Основното јавно обвинителство Скопје информира дека повело истрага против 33-годишник, македонски државјанин за извршено убиство во Ханиоти.

Основното јавно обвинителство Скопје донесе Наредба за спроведување истражна постапка против едно лице за кривично дело кое во македонскиот Кривичен законик е предвидено како - Убиство од член 123 став 2 точка 3 во врска со став 1 и член 22, како и за Неовластено изработување, држење, посредување и тргување со оружје и експлозивни материи според член 396 став 3, велат од ОЈО.

Како што посочуваат од Јавното обвинителство, осомничениот 33-годишник на 15 јули 2023 година, во Ханиоти, Република Грција, заедно со уште едно засега непознато лице, со умисла го лишиле од живот сега покојниот Орхан Бајрами, а ги довеле во опасност и животите на уште четири лица.

По претходен договор, осомничениот и неговиот соизвршител маскирани пристигнале во туристичкиот комплекс каде била сместена жртвата и се приближиле до отворената задна балконска врата. Осомничениот од огнено оружје – пиштол „Црвена застава“ со калибар 7,65 мм со пригушувач испукал 11 куршуми, а неговиот соучесник со пиштол од ист калибар уште 8 куршуми во правец кон оштетените. Од куршумите, три завршиле во телото на сега починатиот, нанесувајќи му смртоносни повреди. Грчките истражни органи имаа издадено налог за апсење на осомничениот, како и Европски налог за апсење и меѓународна потерница поради сомненија за кривични дела – Намерно убиство со соучесништво и Обид за сериско и соучесничко убиство на територијата на Република Грција, велат од Обвинителство.

Како што наведуваат од ОЈО, со оглед на тоа што станува збор за македонски државјанин за кого не постои можност за екстрадиција, врз основа на инструментите за меѓународна правна соработка, грчките власти го отстапиле кривичното гонење на Основното јавно обвинителство Скопје.

Јавниот обвинител до Основниот кривичен суд во Скопје доставил предлог за определување мерка притвор за осомничениот.

The post Во Оки испукал 11 куршуми: ОЈО поведе истрага против македонски државјанин за убиство на Орхан Бајрами во Ханиоти appeared first on Република.

Бедри Зекири, еден од водачите на нарко групата „Барон“ минатата година се најде на списокот на помилувани лица од страна на претседателот Стево Пендаровски.

https://republika.mk/vesti/makedonija/pendarovski-pomiluva-eden-od-skopskite-dileri-na-droga/

Комисијата за помилување која е под директна надлежност на шефот на државата одлучила да му ја намали казната на Зекири и покрај негативното мислење на Министерстото за правда.

Со ова на Зекири казната му е намалена за шест месеци а во затвор ќе остане до 2027 година.

Нарко групата Барон на Зекири деновиве е во центарот на вниманието откако кај скопско Блаце беше убиен Зелкиф Туша.

[caption id="attachment_751085" align="alignnone" width="633"] фото Код[/caption]

Зелкиф е татко на Ганиф пак кој е осомничен дека во Грција го убил Орхан Бајрами-Оки од спротиставениот клан Грчец/Дуканџик.

https://republika.mk/vesti/crna-hronika/kremot-na-kriminaltsite-se-sobira-vo-kafe-bar-baron-vo-chair/

Како одмазда, минатата недела гореше кафе барот „Барон“ во Чаир кое е собирно место на оваа криминална група.

⚠️Друже @SPendarovski си го ставил на листата за помилување еден од лидерите на нарко картелот БАРОН 🤦‍♂️🤦‍♂️🤦‍♂️

Овој нарко картел е директно одговорен за пушкарањето по Скопје, а да не збориме што го преплавуваат градот со дрога 🤦‍♂️🤦‍♂️🤦‍♂️ pic.twitter.com/TqcXsasp8m

— MITE NAJDOFF (@Kalabalak_) March 4, 2024

Емисијата „Код“ објави помилуваниот Зекири си го променил дури и презимето.Претходно се презивал Бериша.

The post Пендаровски го помилувал водачот на „Барон“ – нарко кланот што се пушкара низ Скопје appeared first on Република.

