca-zaginati-i-19-povredeni-pri-pukanje-vo-gej-klub-vo-oslo/

The post Србин сведок на пукањето во Осло: Седам покрај организаторот, проверува дали другите гости од странство се живи appeared first on Република.

Две лица се убиени во пукање во ноќен клуб во норвешкиот главен град Осло.

Полицијата на Твитер објави дека уште неколку лица се повредени, а еден осомничен е приведен набргу по пукањето во близина на местото на настанот.

Сите индиции укажуваат на осамен сторител. Три лица се тешко повредени, а на 19 им била укажана лекарска помош - изјави полицискиот портпарол Торе Барстад.

Локалните медиуми јавија за најмалку три места на злосторство.

Нема информации за потенцијалниот мотив, но инцидентот првично не e класифициран како терористички. Полицијата не даде информации за возраста или идентитетот на уапсениот.

Нападот се случил во ноќниот клуб „Лондон паб“, популарен геј клуб во Осло, објави весникот Афтенпостен.

Весникот пишува дека цивили и помогнале на полицијата да го уапси осомничениот.

The post Двајца загинати и 19 повредени при пукање во геј клуб во Осло appeared first on Република.