Во пресрет на 96. доделување на наградите Оскар, во Националната опера и балет синоќа се одржа првата Оскаровска гала вечер. Присутните може да уживаат во несекојдневен настан на кој најубавите филмски песни наградени со Оскар беа изведени од врвни поп и оперски пејачи во придружба на оркестарот на Национална опера и балет и Националниот џез оркестар.

На незаборавно филмско – музичко патување  не поведе Миланка Рашиќ,  долгогодишен коментатор на Оскаровскиот пренос, која со мошне интересни факти за оригиналните изведувачи, автори на песните, но и за самите филмови, пред настапот на уметниците ја воведуваше публиката во она што следува.

Балетска солистичка двојка од Национална опера и балет Ендру Кук (Англија) и Саша Евтимова Танцова двојка од ТСК Ритам плус, Андреј Димоски и Ангела Спировска со својот настап го збогатија ова искуство, а во манир на најблескавата филмска ноќ, настанот почна со Црвен тепих на кој во свечени тоалети можеа да се забележат бројни љубители на филмската и музичката уметност.

Гламурозната прослава на филмската магија и песни кои низ годините станаа големи светски хитови и се дел од историјата на седмата уметност ни ја доближаа маестра Бисера Чадловска, солисти и оркестарот на Национална опера и балет и Националниот џез оркестарот.

Прекрасните изведби на хитовите неколкупати беа наградувани со стоечки овации и аплауз.

1. Moon river – Горан Наумовски
2. Parla piu piano – Тамара Раѓеновиќ (Црна Гора / Англија)
3. Imperial march (Star Wars) – John Williams – Оркестар
4. Endless love – Ана Петановска и Христијан Тоневски
5. Up where we belong – Ана Петановска и Христијан Тоневски
6. Take my breath away – Ана Мицковска
7. Purple rain – Ана Петановска
8. What a feeling – Андријана Јаневска
9. Footloose – Даниел Данн
10. I’ve had the time of my life – Маја Гроздановска Панчева и Горан Наумовски
11. Everything I do, I do it for you – Денис Димоски
12. I have nothing – Ана Петановска
13. Beautiful Maria – Горан Наумовски
14. My heart will go on – Наде Талевска
15. Can you feel the love tonight – Денис Димоски
16. Listen – Наде Талевска
17. Writing’s on the wall – Христијан Тоневски
18. Happy – Ана Петановска и Христијан Тоневски
19. Skyfall – Весна Ѓиновска Илкова
20. Bring him home – Игор Дурловски
21. Shallow – Игор Дурловски и Наде Талевска

Настанот се одржа во режија на Дејан Прошев.Концерт мајстор е Верица Ламбевска, светло мајстор е Милчо Александров. Идејата за проектот е на Миланка Рашиќ, Горан Наумовски, кореограф од Национална опера и балет- Саша Евтимова, ТСК Ритам плус -Иван Ангелковски, инспициенти Љупчо Полизов, Драган Косатадиновиќ, Марко Павлевски и музичка архива Јорданчо Теодосиевски, Игор Шоклевски.

The post Гламурозна прослава на филмската магија и песни кои низ годините станаа хитови и се дел од историјата на седмата уметност appeared first on Република.

Во пресрет на 96. доделување на филмските награди „Оскар“, во Националната опера и балет вечерва, на 28 февруари во 20 часот ќе се одржи првата Оскаровска гала вечер. Најубавите филмски песни наградени со „Оскар“ ќе бидат изведени од врвни поп и оперски пејачи во придружба на оркестарот на Национална опера и балет и Националниот џез оркестар.

Диригент е Бисера Чадловска, а настанот е во режија на Дејан Прошев. Водителка ќе биде Миланка Рашиќ. Настанот ќе започне со црвен тепих во 19.30 часот.

Дел од учесниците кои ќе настапат на сцената на Националната опера и балет се Весна Ѓиновска-Илкова, Наде Талевска, Андријана Јаневска, Маја Гроздановска Панчева, Ана Петановска, Ана Мицковска, Тамара Раѓеновиќ (Црна Гора / Англија), Игор Дурловски, Горан Наумовски, Даниел Данн, Христијан Тоневски, Денис Димоски.

Балетска солистичка двојка е од Национална опера и балет Ендру Кук (Англија) и Саша Евтимова.

Танцова двојка од ТСК Ритам плус се Андреј Димоски и Ангела Спировска.

The post Оскаровска гала вечер со црвен тепих во НОБ appeared first on Република.

Во пресрет на 96. доделување на филмските награди „Оскар“, во Националната опера и балет задутре (28 февруари) во 20 часот ќе се одржи првата Оскаровска гала вечер. Најубавите филмски песни наградени со „Оскар“ ќе бидат изведени од врвни поп и оперски пејачи во придружба на оркестарот на Национална опера и балет и Националниот џез оркестар.

Диригент е Бисера Чадловска, а настанот е во режија на Дејан Прошев. Водителка ќе биде Миланка Рашиќ. Настанот ќе започне со црвен тепих во 19.30 часот.

The post Филмски песни наградени со „Оскар“ ќе бидат изведени на Оскаровската вечер во Национална опера и балет appeared first on Република.