Дали СДС си ги чита срамните соопштенија пред да ги пушти, или ја оставиле партијата на деца кои глумат партија.Убиството кое се случи вчера е продолжение на крвавата нарко пресметка на клановите чии грозоморни убиства започнаа во времето кога Оливер Спасовски беше министер за внатрешни работи, потсетуваат во ВМРО-ДПМНЕ.

https://republika.mk/vesti/makedonija/teloto-na-zastrelaniot-tusha-go-pronashol-negoviot-brat-politsaets-nivnoto-ime-se-naoga-na-dogovori-so-esm/

The post Силата на нарко клановите доаѓа поради фактот што Спасовски, Заев и Ковачевски го ставија МВР на услуга на криминалците appeared first on Република.

Телото на застреланиот Зељќиф Туша кај Блаце го пронашол неговиот брат кој е полицаец вработен во интервентната полиција во МВР, открива „Телма“, додавајќи дека Насер Туша е чичко на притворениот Гани, осомничен за учество во убиствата во Шиша бар и на Халкидики.

Насер Туша пријавил дека околу 18:10 часот го нашол застреланиот брат во близина на скопското село Блаце.

https://republika.mk/vesti/crna-hronika/mvr-potvrdi-z-t-e-pronajden-ubien-vo-avtomobil/

Рано наутро, пак, бил запален и угостителскиот објект „Барон” во Чаир, место кое имаисто име како и криминалната група Барон чиј припадник е притворениот Гани Туша, која е во војна со групата Дуќанџик/Грчец за превласт на скопскиот нарко пазар.

https://republika.mk/vesti/crna-hronika/ushte-edna-presmetka-vo-albanskoto-podzemje-ubien-tatkoto-na-osomnicheniot-za-ubistvoto-na-oki/

Во последното издание на емисијата КОД, презимето Туша се најде и на еден од договорите склучени со ЕСМ за увоз на 150.000 тони јаглен во вредност од 10 милиони евра за потребите на Рек Битола. Исак Туша е сопственик на фирмата Ими коп, а Насер Туша кој работи во МВР е лице за контакт.

The post Телото на застреланиот Зељќиф Туша го пронашол неговиот брат полицаец, нивното име се наоѓа на договори со ЕСМ appeared first on Република.

Едно лице вечерва е убиено со огнено оружје крај локалниот пат од Долно кон Горно Блаце во близина на Скопје.

-Во 18:10 часот во СВР Скопје е пријавено дека во близина на локалниот пат од Долно кон Горно Блаце, Н.Т. го пронашол неговиот брат З.Т. (56) без знаци на живот, со прострелни рани од огнено оружје, потврдуваат од Министерството за внатрешни работи и нагласуваат дека се преземаат мерки за расчистување на случајот.

https://republika.mk/vesti/crna-hronika/ushte-edna-presmetka-vo-albanskoto-podzemje-ubien-tatkoto-na-osomnicheniot-za-ubistvoto-na-oki/

The post МВР потврди: З.Т е пронајден убиен во автомобил appeared first on Република.

Убиство на локалниот пат од Долно кон Горно Блаце било пријавено во СВР Скопје, потврдуваат за Фокус од МВР.

Во 18.10 ч. во СВР Скопје е пријавено дека во близина на локалниот пат од Долно кон Горно Блаце, Н.Т. го пронашол неговиот брат З.Т. (56) без знаци на живот, со прострелни рани од огнено оружје. Се преземаат мерки за расчистување на случајот, велат од МВР.

Според нашите неофицијални и непотврдени информации, убиениот е татко на Гани Туша, осомничен за убиството на Орхан Бајрами Оки, еден од водачите на Дуќанџик, што се случи во Грција.

Туша е осомничен и за други кривични дела и моментално е во притвор во зстворот во Шутка.

The post Уште една пресметка во албанското подземје: Убиен таткото на осомничениот за убиството на Оки?! appeared first on Република.

Пуштен е на слобода Гани Марку, познат за македонската јавност како осомничен на убиствата на Јетон Кривањева - Жила во локалот „Шиша бар“ на Кале, како и на ликвидацијата на Орхан Бајрами – Оки минатото лет во Грција, пренесува „Нетрпрес“, објавувајќи ја одлуката од Кривичниот суд, од којаштојасно се гледа одлуката за укинување на мерката притвор на осомничениот за убиствата Гани Марку.

Одлуката за пуштање на слобода случајно или не доаѓа во период на техничката Влада на премиерот од ДУИ, Талат Џафери.

Орхан Барјами – Оки беше ликвидиран во Грција утрото на 15-ти јули 2023 година на Халкидики, кога две маскирани лица се приближиле до вилата и од огнено оружје пукале во внатрешноста, што резултираше со смртоносна повреда на скопјанецот и уште еден негов придружник. Оки е сметан за еден од главните луѓе на криминалната група позната како „Дуќанџик“. Претходно, во март минатата година, во Скопската стара чаршија беа убиени две лица, за кои се смета дека беа припадници веројатно членови на истата криминална група, меѓу кои и Јетон Кривањева, познат на јавноста како Жила.

Во јануари годинава грчката полиција, првично преку меѓународна а потоа преку европска потерница, побара осомничениот Гани Марку кој тогаш беше во притвор за убиството на македонскиот државјанин на Халкидики, да биде екстрадиран во Грција за да биде изведен пред грчкиот суд.

The post Пуштен на слобода Гани Марку, осомничен за двојното убиство во „Шишa бар“ и ликвидацијата на Оки во Грција appeared first on Република.

Грчката полиција го расчисти убиството што на 15 јули минатата година се случи во вила на Халкидики, кога смртно беше застрелан 39-годишен, а повреден беше 45-годишен, двајцата државјани на Македонија, а сторителот, кој е идентификуван, веќе е во притвор кај нас, осомничен за учество во двојното убиство во март и ќе се бара негова екстрадиција во Грција, јави дописничката на МИА од Атина.

Паралелно, во непосредна близина на убиството бил пронајден пиштолот, како и ракавиците на сторителот.

Од грчката полиција соопштија дека по методична и детална истрага од страна на полициските службеници од Одделот за безбедност во Полигиро, со асистенција на Одделот за кривични дела против животот и личната слобода на Управата за безбедност во Солун, „идентификуван е странски државјанин, кој лани во јули заедно со неговиот соучесник, пукал и смртно ранил странски државјанин, нивен сонародник и повредија уште еден нивни сонародник, кои беа на одмор на Халкидики“.

Истрагата, веднаш по убиството била проширена на поширокото подрачје, што резултирало со откривање на рутата на сторителите при нивното бегство, а на оддалеченост од неколку стотини метри од вилата, во непроодна област, бил пронајден пиштолот со придушувач и шаржер, волнена капа и ракавици со траги од барут.

Од лабораториски испитувања и анализи на наодите, утврдено било дека пиштолот бил користен во конкретното кривично дело.

-Според собраните информации, се чини дека мотивот на кривичното дело е поврзан со ривалство помеѓу две криминални групи кои главно се занимаваат со трговија со дрога и се со седиште во земјата од каде што потекнуваат. Горенаведениот странски државјанин е уапсен и е задржан во притвор во својата земја, како осомничен за негово учество во убиството на две лица, што се случи лани во март во нивната земја. Против него е распишана европска потерница и се преземаат потребните дејствија за негова екстрадиција во нашата земја, соопштија од грчката полиција.

Додаваат дека истрагата продолжува за идентификување останатите соучесници или други инволвирани лица.

Од грчката полиција потсетуваат дека во раните утрински часови на 15 јули 2023 година, на Халкидики, две лица, со скриени лица, се приближиле до вилата и со употреба на огнено оружје пукале во внатрешноста, што резултираше со смртоносна повреда на еден 39-годишен и повреда на 45-годишник, кои во вилата престојуваа со уште тројца нивни сонародници.

Веднаш по убиството, во околината биле пронајдени 19 чаури.

Тогаш, убиен беше Орхан Бајрами – Оки, кој се сметаше за еден од главните водичи на криминалната група „Дуќанџик“, додека пак во март минатата година во скопската чаршија беа убиени две лица, веројатно членови на истата група

The post Со овој пиштол на Халкидики е убиен Оки од Чаир од кланот „Дуќанџик“ appeared first on Република.

Грчката полиција ја откри мафијашката егзекуција на Орхан Бајрами – Оки од Македонија, кој беше убиен на 15 јули 2023 година, додека бил на одмор на Халкидики, пишува euronews.al.

Атентатот го извршила екипа од неколку лица, кои со пиштол „застава“ калибар 7,65 милиметри го застрелале Охран Бајрам, а тешко го раниле неговиот сопатник Сеад Сезловик.

Истрагата покажала дека сторител е Г.Т., роден 1991 година, државјанин на Македонија.Грчките медиуми информираат дека се трага по двајца негови соучесници, исто така државјани на Македонија.

The post Грчката полиција го откри сторителот на убиството на Оки од Чаир извршено на Халкидики appeared first on Република.